Morgunblaðið - 25.10.2006, Síða 40

Sýning Eirúnar Sigurðardóttur,
Blóðhola, er að mati Rögnu Sig-
urðardóttur heilsteypt, út-
hugsuð og vel ígrundað innlegg í
umræðu samtímans. Sýningin
er í Listasafni ASÍ. » 41
myndlist
Árni Salomonsson leikur eitt af
aðalhlutverkunum í karneval-
íska spunaverkinu Þjóðarsál-
inni sem sýnt er um þessar
mundir í Reiðhöll Gusts í Kópa-
vogi. » 43
leiklist
Myndlistarmaðurinn Snorri
Ásmundsson biður fyrir ást og
kærleika öllum til handa með
því að sitja inni í píramíta úr
plexígleri og hugleiða víða um
borgina. » 42
myndlist
Þröstur Helgason fer yfir feril
Jóhanns Hjálmarssonar ljóð-
skálds í listapistli dagsins. Jó-
hann kom fyrst fram á ljóða-
sviðið með bókinni Aungull í
tímann árið 1956 » »42
af listum
Leikarinn Dustin Hoffman hafði
lítið sem ekkert sjálfstraust
þegar hann steig sín fyrstu
skref í Hollywood og hélt að
hann væri of ófríður til að ná
frama.»48
fólk
Eftir Ingveldi Geirsdóttur
ingveldur@mbl.is
Tónlistardagar dómkirkj-unnar hefjast í 25. skipti núí lok október og standa framí miðjan nóvember. „Við
höldum þessa Tónlistardaga árlega
og alltaf í kringum afmæli Dómkirkj-
unnar, í ár eru 210 ár síðan kirkjan
var reist á þeim stað sem hún stendur
í dag. Hátíðin verður því glæsileg í ár
og m.a. frumflytjum við sjö ný íslensk
tónverk, en við byrjum dagskrána á
morgun með tónleikum unglingakórs
Dómkirkjunnar,“ segir Marteinn H.
Friðriksson, stjórnandi Dómkórsins.
Á laugardaginn heldur dagskráin
áfram með nýjung á Tónlistardögum
en það er svokallaður langur laug-
ardagur í kirkjunni. „Kirkjan verður
opin þennan dag frá kl. 11 til 17 og
það verður flutt tónlist allan tímann.
Við viljum að fólk gefi sér smátíma til
að koma í kirkjuna, stoppi aðeins við,
eins lengi og það vill, og hlusti á fal-
lega tónlist.“
Spurður hvort tónlistardagarnir í
ár séu eitthvað öðruvísi í sniðum en
áður segir Marteinn svo ekki vera en
það sé kannski aðeins meira lagt í tón-
listarflutninginn vegna 210 ára af-
mælisins. „Í hátíðarmessunni erum
við t.d. með hljóðfæraleikara og ein-
söngvara með okkur og flytjum Lau-
date Dominum eftir Hildigunni Rún-
arsdóttur og Missa brevis KV 194
eftir Mozart.“
Stærsti viðburður Tónlistardaga
Dómkirkjunnar er svo 3. nóvember
þegar frumflutt verða sjö ný íslensk
tónverk. „Við höfum gert það öll árin
að biðja tónskáld að semja fyrir okk-
ur verk til frumflutnings á Tónlist-
ardögunum. Við munum flytja sjö ný
kórlög og nokkur eldri á þessum tón-
leikum. Þau eru öll trúarleg en mark-
mið Tónlistardaganna er að efla og
kynna tónlist sem samin er guði til
dýrðar og mönnum til upplyftingar. Í
ár var leitað til tónskálda sem áður
hafa samið tónverk fyrir okkur og eru
búsett á landinu. Frá því fyrst var
efnt til Tónlistardaganna árið 1982
hafa hátt í 30 tónskáld samið verk
fyrir dagana, m.a. hafa verið flutt
þrjú verk eftir þekkt erlend tón-
skáld.“
Dómkórinn hefur á hverju ári feng-
ið gesti að utan til að koma fram á
Tónlistardögunum, í ár eru það hjónin
Guðrún Jóhanna Ólafsdóttir mezzó-
sópran og Francisco Javier Jáuregui
gítarleikari frá Spáni og halda þau
tónleika 8. nóvember. Lokatónleikar
Tónlistardaga verða svo í Hallgríms-
kirkju laugardaginn 12. nóvember og
þá mun Dómkórinn flytja tónverkið
Missa choralis eftir Franz Liszt og
nokkur smærri kórlög.
Morgunblaðið/RAX
Dómkirkjan Á Tónlistardögum Dómkirkjunnar verða meðal annars frumflutt sjö ný íslensk tónverk.
Guði til dýrðar
og mönnum til
upplyftingar
Tónlistardagar Dómkirkjunnar
26.10. Unglingakór Dómkirkjunnar
28.10. Tónleikadagur í Dómkirkju
29.10. Hátíðarmessa
03.11. Kórtónleikar
05.11. Tónleikar á kirkjuloftinu
08.11. Einsöngstónleikar
12.11. Lokatónleikar í Hallgríms-
kirkju
Eftir Birtu Björnsdóttur
birta@mbl.is
ÞÓTT LÍTIÐ hafi til þessa spurst af
raftónlistarmanninum Enkídú
verður breyting þar á annað kvöld.
Þá mun hann þreyta frumraun
sína á sviði og flytja frumsamið efni
á tónleikum í Hinu húsinu.
Enkídú heitir réttu nafni Þórður
Hermannsson, kallaður Doddi, og
er nemandi í Kvennaskólanum.
Hann segist lengi hafa gælt við
þá hugmynd að semja tónlist og
gefa hana út.
Ekki fastur við fartölvuna
„Það var hins vegar ekki fyrr en í
maí á þessu ári sem ég ákvað að
láta af þessu verða og fór að semja
lög af alvöru,“ sagði Doddi í samtali
við Morgunblaðið.
„Ég var búinn að vera lengi með
nokkur lög í hausnum sem ég náði
loksins að koma frá mér.“
Tónlistin sem Enkídú leikur telst
til raftónlistar en hann segist reyna
að gefa henni aukið vægi með því
að leika á fleiri hljóðfæri með.
„Ég leik á selló, píanó og gítar og
reyni að hafa tónlistina eins lifandi
og ég get. Ég ætla ekki að vera
maðurinn sem stendur allan tímann
fyrir framan fartölvuna sína á tón-
leikum,“ segir Doddi, en tónleik-
arnir á morgun eru hans fyrstu.
Puðar við plötu
Á tónleikunum verður hægt að
fjárfesta í EP-plötu með sjö til átta
lögum eftir Enkídú.
„Ég er að puða við að setja saman
plötu fyrir tónleikana og ætla í kjöl-
farið að reyna að koma henni í ein-
hverjar plötuverslanir,“ segir
Doddi.
Auk Enkídú koma Tonik, Lada
Sport og Mammút fram á tón-
leikum Hins hússins. Tvær síðast-
nefndu sveitirnar léku á nýafstað-
inni Airwaves-hátíð í Reykjavík.
Lada Sport ætlar að upptökur
hefjist á sinni fyrstu breiðskífu
snemma á næsta ári en nýtt lag með
þeim félögum, „Love Donors“, er
farið að hljóma á öldum ljósvakans.
Hljómsveitin Mammút vann Mús-
íktilraunir í fyrra. Sveitin kemur til
með að leika nýja tónlist í bland við
gamalt á tónleikunum.
Tonik er listamannsnafn Antons
Kaldal, sem að eigin sögn „breytist
á tónleikum í tónlistarapparat með
óskilgreindum fjölda meðlima“.
Tónlist hans spannar ýmis svið
tölvutónlistar í bland við leik á gít-
ar, bassa og selló.
Tónleikarnir hefjast klukkan 20
og það er frítt inn.
Enkídú leikur í fyrsta sinn opinberlega
Morgunblaðið/RAX
Enkídu Listamaðurinn heitir réttu nafni Þórður Hermannsson, kallaður
Doddi og er nemandi í Kvennaskólanum.
Staðurstund
|miðvikudagur|25. 10. 2006| mbl.is