Morgunblaðið - 08.07.2006, Blaðsíða 38

38 LAUGARDAGUR 8. JÚLÍ 2006 MORGUNBLAÐIÐ
ÚR VESTURHEIMI
ÍSLENSKIR hestar standa fötluðum einstaklingum í Utah til boða á
sérstökum uppbyggingarnámskeiðum. Lisa Lindberg hefur heillast
af Íslandi og öllu sem íslenskt er og bíður upp á þessa þjónustu. Hún
er ekki af íslenskum ættum og hefur ekki enn komið til landsins en á
þrjá íslenska hesta sem hún notar í aðstoð sinni við fatlaða.
Lisa Lindberg hefur verið dugleg við að kynna íslenska hestinn í
Utah og segir David Ashby, talsmaður Íslenska félagsins í Utah, að
félagið eigi henni mikið að þakka. Hún hafi sett upp sýningar um ís-
lenska hestinn og sýnt myndbönd, bæklinga og bækur auk þess sem
hún hafi komið með íslenskan hest á árlega fjölskylduhátíð félags-
ins. „Hún er heilluð af Íslandi og hestarnir hennar, Héla, Sólmáni og
Svali, veita henni og öðrum mikla ánægju,“ segir David Ashby.
Sjálfboðaliðar reka meðferðarstofnunina Courage Reins í Há-
löndum í Utah, um 40 km fyrir norðan Spanish Fork, og bjóða upp á
reiðnámskeið fyrir fatlaða. David Ashby segir að verðið sé um þriðj-
ungur af verði hjá sambærilegum reiðskólum og sé verðinu haldið
niðri til þess að sem flestir geti notið þjónustunnar. Íslenski hest-
urinn sé sérstaklega heppilegur fyrir fatlaða og vegna áhuga síns á
börnum og hestum hafi Lisa Lindberg komið mörgum til hjálpar
með sjálfboðaliðsstarfi sínu fyrir stofnunina.
Ánægja nemandans á Hélu í reiðskólanum leynir sér ekki.
Ungur nemandi á Sólmána í reiðskólanum í
Hálöndum, rétt norðan við Spanish Fork.
Lisa Lindberg æfir Svala í Vernon í Bresku Kólumbíu í Kanada.
Fatlaðir á íslenskum
hestum í Utah
KANADÍSKA sjónvarpsstöðin
CTV í Winnipeg vinnur að þætti
um samskipti Manitoba og Ís-
lands og eru tveir starfsmenn
hennar á Íslandi um þessar mund-
ir að viða að sér efni í þáttinn.
Joe Olafson, fréttamaður, og
Jamie Dowsett, tökumaður, komu
til landsins fyrr í vikunni og hafa
farið víða í þeim tilgangi að afla
efnis. Þeir hafa meðal annars rætt
við Ólaf Ragnar Grímsson forseta
Íslands, heimsótt vatnsverk-
smiðju Icelandic Water Holding
Ltd. í Þorlákshöfn, sem hefur haf-
ið sölu á vatni til Manitoba og
reyndar einnig til annarra staða í
Kanada, og í gær heimsóttu þeir
Vesturfarasetrið á Hofsósi.
Joe og Jamie eru báðir af ís-
lenskum ættum en Joe ólst upp í
Lundar og Jamie í Stonewall.
Morgunblaðið/Eyþór
Vestur-Íslendingarnir hjá CTV í Winnipeg í Kanada, Jamie Dowsett
tökumaður og Joe Olafson fréttamaður, afla efnis á Íslandi.
Sjónvarpsþáttur um tengslin
THORA Leifson Shaw, Kristy Ro-
bertsson og Devon Koyle voru heiðr-
uð á Íslandsdögum, fjölskyldu-
skemmtun Íslenska félagsins í Utah,
á dögunum.
„Íslenska“ samfélagið í Utah er það
elsta sinnar tegundar í Vesturheimi
og í fyrra voru mikil hátíðarhöld í
Spanish Fork í tilefni þess að þá voru
150 ár frá því fyrstu íslensku mor-
mónarnir settust þar að. Milli fimm
og tíu þúsund manns tóku þá þátt í
fjögurra daga skemmtun og þar á
meðal forseti Íslands, Ólafur Ragnar
Grímsson. „Ég óttaðist að hátíðin í
fyrra drægi kraft úr mönnum í ár en
annað kom á daginn og hátíðin tókst
mjög vel,“ segir David Ashby, tals-
maður Íslenska félagsins.
Fjölbreytt dagskrá
Að vanda var boðið upp á fjöl-
breytta dagskrá fyrir unga sem
aldna. Íslenskar kindur og íslenskir
hestar voru á svæðinu, íslenskir
minjagripir voru til sölu, íslenskur
matur á borðum og svo má lengi telja.
Auk þess gátu gestir farið í rútuferð
um Spanish Fork.
Á sérstakri samkomu greindi
Kathy Black frá afa sínum og ömmu,
Sigmundi Gíslasyni, sem fæddist í
Vestmannaeyjum 1883, og Sveinsínu
Aðalbjörgu Árnadóttur, sem fæddist í
Vestmannaeyjum 1877. Sigmundur
flutti með föður sínum til Spanish
Fork 1885 og móðir hans kom á eftir
þeim ári síðar. Sveinsína flutti með
foreldrum sínum til Utah 1880. Byron
og Melva Geslison, foreldrar Kathy
Black, komu þrisvar til Íslands sem
trúboðar Kirkju Jesú Krists hinna
síðari daga heilögu (Mormónakirkj-
unnar).
Gary L. Pocock, öldungur, sem er
líka af íslenskum ættum, fjallaði um
langafa sinn, Halldór B. Jónsson, sem
fæddist í Reykjavík 1852 og flutti til
Utah 1881, en starfaði sem trúboði á
Íslandi 1885 til 1888. Hann sagði einn-
ig frá ömmu sinni, Jóhönnu Johnson.
Hátíðin er haldin seinni partinn í
júní ár hvert og er tækifærið m.a. not-
að til að heiðra félagsmenn sem hafa
lagt mikið af mörkum til íslenska sam-
félagsins. Í ár voru heiðruð Thora
Leifson Shaw, formaður hátíðarhald-
anna í fyrra og bæjarstjórnarkona í
Spanish Fork, Kristy Robertson, for-
maður Íslenska félagsins í fyrra og
stjórnarmaður til margra ára, og De-
von Koyle, formaður skipulagsnefnd-
ar Íslandsdaga undanfarin tvö ár.
Nýr forseti
Ný stjórn Íslandsfélagsins til
næstu tveggja ára var kjörin. Jack
Tobiasson er forseti og Devon Koyle
varaforseti en aðrir í stjórn eru Blaine
Ashby, Bliss Anderson, Brent Hay-
mond, Cory Stone, David Ashby,
Donna Horn, John K. Johnson, Kat-
hleen Reilly, Krege Christensen, Lil
Shepherd, Marilyn Ashby, Mont
Tobiasson, Rhea Jean Hancock, Rich-
ard Johnson, Richard Williams, Rick
Mathews, Tyler Shepherd og Vina
Foster.
Krakkarnir nutu þess að fara á bak á Íslandsdögum í Spanish Fork.
Devon Koyle, Thora Leifson Shaw og Kristy Robertsson voru
heiðruð á Íslandsdögum, sem fóru fram í Spanish Fork.
Gary L. Pocock öldungur og David Ashby, tals-
maður félagsins, á Íslandsdögum.
Þrjú heiðruð í
Spanish Fork
Jack Tobiasson, forseti félagsins til
næstu tveggja ára.
Eftir Steinþór Guðbjartsson
steinthor@mbl.is