Morgunblaðið - 29.06.2006, Page 39

MORGUNBLAÐIÐ FIMMTUDAGUR 29. JÚNÍ 2006 39
HESTAR
Rjómablíða er á Landsmótihestamanna á Vind-heimamelum og um fjög-ur þúsund manns eru
mætt á svæðið og að sögn Huldu G.
Geirsdóttur, fjölmiðlafulltrúa móts-
ins, hefur annar eins fjöldi ekki fyrr
verið saman kominn svo snemma á
landsmóti. Hún segir allt hafa gengið
eins og í sögu hingað til en búist er
við að mikill fjöldi streymi á mótið í
dag.
Sérstök staða er komin upp eftir
forkeppni í A- og B-flokkum gæð-
inga því sigurvegarar frá lands-
mótinu á Hellu eru efstir enn á ný.
Þar eru á ferð Geisli frá Sælukoti og
Steingrímur Sigurðsson í A-
flokknum og Rökkvi frá Hárlaugs-
stöðum og Þorvaldur Árni Þorvalds-
son í B-flokknum.
Rökkvi sýndi meistaratakta
Titilvörn Rökkva frá Hárlaugs-
stöðum og Þorvalds, sem keppa fyrir
Fák, er hafin með látum. Eftir for-
keppni í B-flokki er Rökkvi efstur
eftir að hafa sýnt meistaratakta í
brautinni og fékk hann einkunnina
8,76. Hvinur fór um brekkuna þegar
hann byrjaði yfirferðina á tölti. Hon-
um var svo ákaft fagnað þegar hann
reið fram hjá brekkunni og var alveg
ljóst að gestir sem dómarar kunnu
vel að meta það sem hann hafði fram
að færa. Þrátt fyrir yfirburðasýn-
ingu eru næstu hestar ekki langt
undan. Hlýr frá Vatnsleysu og knapi
hans Snorri Dal, Sörla, skutu sér
upp í annað sætið með einkunnina
8,73 eftir mjög góða sýningu og eiga
eflaust eftir að veita Rökkva og
knapa hans Þorvaldi Árna Þorvalds-
syni mikla samkeppni. Næstir koma
svo Röðull frá Kálfholti og Ísleifur
Jónasson, Geysi, með 8,64 en þeir
komu inn á mótið með hæstu ein-
kunnina úr forkeppnum hesta-
mannafélaganna, 8,78, og eru til alls
líklegir. Spennan í þessum flokki er
mikil og verður gaman að sjá hvort
Rökkvi og Þorvaldur ná að verja titil
sinn og vinna B-flokkinn í annað
sinn.
Forkeppni í barnaflokki er einnig
búin. Ótrúlega gaman var að fylgjast
með þessum ungu og efnilegu knöp-
um ríða hverjum gæðingnum á fætur
öðrum. Magnað er hversu léttilega
krakkarnir ná að stjórna þessum
miklu og flottu hestum. Efst í þess-
um flokki standa Ragnheiður Hall-
grímsdóttir og Svalur frá Álftárósi
með 8,55 en þau keppa fyrir hesta-
mannafélagið Geysi. Næst koma svo
Jóhanna Margrét Snorradóttir og
Djákni frá Feti, Mána, með 8,51.
Eftir forsýningu hryssna í 6 vetra
flokki er það Dögg frá Breiðholti
sem stendur efst með 8,56 í aðal-
einkunn en hún fékk 8,59 fyrir hæfi-
leika. Dögg er undan Orra frá Þúfu
og Hrund frá Torfunesi. Sýnandi
Daggar er Jón Páll Sveinsson. Í
flokki 4 vetra hryssna eru það tvær
gæðingshryssur sem leiða flokkinn.
Leista frá Lynghól og Þjóð frá
Skagaströnd hafa báðar fengið 8,34 í
aðaleinkunn. Leista fékk 8,57 fyrir
hæfileika en hún er undan Hróði frá
Refsstöðum og Rispu frá Eystri-Hól.
Þjóð fékk 8,55 fyrir hæfileika og er
hún undan hinum fræga Orra frá
Þúfu og Sunnu frá Akranesi. Margir
bíða spenntir eftir yfirlitssýningunni
sem fram fer í dag þar sem hryss-
urnar fá annað tækifæri til að gera
aðeins betur og hækka sinn dóm.
Vilmundur frá Feti leiðir sem
stendur eftir forsýningu í flokki 5
vetra stóðhesta með einkunnina 8,56.
Vilmundur sem er undan Orra frá
Þúfu og er sýndur af Þórði Þorgeirs-
syni fékk hvorki meira né minna en
8,95 fyrir hæfileika sem verður að
teljast mjög gott þar sem ekki nema
sjö aðrir stóðhestar hafa fengið
hærri einkunn en það. Samt sem áð-
ur er ekki mikið sem skilur að fyrsta
og annan hest en Þeyr frá Akranesi
fékk 8,55 í aðaleinkunn og munar því
ekki nema einni kommu á þeim.
Mjög spennandi verður að fylgjast
með þessum efstu hestum í yfirlits-
sýningunni sem fram fer á föstudag
og sjá hvort þeir ná að hækka sig
eitthvað.
Krákur frá Blesastöðum, Töfra-
sonur, plantaði sér í efsta sæti fjög-
urra vetra stóðhesta með einkunnina
8,34 eftir forsýningu en Kraftur frá
Efri-Þverá er annar með 8,32 en
hann er undan Kolfinni frá Kjarn-
holtum.
Geisli frá Sælukoti er efstur eftir
forkeppnina í A-flokknum og eru
þeir Steingrímur Sigurðsson því í
sömu sporum og á Hellu. Keppnin
var geysiskemmtileg og einungis
munar einni kommu á tveimur efstu
hestum en Kraftur frá Bringu og
Þórarinn Eymundsson, Stíganda,
áttu einnig stórgóða sýningu. Geisla
og Steingrími sem keppa fyrir Gust
var vel fagnað af áhorfendum og
hlutu einkunnina 8,94 en Kraftur
8,93. Spennan verður gríðarleg á
morgun en þá verður riðinn millirið-
ill.
Nokkuð er í næstu hesta en Þór-
oddur frá Þóroddsstöðum og Daníel
Jónsson, Fáki, eru þriðju eftir for-
keppnina, Ormur frá Dallandi,
landsmótssigurvegarinn 2000, og
Atli Guðmundsson eru í fjórða sæti
með 8,80 en þeir keppa fyrir Fák,
eins og Gári frá Auðsholtshjáleigu
og Gunnar Arnarson sem eru í
fimmta sæti með 8,63.
Sara og Kári –
Freyja og Krummi
Sara Sigurbjörnsdóttir og Kári frá
Búlandi í Fáki hafa góða stöðu eftir
milliriðil í unglingaflokki, eru með
8,57, en nokkuð er í næsta par, Rúnu
Helgadóttur og Leikara-Brún frá
Kolbeinsá sem keppa líka fyrir Fák,
en þau stimpluðu sig vel inn með ein-
kunnina 8,45. Edda Hrund Hinriks-
dóttir og Glæsir frá Ytri-Hofdölum,
Fáki, eru þriðju með 8,44, Rakel
Nathalie Kristinsdóttir er fjórða á
Vígari frá Skarði, Geysi, með 8,42 og
Valdimar Bergstað og Leiknir frá
Vakursstöðum, Fáki, í fimmta sæti
með 8,39.
Eftir milliriðil í ungmennaflokki
eru efst eftir góða sýningu Freyja
Amble Gísladóttir og Krummi frá
Geldingalæk, Sleipni, með ein-
kunnina 8,52, Fanney Dögg Indr-
iðadóttir og Dögg frá Múla önnur
með 8,49, keppa fyrir Þyt, Camilla
Petra Sigurðardóttir og Sporður frá
Höskuldsstöðum, Mána, eru með
8,45, Rósa Birna Þorvaldsdóttir og
Bylur frá Kleifum, Sörla, í fjórða
sæti með einkunnina 8,43 og Viggó
Sigurðsson og Akkur frá Braut-
arholti sem keppa fyrir Andvara eru
í fimmta sæti eftir riðilinn með 8,41.
Skemmtun mikil er framundan í
dag. T.a.m. hefst keppni í millriðli í
barnaflokki kl. 10 í dag, forkeppni í
tölti verður kl. 18 og mótið sett kl. 21
þar sem hópreið hestamannafélag-
anna verður farin.
ÞAÐ er gaman á landsmótinu í blíðviðrinu og sólin
brosti við þessu fólki sem var komið að sunnan til að
njóta lystisemdanna. Rakel Inga Guðmundsdóttir,
sem hér er lengst til vinstri, hafði nýlokið keppni í
milliriðli í unglingaflokki, sem stóð þessa stund sem
hæst, og beið spennt eftir úrslitunum.
Við hlið Rakelar Ingu eru Ragnheiður Bjarnadótt-
ir, Heba Guðrún Guðmundsdóttir, Hafdís Guð-
mundsdóttir, Sandra Lilja Björgvinsdóttir, Guð-
mundur Ingi Sigurvinsson, Soffía Elsie
Guðmundsdóttir, Linda Dögg Snæbjörnsdóttir og
Björg Ingvarsdóttir.
Brakandi blíða á landsmóti
Rökkvi og Geisli skína enn
Geisli frá Sælukoti og Steingrímur Sigurðsson eru efstir eftir forkeppnina
í A-flokki, skammt er þó í Kraft frá Bringu og Þórarin Eymundsson.
Morgunblaðið/Eyþór
Edda Hrund Hinriksdóttir og Glæsir frá Ytri-Hofdölum eru þriðju í ung-
lingaflokki eftir keppni gærdagsins með einkunnina 8,44.
Rökkva frá Hárlaugsstöðum og Þorvaldi Árna Þorvaldssyni var vel fagnað
í B-flokki gæðinga, enda efstir. Þeir hófu titilvörnina með látum.
Keppni á Landsmóti
hestamanna á Vind-
heimamelum er komin
á fullt flug. Þuríður
Magnúsína Björns-
dóttir og Eyþór Árna-
son fylgjast með gangi
mála í Skagafirðinum.
Morgunblaðið/Eyþór