Morgunblaðið - 08.07.2006, Qupperneq 10
10 LAUGARDAGUR 8. JÚLÍ 2006 MORGUNBLAÐIÐ
FRÉTTIR
Jón Sæmundur Auðarson
er maður andstæðna en
samkvæmur sjálfum sér
á morgun
MORGUNBLAÐNU barst eftirfar-
andi yfirlýsing frá Sturlu Böðvars-
syni samgönguráðherra í gær:
„Vegna misskilnings í umræðu um
frestun vegaframkvæmda sem rík-
isstjórnin hefur boðað óskar Sturla
Böðvarsson samgönguráðherra eftir
að taka eftirfarandi fram:
Á fundi ríkisstjórnar 27. júní síð-
astliðinn var ákveðið að fresta öllum
útboðum vegna framkvæmda á veg-
um ríkisins, þar á meðal fram-
kvæmda við vegagerð. Þessi ákvörð-
un er tímabundin en ótímasett.
Í samræmi við ákvörðun ríkis-
stjórnarinnar hófust viðræður milli
fjármálaráðherra og félagsmálaráð-
herra annars vegar og Sambands ís-
lenskra sveitarfélaga hins vegar um
mögulegar aðhaldsaðgerðir hjá
sveitarfélögum. Að þeim viðræðum
loknum og þegar liggur fyrir hvaða
áhrif þær aðgerðir munu hafa á
stöðu efnahagsmála verður tekin
ákvörðun um umfang frestana í
vegagerð og hvaða einstöku verkefn-
um verður frestað.
Á meðan heldur áfram undirbún-
ingur útboða vegna verkefna Vega-
gerðarinnar og verður því unnt að
ráðast í þau verkefni eftir að útboðs-
banni verður aflétt.
Þrátt fyrir útskýringar á fundi
samgöngunefndar í gær, fimmtudag,
hafa fulltrúar stjórnarandstöðu-
flokka í samgöngunefnd haldið uppi
málflutningi og staðhæfingum sem
eru úr takti við þær upplýsingar sem
þar komu fram. Meðal annars hefur
Kristján L. Möller, þingmaður Sam-
fylkingar, haldið því fram að mis-
ræmi sé á milli yfirlýsinga fjármála-
ráðherra og samgönguráðherra í
umræðu um frestun framkvæmda á
vegum ríkisins. Jafnframt hefur því
verið haldið fram að frestanir komi
sérstaklega hart niður á Vestfjörð-
um og norðausturhorni landsins.
Einnig hefur þess misskilnings orðið
vart að samgönguráðherra ákveði
ekki frestanir nema að höfðu sam-
ráði við sveitarfélögin. Þessar stað-
hæfingar eru annars vegar rangar
og hins vegar ótímabærar.
Það er því rangt að halda því fram
að ákvarðanir hafi verið teknar um
að fresta einstökum verkum eða að
um misræmi sé að ræða í málflutn-
ing samgönguráðherra og annarra
ráðherra ríkisstjórnarinnar.
Samgönguráðuneytinu, 7. júlí
2006.“
Vegna umræðu
um frestun vega-
framkvæmda
„ÞAÐ LEYSIR ekki húsnæð-
isvanda Blóðbankans að tala
upp fermetrana,“ segir Sveinn
Guðmundsson, yfirlæknir Blóð-
bankans, en bankinn á að flytja
í nýtt húsnæði við Snorrabraut
þar sem Skátabúðin var áður til
húsa.
Bankinn er nú í 650 fermetra
húsnæði og segir Sveinn að
hann hafi hvergi í vestrænu vel-
megunarþjóðfélagi rekist á eins
slæma aðstöðu fyrir blóðbanka
og er hér á landi.
Lækningaforstjóri Landspít-
ala – háskólasjúkrahúss (LSH)
sagði í Morgunblaðinu í gær að
bankinn fengi við breytinguna
um 1.200 fermetra til ráðstöf-
unar í nýja húsnæðinu, að með-
talinni starfsmannaaðstöðu, s.s.
eldhúsi og matsal, sem yrði
deilt með framkvæmdanefnd
um nýjan spítala á efstu hæð
hússins.
Sveinn hefur hins vegar sagt
þetta vera um 900 fermetra, ef
Blóðbankinn fái aðeins tvær
hæðir í húsinu eins og áform
séu um. „Það hefur verið gefið í
skyn að hér sé um tvöföldun á
húsnæði að ræða en það er einfald-
lega ekki rétt.“
Samkvæmt þarfagreiningu þarf
bankinn 1.600 fermetra til að geta
rekið starfsemina og segir Sveinn
að það ætti að duga til næstu tíu
ára. „Það er ekki rétt sem kom
fram í máli lækningaforstjóra LSH
að þetta sé þarfagreining fyrir árið
2025,“ segir Sveinn og bætir við að
stigar, gangar og annað taki meira
rými en gert var ráð fyrir í þarfa-
greiningu. „Þetta hús er ekki byggt
fyrir blóðbanka og á hverri hæð er
veglegur inngangur sem ég held að
sé um 60 fermetrar. Það er öllum
mönnum ljóst að þar verður
hvorki safnað blóði né unnið
blóð eða gert gæðaeftirlit og
annað.“
Ný tækni tekur
meira pláss
Sveinn segir jafnframt að við
þarfagreininguna hafi ekki ver-
ið gert ráð fyrir matsal og eld-
húsi þar sem áætlað var að
starfsfólk Blóðbankans sam-
nýtti það með Landspítalanum.
„Starfsemi okkar hefur víkkað
mjög út og það hafa komið til
nýjar aðferðir og tækni sem
taka pláss, m.a. við söfnun á
blóðflögum,“ segir Sveinn og
ítrekar að húsnæðisvandinn
væri leystur fengi Blóðbankinn
allt húsið við Snorrabraut.
„Landspítalinn og ríkið eiga
ónotað rými upp á nokkur
hundruð fermetra við Ármúla.
Ég sæi fyrir mér að fram-
kvæmdanefndin gæti verið þar
til húsa.“
Sveinn segist hafa átt fund
með forstjóra LSH þar sem
fram hafi komið mikill vilji til
að leysa húsnæðisskort Blóð-
bankans. Segir hann orð lækninga-
forstjóra því hafa komið sér á
óvart. „Ég vona samt að þessi
óvandaða yfirlýsing hans verði ekki
til að spilla þeim góða vilja sem
kom fram á fundi mínum og for-
stjóra LSH,“ segir Sveinn og er
bjartsýnn á að lausn náist.
Leysir ekki vandann að
tala upp fermetrana
Blóðbankinn flytur í húsnæði Skátabúð-
arinnar við Snorrabraut á næstunni.
Morgunblaðið/Þorkell
EIN af sex stofnleiðum Strætós
bs. verður felld út úr leiðakerfinu
næstu fjórar vikurnar þar sem
ekki hefur gengið að manna af-
leysingastöður vagnstjóra nema
að hluta í sumar. Um er að ræða
leið S5, sem ekur frá Hlemmi upp
í Árbæ, og verður aftur ekið eftir
leiðinni þriðjudaginn eftir versl-
unarmannahelgi, 8. ágúst.
„Það hefur reynst þrautin
þyngri þetta sumarið að fá mann-
skap,“ segir Ásgeir Eiríksson,
framkvæmdastjóri Strætós bs.
Hann segir að ráðgert hafi verið
að ráða 15–20 bílstjóra til afleys-
inga í sumar, en einungis hafi tek-
ist að fá fjóra til starfa.
Ásgeir segir leið S5 hafa orðið
fyrir valinu þar sem aðrar leiðir
aki nánast allar götur sem S5
liggur um. Þannig geti þeir sem
hefðu annars tekið þessa leið not-
fært sér leið 18 og/eða leið 19, og
tengst leið S6, sem ekur sömu leið
og S5 inn í miðborgina. „Það er
illskásti kosturinn að gera þetta
svona, það er minnsta þjón-
ustuskerðingin sem verður með
því að gera þetta með þessum
hætti,“ segir Ásgeir.
Í gærkvöldi voru hengdar upp
tilkynningar um breytingarnar á
öllum biðstöðvum þar sem leið S5
stoppar venjulega, auk þess sem
tilkynning var sett upp á vef
Strætós, www.bus.is. Á vefnum er
svokallaður ráðgjafi, þar sem
hægt er að slá inn upplýsingar um
byrjunarpunkt og endapunkt
ferðar, og fá út hvaða leiðir er
hægt að nota. Ásgeir segir að of
flókið sé að breyta ráðgjafanum
til að hann ráðleggi fólki ekki að
nota leið S5, en þeir sem noti ráð-
gjafann ættu að sjá tilkynninguna
á vefnum og miða ferð sína við
það.
Vonast eftir skilningi
„Það er alveg ljóst að það verða
einhverjir af okkar viðskiptavin-
um fyrir óþægindum, ég við-
urkenni það. Það er auðvitað
mjög slæmt að þurfa að vera í
þeirri stöðu þegar maður er í for-
svari fyrir þjónustustarfsemi að
þetta þurfi að koma til, en við
ráðum ekki við þessar aðstæður
öðruvísi. Ég vonast eftir skilningi
viðskiptavina á þessum aðstæðum
og ítreka að þetta er tímabundin
ráðstöfun í fjórar vikur,“ segir
Ásgeir.
Morgunblaðið/Ómar
Þeir sem venjulega taka leið S5 geta nú í staðinn tekið leið 18 eða 19.
Strætó fellir út leið
S5 næstu fjórar vikur
Úrskurður
um Flug-
þjónustuna
staðfestur
ÁFRÝJUNARNEFND samkeppn-
ismála staðfesti með úrskurði sínum
nr. 3/2006, dagsettum 5. júlí,
ákvörðun Samkeppniseftirlitsins,
nr. 9/2006, þar sem Flugþjónustan á
Keflavíkurflugvelli (IGS) var sektuð
fyrir brot gegn 11. grein samkeppn-
islaga vegna misnotkunar á mark-
aðsráðandi stöðu.
Áfrýjunarnefnd ákvað að IGS
skyldi greiða 60 milljónir króna í
stjórnvaldssekt. Í hinni áfrýjuðu
ákvörðun komst Samkeppniseftirlit-
ið að þeirri niðurstöðu að Flugþjón-
ustan á Keflavíkurflugvelli (IGS),
dótturfélag FL Group, hefði misnot-
að markaðsráðandi stöðu sína við
afgreiðslu farþegaflugvéla.
Þar segir að fyrirtækið hafi brotið
samkeppnislög þegar það gerði tíu
einkakaupasamninga við flugfélög
sem lenda á Keflavíkurflugvelli og
með því að gera flugfélaginu LTU
samkeppnishamlandi tilboð. Sam-
keppniseftirlitið gerði fyrirtækinu
því að greiða 80 milljóna króna
stjórnvaldssekt til ríkissjóðs.
Hissa á niðurstöðunni
Í samtali við Morgunblaðið sagði
Gunnar Olsen, framkvæmdastjóri
Flugþjónustunnar, niðurstöðu áfrýj-
unarnefndarinnar koma á óvart.
„Við áttum von á því að tekið yrði
meira tillit til þeirra gagna og raka
sem við höfum sett fram í málinu,“
sagði Gunnar. Hann sagði lögfræð-
inga fyrirtækisins nú vera að fara
yfir málið í heild. Spurður hvort fyr-
irtækið hygðist kæra úrskurð áfrýj-
unarnefndar til dómstóla sagðist
Gunnar ekki geta tjáð sig um það að
þessu stigi, en að staðan myndi
skýrast strax í næstu viku.
Að sögn Gunnars hefur hin 80
milljóna króna stjórnvaldssekt verið
greidd, en hún var að sögn greidd á
gjalddaga í síðustu viku. Segir
Gunnar því framundan að fá mis-
muninn á lækkuninni endurgreidd-
an.
ÁTTA fíkniefnamál komu upp í sam-
eiginlegu átaki hjá lögreglunni í
Hafnarfirði og Kópavogi í fyrrinótt.
Ellefu aðilar voru handteknir í
tengslum við málin og voru á aldr-
inum 16 til 35 ára. Í öllum tilvikum
var um að ræða svokallaða neyslu-
skammta en lagt var hald á kókaín,
kannabisefni, amfetamín og e-töflur.
Aðfaranótt fimmtudags komu upp
fjögur fíkniefnamál við hefðbundið
umferðareftirlit hjá lögreglunni í
Kópavogi. Voru tveir aðilar á þrí-
tugsaldri, einn á fertugsaldri og einn
á fimmtugsaldri færðir til yfir-
heyrslu. Þar var lagt hald á lítilræði
af kannabisefnum og amfetamíni.
Öllum aðilum var sleppt að lokn-
um yfirheyrslum og teljast málin
upplýst.
Átta fíkniefnamál
á einni nóttu