Morgunblaðið - 01.04.2006, Side 30

30 LAUGARDAGUR 1. APRÍL 2006 MORGUNBLAÐIÐ
MINNSTAÐUR
Skagafjörður | Það vakti óneitan-
lega athygli og umtal í Skagafirði
þegar það vitnaðist fyrir um ári að
verið væri að hætta kúabúskap á
einu afurðahæsta býli héraðsins og
heimilisfólkið þar ætlaði alfarið að
snúa sér að tamningum og hesta-
mennsku. Jörðin sem um ræðir er
Varmaland í Staðarhreppi hinum
forna. Þar var um síðustu áramót
tekin glæsileg reiðskemma í notk-
un jafnhliða því sem fjósinu hafði
verið breytt í hesthús sem rúmar
liðlega 20 hross og mjólkurhúsið er
orðið að kaffistofu og hnakka-
geymslu.
Fréttaritari heimsótti hjónin
Birnu Sigurbjörnsdóttur og Sig-
urgeir F. Þorsteinsson sem þar
búa ásamt þremur börnum og
spurði þau út í þessa ákvörðun.
„Við keyptum jörðina með allri
áhöfn árið 1998,“ sagði Sigurgeir.
„Þá var hér nýlegt fjós fyrir 24 kýr
og í því kálfastíur og framleiðslu-
réttur fyrir 96 þúsund lítra af
mjólk. Þá var þetta um meðalbú í
Skagafirði. Á næstu árum keypt-
um við svo kvóta og vorum komin
upp í 150 þúsund lítra og vorum
enn í meðalbústærð en alltaf með
sama kúafjölda. Fjósið var ágæt-
lega byggt en með gamla laginu,
þ.e.básafjós með rörmjaltakerfi og
kjallara undir, en farið að styttast
í endurnýjun á milligerðum og
fleiru. Við vorum nánast frá upp-
hafi búin að velta fyrir okkur
möguleikum á að stækka búið og
auka framleiðsluna og bæta vinnu-
aðstöðuna, til dæmis við mjaltirnar
og hætta með básana.“
En þetta dæmi sem þau voru að
hugsa um hefði einfaldlega kostað
um 40 milljónir króna. „Við það
bættist að jörðin er frekar lítil og í
rauninni fullnýtt. Við vorum með 5
hektara lands annars staðar og
hefðum orðið að fá enn meira land
hefðum við stækkað eitthvað að
ráði. Okkur einfaldlega hraus hug-
ur við að fara út í svona mikla fjár-
festingu með tilheyrandi skulda-
súpu og basli í mörg ár. Þegar við
bættist að verðið á greiðslumark-
inu var um þetta leyti í algeru há-
marki tókum við þá ákvörðun að
hætta með kýr og skipta yfir í
hrossin,“ sagði Birna.
Alltaf tamið með
Þau Birna og Sigurgeir höfðu
bæði stundað nám við Hólaskóla.
Hann á fiskeldisbraut og hún á
hrossabraut. Þau hafa verið í
hestamennsku um árabil og áttu
um 25 hross. Þau hafa raunar allt-
af stundað tamningar með kúabú-
skapnum en við lakari aðstæður en
nú. Þannig var hesthúsið frekar lé-
legt. En það sem ókunnugir taka
eflaust eftir þegar þeir koma að
Varmalandi er sérstök snyrti-
mennska í umgengni, jafnt úti sem
inni. En var mikið átak að skipta
frá kúnum yfir í hrossin?
„Það er búin að vera talsverð
vinna við að koma þessu í það horf
sem við stefndum að. Við förg-
uðum kúnum í apríl og fórum fljót-
lega út í að breyta fjósinu. Keypt-
um inn í það innréttingu sem eru
alls 15 stíur og vorum að þessu í
fyrrasumar auk þess að heyja. Það
gekk mun hægar að komast af stað
við reiðskemmuna. Erfitt var að fá
iðnaðarmenn hér heima fyrir
þannig að endirinn varð sá að við
fengum byggingaflokk úr Siglu-
firði,“ sagði Sigurgeir.
„Við byrjuðum á því að rífa
gamla hesthúsið sem varð að víkja
fyrir nýbyggingunni. Það var svo
tekinn grunnur og steyptur í byrj-
un september. Síðan reistum við
stálbitana sjálf, settum langböndin
og vorum búin að þessu þegar
Siglfirðingarnir komu aftur í byrj-
un nóvember og þá kláruðu þeir
húsið á einni viku. Húsið er 320
fermetrar að stærð og útlagður
kostnaður var um sjö milljónir.
Við erum mjög ánægð með að
vinna í því og teljum raunar að það
sé nánast alger grundvöllur fyrir
því að stunda tamningar í atvinnu-
skyni því annars er hætt við að
alltof margir dagar falli úr vegna
veðurs. Nú þurfum við ekki að fara
með hrossin út þegar veður er
vont því skemman er áföst fjós-
hlöðunni,“ sagði Birna.
Nóg að gera
Þau Birna og Sigurgeir byrjuðu
svo á að taka hross í tamningu um
áramótin þegar öll aðstaða var
tilbúin. Það hefur verið nægt fram-
boð af hrossum til að temja og
þegar kominn biðlisti. En þau
segja að 20 hross séu í rauninni
það sem tvær manneskjur komist
þokkalega yfir að sinna yfir daginn
og þá skipti í raun miklu að vera
ekki háður veðri.
Þau segjast því horfa mjög
björtum augum á þessa atvinnu-
starfsemi, enda mikil gróska í öllu
sem viðkemur hestamennsku um
þessar mundir. Jafnvel komi til
greina að leigja aðkomumönnum
aðstöðu fyrir hross þegar stór-
viðburðir á þessu sviði eru í hér-
aðinu.
Hjónin á Varmalandi í Skagafirði tóku stökkið og skiptu úr kúabúskap yfir í tamningar
Hraus hugur við að fjárfesta í stækkun búsins
Morgunblaðið/Örn Þórarinsson
Fjölskyldan Heimilisfólkið á Varmalandi í Skagafirði samankomið í hesthúsinu, þar sem það eyðir drjúgum tíma,
f.v. Hannes Brynjar, Sonja Sigurbjörg, Jón Helgi, Birna Sigurbjörnsdóttir og Sigurgeir Þorsteinsson.
Eftir Örn Þórarinsson
LÍFFÆRAGJAFIR á Íslandi sem
og nýrnaígræðslur voru á meðal um-
fjöllunarefna á ársþingi Skurðlækna-
félags Íslands og Svæfinga- og gjör-
gæslulæknafélags Íslands sem hófst í
Háskólanum á Akureyri í gær, en því
lýkur í dag, laugardag. Þetta er í
fyrsta sinn sem sameiginlegt þing
skurð-, svæfinga- og gjörgæslulækna
er haldið utan höfuðborgarsvæðisins.
Tilefnið nú er að 150 ár eru liðin frá
því fyrsta skurðaðgerðin var fram-
kvæmd í svæfingu hér á landi, en það
var á Akureyri. Þá fjarlægði Jón Fin-
sen læknir sull úr 15 ára stúlku í klór-
oform svæfingu og er talið líklegt að
aðgerðin hafi verið gerð í Gudmanns
Minde, Aðalstæti 14. Þar er nú unnið
að því að koma upp eins konar safni
sem tengist lækningasögunni. Í
ávarpi Girish Hirlekar, forstöðu-
læknis svæfinga- og gjörgæsludeild-
ar FSA, kom fram að með þinghald-
inu á Akureyri væri verið að sýna
þeim hetjum sóma, sem þátt tóku í
þessum merka atburði fyrir 150 ár-
um. Hann nefndi að enn væri verið að
leita að nafni stúlkunnar, sem með
eftirminnilegum hætti tók þátt í að
skapa Íslandssöguna. „Það er áskor-
un til sagnfræðinga og lækna að gera
sameiginlegt átak um að afla frekari
vitneskju um þennan atburð og ein-
staklingana sem hlut áttu að máli.“
Læknaþing Ársþing skurðækna, svæfinga- og gjörgæslulækna er haldið á
Akureyri í tilefni af því að 150 ár eru liðin frá því fyrsta svæfingaaðgerðin
var gerð á Íslandi, en það var á Akureyri .
Hver var stúlkan?
HUGI Kristinsson hefur verið útnefndur heiðursfélagi í
Hestamannafélaginu Létti. Framlag hans til félagsstarfs
hestamanna á Akureyri og hagsmunabaráttu þeirra er með
þeim hætti þakkað.
Líf Huga, sem fæddur er árið 1924, hefur verið samofið
hestum og hestamennsku og er honum í barnsminni er fjöl-
skyldan fluttist frá Strjúgsá, þar sem hann er fæddur, og að
Ytra-Dalsgerði, að móðir hans teymdi undir honum drátt-
arhryssuna Finnu. Þegar komið var þar sem sá út á bæina
bað hann móður sína að sleppa, hann vildi ríða einn inn í
fjölmennið. Það hefur verið lífsmottó Huga, að standa á eig-
in fótum í lífinu. Hugi flutti til Akureyrar 1947, en hafði
nokkrum árum fyrr gengið til liðs við Léttismenn. Fljótlega
hóf hann að starfa í ýmsum nefndum á vegum félagsins,
m.a. kappreiðanefnd og veganefnd, en sú síðarnefnda náði
m.a. samningum við landeigendur fram allan Eyjafjarð-
arbakkann að Munkaþverá sem tryggir enn í dag reiðleið-
ina um bakkana. Þá var Hugi gjaldkeri félagsins samfellt í
þrjú kjörtímabil á sjöunda áratugnum. Tók hann einnig þátt
í að koma upp reiðskóla í samstarfi við Akureyrarbæ.
Hugi heiðursfélagi í Létti
Ljósmynd/Þórir Tryggvason
Heiðraður Líf Huga Kristinssonar hefur verið sam-
ofið hestum og hestamennsku, félagar hans í Létti
heiðruðu hann á dögunum.
FJÓRÐUNGSSJÚKRAHÚSIÐ á
Akureyri hefur gert fræðslufundi
FSA aðgengilega á vefsíðu sjúkra-
hússins og er bæði hægt að fylgjast
með þeim í beinni útsendingu og
horfa á upptökur frá fundum hvenær
sem er. FSA hefur frumkvæði að því
meðal sjúkrastofnana hér á landi að
miðla fræðsluefni á þennan hátt til
sjúkrastofnana og almennings.
Fræðslufundirnir voru áður sendir
út frá FSA um fjarfundabúnað til
annarra sjúkrastofnana en eftir að
svokölluð Byggðabrú var aflögð var
leitað eftir búnaði sem gæti gert
sjúkrahúsinu kleift að nýta netið til
útsendinga fundanna og miðla efninu
um leið til almennings. Bæði er um
lifandi mynd að ræða og einnig birtir
búnaðurinn jafnhliða glærur fyrir-
lesara. Þeir sem fylgjast með
fræðslufundum í beinni útsendingu
geta sent inn fyrirspurnir til fyrirles-
ara meðan á fundi stendur.
Fræðslufundir FSA eru haldnir í
viku hverri og í fyrirlestrum fagfólks
er fjallað um fjölbreytt efni sem
snerta heilbrigðisþjónustu. Hægt er
að fara inn á fyrirlestrana um vef
FSA (www.fsa.is).
Fræðslufundir FSA
opnir almenningi
Fékk páskaferð | Sparisjóður
Norðlendinga hefur staðið fyrir
Lífsvalsleik undanfarnar vikur þar
sem nöfn núverandi sem og nýrra
Lífsvalsfélaga fóru í pott. Í verð-
laun var páskaferð fyrir tvo til
Kaupmannahafnar, flug frá Ak-
ureyri og gisting, í boði Sparisjóðs-
ins. Sóley Guðjónsdóttir hreppti
vinninginn.
Sýning |Joris Rademaker opnar
sýningu á nýjum verkum í veit-
ingahúsinu Karólínu á morgun, 1.
apríl klukkan 16. Sýningin heitir
Mjúkar línur / Smooth lines. Hún
er hluti af myndaröð sem enn er í
vinnslu.
Myndirnar eru unnar á striga og
pappír á óhefðbundinn hátt. Unnið
er með spaghetti og graffitiúða.
Snúa bökum saman| Eyfirskir
matvælaframleiðendur, matvælafyr-
irtæki og veitingahús hafa snúið
bökum saman um sameiginlega
kynningu á sýningunni Matur 2006
sem nú stendur yfir í Fífunni í Kópa-
vogi og stendur fram á sunnudag.
Þetta er í fyrsta sinn sem aðilar á
einu landsvæði taka sig saman um
kynningu á þessari árlegu sýningu
og ber básinn yfirskriftina Eyfirskt
matartorg.
  
AKUREYRI
Blaðburður verður að hefjast um leið og blaðið kemur í bæinn
Akureyri
Blaðbera vantar í
afleysingar


Upplýsingar
í síma 461 1600