Morgunblaðið - 28.09.2006, Qupperneq 15

MORGUNBLAÐIÐ FIMMTUDAGUR 28. SEPTEMBER 2006 15
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00 - 18.00 og laugardaga kl. 12.00 - 16.00
Saab turbo
3.090.000 kr. 2.990.000 kr.
Saab 9-3 Combi Turbo, sjálfskiptur Saab 9-3 Sedan Turbo, sjálfskiptur
Nú geturðu fengið þér
þotu á viðráðanlegu verði
Saab á að baki áralanga sögu sem herþotuframleiðandi auk þess að framleiða hina virtu Saab bíla.
Saab 9-3 hefur hlotið fjölmörg verðlaun fyrir öryggi og aksturseiginleika. Stórkostleg hönnun, öflug
vél, frábærir hemlar og ríkulegur staðalbúnaður gera Saab 9-3 að byltingu í klassíska geiranum.
Nú bjóðum við þér þotuna í Saab bílaflotanum, 9-3 Turbo, á frábæru verði. Komdu og reynsluaktu!
Umboðsmenn
um land allt
Njarðvík
421 8808
Akranesi
431 1376
Höfn í Hornafirði
478 1990
Reyðarfirði
474 1453
Akureyri
464 7940
Varsjá. AFP. | Ekki sér fyrir endann á
stjórnarkreppunni í Póllandi og það
nýjasta er, að einn þingmanna
stjórnarflokksins Laga og réttar
hefur verið staðinn að því að reyna
að kaupa til fylgilags við stjórnina
einn þingmann úr Samoobrona-
flokknum. Var sá flokkur áður inn-
anbúðar í stjórninni eða þar til leið-
togi hans, Andrzej Lepper, var rek-
inn úr ráðherraembætti.
Adam Lipinski, einn þingmanna
Laga og réttar, PiS, var myndaður á
laun er hann reyndi að fá Renötu
Berger, þingmann fyrir Samoo-
brona, til að segja skilið við flokk
sinn og ganga til liðs við PiS. Var
Berger sjálf með földu myndavélina
innanklæða og voru myndirnar
sýndar í fyrrakvöld á sjónvarpsstöð-
inni TVN24.
Í viðtali þeirra sagði Lipinski, að
gengi Berger til liðs við PiS, myndi
henni verða útveguð góð staða í ein-
hverju ráðuneytanna og gæti jafnvel
tekið með sér nokkra vini sína.
Talsmenn PiS, sem hefur lög og
rétt efst á stefnuskránni eins og
flokksnafnið bendir til, neita öllum
ásökunum um spillingu en margir,
pólskir fjölmiðlar segja, að athæfið
sé grafalvarlegt og þeir spá því, að
farið sé að styttast í valdatíma Kac-
zynski-tvíburanna, þeirra Jaroslaws
forsætisráðherra og Lech, forseta
Póllands.
Pólska stjórnin sögð hafa
reynt að múta þingmanni
Reuters
Lipinski, sem er sakaður um að hafa reynt að múta öðrum þingmanni.
Búdapest. AFP. |
Ferenc Gyurcs-
any, forsætisráð-
herra Ungverja-
lands, reyndi í
gær að skýra það
út og réttlæta
fyrir löndum sín-
um, að hann hefði
logið að þeim um
ástandið í efna-
hagsmálum.
Gyurcsany sagði, að það ætti að
skipta kjósendur mestu, að ráða-
menn hefðu þor til að gera það, sem
gera þyrfti, og viðurkenndi, að hann
hefði ekki treyst almenningi til að
skilja fréttir eða sannleikann um
ástandið í efnahagsmálunum. Í raun
hefði hann ekki treyst sjálfum sér til
að skýra það út.
Óvinsælar aðhaldsaðgerðir
Gyurcsany sagði á fundi með þing-
mönnum Sósíalistaflokksins, að
hann og þeir hefðu logið til um efna-
hagsmálin en nú væri kominn tími til
að horfast í augu við vandann. Vegna
þessarar játningar hans hafa verið
mótmæli í Ungverjalandi og þess
verið krafist, að hann segði af sér.
Fyrir þingkosningarnar í apríl síð-
astliðnum rak Gyurcsany áróður fyr-
ir skattalækkunum og auknum út-
gjöldum til velferðarmála en nú
beitir hann sér fyrir óvinsælum að-
haldsaðgerðum, meðal annars
skattahækkunum, fækkun opin-
berra starfsmanna og minni niður-
greiðslu á orku.
Reyndi að
réttlæta
ósannindin
Ferenc Gyurcsany
London. AFP. | Bretar sem einstak-
lingar skulda mest allra í Evrópu-
sambandinu og eiga raunar þriðj-
unginn af öllum skuldum, sem ekki
eru tryggðar með veði í fasteign.
Kemur þetta fram í nýrri skýrslu
frá Datamonitor, fyrirtæki, sem fæst
við rannsóknir í viðskipta- og fjár-
málalífinu, en í henni segir, að breski
meðaljóninn skuldi nú um 400.000
ísl. kr. í óveðtryggðum lánum. Er
komist svo að orði í skýrslunni, að
breskur almenningur virðist haldinn
„óseðjandi þörf fyrir lán“.
Hér er fyrst og fremst átt við
greiðslukortalán, ýmislegt, sem fólk
er að kaupa á afborgunum, en
skýrsluhöfundar segja, að mesta
áhyggjuefnið sé síhækkandi verð á
húsnæði.
Mestar hafa hækkanirnar orðið í
London og á Suðaustur-Englandi al-
mennt og nú er því spáð, að húsnæð-
isverð þar muni hækka um 50% fram
til ársins 2011. Vara margir við al-
varlegum afleiðingum þessarar
verðþenslu fyrir samfélagið og
benda á, að húsnæði á þessum slóð-
um sé að verða utan seilingar fyrir
marga, ekki aðeins láglaunafólk,
heldur líka fyrir millistéttina og
stundum jafnvel þá, sem ofar standa.
Skuldugir
Bretar
♦♦♦