Morgunblaðið - 29.06.2006, Blaðsíða 10

10 FIMMTUDAGUR 29. JÚNÍ 2006 MORGUNBLAÐIÐ
FRÉTTIR
„LANDSBANKINN er elsta stór-
fyrirtæki landsins. Við erum alltaf
varkárir og nefnum hann elsta stór-
fyrirtækið því það er einn og einn
sparisjóður sem er eldri,“ segir
Björgólfur Guðmundsson formaður
bankaráðs Landsbankans um þau
tímamót sem nú eru framundan, en
næstkomandi laugardag heldur
bankinn upp á 120 ára afmæli sitt.
Viðamikil dagskrá hefur nú verið
kynnt þar sem alls verða skipulagðir
120 viðburðir hér heima og erlendis.
Dagskrá á fjórtán stöðum
Upphaf og hápunktur afmælisárs-
ins verður laugardagurinn 1. júlí en
þá mun bankinn bjóða landsmönnum
til veislu. Hún verður haldin á fjórtán
stöðum á landinu og hefst á hádegi
við höfuðstöðvar bankans þar sem
120 fermetra afmæliskaka verður
borin fram. Á þriðja hundrað manns
mun koma fram á dagskránni en auk
þess mun bankinn koma fyrir leik-
tækjum og bjóða upp á þrautir til að
skemmta gestum. Auk Reykjavíkur
mun dagskrá fara fram í Keflavík,
Akranesi, Ólafsvík, Ísafirði, Skaga-
strönd, Sauðárkróki, Akureyri, Húsa-
vík, Egilsstöðum, Reyðarfirði,
Hornafirði, Hvolsvelli og Selfossi.
Hátíðarhöldin verða við útibú bank-
ans.
Á afmælisdaginn kemur út afmæl-
isrit um sögu bankans, í ritstjórn
Eggerts Þórs Bernharðssonar sagn-
fræðings. Sama dag verður opnaður
söguvegur á landsbanki.is. Á sunnu-
dag verður opnuð í Gerðarsafni í
Kópavogi yfirlitssýning á verkum Jó-
hannesar Kjarvals í eigu Landsbank-
ans. Í haust verður Landsbanka-
hlaupið endurvakið um allt land auk
þess sem sýning um sögu bankans
mun færast á milli útibúa.
Starfsmenn með hugmyndir
Landsbankinn efndi til samkeppni
meðal starfsmanna sinna um kjörorð
afmælisins og hvernig halda ætti upp
á það. Björgólfur Guðmundsson var
að sögn ánægðastur með þá tillögu að
allir viðskiptavinir bankans sem yrðu
120 ára á árinu myndu njóta sér-
stakra ívilnana, enda ekki ólíklegt að
bankinn sleppi við útgjöld af því til-
efni! Margar þeirra tillagna sem fram
komu í samkeppninni munu þó verða
að veruleika en framkvæmd afmæl-
isins er ákveðin af sérstakri afmæl-
isnefnd undir formennsku Kjartans
Gunnarssonar, varaformanns banka-
ráðs Landsbankans. Fram-
kvæmdastjóri verkefnisins er María
Björk Óskarsdóttir.
Landsbanki Íslands tók til starfa
hinn 1. júlí árið 1886 í Bakarabrekk-
unni í Reykjavík, sem nú heitir
Bankastræti eftir bankanum. Fyrstu
áratugina hafði bankinn ekki úr mikl-
um fjármunum að spila og var ekki
ósvipaður sparisjóði. Eftir að bankinn
endurheimti rétt til seðlaútgáfu á 3.
áratugnum og varð þjóðbanki öðl-
aðist hann aftur á móti sess sem
stærsti banki landsins. Seðlaútgáfan
var skilin frá bankanum árið 1961
með tilkomu sérstaks Seðlabanka en
starf hans sem viðskiptabanka hélt
áfram og útibúum fjölgaði á næstu
áratugum. Bankinn var gerður að
hlutafélagi árið 1997 og síðasti hlutur
ríkisins var seldur árið 2003. Hann
starfar nú sem einkabanki í sam-
keppni á Íslandi og á dótturfélög í tólf
löndum.
Landsbanki Íslands fagnar 120 ára afmæli sínu laugardaginn 1. júlí
Afmælisveislan
mun standa yfir
allt þetta ár
Morgunblaðið/Sverrir
María Björk Óskarsdóttir, Björgólfur Guðmundsson og Kjartan Gunn-
arsson á fundi þar sem dagskrá afmælisins var kynnt.
Morgunblaðið/Golli
Afmælisdagskráin í Reykjavík mun fara fram í nágrenni höfuðstöðva
bankans. Einkum á Lækjartorgi, Austurvelli og Ingólfstorgi.
Eftir Berg Ebba Benediktsson
bergur@mbl.is
NAUÐSYNLEGT er að viðskipti
sjálfseignarstofnunarinnar Markar-
holts ses. með lóðarréttindi lóðarinn-
ar númer 58–62 við Suðurlandsbraut
í Reykjavík, sem og þau viðskipti
sem átt hafa sér stað um hluti í
Mörkinni eignarhaldsfélagi ehf.,
gangi til baka, að því er fram kemur
í samþykkt Borgarráðs Reykjavíkur
frá 15. júní síðastliðnum.
Á fundi borgarráðs var lagt fram
bréf Landsbanka Íslands hf. frá 30.
maí sl., þar sem óskað var eftir því
að borgaryfirvöld samþykktu ann-
ars vegar að gerður yrði lóðarleigu-
samningur við Landsbanka Íslands
hf. um lóðina Suðurlandsbraut 58–62
og hins vegar framsal bankans á lóð-
inni til Markarinnar eignarhalds-
félags ehf. í framhaldi af gerð lóð-
arleigusamningsins.
Vilhjálmur Þ. Vilhjálmsson borg-
arstjóri lagði fram tillögu um að fela
Stjórnsýslu- og starfsmannasviði og
Framkvæmdasviði Reykjavíkur-
borgar að leita samstarfs við Lands-
banka Íslands hf. um að áformuð
uppbygging þjónustuíbúða í Mörk-
inni hjá fyrirhuguðu hjúkrunar-
heimili nái fram að ganga.
Skilyrði að lóðin yrði framseld
sjálfseignarstofnuninni á ný
„Til að unnt verði að samþykkja
framkomna ósk Landsbankans um
heimild til framsals lóðarinnar nr.
58–62 við Suðurlandsbraut er nauð-
synlegt að viðskipti Markarholts
ses. með lóðarréttindin sem og þau
viðskipti, sem átt hafa sér stað um
hluti í Mörkinni eignarhaldsfélgi
ehf., gangi til baka,“ sagði m.a. í til-
lögu borgarstjórans, sem var sam-
þykkt.
Í bókun Ólafs F. Magnússonar
borgarfulltrúa kom fram að F-list-
inn styddi einróma samþykkt borg-
arráðs á tillögu borgarstjóra um
málið.
Lóðinni var upphaflega úthlutað
til sjálfseignarstofnunarinnar Mark-
arholts ses. gegn greiðslu gatna-
gerðargjalda. Félagið var stofnað af
áhugafólki til að byggja 78 íbúðir
fyrir eldra fólk í þremur fjölbýlis-
húsum með bílageymslum í kjallara.
Landsbankinn fjármagnaði fram-
kvæmdirnar og borgarráð sam-
þykkti 9. júní 2005 að fara að óskum
bankans og Markarholts ses. um að
bankinn fengi byggingarréttinn til
tryggingar fjármögnun fram-
kvæmdanna.
Sjálfseignarstofnuninni var breytt
í Mörkina eignarhaldsfélag ehf. sem
Nýsir keypti og yfirtók þannig verk-
ið. Samþykkt borgarráðs um fram-
sal byggingarréttarins var hins veg-
ar bundin því skilyrði að lóðin yrði
framseld sjálfseignarstofnuninni á
ný þegar lóðaleigusamningur hefði
verið gefinn út og tryggingabréfi
vegna lánveitinga þinglýst á lóðina.
„Þannig liggur fyrir að óheimilt er
að ráðstafa lóðarréttindum sjálfs-
eignarstofnunarinnar, sem Lands-
bankinn hefur nú tryggingarétt í, út
úr sjálfseignarstofnuninni. Viðskipti
sem átt hafa sér stað um hluti í
Mörkinni eignarhaldsfélagi ehf.
þurfa því að ganga til baka áður en
unnt verður að fallast á ósk Lands-
bankans um heimild til framsals lóð-
arinnar,“ segir m.a. í greinargerð
með tillögu borgarstjóra sem sam-
þykkt var 15. júní sl.
Borgarráð fjallar um hjúkrunarheimili við Suðurlandsbraut
Viðskipti með lóðar-
réttindi gangi til baka
HELGA Jónsdóttir borgarritari
sagði að Markarholtsmálið yrði
væntanlega aftur til umfjöllunar í
borgarráði í dag. Það væri vilji
borgaryfirvalda að á þessu svæði
risi hjúkrunarheimili fyrir aldraða
og þjónustuíbúðir eins og ætlunin
var.
„Nýsir er með verkið núna, í
gegnum Mörkina eignarhaldsfélag
ehf., en það er ekki óslitin leið frá
því sem við vorum búin að ráð-
stafa,“ sagði Helga. Hún kvaðst
binda vonir við að hægt yrði að ná
sátt milli allra aðila um framhald
málsins.
Hjúkrunarheimili
og þjónustuíbúðir
Morgunblaðið/Kristinn
SIV Friðleifsdóttir, heilbrigðis- og
tryggingamálaráðherra, hefur sent
bréf til Lyfjastofnunar þar sem farið
er fram á að stofnunin ítreki við lyf-
sala að sjúklingar séu upplýstir um
ódýrari samheita-
lyf sé verðmunur-
inn meiri en 5%.
Heilbrigðisráð-
herra er með
bréfinu að bregð-
ast við nýlegri
könnun ASÍ á
lyfjaverði. Sam-
kvæmt reglum er
lyfjafræðingum í
apótekum skylt
að upplýsa sjúklinga um ódýr sam-
heitalyf.
Auk upplýsinga um þróun lyfja-
verðs kemur fram í könnun ASÍ að
lyfjafræðingar hjá tveimur lyfsölu-
keðjum virðast láta undir höfuð
leggjast að sinna skyldum sínum
sem skilgreindar eru í reglugerð um
afgreiðslu lyfseðla, áritun og afhend-
ingu lyfja með áorðnum breytingum.
Í bréfi ráðherra til Lyfjastofnunar
segir m.a.: „Í nýlegri könnun ASÍ á
lyfjaverði kemur fram að lyfjafræð-
ingar hjá þeim tveimur lyfsölukeðj-
um sem eru markaðsráðandi hér á
landi sinna ekki þessari skyldu sinni.
Af þessu tilefni fer ráðuneytið fram á
það við Lyfjastofnun að hún ítreki í
dreifibréfi umræddar skyldur til
apóteka landsins. Jafnframt beinir
ráðuneytið því til Lyfjastofnunar að
stofnunin ítreki þær heimildir sem
hún hefur samkvæmt lyfjalögum til
að knýja á um úrbætur sé ástæða til
að mati stofnunarinnar, svo sem að
veita áminningu sem getur verið
undanfari leyfissviptingar.“
Vill að
reglum um
lyf sé fylgt
Siv Friðleifsdóttir
Eftir Árna Helgason
arnihe@mbl.is
ARNAR Björnsson og félagar hans
á Sýn hafa haft í nógu að snúast und-
anfarnar vikur við að lýsa þeirri
knattspyrnuveislu sem leikmenn og
liðin á heimsmeistaramótinu hafa
boðið áhorfendum upp á.
Frídagurinn á HM í gær var því
kærkominn að sögn Arnars, sem
fékk þó ekki meira frí en svo að hann
var sestur aftur inn í stúdíó í gær-
kvöldi til að lýsa leik í Landsbanka-
deildinni í fótbolta.
Hann hefur unnið nánast hvern
einasta dag í meira en mánuð og þó
það taki vissulega á, segir hann að
þegar viðburður eins og heimsmeist-
arakeppnin sé annars vegar sé erfitt
að láta sér leiðast. Hann segir að
törnin í kringum heimsmeistaramót-
ið í ár hafi verið öllu meiri en oft áður
enda hafi ekki verið bætt við mann-
skap í lýsingarnar á Sýn og því sé
nokkurt álag á þeim sem fyrir eru.
Arnar segist hins vegar ætla að
taka sér gott frí þegar HM lýkur.
Hann segir að keppnin í ár hafi
verið sérstaklega skemmtileg og vel
heppnuð. Hver stórleikurinn hafi
rekið annan og virkilega gaman hafi
verið að fylgjast með keppninni.
Mögnuð myndvinnsla
Myndvinnsla og framleiðsla sjón-
varpsmanna á slíkum útsendingum
getur skipt miklu máli og segir Arn-
ar að myndvinnslan hjá þýsku sjón-
varpsmönnunum hafi verið einstak-
lega mögnuð og skemmtileg í ár.
„Þeir eru með fínar og nákvæmar
vélar úti um allan völl og ná ótrúleg-
um myndum af leikjunum,“ segir
Arnar og bætir við að þeir séu ein-
staklega lunknir við að ná skemmti-
legum svipbrigðum þjálfara, leik-
manna og áhorfenda. Hann segir að
þýsku sjónvarpsmennirnir hafi
prufukeyrt þá tækni sem notuð sé á
Álfukeppninni sem haldin var í fyrra
og svo getað fínpússað það sem af-
laga fór. „Þetta batnar með hverju
mótinu,“ segir Arnar sem mun að
sjálfsögðu lýsa úrslitaleik heims-
meistarakeppninnar 9. júlí nk. fyrir
fótboltaáhugamenn og aðra sem
fylgjast með.
Reuters
Arnar Björnsson segir að myndvinnslan hjá þýsku sjónvarpsmönnunum
hafi verið einstaklega mögnuð og skemmtileg í ár.
Staðið vaktina í
meira en mánuð