Morgunblaðið - 29.06.2006, Qupperneq 6

6 FIMMTUDAGUR 29. JÚNÍ 2006 MORGUNBLAÐIÐ
FRÉTTIR
www.landsmot.is
26. JÚNÍ – 2. JÚLÍ 2006
VINDHEIMAMELUM
Fjölskylduhátíð hestamanna
Sjáðu bestu hesta og knapa landsins
fara á kostum. Hljómsveit Geirmundar
Valtýssonar, Todmobile og Papar
halda uppi dúndrandi stemningu fimmtu-
dags-, föstudags- og laugardagskvöld.
FARÞEGAR og áhöfn hvalaskoð-
unarbáts á vegum fyrirtækisins
Eldingar, sem var á siglingu á
Faxaflóanum, urðu heldur betur
hrifnir í fyrradag þegar fyrir
sjónum þeirra blasti stærðarinnar
langreyður. Langreyðurin er
næststærsta skepna jarðarinnar á
eftir steypireyðinni og getur orð-
ið allt að 20–25 metra löng og 45
tonn að þyngd.
Að sögn Eddu Elísabetar Magn-
úsdóttur, leiðsögumanns hjá Eld-
ingu, er ekki algengt að sjá hvali
af þessari stærðargráðu inni á
Faxaflóanum.
Faxaflóinn er grunnsævi sem er
að meðaltali um 38 metrar að
dýpt og því ekki ákjósanlegt
svæði stórhvela á borð við lang-
reyði.
Ljósmynd/Matti Lepistö
Langreyðurin er sjaldgæf sjón á Faxaflóanum.
Stórhveli í Faxaflóanum
OLÍS hefur hafið rannsókn á því
hvað fór úrskeiðis þegar edikssýru á
vegum fyrirtækisins var blandað við
klór í sundlaug Eskifjarðar í fyrra-
dag með þeim afleiðingum að um 30
manns voru fluttir á sjúkrahús. Þor-
steinn Ólafsson, efnafræðingur og
forstöðumaður heildsöludeildar Olís,
segir ljóst að slysið hafi orðið vegna
mistaka starfsmanns fyrirtækisins.
„Það hefur komið í ljós að starfs-
maður hjá okkur í útibúinu á Reyð-
arfirði varð fyrir því óláni að af-
greiða ranga vöru,“ segir Þorsteinn.
Viðkomandi hafi farið með vöruna í
bíl frá Reyðarfirði, tengt tankinn við
forðatank í sundlauginni og látið
edikssýru renna í klórtanka. „Þá
losnar klórgas sem veldur síðan
skaða,“ segir Þorsteinn. Hann segir
að um leið og fregnast hafi af slys-
inu hafi fyrirtækið sett vinnu í gang.
„Okkar fyrstu áhyggjur voru tengd-
ar fólkinu sem lenti í slysinu og eru
enn reyndar. En síðustu fréttir
benda til þess að þetta virðist ekki
hafa verið eins alvarlegt og maður
óttaðist í fyrstu,“ segir Þorsteinn.
Farið yfir allt ferlið allt frá
móttöku til afhendingar
Spurður hvað Olís geti gert til að
koma í veg fyrir að svona endurtaki
sig segir Þorsteinn að þegar full-
nægjandi upplýsingum hafi verið
safnað verði farið yfir „allt okkar
ferli, alveg frá því að við tökum á
móti vöru og þar til við afhendum
hana til okkar viðskiptavina. Við
munum staldra við öll skref í því
ferli og velta upp öllu því sem við
teljum að hægt sé að gera til þess að
auka öryggið“, segir Þorsteinn.
Umbúðir edikssýru
og klórs svipaðar
Hann segir aðspurður að umbúðir
edikssýrunnar og klórsins séu svip-
aðar. „Það er eitt af því sem við
munum skoða. Það er staðreynd að
miðarnir á þessum umbúðum eru
keimlíkir að sjá. Þannig að ef við-
komandi les ekki textann gætu þær
ruglast eins og þarna hefur orðið
raunin,“ segir Þorsteinn. Hann seg-
ist vita til þess að svipað hafi áður
gerst, en þá í minna mæli. „Hættan
er alltaf fyrir hendi þegar fram-
kvæmdin er þessi, þegar manns-
höndin er annars vegar,“ segir
hann.
Mikilvægast að finna leiðir
til að fyrirbyggja svona lagað
Um atvikið í fyrradag segir Þor-
steinn að megnið af tankinum sem
fluttur var frá Reyðarfirði til Eski-
fjarðar hafi átt að fara í sundlaugina
þar. Til hafi staðið að flytja afgang-
inn til baka til Reyðarfjarðar. Þor-
steinn segir erfitt að segja til um
hversu langan tíma það taki Olís að
fara yfir málið. „Við munum leggja
mjög mikla áherslu á að þetta fari
hratt og vel í gegn. En mikilvægast
er þó að við finnum allar þær leiðir
sem hægt er að finna til þess að fyr-
irbyggja svona lagað,“ segir Þor-
steinn Ólafsson.
Olís rannsakar hvað fór úrskeiðis þegar edikssýru var blandað við klór í Eskifjarðarlaug
Afgreiddi ranga vöru
Eftir Elvu Björk Sverrisdóttur
elva@mbl.is
Morgunblaðið/ÞÖK
Einn á gjörgæslu eftir slysið
ANNAR tveggja manna sem fluttir
voru á Fjórðungssjúkrahúsið á Ak-
ureyri (FSA) eftir eiturefnaslysið á
Eskifirði í fyrradag, lá á gjörgæslu-
deild sjúkrahússins í gærdag og til
stóð að hann yrði þar í nótt, að sögn
Magnúsar Stefánssonar, starfandi
framkvæmdastjóra lækninga á FSA.
Hinn maðurinn var fluttur af gjör-
gæsludeild yfir á almenna deild í gær.
Magnús sagði í samtali við Morg-
unblaðið í gær að líðan mannanna
tveggja væri þokkalega góð. Mað-
urinn sem lægi á gjörgæsludeild væri
ekki í lífshættu en öruggara hefði
þótt að hann dveldist þar áfram.
Alls dvöldust 18 manns á FSA,
Fjórðungssjúkrahúsinu á Norðfirði
og á Landspítala – háskólasjúkrahúsi
nóttina eftir slysið. Af Fjórðungs-
sjúkrahúsinu á Norðfirði var búið að
útskrifa alla sem þar dvöldust, tólf
manns, um miðjan dag í gær.
Fjórir voru fluttir á Landspítala –
háskólasjúkrahús í Reykjavík, einn
fullorðinn einstaklingur og þrjár
stúlkur á aldrinum 11–13 ára. Um
miðjan dag í gær hafði fólkið allt ver-
ið útskrifað. Guðmundur Jónmunds-
son, barnalæknir á Landspítala – há-
skólasjúkrahúsi, sagði að ein stúlkn-
anna þriggja hefði verið lögð inn á
barnadeild nóttina eftir slysið, en hún
hefði verið með astma og því
viðkvæmari fyrir. Hinar hefðu dvalist
á bráðamóttöku sjúkrahússins.
Sundlaugin
opnuð að nýju
á föstudag
TIL stendur að opna sundlaugina á
Eskifirði að nýju á föstudag, en þá á
hreinsun laugarinnar og sundlaugar-
hússins að verða lokið að fullu. Há-
kon Sófusson, starfsmaður sund-
laugarinnar á Eskifirði sagði í
samtali við Morgunblaðið í gær að
búið væri að hreinsa sundlaugina
sjálfa. „Við hleyptum úr lauginni og
þrifum alla laugina, vatnsrenni-
brautir og annað,“ segir hann. Þá
mun þurfa að þrífa húsið en að sögn
Hákons unnu sex starfsmenn sund-
laugarinnar að því í gær. Þá taki
tíma að hita laugina upp aftur en „við
reiknum með að opna á föstudaginn
aftur,“ sagði Hákon Sófusson.
DAVÍÐ Baldursson, sóknarprestur
á Eskifirði og Reyðarfirði, fór eins
fljótt og hann gat og ræddi við fólk
sem lent hafði í efnaslysinu á Eski-
firði á miðvikudag og aðstandendur
þess. Davíð fór á sjúkrahúsið á Norð-
firði og ræddi „við flesta ef ekki alla
aðstandendur og þá sem lentu í
þessu og voru þar og einnig við
starfsmenn sundlaugarinnar á Eski-
firði og starfsmenn OLÍS“.
Davíð segir fólk hafa verið í
nokkru uppnámi eftir slysið. „Fólk
eignast ekkert dýrmætara en börnin
sín og það rekur í rogastans þegar
svona gerist,“ segir Davíð. Hann
segir börn oft fljótari að jafna sig eft-
ir atburði sem þessa en fullorðna.
Fullorðna fólkið finni til ábyrgðar
sinnar og hugsi til þess sem hefði
getað gerst.
Davíð segir að hann hafi einnig
rætt við fólk í gærmorgun vegna
slyssins, en þá hafi verið orðið ró-
legra yfir mönnum. „Það sem situr
eftir hjá fólki er hvað þetta gekk vel
og það er ástæða til þess að ítreka
þakkirnar fyrir það hversu vel var
við brugðist. Allt var þetta samhæft
og vel úr garði gert. Sú ánægja lyfti
líka grettistaki,“ segir hann. Hann
segir að rætt verði frekar við fólk
vegna slyssins, leiti það eftir því. Þá
muni hann verða í sambandi við aðra
aðila sem málinu tengjast, þar á
meðal af hálfu OLÍS.
Davíð Baldursson sóknarprestur ræddi við fólk sem
lenti í slysinu á Eskifirði og aðstandendur þess
Börn oft fljótari að
ná sér en fullorðnir
Stjórnendur í
Fjarðabyggð
Þakklátir
þeim sem
aðstoðuðu
þá sem
urðu fyrir
eitrun
STJÓRNENDUR í Fjarða-
byggð eru afar þakklátir þeim
fjölmörgu sem aðstoðuðu þá
sem urðu fyrir klórgaseitrun í
fyrradag og komu í veg fyrir
frekari skaða með því að
tryggja vettvang við sundlaug-
ina á Eskifirði, að því er segir í
tilkynningu, sem Guðmundur
Bjarnason, bæjarstjóri Fjarða-
byggðar, ritar undir. Þar segir
að ljóst sé að hátt á annað
hundrað manns hafi komið til
aðstoðar á heilbrigðisstofnun-
um og sjúkrahúsum í Fjarða-
byggð, á Akureyri og í Reykja-
vík. „Slökkvilið og
björgunarsveitarmenn, flug-
menn, lögregla, félagsmenn í
Rauða krossinum, starfsmenn
Fjarðabyggðar og þeir sem
stóðu vaktina í samhæfingar-
miðstöð almannavarna í Skóg-
arhlíð. Þessum aðilum og öðr-
um sem réttu hjálparhönd eru
sendar bestu þakkir frá íbúum
Fjarðabyggðar,“ segir í til-
kynningunni.
Það sé samdóma álit þeirra
sem hlut áttu að máli að allt
hjálparstarf hafi gengið ein-
staklega vel og fagmannlega
fyrir sig og allir hafi verið
boðnir og búnir til þess að
gera allt sem í þeirra valdi
stóð til þess að aðstoða.
Þessa stundina vinni starfs-
menn Fjarðabyggðar að því að
hafa samband við þá sem urðu
fyrir slysinu og ættingja
þeirra og athuga með líðan
þeirra. „Á næstu dögum verð-
ur farið yfir málin með það
fyrir augum að tryggja að
svona atburður eigi sér ekki
stað aftur og hvaða lærdóm
hægt er að draga af þessu
slysi varðandi tækjabúnað og
skipulagningu almannavarna.
Einnig verður réttarstaða
Fjarðabyggðar í þessu máli
könnuð ítarlega,“ segir í til-
kynningu Fjarðabyggðar.