Morgunblaðið - 18.08.2006, Síða 32

32|Morgunblaðið
FJARKENNSLA.COM
SamVil – Símenntun,
s. 553 7768, gsm 898 7824
samvil@simnet.is, fjarkennsla@fjarkennsla.com
www.simnet.is/samvil, www.fjarkennsla.com
Eftirfarandi námskeið eru m.a. í boði í fjarkennslu:
• Bókhald I og II
• Heildstætt bókhaldsnámskeið
• Tölvubókhald
• Rekstur og skattskil smáfyrirtækja
• Upplýsingatækni og hnattvæðing
• Mannauðsstjórnun í nútíma þjóðfélagi
Bjóðum einnig upp á staðbundin námskeið.
„Já, það er rétt að við erum að
flytja. Þetta húsnæði í Skeif-
unni hentar okkur á ýmsan
hátt betur, við getum safnað
starfseminni betur og svo er
allt á einni hæð,“ segir Hulda
Íslenska fyrir útlendinga
Allan ágústmánuð hefur
Mímir Símenntun haldið nám-
skeið fyrir erlenda stúdenta
sem eru að fara að hefja nám
við háskóla landsins.
„Við höfum haft 69 erlenda
nemendur á háskólastigi hjá
okkur þennan mánuð, en þeir
eru að læra íslensku og síðan
hefja þeir háskólanám í vetur,“
segir Hulda.
Námskeiðið, sem erlendu
stúdentunum býðst, er rúmar
fimmtíu kennslustundir og
námstakturinn er mjög hraður
og krefjandi.
„Okkur finnst mikilvægt að
leggja áherslu á þennan breiða
hóp, þetta eru nemendur sem
fara héðan í fjölmargar deildir
hinna ýmsu háskóla, Kenn-
araháskólann, Háskóla Íslands,
Háskóla Reykjavíkur og aðra
skóla,“ segir Hulda.
Námskeiðin eru fornámskeið,
sem á að vera lokið þegar há-
skólarnir hefja störf.
„Nemendurnir eru frá fjöl-
mörgum löndum og mál-
svæðum og þess vegna er
kennslustarfið mjög krefjandi.“
Fornámskeið fyrir erlenda
háskólastúdenta voru áður rek-
in af Námsflokkum Reykjavík-
ur, en eru nú falin Mími Sí-
menntun.
Það eru fjórir kennarar frá
skólanum sem kenna og leið-
beina erlendu stúdentunum,
sem komnir eru hingað til
lands að sækja háskóla-
menntun.
Vinnustaðakennsla
Fyrir utan hefðbundna ís-
lenskukennslu fyrir útlendinga,
sem Mímir Símenntun rekur á
veturna og í Sumarskólanum,
er nú lögð meiri áhersla á
vinnustaðakennslu.
„Það felst í því að vinnu-
staðir af ýmsu tagi hafa sam-
band við okkur og biðja okkur
um að annast íslenskukennslu
fyrir erlenda starfsmenn
þeirra. Það geta verið sjúkra-
hús, skipafélög, elliheimili eða
aðrir vinnustaði, en sameig-
inlegt fyrir þessa aðila er að
þeir vilja að kennslan fari fram
í þeirra eigin húsnæði og að
nemendurnir komi ekki til okk-
ar,“ segir Hulda.
Síðustu fimmtán ár hafa
stöðugt fleiri útlendingar kom-
ið til Íslands í atvinnuleit eða
til náms. Þetta fólk kemur frá
nærfellt 80 löndum og mál-
svæðin eru mjög ólík.
„Venjuleg íslenskukennsla
fer fram samhliða námskeið-
unum á vinnustöðunum og þar
eru nemendur á mörgum stig-
um, bæði hvað varðar kunnáttu
í málinu og eins eftir því hvað-
an þeir koma.“
Mímir Símenntun skiptir
nemendunum upp í hópa eftir
málsvæðum eins og kostur er.
„Kennararnir okkar hafa
sérþekkingu hver á sínu sviði,
hvort sem um er að ræða Ís-
lendinga sem lært hafa erlend
tungumál, eða útlendinga sem
náð hafa mikilli færni í ís-
lensku. Þannig erum við með
kennara sem hafa sérþekkingu
á tungumálum eins og taí-
lensku, víetnömsku, rússnesku
og slavneskum málum, auk
þeirra tungumála sem eru ís-
lenskunni skyldari og fleiri
kunna,“ segir Hulda.
Nýjungar í kennsluaðferð-
um
Hulda segir að kennsluað-
ferðirnar séu í stöðugri
framþróun og margar nýj-
ungar séu að koma inn í
kennsluna. Meðal annars er
farið að kenna íslensku og tal-
þjálfun með músík og takti.
„Við viljum gjarnan þróa
þetta áfram. Við erum tilbúin
að taka við fólki sem ekki er
læst, hvort heldur er á eigin
máli eða á latnesku letri.“
Mímir Símenntun gerir nýbú-
um tilboð um aðstoð til að
komast inn í íslenska fram-
haldsskólakerfið – svokallaður
landnemaskóli – en nám við
hann gefur einingar inn í
framhaldsskólakerfið.
„Þetta getur virkað eins og
brú inn í skólakerfið, tilboðið
sem við gerum er 120 stunda
pakki og þar er farið dýpra í
málið en á öðrum námskeiðum
og að auki er kennd samfélags-
fræði,“ segir Hulda.
Starfsemi Mímis er víðtæk,
þótt málanám vegi ennþá
þyngst á metunum (kennd eru
19 tungumál), en svo eru líka
listir og menning á dagskrá.
„Við verðum með námskeið
um Berlín og Pétursborg í
haust, þetta eru tveggja kvölda
námskeið, og eins mun Jó-
hanna Kristjónsdóttir vera með
námskeið um átökin fyrir botni
Miðjarðarhafs, orsakir þeirra
og mögulegar afleiðingar,“
segir Hulda.
Mímir Sí-
menntun flyt-
ur í Skeifuna
Mímir Símenntun flytur starfsemi
sína í Skeifuna. Aukin verkefni hafa
skapað þörf á stærra húsnæði.
Menntun talaði við Huldu Ólafs-
dóttur, framkvæmdastjóra skólans.
Mímir Símenntun er einkahlutafélag í
eigu Alþýðusambands Íslands sem
starfar á sviði fullorðinsfræðslu og
starfsmenntunar. Það hóf starfsemi
sína 1. janúar 2003 við sameiningu
Menningar- og fræðslusambands al-
þýðu og Mímis-Tómstundaskólans.
Markviss fræðsla
Mímir Símenntun leggur áherslu á að
skipuleggja markvissa fræðslu fyrir
fólk á vinnumarkaði sem minnstu
menntunina hefur. Í flestum tilfellum er
fræðslustarfið skipulagt í samstarfi við
stéttarfélög, fræðslusjóði eða fyrirtæki.
Landnemar eða nýir Íslendingar eru
einnig vaxandi hópur viðskiptavina
Mímis. Í einu stærsta stéttarfélagi
landsins, Eflingu, eru um 12% fé-
lagsmanna af erlendu bergi brotin.
Gerður hefur verið þjónustusamn-
ingur milli Mímis Símenntunar og
fræðsludeildar ASÍ um námskeið fyrir
trúnaðarmenn og almenn námskeið fyr-
ir talsmenn stéttarfélaga.
Fjölbreytt starfsmenntun
Mímir Símenntun leitast við að bjóða
upp á fjölbreytta starfsmenntun og eru
námskeiðin sérsniðin að þörfum við-
skiptavinarins. Einnig eru í boði marg-
vísleg almenn námskeið svo sem í
mannlegum samskiptum, tölvu-
námskeið og lengri námskeið sem
styrkja þekkingu fólks í grunngreinum
eins og íslensku, stærðfræði, stafsetn-
ingu o.fl.
Tómstundanám skipar áfram vegleg-
an sess í starfi Mímis Símenntunar en
eins og sjá má á þessari heimasíðu eru
190–200 námskeið í boði fyrir ein-
staklinga og er hægt að skrá sig á nám-
skeiðin hér á síðunni.
Stjórn
Í stjórn fyrirtækisins sitja Þórunn
Sveinbjörnsdóttir, formaður, Stefanía
Magnúsdóttir, Stefán Ó. Guðmundsson,
Ólafur Darri Andrason og Linda Bald-
ursdóttir.
Hingað í Skeifuna flytur Mímir Símenntun starfsemi sína innan skamms.
Morgunblaðið/ Jim Smart
Hulda Ólafsdóttir, farmkvæmdastjóri Mímis Símenntunar.
Í eigu stéttarfélaganna
Fréttir á SMS