Morgunblaðið - 29.06.2006, Page 23

MORGUNBLAÐIÐ FIMMTUDAGUR 29. JÚNÍ 2006 23
MINNSTAÐUR
Stykkishólmur | Ný Breiðafjarðar-
ferja hóf siglingar yfir Breiðafjörð
um miðjan apríl. Hún hlaut nafnið
Baldur eins og fyrirrennarar henn-
ar. Er þetta áttunda skipið sem ber
nafnið Baldur og þjónar því hlut-
verki að sigla um Breiðafjörð með
varning og farþega. Nýr Baldur hef-
ur alltaf verið mikil samgöngubót og
eins er það með nýju ferjuna.
Fyrir stuttu buðu eigendur Bald-
urs starfsmönnum og gestum til
formlegrar vígslu, þar sem ferjan
var boðin velkomin. Sæferðir í
Stykkishólmi eru eigendur Baldurs
og er hún eina ferjan hér á landi sem
er í eigu einkaaðila.
Það kom fram í máli Páls Kr. Páls-
sonar, stjórnarformanns Sæferða,
og Péturs Ágústssonar að á þessum
stutta tíma er Baldur hefur ferjað yf-
ir fjörðinn hefði það sýnt sig og sann-
að að full þörf væri á stærra skipi.
Samkvæmt tölum var mikil aukning í
maí bæði í flutningi á bílum og far-
þegum. Öll aðstaða fyrir farþega hef-
ur breyst til hins betra og hefur mikil
aukning orðið í rekstri veitingasölu.
Þarf að bæta bryggjuaðstöðu
Pétur Ágústsson segir að heima-
menn norðan fjarðar noti skipið
miklu meira og eru skipverjar sífellt
að sjá ný andlit frá þessum stöðum.
Hann segir að reiknað hafi verið með
að Baldur gæti ekki sinnt öllum bíla-
flutningum yfir háannatímann, en
það hafi komið honum á óvart að í
maímánuði hafi komið dagar þar sem
ekki var hægt að flytja alla bíla sem
vildu komast með. Nýi Baldur tekur
um 45 bíla á móti 20 hjá gamla
Baldri. Þrátt fyrir stærra skip er
nauðsynlegt að panta pláss fyrir bíl-
inn með fyrirvara til að vera öruggur
um að komast með á réttum tíma.
Að sögn Péturs er ganghraði
Baldurs eins og gert var ráð fyrir og
tekur ferðin yfir Breiðafjörð rúma
tvo tíma í stað þriggja tíma áður. Þá
hefur gengið vel að leggjast að
bryggju á öllum stöðum. „En það er
alveg ljóst að gera þarf endurbætur
á bryggjuaðstöðu, sérstaklega á
Brjánslæk og í Flatey,“ segir Pétur
og bætir við að unnið sé að því að
finna lausn þessara mála í samráði
við sveitarfélögin og Siglingastofn-
un.
Pétur var spurður hvernig sjóskip
nýi Baldur væri. Hann svaraði því til
að Baldur léti vel í sjó. „Einstaka far-
þegi talar um það að skipið ruggi í
vestanátt og er það rétt, en samt er
veltan öðruvísi en á gamla skipinu.
Hingað til hefur aldrei þurft að festa
fólksbíla niður á þilfarið,“ segir Pét-
ur og bætir við að skipið hafi mikinn
stöðugleika. „Það er belgmikið og
tekur fljótt við áhrifum öldunnar, en
veltur aldrei meira en 5–10 gráður.“
Baldur fer yfir sumartímann tvær
ferðir á dag og er brottför frá Stykk-
ishólmi kl. 9 og 16.
Baldur mikil samgöngubót
Morgunblaðið/Gunnlaugur Árnason
Hefur reynst vel Ferjan Baldur tekur 45 bíla á þilfar og 300 farþega í sæti.
Eftir Gunnlaug Árnason
LANDIÐ
SUÐURNES
Mývatnssveit | Guðmundur Jóns-
son á Hofsstöð lítur upp frá verki um
stund og fær sér í nefið. Ekki þýðir
að bjóða öðrum viðstöddum. Það er
af sem áður var þegar dósin var rétt
næsta manni og boðið í nös. Þeir eru
nú fáir eftir sem taka í nefið með
gamla laginu. Nú tíðkast þau hin
breiðu spjótin. Ungu mennirnir taka
í vörina og nota til þess venjulegt
neftóbak. Segjast gjarnan vilja fá
sænskt en innflutningur þess er
bannaður. Því láta þeir sig hafa það
að moka neftóbaki í vörina. Sam-
kvæmt upplýsingum frá ÁTVR hef-
ur verið stöðug aukning í innflutn-
ingi neftóbaks frá aldamótum. Árið
2001 voru flutt inn 10,2 tonn en á síð-
asta ári 13,8 tonn. Verði ykkur að
góðu.
Viltu í
nefið,
kunningi?
Guðmundur Jónsson á Hofsstöð.
Siglufjörður | Vinna við nýjan endurvarpa fyrir STK (Tilkynn-
ingaskylduna) hófst á dögunum.
Vakti þessi þyrla nokkra forvitni og í ljós kom að endurvarpi
mun rísa á Illviðrishnjúk. Hann mun ganga fyrir sólarorku með
rafgeyma sem varaafl.
Þyrla kom til Siglufjarðar til að flytja á hnjúkinn en flutningur
var talsverður og aðstoðuðu félagar í Björgunarsveitinni
Strákum við hann.
Ekki sást í hnjúkinn sjálfan fyrir skýjum og því þurfti að fara
með búnaðinn fyrst eins nærri hnjúknum og komist varð en flytja
svo búnaðinn þaðan.
Endurvarpi á
Illviðrishnjúk
Þoka Alskýjað var á sjálfum hnjúknum.
Keflavík | Árlegum námsstyrkjum í
Námsmannaþjónustu Sparisjóðsins
í Keflavík hefur verið úthlutað og
fengu eftirtaldir námsmenn styrki
að upphæð kr. 150.000 í ár.
Berglind Aðalsteinsdóttir sem út-
skrifast sem kandídat í læknisfræði
frá Háskóla Íslands, Guðbjörg R.
Jóhannesdóttir en hún útskrifast
með M.A. í umhverfisheimspeki frá
Lancaster University í Englandi og
Jana María Guðmundsdóttir sem
lauk burtfararprófi í söng frá Söng-
skólanum í Reykjavík. Dómnefndin
sem sá um valið á styrkþegum var
skipuð Oddnýju Harðardóttur, bæj-
arstjóra í Garði, Árna Hinrik Hjart-
arsyni, fjármálastjóra Reykjanes-
bæjar og Eysteini Jónssyni,
aðstoðarmanni landbúnaðarráð-
herra.
Sparisjóðurinn í Keflavík hefur
stutt við bakið á námsfólki frá Suð-
urnesjum með ýmsum hætti í gegn-
um tíðina og eru styrkveitingarnar
hluti af Námsmannaþjónustu Spari-
sjóðsins. Þá er bókastyrkjum úthlut-
að til 25 námsmanna í byrjun hverr-
ar skólaannar. Námsstyrkir hafa nú
verið veittir sextán ár í röð og hafa
samtals 60 námsmenn fengið styrki.
Sparisjóðurinn í Keflavík
styrkir útskriftarnema
Standa sig vel F.v.: Baldur Guðmundsson, markaðsstjóri SPKEF, Arnar f.h.
Berglindar Aðalsteinsdóttur, Jana María Guðmundsdóttir, Marta f.h. Guð-
bjargar R. Jóhannesdóttur og Geirmundur Kristinsson, sparisjóðsstjóri.
TÍU áætlunarferðir verða farnar á
dag í sumar milli Flugstöðvar Leifs
Eiríkssonar, Bláa lónsins og Grinda-
víkur með viðkomu í Reykjanesbæ.
Um tilraunaverkefni er að ræða og
gildir áætlunin til 31. september.
„Það hefur verið til umræðu hér í
mörg ár að skapa ferðamönnum
færi á að komast á milli þessara
staða. Það er ótrúlega mikið að ger-
ast á Reykjanesi fyrir ferðamenn en
hefur skort á að fólk komist á milli.
Með því að búa til þessar reglulegu
ferðir er kostnaður á hvern mann
miklu minni og öryggið meira. Ég
hef trú á að Reykjanesið verði einn
stærsti ferðamannastaður landsins,
ekki bara með tilliti til flugvallarins
og Bláa lónsins, sem eru þó tveir
langbest sóttu viðkomustaðir ferða-
manna á Íslandi,“ segir Steinþór
Jónsson, formaður samgöngunefnd-
ar sveitarfélaga á Suðurnesjum.
Með nýju ferðunum kemst á teng-
ing við til dæmis hvalaskoðun í
Reykjanesbæ, Saltfisksetrið í
Grindavík og ýmsa fallega staði.
Fjölbreytnin í upplifun ferðamanna
getur þannig orðið mun meiri.
Að vonum bara byrjunin
Ferðirnar hafa fram að þessu að-
eins verið kynntar íbúum Reykja-
nesbæjar. „Við leggjum áherslu á að
ferðirnar eru ekki síður fyrir þá,“
segir Steinþór sem upplýsir að við-
tökurnar fram að þessu hafi verið
afar góðar og til dæmis þurft að
panta þrjá aukabíla einn daginn.
Eftir helgina kemur svo út áætlun
ætluð erlendum ferðamönnum.
„Þetta lítur mjög vel út. Eins og
stendur erum við með reynslutíma-
bil þar sem við finnum út hver er
hagkvæmasta tíðni og tímar ferð-
anna.“
Þá segist hann hafa trú á að þetta
sé aðeins byrjunin á öflugu sam-
gönguneti á Suðurnesjum. „Þessar
ferðir kallast Bláa línan en í framtíð-
inni verður vonandi komið á teng-
ingum í aðrar áttir, svo sem út á
Reykjanesið og til Reykjavíkur-
borgar.“
Reglubundnar ferðir
milli stærstu ferða-
mannastaða landsins
Eftir Önnu Pálu Sverrisdóttur
aps@mbl.is
TENGLAR
..............................................
www.rnb.is