Morgunblaðið - 18.08.2006, Qupperneq 40

40|Morgunblaðið
Fjölbrautaskóli
Suðurnesja
1976-2006
Virðing, samvinna, árangur
Upphaf haustannar 2006
Töfluafhending fer fram 22. ágúst:
– Nýnemar mæta á sal skólans kl. 9:00
– Eldri nemendur ná í stundatöflur kl. 10:00-15:00.
Sýna þarf greiðslukvittun fyrir innritunargjöldum.
Skólarútur fara frá öllum stöðum kl. 8:30 og frá
skólanum kl. 15:00.
Skólasetning er á sal skólans 23. ágúst kl. 8:00.
Kennsla hefst strax að skólasetningu lokinni
samkvæmt sérstakri stundatöflu.
Fundur með foreldrum nýnema verður auglýstur síðar.
Skólameistari.
Ertu búinn að gleyma því sem þú lærðir í
grunnskóla? Eða ertu á þeim aldrei að þú
varst ekki í grunnskóla heldur í barna- og
gagnfræðaskóla? Eða kannski í fjögurra
vikna farskóla á fyrri hluta síðustu aldar?
Féllstu á landsprófi og fórst svo aldrei aftur í
skóla? Eða ertu 16 ára, nýfallinn á sam-
ræmdu prófunum og kemst ekki inn í fram-
haldsskóla? Gekk þér alltaf vel í skóla, en
finnst þú samt búinn að gleyma öllu sem þú
lærðir? Ertu innflytjandi með öðruvísi þekk-
ingu en við sem erum uppalin hér á landi?
Eða áttu börn sem þig langar til að geta
hjálpað meira við heimanámið, en veist ekki
alveg hvernig þú ferð að því?
Nám með nýju sniði
Námsflokkar Reykjavíkur hafa um árabil
boðið fullorðnu fólki kennslu í námsefni sam-
ræmdu greinanna í efstu bekkjum grunn-
skóla. Í vetur verður tilhögun námsins með
nýju sniði og tilgangur þessara skrifa er að
kynna nýjungar og hvetja þá sem langar til
að læra meira að koma í Námsflokkana –
bæði þá sem vilja læra vegna þess að það
veitir þeim innri ánægju og þeim sem vilja
menntun til að komast betur áfram í lífinu –
og ekki síst þá sem langar í nám af báðum
ástæðunum.
Námið sem ég mun kynna hér ætti að
henta mörgum vel; það hentar til dæmis 16–
18 ára unglingum sem gengið hefur illa í
grunnskólum en líka fólki á öllum aldri sem
vill bæta við grunnþekkingu sína eða rifja
hana upp. Þetta nám er líka kjörið fyrir for-
eldra grunnskólabarna sem hafa áhuga á
námi og velferð barna sinna og fyrir fólk af
erlendum uppruna sem finnst það vanta eitt-
hvað af þeirri þekkingu sem innfæddir telja
náttúrulögmál að allir hafi.
Einstaklingsmiðað
og sveigjanlegt nám
Í haust verður tekið upp nýtt fyrirkomulag
námsins þannig að hætt verður við hefð-
bundna bekkjarkennslu og hefðbundnar ann-
ir, en hver námsgreinanna fjögurra; stærð-
fræði, íslenska, enska og danska, verður
kennd í einskonar smiðju þar sem hver og
einn nemandi vinnur á eigin hraða undir
verkstjórn og leiðsögn kennara. Þar sem
námið er einstaklingsmiðað gefst kostur á að
hefja nám og ljúka því hvenær sem er á tíma-
bilinu ágústlok til júníbyrjunar.
Námsefnið samsvarar því sem kennt er í
8.–10. bekk grunnskóla og er skipt í þrjú
þrep. Fyrsta þrepið er styst og auðveldast,
en svo þyngjast þau stig af stigi. Nemendur
safna vinnu sinni í ferilmöppu sem auðveldar
bæði þeim sjálfum og kennurum þeirra að
fylgjast með framvindu námsins og fram-
förum nemandans. Nemandi, kennari og
námsráðgjafi finna í sameiningu út úr því á
hvaða stigi nemandi skuli hefja námið og hve-
nær hann er tilbúinn að fara upp á næsta stig
hafi hann áhuga á að halda áfram. Próf verða
í boði, en nemendur velja hvort þeir taka próf
og þá hvenær. Markmið námsins er ekki að
standast próf heldur að finna þá innri gleði
sem það veitir að vita meira í dag en í gær og
að nýta sér þessa sívaxandi þekkingu í einka-
lífi og starfi. En þó sumir kvíði prófum eða
sjái engan tilgang með þeim finnst öðrum
bæði skemmtilegt og hvetjandi að taka próf
og þeim stendur til boða að reyna kunnáttu
sína á þann hátt. Nemendur eldri en 18 ára
þurfa ekki að hafa lokið grunnskólaprófum til
að komast inn í framhaldsskóla, en þess er
krafist af yngri nemendum og því þurfa þeir
yngri nemendur sem koma í námið til að ná
grunnskólaprófum vitaskuld að gangast undir
próf.
Markvissar leiðir til að læra
Það sem reynist fullorðnum nemendum oft
erfiðast við að hefja nám að nýju er að hafa
aldrei tileinkað sér skynsamlegar leiðir til að
læra. Af sömu ástæðu eiga margir foreldrar
erfitt með að aðstoða börn sín og leiðbeina
þeim í námi. Þeir eiga kannski auðvelt með
að setja sig inn í efnið sem börnin læra,
þekkja staðreyndir og hafa á þeim skilning,
en kunna ekki að leiðbeina börnunum við
nám vegna þess að þeir hafa sjálfir aldrei
tamið sér skipulagða námstækni. Þess vegna
munu Námsflokkarnir leggja áherslu á að
nemendur læri og nýti sér hvers konar náms-
tækni eins og að setja sér markmið, finna
persónulega námsnálgun sína, læra lestr-
artækni, glósutækni, próftækni og annað sem
gerir fólk betur í stakk búið að stunda nám.
Einnig býðst nemendum markviss sjálfstyrk-
ing til að takast á við það verkefni að vera í
námi. Þar fyrir utan verða kennd und-
irstöðuatriði í ritun ritgerða, munnlegri tján-
ingu og upplýsingalæsi, en slíkt er mikilvægt
að kunna til nálgast þekkingu og koma henni
á framfæri.
Í hverju þrepi er gert ráð fyrir að nem-
endur taki einhvern hluta þeirrar námstækni
sem í boði er, en að öðru leyti er þátttaka í
þeim frjáls. Einnig er hægt að taka einungis
námstækninni en sleppa faggreinunum
þ.e.a.s. leggja grunninn að námi sínu með því
að styrkja sig fyrst í námstækni og öðrum
tæknilegum þáttum áður en fengist er við
sjálf fögin. Þessi hluti námsins gæti líka hent-
að þeim hópi vel sem vill geta aðstoðað börn-
in sín en kann það ekki. Einnig gæti hann
nýst þeim sem eru í námi annars staðar en
finnst sig skorta markvissa námstækni.
Kennsluumhverfið Blackboard
Kennsluefni og verkefni þeirra fjögurra
faggreina sem í boði eru verða bráðlega sett
inn í tölvutækt kennsluumhverfi sem heitir
Blackboard og er þessa dagana verið að taka
upp í grunnskólum Reykjavíkur. Þeir tölvu-
færu sem koma í nám í Námsflokkana munu
örugglega sjá sér hag í að nýta kosti kennslu-
umhverfisins á meðan þeir sem minni þjálfun
hafa í notkun upplýsingatækni geta smám
saman og með aðstoð kennara og náms-
ráðgjafa sett sig inn í þetta nýja umhverfi
sem verður þeim vonandi hvatning til á læra
á tölvur. Þeir sem þekkja til kennsluum-
hverfa eins og Blackboard eiga auðveldara
með að stunda fjarnám en fjarnám er mik-
ilvægur þáttur fullorðinsfræðslunnar og opn-
ar fullorðnum ótal möguleika til náms.
Námsmarkmið og námssamningur
Náms- og starfsráðgjafar Námsflokka
Reykjavíkur verða nemendum innan handar
við námið auk fagkennaranna. Þegar nem-
andi hefur nám sitt hjálpar námsráðgjafi hon-
um við að setja sér námsmarkmið, en oft vill
brenna við að fólk vilji færast of mikið í fang.
Viðtöl í upphafi náms gegna því hlutverki að
fyrirbyggja að nemendur gufi upp af því að
þeir hafi ætlað sér of mikið. Að sjálfsögðu er
öllum heimilt að hætta í námi hvenær sem er
á sama hátt og þeim gefst tækifæri til að
hefja nám hvenær sem er. En námssamn-
ingur á milli nemenda, kennara og náms-
ráðgjafa á að tryggja að nemandi gefist ekki
upp að óþörfu eða vegna einhvers sem auð-
veldlega hafði mátt kippa í lag.
Hvar og hvenær?
Kennt verður í húsnæði Námsflokkanna í
Mjódd (í sama húsi og strætóskýlið). Hvert
verkstæði er í boði eitt kvöld í viku frá 17.20–
21.00, en tvö verkstæði verða í gangi sama
kvöldið þannig að nemendur geta sótt þau
bæði ef þeim hentar. Hægt er að skrá sig í
eina námsgrein eða fleiri. Námið hefst mánu-
daginn 4. september kl. 17.20–18.40 með
kynningu á námstækni, sem gert er ráð fyrir
að allir skráðir nemendur sæki. Kennsla í
faggreinunum hefst viku síðar. Nánari upp-
lýsingar fást hjá Námsflokkum Reykjavíkur
og eru einnig væntanlegar á vefsíðuna okkar.
Finnst þér þú búinn að
gleyma öllu sem þú lærðir?
Námsflokkar Reykjavíkur hafa um áratuga skeið veitt
borgarbúum endurmenntun og fróðleik af öllu tagi. Hér
viðrar Björg Árnadóttir, forstöðumaður Námsflokkanna,
hugsanir sínar um mikilvægi Námsflokkanna.
Björg Árnadóttir hefur starfað við fullorð-
insfræðslu og símenntun um árabil og verið
forstöðumaður Námsflokkanna síðan 2005.
www.namsflokkar.is/
Starfsemi Fulbright-stofnunar-
innar felst í því að efla samskipti
Íslands og Bandaríkjanna á sviði
mennta og rannsókna. Hlutverk
stofnunarinnar er í meginþáttum
tvíþætt:
Að veita íslenskum og banda-
rískum námsmönnum og fræði-
mönnum styrki til náms, kennslu
og rannsókna.
Að veita námsráðgjöf þeim er
hyggja á nám í Bandaríkjunum, á
hvaða skólastigi sem er. Þetta er
gert með því að veita almenningi
aðgang að sérhæfðu bókasafni um
nám og skóla í Bandaríkjunum, og
að halda úti vefsíðu um sama efni.
Einnig eru haldnir almennir kynn-
ingarfundir á skrifstofunni.
Styrkir fyrir Íslendinga:
Námsstyrkir
Ætlaðir þeim sem eru að hefja
framhaldsnám við bandaríska há-
skóla 2007–2008, að upphæð
12.000 dollarar hver. Tekið er við
umsóknum í öllum greinum (einnig
listgreinum).
Rannsóknarstyrkir
Ætlaðir vísinda- og fræðimönn-
um til að stunda rannsóknir í
Bandaríkjunum 2007–2008, að
upphæð 8.000 dollara hvor.
Frank Boas-styrkur
Fulbright-stofnunin tilnefnir
umsækjendur um Frank Boas-
styrk til framhaldsnáms í al-
þjóðalögum við Harvard-háskóla
haustið 2007.
Cobb family fellowship-styrkur
Stofnunin tilnefnir einn umsækj-
anda til að hljóta styrk til náms
við Miami University, Flórída,
skólaárið 2007–2008.
Umsóknarfrestur fyrir þessa
styrki rennur út 16. október næst-
komandi. International Fulbright
science and technology award for
outstanding foreign students.
Nýr námsstyrkur
Fulbright í Bandaríkjunum hef-
ur tilkynnt um nýjan námsstyrk,
sem verður í boði í fyrsta sinn fyr-
ir skólaárið 2007–08. Styrkurinn
er ætlaður framúrskarandi náms-
mönnum í vísinda- og tæknigrein-
um til náms til doktorsprófs. Ful-
bright á Íslandi mun tilnefna tvo
umsækjendur og dómnefnd í
Bandaríkjunum velur síðan allt að
25 námsmenn úr hópi umsækjenda
hvaðanæva úr heiminum til að
hljóta þennan styrk. Þeir sem
hljóta styrkinn munu jafnframt
hljóta skólavist í einhverjum af
virtustu háskólum Bandaríkjanna.
Fulbright-stofnunin, Laugavegi
59, Reykjavík.
Fulbright-styrkir ársins lýstir út
Morgunblaðið/Sigurður Jökull
Fulbright-styrkir ársins hafa verið lýstir út. Myndin er frá móttöku Ful-
brightstofnunarinnar í Iðnó, þar sem tekið var á móti styrkþegum frá Ís-
landi.
www.fulbright.is