Morgunblaðið - 06.02.2006, Blaðsíða 34
34 F MÁNUDAGUR 6. FEBRÚAR 2006 MORGUNBLAÐIÐ
S
ú mikla uppbygging, sem
nú á sér stað í Höfða-
hverfi í Mosfellsbæ, fer
ekki fram hjá neinum,
sem ekur þar um. Það
má sjá byggingakrana og stór
vinnutæki að verki. Flestar þeirra
nýbygginga, sem þarna eru að rísa
eru steinsteypt hús, eins og algeng-
ast er nú um nýbyggingar hér á
landi. En timburhúsin halda samt
velli og þarna má sjá þó nokkur
timburhús í smíðum, enda njóta
timburhúsin eftir sem áður vin-
sælda hér á landi.
Þá er algengast að byggð séu ein-
býlishús. Það er lítið um raðhús úr
timbri og fjölbýlishús úr timbri eru
fágæt, þó að þau séu vissulega til.
En kostir timburhúsanna eru marg-
ir. Mörgum finnst þau hlýlegri en
steinhús og það er sagt að þau andi
betur og loftið þar sé heilnæmara.
Einnig eru timburhúsin öruggari í
jarðskjálftum.
Því hefur talsvert verið byggt hér
á landi af íbúðarhúsum úr timbri á
undanförnum árum, jafnt í þéttbýli
sem annars staðar að ógleymdum
öllum sumarhúsunum, sem byggð
eru nær eingöngu úr timbri. Efnið í
þessi hús hefur komið frá mörgum
löndum, stundum sniðið og sumt er
framleitt hér á landi.
Raðhús úr timbri, sem nú eru að
rísa við Þrastarhöfða 9–15 og 17–21
í Mosfellsbæ hafa því vakið verð-
skuldaða athygli. Þetta eru tvö rað-
hús, annað með fjórum íbúðum og
hitt með þremur íbúðum. Húsin eru
innflutt frá Kanada og að sumu
leyti frábrugðin þeim timburhúsum,
sem algengust hafa verið hér á
landi til þessa. Þarna er að verki
byggingarfyrirtækið September
ehf. en hönnuður er Kristinn Ragn-
arsson arkitekt og samstarfsmenn
hans.
Staðbyggð hús
„Þessi timburhús er allsérstök
einkum vegna þess að þau eru
klædd með sléttum álplötum og
hafa því svipaða áferð og steinhúsin
í kring. Jafnframt eru þetta stað-
byggð hús en ekki einingahús,“ seg-
ir Kristinn Ragnarsson. „Það býður
upp á mikinn sveigjanleika við
hönnun húsanna sem fer alfarið
fram hér á landi og eftir íslenskum
reglugerðum og stöðlum. Hægt er
að byggja hús eftir óskum og kröf-
um hvers og eins ef því er að skipta.
Þá skiptir það einnig máli, að húsin
eru hituð upp með gólfhita, þannig
að það eru ekki hefðbundin ofna-
kerfi í þeim.“
Húsin við Þrastarhöfða 9–15 og
17–21 eru 186 ferm. á tveimur hæð-
um með innbyggðum bílskúr. Þau
verða afhent fullbúin að utan með
þökulagðri lóð og sólpalli en tilbúin
til innréttinga, spörsluð og grunn-
máluð að innan. Rafmagns-, tölvu-
og símalagnir verða ídregnar og
tenglar komnir. Gólfhiti og fullkom-
ið loftræsikerfi verður fullfrágengið
á báðum hæðum. Það sem kemur til
með að vanta eru innréttingar og
tæki í eldhús og baðherbergi, inni-
hurðir, sólbekkir og gólfefni.
Á neðri hæð er gert ráð fyrir bíl-
skúr, holi, eldhúsi, stofu, gesta-
snyrtingu og herbergi eða geymslu.
Á efri hæð verða fjögur herbergi,
baðherbergi og þvottahús. Verð á
millihúsi er 36,5 millj. kr. miðað við
vísitölu neysluverðs til verðtrygg-
ingar í febrúar 2006, en á endahúsi
36,9 millj. kr. Þau tvö hús, sem eftir
eru óseld, eru bæði millihús.
Fokheld í mars og apríl
Fasteignasalan Lundur hóf kynn-
ingu á þessum húsum í desember sl.
„Sala hefur gengið mjög vel og nú,
rúmum mánuði síðar, eru aðeins tvö
hús eftir af þeim sjö sem eru byggð
í þessum áfanga," segir Erlendur
Tryggvason hjá Lundi.
Verið er að steypa sökkla og plöt-
ur húsanna og þau verða fokheld í
mars og apríl en tilbúin til innrétt-
ingar í júní. „Þannig eru þau seld,
reyndar rúmlega tilbúin til innrétt-
ingar, því loft og veggir eru full-
sparslaðir og grunnmálaðir, raf-
magn fullbúið og sömuleiðis
hitakerfi og loftræsikerfi,“ segir Er-
lendur. „Kostir þessara húsa eru
margir, sem skýrir góðar móttökur
á markaðnum. Þetta eru falleg hús
á góðu verði og svo er ásókn í þessi
hús bara í takt við fasteignamark-
aðinn sem hefur tekið verulega vel
við sér í janúar eftir rólegan nóv-
ember og desember.
Þá má ekki gleyma góðri stað-
setningu þessara húsa. Það er stutt
í alla þjónustu. Skóli og leikskóli er
steinsnar frá húsunum og eins er
stutt í hvers kyns útivist, svo sem
golf, gönguferðir eða hesta-
mennsku.“
Kanadískur hágæðastimpill
Eigendur byggingafyrirtækisins
September ehf., sem flytur húsin
inn, þeir Guðmundur Bragason og
Bjarni Tómasson, leggja mikla
áherslu á að húsin eru ekki bara
byggð samkvæmt íslenskum reglu-
gerðum og stöðlum heldur byggð
eftir hágæðastimpli í Kanada sem
kallaður er Super E. En til þess að
hús fái þennan stimpil þurfa þau að
uppfylla viss atriði sem snúa að
þéttleika og gæðum efnisins sem
notað er við bygginguna og eru öll
hús mæld sérstaklega út í lokin til
að fá fullvissu um, að þau nái þess-
um gæðum. „Til þess að ná þessum
gæðum er margt framkvæmt sem
er langt umfram kröfur hér á
landi,“ segja þeir Guðmundur og
Bjarni. Þannig er loftræsikerfið,
sem sett er í húsin, svokallað HRV-
kerfi eða Heat Recovery Ventila-
tors. Þetta kerfi dregur úr orkuþörf
heimilisins ásamt því að andrúms-
loftið innandyra verður hreinna og
þar með heilbrigðara. Fyrir ofnæm-
is- og astmasjúklinga skiptir þetta
gríðarlega miklu máli.
Húsin koma frá kanadíska bygg-
ingafyrirtækinu Scotian Homes, en
fyrirtækið er að sögn þeirra Guð-
mundar og Bjarna margverðlaunað
í Nova Scotia og síðustu verðlaun
sem fyrirtækið fékk voru „Nova
Scotia Home Builders Association
Award for Builder of the Year
2005.“
Þeir Guðmundur og Bjarni sem
umboðsaðilar hyggja á fleiri fram-
kvæmdir í framtíðinni í byggingu og
sölu húsa frá þessu kanadíska fyr-
irtæki. Næstu verkefni hefjast
væntanlega í júlí en verið er að leita
eftir enn fleiri lóðum undir ýmsar
gerðir húsa.
En September ehf. er ekki ein-
göngu í byggingum og sölu á húsum
frá Scotian Homes heldur einnig
efnissölu frá þessu fyrirtæki til ein-
staklinga sem áhuga hafa á að
byggja sér hús á góðu verði og á
skömmum tíma.
Álklædd timburhús rísa við
Þrastarhöfða í Mosfellsbæ
Fallegt útlit og hagstætt
verð eru helstu kostir
nýrra timburhúsa í
smíðum í Höfðahverfi
í Mosfellsbæ. Magnús
Sigurðsson kynnti sér
húsin, sem eru
innflutt frá Kanada.
Húsin eru seld fokheld og rúmlega tilbúin til innréttinga, því loft og veggir eru fullsparslaðir og grunnmálaðir, rafmagn fullbúið, og sömuleiðis hitakerfi og loftræsikerfi.
Þverskurðarmynd af neðri hæð í einu raðhúsanna, en húsin eru 186 ferm. á
tveimur hæðum með innbyggðum bílskúr. Á neðri hæð er gert ráð fyrir bílskúr,
holi, eldhúsi, stofu, gestasnyrtingu og herbergi eða geymslu. Á efri hæð verða
fjögur herbergi, baðherbergi og þvottahús. Í húsunum er gólfhiti.
Morgunblaðið/Eggert
Á byggingarstað, en húsin rísa við Þrastarhöfða 9–15 og 17–21 í Mosfellsbæ.
Frá vinstri: Erlendur Tryggvaon hjá fasteignasölunni Lundi, Guðmundur Braga-
son og Bjarni Tómasson, en þeir eru eigendur byggingafyrirtækisins September,
sem byggir húsin. Síðan koma hönnuðir húsanna, Kristinn Ragnarsson arkitekt
og samstarfsmenn hans, þeir Mario Melo og Rafel Cao. Í baksýn er Úlfarsfell.
Þetta eru tvö raðhús úr timbri, annað með fjórum íbúðum og hitt með þremur.
Verð á millihúsi er 36,5 millj. kr. miðað við vísitölu neysluverðs til verðtrygg-
ingar í febrúar 2006, en á endahúsi 36,9 millj. kr. Húsin eru til sölu hjá Lundi.