Morgunblaðið - 01.04.2006, Síða 81

lætur mann lyfta brúnum. Þjóðminjasafnið
– svona var það andar stemningu liðinna
alda. Handritin, ertu ekki búin að sjá þau?
Fyrirheitna landið, fyrstu vesturfararnir,
hverjir voru það? Veitingar, búð.
Þjóðminjasafn Íslands | Í Þjóðminjasafni
Íslands er boðið upp á fjölbreytta fræðslu
og þjónustu fyrir safngesti. Þar eru nýstár-
legar og vandaðar sýningar auk safnbúðar
og kaffihúss. Hlutverk safnsins er að auka
og miðla þekkingu á menningararfi Íslend-
inga frá landnámi til nútíma. Opið alla daga
nema mánudaga kl. 11–17.
Leiklist
Halaleikhópurinn | Halaleikhópurinn sýnir
Pókók í leikstjórn Vilhjálms Hjálmarssonar
í kvöld kl. 20. Hátúni 12. 105 Reykjavík.
Halaleikhópurinn er blandaður leikhópur
sem starfar undir kjörorðunum „Leiklist
fyrir alla“. Nánari uppl. er að finna á
www.halaleikhopurinn.is og í síma 552-
9188.
Skemmtanir
Cafe Catalina | Hörður G. Ólafsson spilar
og syngur.
Klúbburinn við Gullinbrú | Hljómsveitin
Smack leikur í kvöld.
Kringlukráin | Logar frá Vestmanneyjum
með dansleik í kvöld.
Lundinn | Góðir landsmenn spila í Lund-
anum í kvöld.
Vélsmiðjan Akureyri | Rokksveit Rúnars
Júlíussonar leikur fyrir dansi í kvöld, húsið
opnað kl. 22, frítt inn til miðnættis.
Uppákomur
Kaffi Hljómalind, lífrænt kaffihús | Kiirtan
(möntrusöngur) og hugleiðsla mun fara
fram kl. 10.
Kópavogsdeild Rauða kross Íslands |
Kópavogsdeild Rauða krossins heldur fata-
markað í dag kl. 11–16 í sjálfboðamiðstöð-
inni Hamraborg 11, 2. hæð. Allur ágóði til
styrktar götubörnum í Mósambík. Notuð
föt seld á 300 eða 500 kr. Nemendur í MK
annast markaðinn sem lokaverkefni í
áfanga um sjálfboðið starf.
Mannfagnaður
Vinstri græn Akureyri | Kosningamiðstöð
Vinstri grænna á Akureyri verður formlega
opnuð kl. 16–18, í Hafnarstræti 98 við
Göngugötuna í Miðbænum. Efsta fólk á
listanum Baldvin, Kristín, Dýrleif, Jón,
Baldvin Esra og Lilja taka á móti gestum
með te, kaffi og meðlæti. Steingrímur J.
Sigfússon flytur ávarp.
Fyrirlestrar og fundir
Bókasafn Kópavogs | Guðfinna Ragn-
arsdóttir heldur erindi um ættfræði 6. apríl
kl. 17.15–18.15. Guðfinna nálgast efnið á nýj-
an hátt og tengir það munum og minn-
ingum, sem hún segir að fólk eigi að koma
áfram til næstu kynslóðar. Einnig verður
hún með sýningu á ættargripum í safninu
næstu vikur.
Bókasafn Garðabæjar | Hjörtur Pálsson
formaður Suomifélagsins á Íslandi fjallar
um Finnland og finnska menningu, fer fram
kl. 13.30–14.30. Gunnar Pálmason formað-
ur Norræna félagins í Garðabæ kynnir
vinabæjamót sem verður haldið í Jak-
obstad 29. júní–2. júlí 2006. Sjá nánar á
www.gardabaer.is.
Grand Hótel Reykjavík | Geðlæknafélag
Íslands og Félag sérfræðinga í klínískri sál-
fræði halda fræðslufund með prófessor
Bryan Lask um átraskanir. Bryan Lask er
prófessor í barna- og unglingageðlækn-
ingum, St. Georgés Hospital Medical Scho-
ol, Univ. of London. Fundurinn fer fram kl.
10.30–12.30 og er opinn öllu fagfólki og
áhugamönnum um efnið.
Háskóli Íslands | Íslensk-japanska félagið
gengst fyrir málþingi um japanskar bók-
menntir í Háskóla Íslands, kl. 14–17. Aðal-
fyrirlesari verður Alan Cummings, lektor
við Lundúnaháskóla. Aðrir fyrirlesarar
verða Óskar Árni Óskarsson, Úlfhildur
Dagsdóttir, Ásta Gunnlaugsdóttir og Ólafur
Sólimann.
Grand Hótel Reykjavík | Hvernig axlar fyr-
irtæki samfélagslega ábyrgð og hagnast í
leiðinni? Námsstefna á Grand hotel, 5. apr-
íl frá kl. 9–13, ætluð stjórnendum og öðrum
sem sinna markaðs- og kynningarmálum.
Ímark félagar fá 15% afslátt. Skráning og
frekari upplýsingar á www.kom.is.
Fréttir og tilkynningar
Ferðaklúbbur eldri borgara | Færeyjaferð
Ferðaklúbbs eldri borgara árið 2006 verð-
ur dagana 30. maí til 9. júní. Skráning er
hafin og lýkur 10. apríl. Uppl. í síma
892 3011.
GA- fundir | Er spilafíkn að hrjá þig eða
þína aðstandendur? Sími GA-samtakanna
(Gamblers Anonymous) er 698 3888.
Tungumálamiðstöð HÍ | Háskóli Íslands
heldur 12. maí nk., alþjóðleg DELE próf í
spænsku. Innritun fer fram í Tungumála-
miðstöð HÍ. Frestur til innritunar rennur út
7. apríl. Nánari uppl. á http://www.hi.is/
page/dele
Frístundir og námskeið
Háskóli Íslands | Námskeið um geymslu
og skráningu stafrænna mynda verður
haldið k. 10–16, í stofu 422 í Árnagarði, HÍ.
Leiðbeinendur: Einar Erlendsson ljós-
myndafræðingur og Margrét Gunn-
arsdóttir bókasafns- og upplýsingafræð-
ingur. Nánari upplýsingar: á
www.myndaskraning.net.
Orkuveita Reykjavíkur | Undur skynjunar-
innar: Hvers vegna þekkja sumir hvorki
foreldra sína í sjón né sjálfan sig í spegli? Á
námskeiði sem fram fer kl. 14–16, verður
spurningum af þessu tagi svarað með
skemmtilegum og spennandi sýnidæmum
fyrir alla fjölskylduna.
MORGUNBLAÐIÐ LAUGARDAGUR 1. APRÍL 2006 81
DAGBÓK
Staðurogstund
http://www.mbl.is/sos
Félagsstarf
Barðstrendingafélagið og Borgfirð-
ingafélagið | Félagsvist í Konnakoti,
Hverfisgötu 105, kl. 14.
Breiðfirðingabúð | Félag breiðfirskra
kvenna heldur fund 3. apríl kl. 20.
Dalbraut 18 - 20 | Félagsstarfið er
öllum opið. Fastir liðir eins og venju-
lega. Handverksstofa Dalbrautar 21–
27 opin frá 8–16. Uppselt í menning-
arferðina í Skálholt. Upplýsingar as-
dis.skuladottir@reykjavik.is og síma
588 9533. Hvernig væri að líta inn,
kíkja í blöðin og fá sér kaffisopa?
Félag eldri borgara, Reykjavík |
Dansleikur sunnudagskvöld kl. 20.
Caprí-tríó leikur. Næsta leiksýning
Snúðs og Snældu á Glæpum og góð-
verkum verður föstudaginn 7. apríl kl.
14 í Iðnó. Miðasala í Iðnó í síma
562 9700 og við innganginn.
Félag kennara á eftirlaunum | Af
óviðráðanlegum ástæðum fellur
fræðslu- og skemmtifundurinn niður
1. apríl.
Félagsheimilið Gjábakki | Krumma-
kaffi kl. 9 og Hana-nú ganga kl 10.
Félagsstarf aldraðra, Garðabæ | Í
Garðabergi hefur Atli Örn Jensen
opnað myndlistarsýningu. Þetta er
yfirlitssýning til minningar um Guð-
finnu Árnadóttur, eiginkonu Atla Arn-
ar, sem lést 12. ágúst síðastliðinn. Á
sýningunni eru verk allt frá árinu
1942 og til dagsins í dag. Sýningin
stendur til 5. maí.
Félagsstarf Gerðubergs | Mánud. 3.
apríl er fræðsla og kynning á heilsu-
vernd aldraðra í samvinnu við Heilsu-
gæslustöð Efra Breiðholts, m.a.
Þórður G. Ólafsson yfirlæknir, Herdís
Jónsd. hjúkrunarfr. og Guðrún K. Haf-
steinsd. iðjuþjálfi og Gerðubergskór-
inn tekur lagið, allir velkomnir. Miðvi-
kud. 5. apríl koma gestir úr
Hrunamannahreppi.
Hæðargarður 31 | Það eru allir alltaf
velkomir í félagsstarfið í Hæðargarði
31. Fastir liðir eins og venjulega. Upp-
selt í menningarferðina í Skálholt.
Munið Páskabingóið 11. apríl. Byrjað
að selja kl. 13. Glæsilegir vinningar.
Allar upplýsingar í síma 568 3132 as-
dis.skuladottir@reykjavik.is
Kringlukráin | Félagsfundur Parísar
haldinn á Kringlukránni kl. 11.30.
Kjartan Jónsson frá Húmanista-
hreyfingunni sýnir myndir og segir
frá starfi hreyfingarinnar. Stjórnin.
Kvenfélagið Heimaey | Kvenfélagið
Heimaey verður með óvissuferð
mánudaginn 3. apríl. Mæting er kl. 18,
við kirkjuna í Mjóddinni. Þátttaka til-
kynnist til stjórnar félagsins.
Lífeyrisþegadeild Landssambands
lögreglumanna | Lífeyrisþegadeildin
heldur sinn reglulega sunnudagsfund
sunnudaginn 2. apríl kl. 10 og verður
hann haldinn að þessu sinni í kaffi-
stofu lögreglustöðvarinnar á Hverf-
isgötu 113–115, 4. hæð, inngangur um
aðaldyr. Athugið breyttan fund-
arstað.
Kirkjustarf
Hvítasunnukirkjan Fíladelfía | MCI
biblíuskólinn fer í trúboðsferð til Pak-
istan 1. maí. Ætlunin er að reisa skóla
fyrir börn sem eru föst í þrælk-
unarvinnu. Tónleikarnir verða haldnir
laugardaginn 1. apríl kl. 20.30, húsið
opnað kl. 20. Aðgangseyrir: Frjálst
framlag.
Staður og stund á mbl.is.
Nánari upplýsingar um viðburði dagsins er að
finna á Staður og stund undir Fólkið á mbl.is
Meira á mbl.is
Í SALNUM, Tónlistarhúsi Kópavogs, verða í
kvöld haldnir fjórðu tónleikarnir í TKTK-
röðinni. TKTK stendur fyrir „Tónleikaröð kenn-
ara Tónlistarskóla Kópavogs“ en á tónleikunum
mun Rúnar Óskarsson, sem kennir við Tónlist-
arskólann, leika einleiksverk fyrir bassaklarin-
ettu, og þrjú verk fyrir bassaklarinettu og seg-
ulband og/eða tölvu. Á tónleikunum er frumflutt
verkið „Sonoscopic Ocean“ eftir Hilmar Þórð-
arson en einnig verða flutt verkin „Twist“ eftir
Gerard Brophy, „Mar“ eftir Þórólf Eiríksson,
„Af gleri“ eftir Tryggva M. Baldvinsson og
„Jackdaw!“ eftir Wayne Siegel.
Rúnar lauk einleikara- og kennaraprófi frá
Tónlistarskólanum í Reykjavík 1993 og stundaði
framhaldsnám við Sweelinck Conservatorium í
Amsterdam og lauk einleikaraprófi á bassaklar-
inettu undir leiðsögn Harry Sparnaay árið 1998.
Tónleikarnir hefjast kl. 13 og er almennt
miðaverð 1.500 kr en ókeypis er fyrir nemendur
við Tónlistarskóla Kópavogs, foreldra þeirra og
forráðamenn.
Tónleikar | Rúnar Óskarsson í Salnum
Bassaklarinetta, snælda og tölva
Rúnar Óskarsson
MENNING
SÝNING Olgu Bergmann „Innan
garðs og utan“ í Listasafni ASÍ er
ákaflega metnaðarfull bæði hvað
varðar framsetningu og innihald.
Eins og oft áður byggjast verk henn-
ar á samvinnu við hliðarsjálf hennar
eða hina tilbúnu persónu Doktor B.
sem skapar ákveðna samræðu í
verkunum. Hliðarsjálf listamanna
eru nokkuð vinsæl um þessar mund-
ir og virðast stundum þjóna þeim til-
gangi að frelsa listamanninn undan
persónulegum skoðunum eða sjón-
armiðum og sýna hlutina í óvæntu
samhengi. Listamaðurinn getur
þannig komið sér upp staðgengli
sem hann ber enga siðferðislega
ábyrgð á, ekki frekar en skáld þarf
að svara fyrir skoðanir eða verk
sögupersónu í skáldverki sínu. Í sýn-
ingu Olgu er farið bil beggja á
áhugaverðan hátt þar sem samræða
skapast á milli listamannsins og
ímyndar hans við ímynd vísinda-
mannsins. Sögulega hefur sam-
semdin á milli þessara ímynda ávallt
verið til staðar þrátt fyrir þá verka-
skiptingu sem varð á endurreisn-
artímanum. Sameiginlegar mýtur á
borð við „snilli“ og „sköpun“ vísa til
beggja hefða um leið og það er ljóst
að mörkin á milli þekkingargreina
eru að mást út í hinum þverfaglega
samtíma okkar. Á sama hátt og listin
hefur losað sig undan siðferðislegum
höftum eða ábyrgð þá leitast nátt-
úruvísindin við að útvíkka siðferð-
islegt frelsi sitt. Sköpun og frumleiki
doktors B. á sviði náttúruvísinda er
borinn fram í saklausu formi hins
listræna handverks, þar sem óhugn-
aðurinn víkur vegna fjarstæðunnar í
hinni barnslegu leikgleði. Útfærsla
verkanna byggist á lymskulegu sam-
spili þar sem hátæknilegar út-
færslur eru settar fram í einföldum
náttúrulegum búningi og heildar-
yfirbragðið vísar til fortíðarhyggju.
Myndbandsverkið „Náttúrusaga“
írónísk blanda af teiknimynd og
klippum úr náttúrulífsmyndum er
hljóðsett á áhrifaríkan hátt og sýnd
á skjá sem hefur verið felldur inn í
krossviðarumgjörð. Verkið er eins-
konar þróunarsaga á þremur mín-
útum sem nær einhverjum und-
arlegum trúverðugleika þrátt fyrir
eða vegna fjarstæðunnar. Þetta ger-
ist kannski vegna þess að við erum
orðin vön ótrúlegum vísindalegum
furðum á borð við mús með manns-
eyra á bakinu. Þá er vísindalegt
fræðsluefni oft sett fram í formi af-
þreyingar þar sem notast er við lit-
ríkt einfalt myndmál sem felur í sér
skemmtigildi. Myndböndin í Gryfju
og á gangi virðast ekki ættuð úr
garði doktors B. heldur Olgu sjálfrar
þar sem hún setur sig í stellingar at-
ferlisfræðings. Myndböndin sýna
næma tilfinningu hennar fyrir dýr-
um, náttúru og umhverfi í algerri
andhverfu við þann tilbúna gervi-
lífheim sem birtist í Ásmundarsal.
Hér er skemmtilegur umsnúningur
á hefðbundnum hlutverkum lista-
mannsins og vísindamannsins sem
fela þó í sér ágengar spurningar um
mörk uppruna, eftirmynda og jafn-
vel nýrra frummynda. Sýningin fel-
ur hvorki í sér upphafningu né
ádeilu á listina eða náttúruvísindin
heldur stillir hún saman ákveðnum
sjónarmiðum sem fela í sér tvíræðni.
Innbyggð afstaða í verkunum setur
samband eða mörk náttúru og
menningu, vísinda og lista í spurn.
Ein af þeim spurningum sem vakna
er hvort hugmyndin um sameiningu
lífs og listar eða um manninn og til-
veruna sem „heildarlistaverk“ sé að
verða að veruleika.
Tvíræð tilvist
MYNDLIST
Listasafn ASÍ
Sýningin stendur til 2. apríl.
Olga Bergmann
Morgunblaðið/Kristinn
Olga Bergmann, horft yfir sýninguna Innan garðs og utan.
Þóra Þórisdóttir
HÁSKÓLAKÓRINN heldur í dag, laugardag, tónleika í
Neskirkju kl. 17. Á efnisskrá er Requiem eftir Gabríel
Fauré auk annarra verka eftir Fauré, Benjamin Britten og
fleiri. Margrét Einarsdóttir sópran og Keith Reed barítón
eru einsöngvarar á tónleikunum og Jón Leifur Camerata
sér um undirspil. Stjórnandi er Hákon Leifsson.
Háskólakórinn er skipaður stúdentum við Háskóla Ís-
lands og hefur starfað frá árinu 1972. Meðlimir kórsins
koma úr öllum deildum og eru í dag rúmlega fimmtíu tals-
ins. Kórinn heldur tónleika reglulega auk þess að syngja
við útskriftir og aðrar athafnir á vegum Háskólans. Um
þessar mundir er kórinn að ljúka upptökum á íslenskri
kórtónlist.
Háskólakórinn flytur sálumessu Faurés
Háskólakórinn á tónleikum.
LISTAKONAN Eygló Harðardóttir
opnar í dag sýningu í sýningarrým-
inu Suðsuðvestri í Reykjanesbæ.
„Spádómar og
snilligáfa“ er yf-
irskrift sýning-
arinnar en á
henni gefur að
líta málverk,
ljósmyndir og
myndbandsverk.
Viðfangsefni
verkanna eru
m.a. teppi, gang-
stéttir og fólk,
sina og sjór.
Eygló stundaði nám sitt við AKI –
Akademie voor Beeldende Kunst í
Hollandi þar sem hún lauk fram-
haldsnámi í myndlist 1990.
Sýningin verður opnuð kl. 16 en
Suðsuðvestur er á Hafnargötu 22 í
Keflavík. Enginn aðgangseyrir er
að sýningunni en opið er í Suðs-
uðvestri kl. 16–18 fimmtudaga og
föstudaga og 14–17 um helgar.
Nánari upplýsingar má finna á
www.sudsudvestur.is.
Spádómar og snilligáfa
í Suðsuðvestri
Eygló
Harðardóttir
„HVAÐ kemur þetta okkur við?“ er
yfirskrift umræðufundar sem Leik-
listarsamband Ís-
lands stendur
fyrir í Leik-
húskjallaranum í
dag kl. 15. Ræðu-
menn dagsins
eru rithöfund-
arnir Andri Snær
Magnason, Árni
Bergmann og
Steinunn Jó-
hannesdóttir og munu þau fjalla um
brotthvarf varnarliðsins og önnur
þjóðfélagsmál. Í tilkynningu segir
að markmið umræðufunda Leiklist-
arsambandsins sé að fjalla um þær
fréttir sem efst eru á baugi í sam-
félaginu út frá pólitískum og sið-
ferðislegum forsendum, og hvernig
leikhúsið getur tekið á meinum og
tíðindum samtímans með listrænum
hætti.
Samfélagsumræða í
Leikhúskjallaranum
Andri Snær
Magnason
JÓN Haukur Edwald myndhöggv-
ari opnar í dag vinnustofu sína og
sýnir bronsverk sín.
Jón Haukur lauk námi frá mynd-
höggvaradeild MHÍ 1977 og nam
steinhögg við Listaháskólann í
Barcelona og bronssteypu- og af-
steypugerð í Englandi.
Vinnustofa Jóns Hauks er til
húsa að Kaplahrauni 10 í Hafn-
arfirði og er opin í dag frá kl. 14.
Sýningin stendur til 9. apríl og er
vinnustofan opin 16 til 21 virka
daga og 10 til 18 um helgar.
Opin vinnustofa hjá
Jóni Hauki Edwald