Morgunblaðið - 08.07.2006, Blaðsíða 45
Það var minnisstætt að fylgjast
með Gústa á knattspyrnuvellinum.
Hann horfði ekki nema á helming
leikja sem voru tvísýnir því hann var
svo stressaður að hann gekk frá
áhorfendastæðinu yfir götuna og til
baka. Svona gat þetta gengið heilu
leikina. Oft var meiri yfirferð á hon-
um en leikmönnum inni á vellinum.
Eitt sinn þegar ég kom með fjöl-
skyldu minni úr sumarfríi var Gústi
ásamt Magna vini okkar búinn að
strengja skrautborða um allan garð-
inn hjá mér þannig að það var erfitt
að komast að húsinu. Þetta áttu þeir
til félagarnir og oft fannst mér þeir
yngjast um marga áratugi þegar
þeir voru saman í glensinu.
Einnig er minnisstæð veiðiferð
sem við þrír félagarnir fórum í ásamt
ungum syni mínum. Ferðinni var
heitið í Hamarsfjörðinn en bíllinn
bilaði á leiðinni og fengum við þá lán-
aðan annan bíl sem bilaði líka en á
leiðarenda komumst við og áttum við
frábæran dag í veðri eins og það ger-
ist best fyrir austan. Síðan þegar
veiði var lokið þá þurftum við að
redda fari til baka til Norðfjarðar og
tókst það að lokum. Við Gústi rifj-
uðum þessa veiðiferð oft upp og er
hún enn í fersku minni sonar míns
sem hefur gaman af því að rifja upp
„fjögurra bíla veiðiferðina“ sem við
fórum í með Gústa og Magna.
Ég mun sakna þess að hitta ekki
Gústa þegar ég kem í heimsókn á
Neistaflug. Það var fastur punktur
að reyna að hitta Gústa til að eiga
fjörugar umræður, sama hvort það
var á bensínstöðinni eða þar sem
maður hitti hann á hátíðarhöldunum.
Ég mun sakna Gústa og votta Línu,
Birgi, Sverri og Kristínu og fjöl-
skyldum þeirra mína dýpstu samúð.
Magnús D. Brandsson.
Ekki hvarflaði það að mér þegar
ég hitti Gústa Blöndal núna í byrjun
júní, þegar ég kom í heimsókn aust-
ur að þetta yrði síðasta skiptið sem
ég sæi hann. En ég er þó þakklát fyr-
ir að hafa hitt hann og spjallað við
hann á bensínsjoppunni. Það var
alltaf svo gaman að hitta Gústa Blön-
dal. Ég minnist þess tíma þegar ég
var að vinna hjá Magna Kristjáns í
Tröllanausti. Gústi kom þar við nán-
ast á hverjum degi í morgunkaffi og
var þá púlsinn á bæjarlífinu tekinn á
skemmtilegan máta, þessar stundir
gáfu mér mikið og ég bý að þeim
ennþá í dag og er þakklát fyrir að
hafa fengið að kynnast Gústa.
Elsku Lína, Birgir, Kristín, Sverr-
ir og fjölskyldur ykkar; mínar
dýpstu samúðarkveðjur til ykkar
allra.
Guðrún Guðmundsdóttir
Okkur hjónin langar að minnast
samstarfsmanns og vinar okkar,
hans Gústa.
Gústi var aðalmaðurinn á bensín-
stöð Olís á Norðfirði, var með lykla
að öllu, hafði svör við öllu hvort held-
ur sem er hvaða olíu ætti að nota eða
hvaða fótboltalið væri best. Það er
ekki spurning að hann kom í veg fyr-
ir að illa færi þegar upp kom eldur á
stöðinni fyrir nokkrum vikum, þá var
okkar maður mættur fyrstur allra að
vanda og búinn að slökkva eldinn
þegar slökkviliðið var mætt. Hann
var alltaf þessi klettur, að öðru
starfsfólki ólöstuðu, sem við þurftum
á að halda til að geta rekið tvær
stöðvar á sitthvorum staðnum, t.d.
lét hann alltaf vita hvernig færðin
væri yfir Skarðið á veturna og varaði
við að leggja í hann ef veðrið var
slæmt. Hann hringdi alltaf fyrstur
manna á morgnana í umboðið á
Reyðarfirði til að leggja inn pöntun,
við bíðum enn eftir símtali, okkur
finnst eins og Gústi sé í fríi og eigum
erfitt með að trúa því að hann sé fall-
inn frá, enda skemmtilegur og litrík-
ur félagi sem gaman var að vinna
með og eigum við oft eftir að minnast
þess þegar við þrösuðum um það
hvorum megin við Skarðið væri
betra veður. Ekkert þýddi að segja
ósatt því Gústi var búinn að athuga
veðrið á netmyndavélunum og sá við
okkur.
Við vottum fjölskyldu Gústa og
samstarfsfólki á Norðfirði okkar
innilegustu og dýpstu samúð.
Lára og Samúel, Reyðarfirði.
MORGUNBLAÐIÐ LAUGARDAGUR 8. JÚLÍ 2006 45
MINNINGAR
✝ Helga Jónsdótt-ir fæddist í
Hraunkoti í Aðaldal
6. nóvember 1915.
Hún lést á Heil-
brigðisstofnun
Þingeyinga á Húsa-
vík laugardaginn 1.
júlí síðastliðinn.
Foreldrar hennar
voru Sigrún Jónas-
dóttir, f. 21.5. 1894,
d. 2.3. 1985 og Jón
Guðmundsson, f.
22.4. 1886, d. 6.2.
1975. Helga var elst
þriggja systkina, hin eru Jónas, f.
10.4. 1918, d. 13.4. 1943 og Guð-
finna, f. 11.11. 1922.
Helga giftist 23.6. 1939 Guðna
Þ. Árnasyni, f. 2.11. 1917, d. 1.6.
1981. Foreldrar hans voru Árni
Stefán Jónsson, f. 4.3. 1889, d.
19.5. 1956 og Þórhildur Guðna-
dóttir, f. 9.4. 1893, d. 24.11. 1975.
Börn Guðna og Helgu eru: 1) Þór-
hildur, f. 2.11. 1940, maki Bjarni
Böðvarsson (skilin), börn þeirra
eru Helga Soffía, f. 25.8. 1964,
Böðvar, f. 30.10. 1965 og Bjarni
Þór, f. 13.6. 1970. 2) Jónas Friðrik,
f. 12.12. 1945. 3) Sigrún, f. 23.7.
1947, maki Baldur Hólmsteinsson,
börn þeirra eru Björn Þór, f. 12.1
1969, Gunnar Páll, f. 29.3. 1971,
Sigurður Rúnar, f. 1.6. 1972, Jak-
ob Már, f. 23.12. 1974, og Ingunn
Valdís, f. 10.5. 1985. Sonur Sig-
rúnar af fyrra sambandi er Helgi
Friðrik Halldórsson, f. 13.7. 1966.
4) Guðný Margrét, f. 6.5. 1949,
maki Jón Grímsson, börn þeirra
eru Guðni Björn, f. 8.7. 1966,
Grímur Örn, f. 17.2. 1968, Helga
Karólína, f. 22.6. 1969, Stefán, f.
16.2. 1972, og Arnþrúður Erla, f.
10.12. 1973. 5) Árni Stefán, f.
28.10. 1950, maki Þorbjörg Sig-
ríður Þorsteinsdóttir, synir þeirra
eru Jón Tryggvi, f. 3.9. 1971, og
Gunnur, f. 12.10. 1976. Dóttir
Árna frá fyrra sam-
bandi er Ingibjörg,
f. 19.12. 1967. 6)
Jón, f. 25.5. 1952,
maki Arnþrúður
Gunnlaugsdóttir,
börn þeirra eru
Gunnlaugur Hrann-
ar, f. 15.1. 1974, Jón-
as Hróar, f. 3.3.
1977, Andri Hnik-
arr, f. 10.6. 1978,
Guðni Hjörvar, f.
7.5. 1982, og Guðrún
Hrund, f. 6.1. 1984.
7) Örn, f. 15.4. 1954,
maki I Marta Kristín Guðmunds-
dóttir (skilin), dóttir þeirra er
Helga Margrét, f. 3.12. 1973. Maki
II Björg Karlsdóttir. 8) Þórarinn,
f. 18.1. 1957, d. 6.3. 1995, maki
Margrét Helga Sigurðardóttir,
börn þeirra eru Margrét Unnur, f.
2.12. 1977, Egill, f. 10.4. 1983, og
Óðinn, f. 6.7. 1988. 9) Guðrún
Hólmfríður, f. 28.6. 1961, maki
Þórður K. Theodórsson, börn
þeirra eru Fannar Örn, f. 17.4.
1980, Snævar Freyr, f. 23.3. 1983,
og Ásta, f. 31.10. 1988. Barna-
barnabörn Helgu og Guðna eru
35.
Helga ólst upp í Hraunkoti í
Aðaldal fram á unglingsár en þá
flutti fjölskyldan til Húsavíkur.
Helga fór í Húsmæðraskólann að
Laugum í Reykjadal, þar sem hún
kynntist Guðna sem var nemandi í
Héraðsskólanum, þetta var vetur-
inn 1936. Hún flyst til Raufarhafn-
ar árið eftir og fljótlega eftir það
hófu þau búskap í ýmsu leiguhús-
næði, auk þes sem þau dvöldu í
Reykjavík einn vetur meðan
Guðni var við nám. Árið 1945
fluttu þau í nýbyggt hús sitt sem
þau nefndu Laufás þar sem þau
bjuggu allan sinn búskap.
Útför Helgu verður gerð frá
Raufarhafnarkirkju í dag og hefst
athöfnin klukkan 14.
Það var fyrir um 28 árum sem ég
kom í fyrsta sinn inn á heimili
Helgu Jónsdóttur í Laufási á Rauf-
arhöfn. Tilgangurinn var að heim-
sækja yngstu dótturina og um leið
kynnast fjölskyldu hennar. Helga
tók mér strax vel og hefur mér ætíð
síðan fundist mjög gott að koma í
heimsókn til hennar, enda gert það
að árlegum sið.
Helga eignaðist níu börn ásamt
því að ala upp einn dótturson. Þetta
er eitthvað sem við í dag gerum
okkur kannski ekki grein fyrir
hvaða afrek það var að halda svona
stórt heimili sérstaklega þar sem
ekki voru til þessar búðir á hverju
horni. En þetta gerði Helga með
aðdáun vel og ber þessi mikli hópur
afkomenda ásamt mökum merki
þess en hann er kominn yfir hundr-
aðið og hittist að stórum hluta ár-
lega. Ekki síst til að hitta hana og
sýna henni nýjasta liðsmann fjöl-
skyldunnar. Tengdamóðir mín var
mikil félagsvera og hafði gaman af
að vera innan um fólk og spjalla.
Því var það synd að með tímanum
fækkaði þeim sem hún umgekkst á
Raufarhöfn ýmist farnir burt af
staðnum eða yfir móðuna miklu.
Hún hafði það að venju í mörg ár
að koma suður í heimsókn til okkar
sem bjuggum þar en fjölskylduhóp-
urinn fór ört stækkandi og því mik-
ið að gera hjá henni við að heim-
sækja sem flesta. En þá var hún í
essinu sínu að segja manni frá ætt-
ingjunum sem bjuggu hér og þar en
ég verð að segja eins og er að ég
átti fullt í fangi með að ná öllum
þessum ættingjum sem hún taldi
upp.
Hún talaði aldrei um sig heldur
hafði frekar áhyggjur yfir að öðrum
liði ekki vel. Svona var þetta alltaf,
hún hugsaði meira um aðra en
sjálfan sig. Frekar var stuttur að-
dragandinn að ferð hennar á
sjúkrahúsið vegna verkja og síðan í
uppskurð.
Það var því í hennar anda að taka
sjálf þá ákvörðun um áframhald-
andi uppskurði eða láta staðar
numið. „Þetta er orðið ágætt“ sagði
hún og henni var ekki hnikað.
Helga mín, þessu er þá lokið og ég
vil þakka þér fyrir allar þær
skemmtilegu stundir sem við áttum
saman. Eftir sitja hlýjar minningar
um indæla tengdamóður.
Þórður Theodórsson.
Amma í Laufási.
Nú er komið að kveðjustund,
elsku amma. Þó að það sé sárt fyrir
okkur að kveðja þig þá vitum við að
þangað sem þú ferð nú verður þér
vel tekið og mun afi verða glaður að
fá þig loks við hlið sér eftir svo
mörg ár.
Laufás verður ávallt ofarlega í
huga okkar. Þangað sem við fórum
í heimsókn til ömmu sem alltaf átti
eitthvað til að bera á borð, hvort
sem maður kom í hádegi, kaffi eða
kvöldmat, það var alltaf borinn
fram veislumatur. Það var svo gott
að koma í Laufás og hitta þig og
Jónas og setjast með þér inn í litla
eldhúsið þitt og spjalla um daginn
og veginn og skoða myndir frá
gamla tímanum. Þá var líka svo
gaman að sitja bara og hlusta á þig
segja sögur úr fortíðinni, af afa,
pabba og hinum systkinunum því
amma, þú sagðir svo skemmtilega
frá og kunnir svo margar sögur.
Þakka þér fyrir allt, fyrir sögurnar,
umhyggjuna og ástina sem þú
ávallt sýndir okkur, því munum við
aldrei gleyma. Þú verður ávallt fyr-
irmynd í okkar lífi. Við söknum þín
sárt.
En núna er þín eigin saga á enda,
sagan af ungu konunni sem gifti sig
og settist að í Laufási á Raufarhöfn
ásamt manni sínum, gekk í gegnum
góð ár jafnt sem hörð og stofnaði
eina stærstu og glæsilegustu fjöl-
skyldu í heimi. Já amma, nú er það
okkar, sem eftir þig lifum, að glæða
þig lífi fyrir komandi kynslóðir með
því að segja frá þinni sögu, þínu
ævintýri, þínu stórbrotna lífi. Sag-
an af Ömmu í Laufási lifir áfram.
Börnin hans Jónda.
HELGA
JÓNSDÓTTIR
Hjartans þakkir til allra sem sýndu okkur samúð
og hlýhug við fráfall eiginmanns míns, föður okkar,
tengdaföður og afa,
BENEDIKTS ÞORSTEINSSONAR,
Lautasmára 27,
Kópavogi.
Sérstakar þakkir til lækna og hjúkrunarfólks á
12E og 11E á Landspítalanum Hringbraut,
Karitasar heimahjúkrunarþjónustu og starfsfólks
Landhelgisgæslu Íslands.
Anna Albertsdóttir,
dætur, tengdasynir og barnabörn.
Innilegar þakkir fyrir auðsýnda samúð og hlýhug
við andlát og útför elskulegs eiginmanns míns,
föður okkar, tengdaföður, afa og langafa,
ÞORKELS NIKULÁSSONAR
fisksala,
Hæðargarði 29,
Reykjavík.
Hólmfríður Kristjánsdóttir,
Helga Þorkelsdóttir, Andrés Þórðarson,
Kristján Þorkelsson, Sigurdís Sigurðardóttir,
Guðmundur Þorkelsson, Kristjana Stefánsdóttir,
Guðríður Þorkelsdóttir, Guðmann Héðinsson,
Viðar Þorkelsson, Sigríður Svava Þorsteinsdóttir,
afabörn og langafabörn.
Innilegar þakkir fyrir auðsýnda samúð og hlýhug
við andlát og útför elskulegrar móður okkar,
tengdamóður, ömmu og langömmu,
KRISTÍNAR JÓNASDÓTTUR
frá Borg í Reykhólasveit,
Dalbraut 20,
Reykjavík.
Guð blessi ykkur öll.
Kristín Guðjónsdóttir, Ögmundur Guðmundsson,
Jónas H. Guðjónsson, Ebba Unnur Jakobsdóttir,
Sigurbjörg Guðjónsdóttir, Sveinn Árnason,
Ólöf I. Guðjónsdóttir, Guðmundur Óskarsson,
Arnar H. Guðjónsson, Ólafía G. Pálsdóttir,
Jóhanna S. Guðjónsdóttir, Egill Jacobsen,
Guðjón Kr. Guðjónsson, Guðný Edda Gísladóttir,
ömmubörn og langömmubörn.
Ástkær faðir okkar, tengdafaðir, afi og langafi,
HARALDUR JÓNSSON,
Árskógum 8,
Reykjavík,
verður jarðsunginn frá Seljakirkju mánudaginn
10. júlí kl. 15.00.
Jón Haraldsson, Þóra Björgvinsdóttir,
Gunnar Haraldsson, Stella Benediktsdóttir,
Stefán Haraldsson, Fanney Ólafsdóttir,
barnabörn og barnabarnabörn.
Móðir okkar, tengdamóðir, amma og langamma,
ANNA GUÐMUNDSDÓTTIR
fyrrum bókavörður,
verður jarðsungin frá Fossvogskirkju mánudaginn
10. júlí kl. 13.00.
Guðmundur B. Guðmundsson, Sigríður Björg Jónsdóttir,
Ingunn Þóra Magnúsdóttir,
barnabörn og barnabarnabörn.