Morgunblaðið - 08.07.2006, Qupperneq 6
6 LAUGARDAGUR 8. JÚLÍ 2006 MORGUNBLAÐIÐ
FRÉTTIR
DÓMSMÁLARÁÐHERRA hefur
skipað Stefán Eiríksson, skrifstofu-
stjóra í dóms- og kirkjumálaráðu-
neytinu, í embætti lögreglustjóra
höfuðborgarsvæðisins frá og með 15.
júlí næstkomandi.
Stefán segir í samtali við Morg-
unblaðið að nú taki við mikil und-
irbúningsvinna við stofnun lögreglu-
stjóraembættisins fram til næstu
áramóta en 1. janúar verður emb-
ættið formlega til með gildistöku
breytinga á lögreglulögum og lögum
um framkvæmdavald ríkisins í hér-
aði, sem fela m.a. í sér fækkun lög-
regluumdæma landsins úr 26 í 15.
Umdæmi lögreglustjóra höfuðborg-
arsvæðisins nær yfir Reykjavík, Sel-
tjarnarnes, Mosfellsbæ, Kjósar-
hrepp, Kópavog, Garðabæ,
Hafnarfjörð og Álftanes.
„Eins og lögin gera ráð fyrir, þá er
hlutverk mitt
fram að gildis-
töku breyting-
anna á lögreglu-
lögunum að
undirbúa hana,
stilla upp þessu
nýja embætti,
setja upp skipurit
og vinna þetta að
sjálfsögðu í sam-
vinnu við alla þá góðu menn og konur
sem koma til með að starfa hjá þessu
embætti í framtíðinni,“ segir Stefán í
samtali við Morgunblaðið.
„Stóra verkefnið fram undan er
því að teikna þetta embætti upp frá
grunni. Það er mjög skemmtilegt og
áhugavert tækifæri fyrir mig að fá
að gera það,“ segir hann.
Sameining eykur möguleikana
og kraftinn í löggæslunni
Spurður segir Stefán alveg ljóst
að breytingarnar á lögreglulögunum
muni hafa mikla þýðingu fyrir lög-
gæsluna í landinu. „Það held ég að
allir sem hafa kynnt sér þessi mál
sjái og það er forsendan fyrir og
grunnurinn á bak við þessar breyt-
ingar, að menn sjá það fyrir sér að
þarna sé hægt að ná út miklu meiri
krafti í löggæslunni en áður. Það eru
að sjálfsögðu mjög margir góðir
hlutir í gangi hjá lögregluliðunum á
höfuðborgarsvæðinu en menn telja
að með því að sameina þau í eitt emb-
ætti, þá verði krafturinn og mögu-
leikarnir enn meiri,“ segir hann.
Stefán Eiríksson er 36 ára gamall,
fæddur 6. júní 1970. Hann útskrif-
aðist frá lagadeild Háskóla Íslands í
febrúar 1996. Hafði hann þá þegar
hafið störf í dómsmálaráðuneytinu
þar sem hann hefur starfað með ein-
um eða öðrum hætti síðan. Á árunum
1999 til 2001 starfaði Stefán í sendi-
ráði Íslands í Brussel sem sendi-
ráðunautur á sviði dóms- og innan-
ríkismála og vann fyrir hönd
dómsmálaráðuneytisins að málefn-
um Schengensamstarfsins, lögreglu-
samvinnu o.fl. Í ársbyrjun 2002 var
Stefán skipaður skrifstofustjóri lög-
gæslu- og dómsmálaskrifstofu dóms-
málaráðuneytisins og hefur hann
gegnt því embætti síðan.
Síðustu þrjú ár var Stefán formað-
ur verkefnisstjórnar um nýskipan
lögreglumála, sem skilaði skýrslu og
tillögum til ráðherra í byrjun árs
2005. Hann var einnig formaður
framkvæmdanefndar sem vann til-
lögur að lagafrumvarpi á grundvelli
skýrslu verkefnisstjórnarinnar, sem
ráðherra lagði fyrir Alþingi í vetur
og afgreitt var sem lög á seinasta
þingi.
Samhliða háskólanámi starfaði
Stefán við blaðamennsku, á Tíman-
um í eitt ár og síðan sem blaðamaður
á Morgunblaðinu frá 1991 til 1996.
Stefán er kvæntur Helgu Snæ-
björnsdóttur grunnskólakennara og
eiga þau tvo syni.
Stefán Eiríksson hefur verið skipaður lögreglustjóri höfuðborgarsvæðisins
Áhugavert tækifæri að fá að
stilla upp þessu nýja embætti
Eftir Ómar Friðriksson
omfr@mbl.is
Stefán Eiríksson
VEGFARENDUR sem leið áttu um Austurvöll í
gær voru stöðvaðir af fulltrúum Lötu stelpunnar
og spurðir kynlegra spurninga. Að sögn Elínar
Bjarkar Jóhannsdóttur, sem situr í ritstjórn fem-
iníska vefritsins Lötu stelpunnar, var hér um
hluta af Föstudagsflippi Hins hússins að ræða, en
Lata stelpan fékk í sumar styrk frá Hinu húsinu
til skapandi sumarstarfa.
Meðal þess sem vegfarendur voru inntir eftir
var viðhorf þeirra til kynbundins ofbeldis, í hverju
kynjajafnréttissamfélag fælist, á hvaða sviðum
helst vanti upp á kynjajafnrétti og hvort svar-
endur hefðu sjálfir orðið fyrir kynjamismunun.
Segir Elín Björk svörin hafa verið mjög fjöl-
breytt, en gleðilegt að allir hafi verið sammála um
mikilvægi þess að konur og karlar fengju jöfn
laun og jöfn tækifæri í samfélaginu. Segir hún þó
athyglisvert að flestir viðmælendur hafi fyrst og
fremst einblínt á kynjamisrétti á vinnumarkaði en
lítið sem ekkert tjáð sig um aðstæður á heimilum
landsins. Einnig kom fram að flestir álitu kyn-
bundið ofbeldi alvarlegt vandamál og voru sam-
mála um að refsingar við því væru allt of vægar.
Svör viðmælenda má sjá á www.latastelpan.is.
Morgunblaðið/Eyþór
Ritstjórn Lötu stelpunnar að störfum. Ugla Egilsdóttir tekur upp, Rakel Adolphsdóttir tekur mynd og Elín Björk Jóhannsdóttir tekur stöðuna.
Kynlegar spurningar á Austurvelli
Eftir Berg Ebba Benediktsson
bergur@mbl.is
HÆSTIRÉTTUR úrskurðaði á dögunum um
endurupptöku í máli Eggerts Ha ukdal, en
hann var upphaflega ákærður fyrir fjársvik
fyrir átta árum. Niðurstaða tveggja dómara
var að gefa ákæruvaldinu kost á að sýna
fram á sekt Eggerts með dómkvaðningu
tveggja matsmanna á sviði bókhalds- og
reikningsskila. Einn dómari skilaði sérat-
kvæði þar sem hann taldi að taka ætti málið
upp að nýju.
Eggert var fyrst dæmdur fyrir þrjú brot í
héraðsdómi Suðurlands en sá dómur var
ónýttur af Hæstarétti. Næst var hann sýkn-
aður af tveimur brotunum en dæmdur fyrir
eitt brot í héraði sem Hæstiréttur staðfesti
svo. Nú hefur Hæstiréttur fallist á að gefa
ákæruvaldinu kost á að sanna sektina á nýj-
an leik, en hefur ekki fellt dóminn úr gildi.
Brotið sem um ræðir varðar fjárdrátt á
500.000 krónum. Leitt þótti af bókhalds-
færslum að Eggert hefði dregið sér þetta fé
þegar hann var oddviti Vestur-Landeyja-
hrepps.
Ragnar Aðalsteinsson, lögmaður Eggerts,
telur úrskurðinn ákveðinn sigur. „Það eru
nokkrar mjög merkilegar niðurstöður í úr-
skurðinum. Í fyrsta lagi þótti sýnt fram á að
sterkar líkur væru fyrir því að vinna endur-
skoðanda hreppsins hafi ekki verið í sam-
ræmi við góðar endurskoðunarreglur. Það
kann hafa leitt til mistaka sem voru grund-
völlur sakfellingar, frekar en að um brotaá-
setning hafi verið að ræða. Einnig kemur þar
fram að gögnin sem hann var sakfelldur á
séu ekki til í gögnum málsins,“ segir Ragnar.
Málið ekki rannsakað nægilega
Í úrskurðinum segir að lögmaður dóm-
fellda hafi ítrekað bent á að ekki hafi farið
fram fullnægjandi rannsókn á bókhaldinu af
hlutlausum aðilum og að leiddar hafi verið
líkur að því að upphafleg rannsókn á bók-
haldi hreppsins hafi ekki verið fullnægjandi
til að leiða nægilega í ljós staðreyndir máls-
ins. „Með þessu er Hæstiréttur að segja að
það hafi aldrei farið fram nægilega ítarleg
rannsókn í þessu máli,“ segir Ragnar.
Að mati Ragnars er úrskurðurinn þó ekki í
samræmi við réttarfarsreglur þar sem hann
telur orð hans fela í sér efnislega yfirlýsingu
um sakleysi Eggerts án þess að dómurinn sé
felldur úr gildi. „Dómurinn stendur enn þá
og við skulum gefa ákæruvaldinu kost á að
sanna sektina, en það ætti klárlega ekki að
þurfa ef dómurinn er réttur. Þetta er mjög
sérkennilegt,“ segir Ragnar.
Spurður um framhald málsins telur Ragn-
ar að boltinn sé nú kominn yfir til ákæru-
valdsins. „Nú verður ákæruvaldið að gera
upp við sig hvort það vilji láta dómkveðja
mennina. Verði það ekki gert mun Hæstirétt-
ur úrskurða um endurupptöku. Það er verið
að gefa ákveðið færi með þessum úrskurði,“
segir Ragnar.
„Um leið og maður fagnar þessum úr-
skurði er enn verið að tefja. Það er ekki eftir
neinu að bíða að kveða upp nýjan úrskurð og
hreinsa mig af þessu og maður verður að
vona að það verði ekki dagar, vikur, mánuðir
og ár. Það eru að verða átta ár frá því að ég
var dæmdur sekur þótt ég væri saklaus,“
segir Eggert Haukdal um þennan áfanga
málsins.
Hæstiréttur úrskurðar í máli Eggerts Haukdal
TVÆR stúlkur um tvítugt sluppu
lítið meiddar eftir bílveltu á Bisk-
upstungnabraut í Árnessýslu á
sjötta tímanum í gærmorgun. Að
sögn lögreglu varð slysið með þeim
hætti að önnur stúlkan missti bif-
reiðina út í kant. Þegar hún reyndi
að rykkja honum aftur upp á veg
hringsnerist bíllinn með þeim af-
leiðingum að hann fór út af. Fór
hann nokkrar veltur og er talinn
ónýtur.
Stúlkurnar voru báðar í bílbelt-
um og má þakka því að ekki fór
verr. Komust þær úr bílflakinu af
sjálfsdáðum og hringdu eftir hjálp.
Þær voru fluttar á slysadeild Land-
spítala – háskólasjúkrahúss til
skoðunar.
Sluppu vel
úr bílveltu
TVEIR menn voru í gær úrskurð-
aðir í áframhaldandi gæslu-
varðhald til 29. ágúst í Hæsta-
rétti, í tengslum við rannsókn á
skotárás við Burknavelli í Hafn-
arfirði þann 21. júní. Einum
manni sem haldið var vegna
málsins hefur verið sleppt úr
gæsluvarðhaldi.
Annar þeirra sem áfram verður
í gæsluvarðhaldi er grunaður um
að hafa hent eldsprengju að hús-
inu tæpum sólarhring eftir skot-
árásina, samkvæmt upplýsingum
frá lögreglu. Haglabyssan sem
skotið var úr er ófundin, en rann-
sókn stendur enn yfir.
Tildrög árásanna er talið að
megi rekja til ósættis á milli ann-
ars þeirra manna sem nú sitja í
gæsluvarðhaldi og tveggja manna
af þremur sem innandyra voru
þegar skotárásin var gerð. Það
ósætti náði svo hámarki með
skotárásinni.
Tveir áfram í
varðhaldi vegna
skotárásar
HÆSTIRÉTTUR felldi í gær úr
gildi gæsluvarðhaldsúrskurð yfir
karlmanni sem setið hefur í varð-
haldi frá 7. maí fyrir að hafa kveikt
í bifreið föður síns. Héraðsdómur
Reykjavíkur hafði áður úrskurðað
að maðurinn skyldi sitja áfram í
varðhaldi þar til dómur gengi í mál-
um hans, þó ekki lengur en til 2.
ágúst nk.
Hæstiréttur taldi ekki að uppfyllt
væru skilyrði fyrir því að maðurinn
sætti áfram varðhaldi. Maðurinn
hafi játað brot sín greiðlega og telja
verði að einn mánuður frá handtök-
unni teldist hæfilegur tími til að
leiða málið til lykta, en meðferð
málsins hafi dregist fram yfir þann
tíma. Héraðsdómur taldi hættu á að
maðurinn haldi áfram brota-
starfsemi. Í geðrannsókn á mann-
inum kemur fram að geð- og atferl-
israskanir hans tengist ofnotkun
hans á vímuefnum, en hann vilji nú
leita sér hjálpar til að fást við þann
vanda sem þessi neysla hafi valdið
honum.
Varðhaldi hafnað
af Hæstarétti