Morgunblaðið - 29.06.2006, Qupperneq 2

2 FIMMTUDAGUR 29. JÚNÍ 2006 MORGUNBLAÐIÐ
FRÉTTIR
SAMRUNI ÓGILDUR
Samkeppniseftirlitið hefur ógilt
samruna Senu og Dagsbrúnar. Rök
ógildingarinnar eru þau að eftir
kaupin geta félögin, í krafti mark-
aðsráðandi stöðu sinnar, takmarkað
samkeppni og hagað verðlagningu,
viðskiptakjörum og þjónustu án þess
að taka tillit til keppinauta og neyt-
enda. Forsvarsmenn félaganna
harma niðurstöðuna og hyggjast
skjóta ákvörðuninni til áfrýj-
unarnefndar samkeppnismála.
Afgreiddi ranga vöru
Komið hefur í ljós að starfsmaður
OLÍS á Reyðarfirði afgreiddi ranga
vöru og lét edikssýru renna í klór-
tanka sundlaugar Eskifjarðar. Alls
dvöldu 18 manns á spítala nóttina
eftir slysið. Einn liggur enn á gjör-
gæslu FSA þótt ekki sé í lífshættu.
Óttast langvinnan hernað
Ísraelsher reyndi í gærkvöldi allt
sem í valdi hans stendur til að fá
ísraelskan hermann leystan úr haldi
herskárra Palestínumanna. Árásir
voru gerðar úr lofti auk þess sem
hermenn voru sendir inn á suður-
hluta Gaza-svæðisins. Götur á sunn-
anverðu Gaza-svæðinu voru tómar
og á norðanverðu svæðinu bjuggu
íbúar sig undir að yfirgefa heimili
sín.
Óveður í Bandaríkjunum
Tvö hundruð þúsund manns hafa
þurft að yfirgefa heimili sín og ellefu
hafa farist af völdum óveðurs og
flóða sem orðið hafa í norðaust-
urríkjum Bandaríkjanna.
Bónus lægstir
Í verðkönnun, sem ASÍ gerði á
dögunum, kemur fram að Bónus er
oftast með lægsta verð á matar- og
drykkjarvöru. Ellefu-ellefu er aftur
á móti oftast með hæsta verðið sam-
kvæmt könnuninni.
Y f i r l i t
Í dag
Sigmund 8 Hestar 39
Fréttaskýring 8 Minningar 40/50
Úr verinu 14 Skák 50
Erlent 14/16 Myndasögur 54
Minn staður 18 Dagbók 54/57
Höfuðborgin 19 Víkverji 54
Akureyri 22 Velvakandi 55
Austurland 22 Staður og stund 56
Suðurnes 23 Menning 58/65
Landið 23 Leikhús 58
Daglegt líf 26/31 Bíó 62/65
Forystugrein 34 Ljósvakamiðlar 66
Umræðan 36/38 Veður 67
Bréf 37 Staksteinar 67
* * *
Morgunblaðið Kringlunni 1, 103 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann
Björnsson, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Magnús
Finnsson, fulltrúi ritstjóra, magnus@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri,
sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 



 


 
 



  

 

  

 


 


 !

"
# 
$
% 
 






  & 

 
 

'() *

 +,,,




 





 








 
  BANDALAG starfsmanna ríkis og
bæja (BSRB) mun aldrei láta það
gerast aftur að samtökunum sé hald-
ið fyrir utan endurskoðun kjara-
samninga og samkomulag Alþýðu-
sambands Íslands (ASÍ) og Samtaka
atvinnulífsins (SA) í þeim efnum var
beinlínis klæðskerasaumað til þess
að undanskilja opinbera starfsmenn,
segir Ögmundur Jónasson, formað-
ur BSRB.
Samkomulag ASÍ og SA var tví-
þætt og tók annars vegar til samn-
insgbundinnar endurskoðunar
vegna verðlagsákvæða samninganna
og hins vegar til samnings um sér-
stakan taxtaviðauka, sem sagður er
tilkominn vegna kjaraþróunar hjá
opinberum aðilum.
BSRB fundaði með stjórnvöldum
um endurskoðun sinna samninga í
gær og sagði Ögmundur að fram
hefði komið á fundinum að stjórn-
völd litu svo á að endurskoðunin tæki
einvörðungu til ákvörðunar í endur-
skoðunarnefnd ASÍ og SA en litu
ekki á samkomulagið heildstætt og
undanskildu samningana um taxta-
viðauka.
Klæðskerasaumað
„Þetta er beinlínis klæðskera-
saumað til þess að undanskilja op-
inbera starfsmenn. Það er augljóst,“
sagði Ögmundur.
Hann sagði að þarna væri fráleit-
ur hlutur á ferðinni. „Allt þetta mál
hefur orðið þess valdandi að það er
ásetningur okkar að láta það aldrei
gerast aftur að BSRB sé haldið fyrir
utan endurskoðun kjarasamninga,“
sagði Ögmundur einnig.
Hann sagði að forsenda þess að
hægt væri að tala um þjóðarsátt
varðandi þessa endurskoðun og að-
gerðir væri að þjóðin kæmi öll að
þessum málum og það hefði ekki
gerst í þessu tilviki.
„Þessum stóru samtökum hefur
verið haldið algjörlega fyrir utan
þetta ferli, enda ber endurskoðunin
þess glögg merki þegar farið er í
saumana á henni,“ sagði Ögmundur.
Hann sagði að þótt markmiðin
með þessum aðgerðum væru að
mörgu leyti ágæt, þ.e.a.s. að lyfta
hinum lægst launuðu og færa taxta
nær greiddum launum, þá sýndist
sér að það væri miklu minna kjöt á
beininu en menn létu í veðri vaka.
Hann sagði að það sem næst
myndi gerast í þessum efnum væri
að einstök félög innan BSRB myndu
fara í viðræður varðandi þau mál
sem sneru beint að þeim. Þau mundu
kanna útfærslu og framkvæmd á
endurskoðun samninganna eftir því
sem við ætti í hverju tilviki fyrir sig,
en heildarsamtökin mundu eiga
frekari viðræður um það sem sneri
að félagsmönnum almennt og þar
væri hann meðal annars að vísa til
framlags til endur- og símenntunar.
Einungis ákvörðun endurskoðunarnefndarinnar á við um opinbera starfsmenn
BSRB ekki aftur haldið fyrir
utan endurskoðun samninga
Eftir Hjálmar Jónsson
hjalmar@mbl.is
GRILLVEISLA Ljóssins, end-
urhæfingar- og stuðnings-
miðstöðvar fyrir krabbameins-
greinda og aðstandendur, fór
fram við Neskirkju í blíðskap-
arveðri í gær. Að sögn Ernu
Magnúsdóttur, umsjónarmanns
starfsins, ríkti mikil gleði og sam-
hugur meðal þeirra fjölmörgu sem
sáu sér fært að mæta. Ljósið hóf
starfsemi sína í safnaðarheimili
Neskirkju síðastliðið haust. Mark-
mið félagsskaparins er að draga
úr hliðarverkunum krabbameins
með því að efla tengsl, traust og
hjálpsemi meðal þeirra sem
greinst hafa með sjúkdóminn og
aðstandenda þeirra.
Samheldinn hópur
blés til grillveislu
Morgunblaðið/Ásdís
HÉRAÐSDÓMUR Reykjaness hefur
dæmt rúmlega sextugan karlmann í
sjö mánaða skilorðsbundið fangelsi
fyrir kynferðisbrot gegn tveimur
sex og átta ára telpum í fyrra og
hitteðfyrra. Maðurinn var heim-
ilisvinur á heimili barnanna og naut
trúnaðartrausts foreldra. Dómurinn
taldi brotin alvarleg og að þau hefðu
beinst að mikilsverðum hagsmunum
barnanna. Ákærði játaði skýlaust
brotin og með tilliti til þess, auk lof-
orðs um að leita sér hjálpar, fékk
hann skilorð á refsingunni. Hann
var jafnframt dæmdur til að greiða
telpunum 400 þúsund kr. í miska-
bætur. Gunnar Aðalsteinsson hér-
aðsdómari dæmdi málið. Verjandi
var Sveinn Andri Sveinsson hrl. og
sækjandi Sigríður J. Friðjónsdóttir,
saksóknari hjá ríkissaksóknara.
Sjö mánaða fang-
elsi fyrir kynferð-
isbrot gegn telpum
LOFTLEIÐIR Icelandic, leiguflug-
félag innan Icelandair Group, hefur
keypt 55% hlutafjár í lettneska
leiguflugfélaginu Latcharter Air-
lines og skuldbundið sig til að kaupa
það að fullu. Kaupin eru gerð í fram-
haldi af nánu samstarfi félaganna í
sölu- og markaðsmálum og styrkja
sókn félagsins inn á A-Evrópumark-
að og auka vöruframboð félagsins
með tilkomu Airbus 320-véla.
„LatCharter Airlines hafa fest sig
í sessi sem traust félag á heima-
markaði sínum. Félagið býr yfir öfl-
ugu tengslaneti við þarlendar ferða-
skrifstofur og ferðaheildsala og
mikilvægri markaðsþekkingu á
A-Evrópu sem við munum njóta
góðs af í náinni framtíð,“ sagði Sig-
þór Einarsson, framkvæmdastjóri
Loftleiða Icelandic.
Loftleiðir
kaupa 55%
í Latcharter
SKIPULAGSRÁÐ Reykjavíkur-
borgar samþykkti í gær að skipa
starfshóp um skipulag, uppbygg-
ingu og umbætur við Laugaveg.
Tekið skal mið af núgildandi deili-
skipulagi og þróunaráætlun mið-
borgar og hlutdeild borgaryfirvalda
í umbótum sem styrkt geta Lauga-
veginn sem mikilvægustu verslunar-
og þjónustugötu Reykjavíkur skoð-
uð. Hópurinn skal hafa samráð við
íbúa og verslunarrekendur við
Laugaveg auk þess sem allir Reyk-
víkingar fá kost á að koma með hug-
myndir og tillögur að öflugri Lauga-
vegi.
Í hópnum eiga sex fulltrúar sæti:
Hanna Birna Kristjánsdóttir, Gísli
Marteinn Baldursson og Dagur B.
Eggertsson voru skipuð í hópinn
sem fulltrúar skipulagsráðs. Þá voru
Ásgeir Bolli Kristinsson athafna-
maður, Pétur Ármannsson arkitekt
og Eva María Jónsdóttir dagskrár-
gerðarkona skipuð sem fulltrúar
rýnihóps um Laugaveg sem starf-
ræktur hefur verið undanfarin ár.
Búist er við tillögum fyrir næstu
áramót. „Vonandi verður samstaða
um tillögurnar svo við getum farið
að hrinda þeim í framkvæmd,“ segir
Hanna Birna Kristjánsdóttir, for-
maður skipulagsráðs.
Málefni Laugavegar til skoðunar
ÞJÓRSÁRVER eru ekki á dagskrá
hjá Landsvirkjun um þessar mundir,
að sögn Jóhannesar Geirs Sigur-
geirssonar,
stjórnarformanns
Landsvirkjunar.
Eins og Morg-
unblaðið greindi
frá í gær hefur
héraðsdómur í
Reykjavík fellt úr
gildi hluta af úr-
skurði Jóns
Kristjánssonar,
setts umhverfis-
ráðherra, varðandi Þjórsárver. Taldi
dómurinn að ráðherra hefði ekki ver-
ið heimilt að fallast á gerð set- og
miðlunarlóns norðan og vestan
Þjórsárvera og veituskurðar í Þjórs-
árlón, án umhverfismats.
„Það er ekkert í gangi hjá Lands-
virkjun hvað Þjórsárverin varðar,“
segir Jóhannes Geir en tekur fram
að hann eigi eftir að kynna sér nið-
urstöðu héraðsdóms til hlítar og að
viðbrögð hans tengist ekki dómnum
sérstaklega.
Hann segir Þjórsárverin hafa ver-
ið til skoðunar, enda þurfi Lands-
virkjun sem orkusölufyrirtæki að
geta farið í slíkar framkvæmdir með
tiltölulega stuttum fyrirvara. Hins
vegar standi slíkar framkvæmdir
ekki til núna.
Þjórsárver
ekki á
dagskrá
Jóhannes Geir
Sigurgeirsson
HÉRAÐSDÓMUR Reykjaness fram-
lengdi í gær gæsluvarðhald þriggja
manna vegna skotárásarinnar á
Burknavöllum á dögunum um tæpa
viku eða til 4. júlí næstkomandi.
Gæsluvarðhald
framlengt
♦♦♦
HÆSTIRÉTTUR hefur staðfest
áframhaldandi gæsluvarðhald yfir
manni sem sætir rannsókn vegna
hnífstunguárásar hinn 17. júní. Í
úrskurði héraðsdóms eru rakin
málsatvik sem eru á þann veg að
sonur hafði stungið föður sinn í síð-
una og sært hann alvarlega. Var
árásin gerð í kjölfar deilna feðg-
anna. Sakborningurinn hefur játað
árásina fyrir lögreglu og sætir
hann gæsluvarðhaldi þar til dómur
gengur í máli hans, þó ekki lengur
en til 4. ágúst.
Í gæslu vegna
hnífaárásar