Morgunblaðið - 18.08.2006, Page 10

10|Morgunblaðið
Ida Semey, öldungadeildarstjóri
við MH, segir að nemendurnir séu
ennþá aðallega fólk sem kemur til
þess að fá prófskírteini.
„Sem elsta öldungadeild lands-
ins höfum við alltaf haldið ákveð-
inni stefnu og það gerir að nem-
endurnir eru mjög einsleitir, þótt
aldursdreifingin sé oftast nær
stór. Þetta er fólk sem kemur til
stúdentsprófsnáms og óskar eftir
að fá prófskírteini með sér að
námi loknu. Öldungadeildin ber
sterk einkenni þessarar stefnu og
við höfum ekki hugsað okkur að
breyta henni í grundvall-
aratriðum,“ segir Ida.
Dreifnám
Námið er skipulagt sem svo
kallað dreifnám, það er engin
mætingarskylda nema í verklegum
fögum og oftast nær er mætingin
einstaklingsbundin og í samráði
við fagkennara öldungadeild-
arinnar.
„Fjarnám er ekki í boði hjá okk-
ur. Við höfum ekki viljað fara út á
þann markað, annars vegar vegna
þess að þar eru svo margir fyrir
og hins vegar vegna þeirrar hefð-
ar sem öldungadeild MH hefur
öðlast í huga fólks. Hins vegar
bjóðum við dreifnám, sem er eins
konar blanda af sjálfsnámi og
staðbundnum námslotum, en þetta
form hentar reyndar best í bók-
legu fögunum,“ segir Ida.
Til að byrja með voru nemendur
öldungadeildarinnar aðallega eldra
fólk, sem ekki hafði lokið stúd-
entsprófi eða þá hætt námi í
miðjum klíðum. Nú hefur þetta
breyst.
Áhersla á gæði kennslunnar
„Nemendurnir í dag eru oft
ungt fólk, sem hefur tekið sér
styttra frí eða lagt upp námsferil
sinn með það fyrir augum að
vinna með náminu. Auðvitað eru
hér ennþá eldri nemendur eins og
áður en hópurinn er meira bland-
aður nú en áður,“ segir Ida.
Oftast er fólk að vinna samtímis
náminu, en þó koma margir, að
sögn Idu, hreinlega vegna þeirra
gæða sem einkenna kennsluna í
öldungadeild MH. „Þetta á
kannski sérlega við um tungumál
eins og ítölsku, spænsku og
frönsku. Fólk hefur kannski verið
á tungumálanámskeiðum og vill
læra meira, eða það kemur til að
hressa upp á tungumál sem það er
farið að ryðga svolítið í eftir lang-
ar fjarvistir frá skólabekknum. En
fólk sækir hingað vegna þess að
kennslan er markviss og kenn-
ararnir, sem starfa við skólann
búa yfir mikilli reynslu og víð-
tækri kunnáttu á sínu sviði,“ segir
Ida.
Þá er ekki óalgengt að nem-
endur, sem ætla til prófs í raun-
greinum eins og til dæmis lækn-
isfræði í háskóla, komi til þess að
rifja upp grundvallaratriði í raun-
greinunum.
Praktísk kennaranámskeið
Ida segir að óreyndir kennarar
séu helst ekki settir í kennslu við
öldungadeildina, en alls kenna um
20 af kennurum skólans við deild-
ina.
„Fjöldi nemenda hefur reyndar
farið minnkandi á síðustu árum,
kannski vegna aukinna tilboða
eins og sumarskóla og nám-
skeiðahalds hjá öðrum. Við erum
því að velta fyrir okkur leiðum til
að aðlaga kennsluna betur og ná
betur til þess markhóps sem við
viljum ná til.“
Milli 250 og 300 nemendur
sækja kennslu við öldungadeild
MH í dag, en það er nokkru
minna en var áður á árum.
„Í haust ætlum við að bjóða
praktísk námskeið fyrir kennara í
fullorðinsfræðslunni og við erum
spennt að sjá hvernig það gengur.
Við trúum því að með því að koma
til móts við fólk og aðlaga kennsl-
una betur muni fleiri nemendur
koma til okkar,“ segir Ida.
Nýlega hefur ástandið verið
rætt innanhúss í menntaskólanum
og menn eru sammála um að ekki
beri að leggja öldungadeildina nið-
ur heldur leita nýrra leiða til þess
að auka eftirspurnina.
„Við viljum leggja áherslu á
gæði kennslunnar og halda okkur
við það sem MH er þekktur fyrir,
nefnilega kennara með mikla
reynslu og góða menntun. En við
ætlum að fara nýjar leiðir samt
sem áður, þótt aðaáherslan verði
áfram á þá þætti sem eru góðir
hjá okkur og nemendur eru að
sækjast eftir,“ segir Ida.
Öldungadeild MH
leitar nýrra leiða
Þeir eru ófáir sem leit-
að hafa til öldunga-
deildar Menntaskólans
við Hamrahlíð til þess
að ljúka við stúdents-
próf síðustu þrjátíu ár-
in. Menntun heimsótti
elstu öldungadeild
landsins á dögunum.
Morgunblaðið/Golli
Öldungadeild Menntaskólans við Hamrahlíð er sú elsta á landinu.
Morgunblaðið/Eyþór
Ida Semey, öldungardeildarstjóri við MH vill fara nýjar
leiðir til að fá fleiri nemendur.