Morgunblaðið - 06.02.2006, Blaðsíða 2

2 F MÁNUDAGUR 6. FEBRÚAR 2006 MORGUNBLAÐIÐ
Efnisyfirlit
101 Reykjavík ..................... 52–53
Akkurat ................................ 36–37
Ás .................................................. 39
Ásbyrgi ......................................... 17
Berg ............................................... 51
Borgir .................................... 40–41
Brynjólfur Jónsson ............. 14–15
Búmenn ........................................ 27
Draumahús ......................... 44–45
Eignaborg ..................................... 14
Eignamiðlunin .................... 58–59
Eignaumboðið ............................ 27
Eignaval ........................................ 19
Eik ................................................. 43
Fasteign.is ........................... 38–39
Fasteignakaup ........................... 47
Fasteignamarkaðurinn .......... 8–9
Fasteignamiðlunin ..................... 18
Fasteignamiðstöðin .................. 35
Fasteignasala Íslands ................. 11
Fasteignasala Mosfellsbæjar . 55
Fasteignastofan .......................... 61
Fjárfesting ................................... 13
Fold ....................................... 28–29
Foss ............................................... 62
Garðatorg .................................... 25
Gimli ....................................... 20–21
Heimili ........................................... 12
Híbýli ............................................ 54
Hof .................................................. 16
Hóll ......................................... 30–31
Hraunhamar ............. 22–24 og 31
Húsakaup ....................................... 3
Húsalind ...................................... 42
Húsavík ........................................... 5
Höfði ..................................... 56-57
Íslenskir aðalverktakar .... 32-33
Kjöreign ........................................ 10
Klettur ................................. 48-49
Lundur .................................. 26-27
Nethús .......................................... 63
Ríkiskaup ..................................... 14
Skeifan ......................................... 64
Stakfell ......................................... 31
Valhöll ............................................. 4
Þingholt ....................................... 24
Fasteignablað Morgunblaðsins Kringlunni 1, 103 Reykjavík, sími 5691100, Útgefandi Árvakur hf. Umsjón Magnús Sigurðsson, magnuss@mbl.is, sími 5691223, og
Steinþór Guðbjartsson, steinthor@mbl.is, sími 5691257 Auglýsingar sími 5691111 netfang augl@mbl.is Bréfsími 5691110 Prentun Prentsmiðja Morgunblaðsins.
ÞVÍ fylgir ávallt ákveðin spenna
að flytja í nýtt húsnæði, að ekki sé
talað um að eignast fyrstu eignina.
Það hefur sambýlisfólkið Jón
Gunnlaugur Viggósson og Na-
tascha Behrens fengið að reyna
undanfarnar vikur, en þau fluttu í
eigin íbúð í fyrsta sinn fyrir
skömmu og eru að koma sér þar
fyrir.
Á réttum stað
Mikil uppbygging á sér stað á
Vatnsendahæð í Kópavogi og er
þegar orðin þónokkur byggð á
svæðinu. Hvörfin eru vestur af Ell-
iðavatni og uppi á hæðinni keyptu
Jón og Natascha íbúð á þriðju og
efstu hæð í nýju fjölbýlishúsi við
Álfkonuhvarf. Þaðan er útsýni til
allra átta og af svölunum sést til
dæmis vel yfir Elliðavatn og Heið-
mörk, allt að Bláfjöllum.
Unga parið hafði leitað víða að
réttu eigninni, þó að Jón segi að í
rauninni hafi hann fyrst og fremst
viljað búa í Hvörfunum eða næsta
nágrenni. „Undanfarin sex ár bjó
ég í foreldrahúsum í Seljahverfinu
í Breiðholti, hérna hinum megin
við hæðina, og ég kann mjög vel
við mig á þessum slóðum. Þegar
pabbi og mamma seldu í Lind-
arseli og fluttu í Hvörfin var rétti
tíminn fyrir mig að flytja í eigið
húsnæði. Aðalatriðið var að kaupa
nýja íbúð og við leituðum úti um
allt þó ég vissi að ég vildi ekki fara
langt frá Seljahverfinu og helst
vera á þessum slóðum. Það kom til
dæmis ekki til greina að flytja í
eigin íbúð í fyrsta sinn alla leið
vestur á Seltjarnarnes heldur vildi
ég vera í hverfinu sem ég ólst upp
í eða sem næst því. Þess vegna var
það sérstök tilfinning að flytja
hérna inn nánast um leið og við
fengum íbúðina afhenta. Mér leist
strax vel á þetta hverfi og hér er
gott að búa. Hérna eru fallegar
byggingar og við erum með frá-
bært útsýni úr íbúðinni.“
Stökkpallur
Mikil eftirspurn hefur verið eftir
nýjum lóðum í Vatnsendalandinu. Í
haust rann til dæmis út frestur til
að skila inn umsóknum um lóðir í
Þingahverfi, sem er á svonefndu
Suðursvæði í Vatnsendalandi, og
Hvarfahverfi og bárust um 1.500
umsóknir í sextán einbýlishúsalóð-
ir, þriggja íbúða raðhúsalóð og
byggingarrétt fyrir átta parhús,
eitt fjórbýlishús og tvö fjölbýlishús
með samtals 24 íbúðum.
Jón rekur innflutningsfyrirtækið
Ásvík með föður sínum, Viggó Sig-
urðssyni, landsliðsþjálfara í hand-
knattleik. Hann segir að draum-
urinn hafi verið að fá úthlutað lóð í
einhverju nýju hverfanna á höf-
uðborgarsvæðinu og þá helst í
Vatnsendalandi. Hann hafi lagt inn
umsóknir þess efnis með byggingu
einbýlishúss í huga en ekki dottið í
lukkupottinn. Næstbesti kosturinn
hafi verið að kaupa nýja íbúð í fjöl-
býlishúsi og nota hana sem stökk-
pall í stærra húsnæði síðar meir.
„Í rauninni lít ég á höfuðborg-
arsvæðið sem eitt svæði og það
skiptir mig engu hvort ég bý í
Kópavogi, Reykjavík eða Mos-
fellsbæ. Það er frábært að vera
kominn í eigið húsnæði og það er
alveg ljóst að þessi eign á eftir að
hækka í verði þegar nánasta um-
hverfi verður tilbúið. Þá getum við
farið að hugsa okkur til hreyfings
á ný og þó það væri skemmtilegt
að búa áfram á þessu svæði gæti
líka verið mjög spennandi kostur
að fá einbýlishúsalóð á svæðinu á
milli Mosfellsbæjar og Grafarholts.
Einbýlishús á góðum stað er
draumur sem vonandi rætist
seinna meir.“
Velja og hafna
Stundum er sagt að erfitt sé fyr-
ir ungt fólk að eignast húsnæði,
fyrst og fremst vegna lánafyrir-
komulags og vaxta. Jón vill ekki
gera of mikið úr vandanum heldur
líta frekar á önnur atriði.
„Þetta er fyrst og fremst spurn-
ing um að velja og hafna, og
spara,“ segir hann og bætir við að
hann hafi stefnt að því lengi að
eignast eigið húsnæði. „Ég hef
alltaf gert áætlanir til framtíðar,
hvort sem þær hafa síðan gengið
upp eða ekki. Ég ásetti mér til
dæmis að búa eins lengi á „hótel
mömmu“ og hægt væri, safna pen-
ingum fyrir lóð og flytja síðan inn
einingahús frá Svíþjóð þegar ég
ætti fyrir því. Það gekk ekki upp
og því skellti ég mér á íbúð til að
byrja með.“
Foreldrarnir í göngufæri
Natascha er frá Minnesota í
Bandaríkjunum. Hún nemur við-
skiptafræði við Háskóla Íslands og
bjó hjá vinafólki sínu í Breiðholt-
inu áður en hún flutti inn með
Jóni. „Þetta svæði er mjög
skemmtilegt og ég kann sérstak-
lega vel við mig hérna,“ segir hún.
„Útsýnið úr íbúðinni er einstakt og
það er mikill kostur að búa í
göngufæri frá foreldrum Jóns.“
Jón tekur í sama streng. „Það er
ekki slæmt að geta skroppið heim í
mat til mömmu með engum fyr-
irvara og án þess að þurfa að fara
langar leiðir,“ segir hann. „Pabbi
og mamma gáfu tóninn með því að
kaupa í Grundarhvarfinu. Það
hafði áhrif á staðarvalið og svo er
líka stutt héðan í vinnuna í Hlíð-
arsmáranum.“
Mikið um að vera
Mikið hefur gengið á í kringum
Jón og Natascha eftir að þau fluttu
í nýju íbúðina sína. Fyrir nokkrum
dögum tók Jón við kórónunni af
herra Íslandi eftir að forveri hans
hafði verið sviptur titlinum og auk
þess voru þau upptekin í nær tvær
vikur við að fylgjast með læri-
sveinum Viggós í Evrópukeppni
karlalandsliða í handknattleik.
Samt sem áður hefur gefist tími til
að leggja parket og flísar á gólf
íbúðarinnar.
„Íbúðin var nær tilbúin þegar
við fengum hana afhenta rétt fyrir
jól og síðan hef ég verið að dunda
við að parket- og flísaleggja,“ segir
hann. „Það er algjör draumur að
vera sjálfs sín herra í eigin íbúð og
við Kópavogsbúar erum ánægðir,
ekki síst með sjöunda sætið í Evr-
ópukeppninni í handbolta, sem er
frábær árangur.“
Aðeins nýtt húsnæði á Vatns-
endahæð kom til greina
Eftir Steinþór Guðbjartsson
steinthor@mbl.is
Morgunblaðið/Ómar
Jón Viggósson er búinn að leggja parket á íbúðina og er að ljúka við flísalögn.
Morgunblaðið/Ómar
Jón Gunnlaugur Viggósson og Natascha Behrens á svölunum sínum. Þaðan er gott útsýni, meðal annars yfir Elliðavatn og Heiðmörk allt að Bláfjöllum.
Morgunblaðið/Kristinn
Natascha og Jón búa á þriðju hæð í nýju fjölbýlishúsi við Álfkonuhvarf.