Morgunblaðið - 08.07.2006, Blaðsíða 15
MORGUNBLAÐIÐ LAUGARDAGUR 8. JÚLÍ 2006 15
FRÉTTIR
BLOKKIN við Hörðukór 1 í Kópavogi stendur hæst allra blokka á Íslandi en
efsta hæð hennar er í rúmlega 160 metra hæð yfir sjávarmáli. Blokkin sjálf er
rúmlega 40 metra há og í henni eru 15 íbúðarhæðir. Hún er hins vegar 16 hæðir
frá neðstu plötu sem er í tæplega 120 metra hæð yfir sjávarmáli.
Það var því tignarlegt útsýnið sem blasti við blaðamanni og ljósmyndara
Morgunblaðsins þegar Benedikt Egilsson, byggingastjóri hússins, leiddi þá úr
lyftunni á efstu hæð og upp á þak. Þar sást vel til allra átta, yfir Elliðavatn og
Heiðmörk, út á Reykjanes, yfir Reykjavík og upp á Skaga.
Þ.G. verktakar eru byggingaraðili hússins en framkvæmdin hófst um áramót-
in 2004/2005. Að sögn Benedikts var raunverulegur afhendingartími íbúða
þann 30. júní síðastliðinn og nú þegar hefur 51 af 57 íbúðum hússins verið af-
hent. Hins vegar eru einungis fimm íbúðir óseldar, þar af tvær á efstu hæð.
„Við reiknum með að klára verkið í þessum mánuði en þetta hefur tekið á
bilinu 15 til 18 mánuði,“ segir Benedikt.
Einstakt útsýni til allra átta
Blokkin við Hörðukór stendur
hæst allra blokka á Íslandi
Morgunblaðið/Eggert
Séð yfir Elliðavatn og Heiðmörk af efstu hæð blokkarinnar.
Eftir Berg Ebba Benediktsson
bergur@mbl.is
Í NÝLEGU bréfi umboðsmanns Al-
þingis til Sturlu Böðvarssonar sam-
gönguráðherra er lagt til að settar
verði reglur til að tryggja réttaröryggi
leigubílstjóra gagnvart leigubifreiða-
stöðvum. Ástæða athugasemda um-
boðsmanns er kvörtun Jóns Stefáns-
sonar leigubílstjóra í kjölfar þess að
samgönguráðuneytið hafnaði að taka
kæru hans vegna meintrar ólögmætr-
ar uppsagnar frá leigubifreiðastöðinni
BSR til efnislegrar meðferðar.
Í 4. gr. leigubifreiðalaga segir að
ákvörðunum Vegagerðarinnar og
leigubifreiðastöðva samkvæmt lögun-
um verði skotið til samgönguráð-
herra. Í tilfelli Jóns reyndi á hvort
ákvörðun BSR um að segja honum
upp hafi verið gerð á grundvelli lag-
anna eða ekki. Umboðsmaður telur
sig ekki geta endurskoðað það mat
samgönguráðuneytisins að ákvörðun-
in hafi verið einkaréttarlegs eðlis.
Ósáttur við uppsögnina
Málið reis upp síðasta sumar þegar
Jóni var sagt upp en hann sakaði þá
Guðmund Börk Thorarensen, fram-
kvæmdastjóra BSR, um að hafa látið
sig fara vegna gagnrýni hans á
meinta misnotkun BSR á svokölluð-
um „skúffuleyfum“, en það eru leigu-
bílstjóraleyfi sem lögð hafa verið inn
til stöðvanna og lögum samkvæmt
skulu lögð inn til Vegagerðarinnar
sem fer með umsjá þeirra. Guðmund-
ur svaraði því til að Jóni hefði verið
sagt upp vegna þess að það þjónaði
ekki viðskiptalegum hagsmunum
stöðvarinnar að hafa hann áfram.
Nánar aðspurður sagðist Guðmundur
Börkur hafa sagt Jóni upp vegna
kvartana frá viðskiptavinum og að
Jóni hafi verið greint frá þessum
ástæðum munnlega áður en honum
var sent uppsagnarbréf.
Jón tók einnig fram í kæru sinni til
samgönguráðuneytisins að lög
áskildu honum að starfa innan leigu-
bifreiðastöðvar og því varðaði upp-
sögn hans ákvæði laganna. Í úrskurði
ráðuneytisins kom fram að hefðu allar
leigubifreiðastöðvarnar komið sér
saman um að semja ekki við hann
gæti málið komið til efnislegrar með-
ferðar.
Skýrara í Danmörku
Umboðsmaður kannaði hvernig
staðið væri að hliðstæðum málum í
danskri löggjöf og komst að því að hin
danska löggjöf væri ólík þeirri ís-
lensku að því leyti að þar væri að
finna nokkuð ítarleg ákvæði um hvað
gæti leitt til brottreksturs leigubíl-
stjóra. Auk þess væri þar kveðið á um
að ákvörðun leigubifreiðastöðvar um
brottrekstur leigubílstjóra skyldi bor-
in undir viðkomandi sveitarstjórn. Í
dönsku lögunum er leigubifreiða-
stöðvum jafnframt gefin heimild til að
sekta bílstjóra vegna minniháttar
brota.
Umboðsmaður beinir því þeim til-
mælum til samgönguráðherra að
setja skýrari reglur um hvenær
áfrýja má ákvörðun leigubifreiða-
stöðva til ráðuneytisins. Í álitinu seg-
ir: „Ég tel mikilvægt að þegar hand-
hafar ríkisvaldsins hafa séð ástæðu til
að hafa afskipti af og leggja hömlur á
tiltekið atvinnusvið, í þessu tilviki á
akstur leigubifreiða á tilteknum
svæðum með því að skylda leigubíl-
stjóra til að hafa afgreiðslu á leigu-
bifreiðastöð, að samhliða sé gætt að
því að þær takmarkanir leiði ekki til
þess að þeir sem þegar hafa fengið út-
gefin atvinnuleyfi til að rækja við-
komandi starfsemi verði hindraðir
eða jafnvel útilokaðir frá því að nýta
sér atvinnuréttindi sín eftir geðþótta
þeirra sem stjórna leigubifreiðastöð-
um, án nokkurra möguleika á að fá
slíkar ákvarðanir prófaðar af stjórn-
valdi eða sjálfstæðum eftirlitsaðila.“
Umboðsmaður Alþingis leggur til við samgönguráðherra að
settar verði reglur til að tryggja réttaröryggi leigubílstjóra
Kæruheimildir leigu-
bílstjóra verði skýrari
Morgunblaðið/Sverrir
VINNSLUHOLA sem ætlað er að
leiða heitt vatn úr iðrum jarðar í
Grímsey verður væntanlega boruð
í haust. Að sögn Brynjólfs Árna-
sonar, oddvita sveitarstjórnar
Grímseyjarhrepps, voru gerðar til-
raunaboranir fyrir þremur árum
sem gáfu til kynna að heitt vatn
væri að finna í Grímsey. Nú hafa
náðst samningar milli ríkisins og
sveitarstjórnarinnar um að bora
vinnsluholu sem vonast er til að
geti séð Grímseyingum fyrir heitu
vatni.
Að sögn Jakobs Björnssonar,
starfsmanns Orkustofnunar og
umsjónarmanns jarðhitaleitará-
taks á köldum svæðum og orku-
sjóðs, sem styrkja mun verkefnið,
er von um að vinnsluholan geti
mögulega séð öllum bænum fyrir
heitu vatni. Ef svo yrði myndu
sparast miklir peningar því Gríms-
eyingar nota nú olíu til að kynda
hús sín.
Kostnaður sex milljónir
Jakob nefnir sem dæmi að
Stykkishólmur hafi í kjölfar prufu-
borana komið sér upp hitaveitu og
Eskifjörður sé einnig langt kominn
í því ferli. Kostnaður jarðhitaleit-
arátaksins vegna borunarinnar er
sex milljónir en ráðgert er að
heildarkostnaður verði tíu milljón-
ir. Sveitarstjórn Grímseyjarhrepps
leggur fram tvær milljónir og ráð-
gert er að Rafmagnsveita ríkisins
leggi einnig fram sömu upphæð.
Jarðhita-
borun í
Grímsey