Morgunblaðið - 18.08.2006, Blaðsíða 14

14|Morgunblaðið
GÆÐASTJÓRNUNARSKÓLINN
ÁNÁMSKEIÐINU verður m.a. farið yfir:
• Hvað er gæðastjórnun?
• Gæðakostnað
• Stefnumótun og stjórnun gæðamála
• Hvað er gæðakerfi?
• ISO-staðla
• Ferlastjórnun og mælingar á ferlum
• Innri úttektir
• Verkefnastjórnun og umbótaverkefni
• Rafræna gæða– og skjalastjórnun
KENNARAR SKÓLANS hafa mikla reynslu
af gæðastjórnun bæði sem stjórnendur,
ráðgjafar og kennarar á háskólastigi.
HAGNÝTRI GÆÐASTJÓRNUN
...hefst 12. september
Býður upp á 10 vikna nám með vinnu í
KENNT verður á þriðjudögum frá kl. 13:00-17:00
SKRÁNING og nánari upplýsingar eru í síma 540-0900 og á
www.focal.is, þar má einnig sjá yfirlit yfir fjölda annarra
námskeiða.
Svala Rún Sigurðardóttir
Ábyrgðarmaður
Halldóra Káradóttir
Fagstjóri
MARKMIÐ námsins er veita nemendum heildaryfirsýn yfir aðferðafræði gæðastjórnunar.
Segja má að meginmarkmið bóka-
verslunarinnar sé að þjónusta stúd-
enta við Háskóla Íslands. Þar eiga
þeir að geta keypt kennslubækur
og önnur námsgögn á sanngjörnu
verði.
Bóksalan er samt sem áður ekki
bara stúdentabóksala í þröngum
skilningi orðsins.
Alls konar bækur
Hún býður upp mikið úrval tölvu-
bóka, auk fræði- og vísindarita,
bókmenntir, reyfara, sérpönt-
unarþjónustu, ritföng og allra
handa tímarit í miklu úrvali. Bók-
salan er ein af rekstrareiningum
Félagsstofnunar stúdenta og þjón-
ustar í raun allt háskólasamfélagið
á landinu, þar á meðal HÍ, Háskól-
ann í Reykjavík, Kennaraháskóla
Íslands og Viðskiptaháskólann á
Bifröst.
Námsmenn eru skiljanlega iðn-
astir við að kaupa bækur og ritföng
í versluninni sinni, en kennarar,
fólk úr atvinnulífinu og aðrir koma
líka til að skoða úrvalið sem blasir
við þegar inn er komið.
Mikil reynsla og þekking
„Eitthvað það besta við þessa
verslun, auk vöruúrvalsins, er
þekking starfsfólksins og kunnátta
á flestum sviðum,“ segir Sigurður.
Hann segir að reynsla starfsmanna
við að útvega fræðirit, handbækur
og annað sem háskólamenn og há-
skólamenntaðir sérfræðingar nota
sé ómetandi.
Innkaupastjórar eru Eysteinn
Björnsson í erlendum bókum,
Kristín Gísladóttir í innlendum bók-
um, Reinharð Reinharðsson í tölvu-
bókum og Auður Aðalsteinsdóttir í
ritföngum.
„Það er lítið um mannaskipti hjá
okkur og það finnst mér vera fyr-
irtækinu til góða,“ segir Sigurður.
Af erlendu bókunum fer mest
fyrir titlum á ensku, en einnig er
nokkurt úrval bóka á Norðurlanda-
málunum, sem og á öðrum tungu-
málum eins og þýsku, frönsku og
spænsku.
Skiljanlega hafa íslenskar bækur
sinn sjálfsagða sess í bóksölunni og
getur starfsfólk útvegað alla fáan-
lega titla, sem viðskiptavinurinn
kynni að spyrja um.
Kennir ýmissa grasa
Innan um staflana af tölvubók-
um, fræðiritum um allar hugs-
anlegar fræðigreinar og þykkum
doðröntum um sérhæfð vísindi er
að finna alls konar aðrar bækur.
Hér eru bækur almenns eðlis,vís-
indaskáldsögur, furðubækur og
reyfarar.
„Við erum fyrst og fremst með
gott úrval af kennslubókum og síð-
an einnig bækur úr öðrum flokk-
um,“ segir Sigurður Pálsson.
Hvað önnur innkaup en námsrit
og -bækur varðar eru starfsmenn
og viðskiptavinir með í spilinu og
ráða miklu um úrvalið.
Starfsmenn panta bækur sem
þeir telja eðlilegt að fáist í búðinni
og líklegt sé að eigi sér hljómgrunn
meðal kaupenda. Greinilegt er að
jaðarbókmenntir eiga sinn stað í
hjörtum starfsmanna, því þær fá
töluvert rými, einnig margar
áhugaverðar bækur sem geta nýst
vel til afmælisgjafa.
Hröð og góð afgreiðsla
Sigurður segir að bóksalan ein-
kennist af þjónustuvilja og að af-
greiðslan sé hröð og góð.
„Styrkleiki bóksölunnar felst í
þekkingu, reynslu, áreiðanleika og
trausti, og það hlýtur að koma vel
út í augum viðskiptavinanna,“ segir
Sigurður.
Ástæðan er m.a. sú að starfs-
fólkið hefur haldið tryggð við bók-
söluna.
Bóksalan á fjölda tryggra við-
skiptavina fyrir utan stúdenta og
kennara, enda er hér hægt að
kaupa bækur um sérefni, sem aðrar
bóksölur hafa ekki á boðstólum.
„Styrkur okkar liggur einnig í
netsölunni, en þar erum við í fyrsta
sæti eftir því sem ég get best dæmt
um,“ segir Sigurður.
Afgreiðsla pantaðra bóka á net-
inu er bæði hröð og trygg og oftar
en ekki ódýrari en á erlendum vef-
síðum, að sögn Sigurðar.
Hér fást einnig ritföng á góðu
verði, sem uppfyllir helstu þarfir
stúdenta.
Bóksalan er fyrst og síðast fyrir
stúdenta og markmiðið er að þjóna
þeim sem best.
Bóksala stúdenta er á tveimur
hæðum og í kjallaranum er bókala-
gerinn og vinnuaðstaða. Sigurður
segir að bóksalan hafi verið með
þeim fyrstu sem hófu sölu á tölvu-
bókum í einhverjum mæli og í
framhaldi af því hafi hún opnað
heimasíðu fyrst íslenskra fyr-
irtækja. Heimasíðan var nýlega
endurnýjuð og því fylgir nýtt útlit
og vefbúð með góðri vefvirkni.
Á vef bóksölunnar er hægt að
senda fyrirspurnir, gera sérpant-
anir, fá upplýsingar um bóksöluna,
og þar geta kennarar pantað
kennslubækur fyrir námskeið, svo
fátt eitt sé talið.
Þá eru gefnir upp metsölulistar
bóka með verði og hægt er að
panta bækurnar beint af vefnum.
Verslunin setur kennslubókalista
Háskóla Íslands, Háskólans í
Reykjavík og fleiri skóla inn á vef-
inn og nemendur panta þær. Bóka-
listarnir eru uppfærðir jafnóðum og
upplýsingar liggja fyrir.
Öll viðkvæm gögn á vefnum eru
dulrituð áður en þau eru flutt um
Netið.
Hugbúnaður búðarinnar og vafr-
inn þinn sjá um að framkvæma
þessa dulritun sjálfkrafa.
Allir viðskiptavinir verða að skrá
sig með notendanafni og lykilorði
til að fá upplýsingar um kaup sín
og útistandandi pantanir.
Notendur eru með eigin síður á
vefnum og geta t.d. skoðað pant-
anasögu sína.
Leitarvélin á vefnum gerir not-
endum kleift að finna bækurnar
hratt og sjá hvort þær eru til í búð-
inni eða hvort það þurfi að panta
þær.
Bóksalan er með þúsundir titla á
lager og oftast er hægt að afgreiða
málin á innan við sólarhring og
senda bækurnar kaupanda.
Um það bil 30 þúsund bókatitlar
eru á bóksala.is; íslenskar, erlend-
ar, námsbækur, fræðirit og bækur
almenns eðlis.
Morgunblaðið/Eyþór
Sigurður Pálsson í Bóksölu stúdenta er stoltur af versluninni.
Með nærfellt 30.000 titla á skjánum boksala.is er
Bóksala stúdenta öflugasti íslenski bóksalinn á
netinu. Menntun leit við hjá Sigurði Pálssyni
rekstrarstjóra verslunarinnar.
Bóksala stúdenta
útvíkkar netþjónustuna
Þetta er námskeið fyrir fólk
sem hefur allnokkra und-
irstöðukunnáttu í ensku, vill
treysta grunninn og byggja of-
an á hann.
Markmiðið er að gera nem-
endur færari í að tala með því
að rifja upp og efla orðaforð-
ann, og að æfa þá í að eiga
óformleg skrifleg samskipti á
ensku. Farið verður í nokkur
grunnatriði í málfræði og æfð
ritun og stafsetning eftir því
sem tími leyfir.
Mikil áhersla verður lögð á
þjálfun talmáls með samtölum
og vinnu í litlum hópum og
einnig að skrifa stutta texta.
Námsefnið verður að miklu
leyti byggt á stuttum textum og
leikjum sem henta vel til um-
ræðu og til að auka við hag-
nýtan orðaforða. Einnig verða
lesnar nokkrar smásögur og æft
að lesa upphátt. Ekki verður
stuðst við kennslubók heldur
efni sem kennarinn dreifir.
Þetta námskeið er framhald
af grunnnámskeiði II sem kennt
var á haustönn 2005.
Enskunám hjá Símey
Fáðu úrslitin
send í símann þinn