Morgunblaðið - 11.11.2006, Side 42

42 LAUGARDAGUR 11. NÓVEMBER 2006 MORGUNBLAÐIÐ
UMRÆÐAN
Í DAG veljum við Sjálfstæð-
ismenn í Suðvesturkjördæmi
þann lista sem við teljum líkleg-
astan til sigurs í Alþingiskosning-
unum í vor. Sá listi
verður að vera sam-
ansettur af þeim ein-
staklingum sem við
teljum hæfasta til að
vinna sjálfstæðisstefn-
unni brautargengi,
bæði með sigri í kosn-
ingunum í vor og síð-
an með atorku, orðum
og stefnu á Alþingi
Íslendinga.
Baráttumálin eru
þau sömu í þessu
kjördæmi, sama úr
hvaða bæjarfélagi við
komum, Hafnfirðinga
sem Seltirninga, Kópavogsbúa
sem Álftnesinga, Garðbæinga
sem Mosfellsbæinga. Það er ekki
verið að kjósa á milli bæjarfélaga
heldur hæfra einstaklinga sem
koma til með að vinna að bættum
hag Suðvesturkjördæmis og
landsins alls. Það þarf að veljast
fólk á þing fyrir kjördæmið sem
hefur sýnt áræði og stefnufestu í
störfum sínum. Við viljum tryggja
aukið fjármagn til samgangna á
höfuðborgarsvæðinu og samvinnu
sveitarfélaga þar um. Málefni
eldri borgara brenna á okkur; það
þarf að gera þeim kleift að fara
fyrr á eftirlaun eða halda áfram
að vinna án þess að eftirlauna-
tekjur skerðist. Sjálf-
stæðismenn eiga að
sameinast um lækk-
un skatta á fjöl-
skyldur og fyrirtæki,
að skattkerfið verði
einfaldara og gagn-
sætt. Vegna forvarn-
argildis íþrótta- og
æskulýðsmála þarf
að leggja meira í
þann málaflokk og
tryggja þarf mennt-
un fyrir alla með
auknu valfrelsi í
menntun.
Ekkert þessara
mála er bundið einu bæjarfélagi;
öll eru þau sameiginleg baráttu-
mál okkar sjálfstæðismanna og
við þurfum öflugan lista fólks sem
vinnur að framgangi sjálfstæð-
isstefnunnar landinu öllu til heilla.
Kjölfestan í sjálfstæðisstefn-
unni er að frumkvæði ein-
staklinga fái að njóta sín. Það hef
ég til grundvallar í stjórnmálum,
hvort sem það er á vettvangi bæj-
armála eða landsmála.
Í dag veljum við Sjálfstæð-
ismenn þá einstaklinga sem við
teljum líklegasta til að vinna
framgangi sjálfstæðisstefnunnar
hvað mest gagn. Við þurfum góð-
an og kraftmikinn hóp til að ná
markmiðum okkar. Prófkjörið er
aðeins einn áfangi á leið til sigurs
Sjálfstæðisflokksins í kosning-
unum í vor. En það er mikilvægur
áfangi og við þurfum öll að leggja
okkar af mörkum. Það er hagur
landsmanna allra að áfram verði
byggt á sjálfstæðisstefnunni í
landsmálunum.
Sameiginleg baráttumál
okkar sjálfstæðismanna
Ragnheiður Ríkharðsdóttir
fjallar um prófkjör og stefnu-
mál
» Við þurfum góðan ogkraftmikinn hóp til
að ná markmiðum okk-
ar. Prófkjörið er aðeins
einn áfangi á leið til sig-
urs Sjálfstæðisflokksins
í kosningunum í vor.
Ragnheiður
Ríkharðsdóttir
Höfundur er bæjarstjóri og býður sig
fram í 3. sæti í prófkjöri Sjálfstæð-
ismanna í Suðvesturkjördæmi.
Í DAG laugardag
11. nóvember er árleg-
ur norrænn skjaladag-
ur þar sem opinber
skjalasöfn á Norð-
urlöndum kynna starf-
semi sína, þjónustu og
safnkost. Á Íslandi er
þema dagsins sam-
göngur í orðsins víð-
asta skilningi og hafa
söfnin sett upp sér-
staka vefsíðu
www.skjaladagur.is
þar sem sett hefur
verið upp skjalasýn-
ingin „Á ferð ... “ þar
sem þrettán skjala-
söfn hafa dregið fram
í dagsljósið fróðleg
skjöl um samgöngu-
mál. Borgarskjala-
safn Reykjavíkur sýnir skjöl um
hugmyndir um járnbraut og járn-
brautarstöð í Reykjavík, hvenær
fyrstu götuljósin komu, hugmyndir
um flughöfn í Vatns-
mýri mörgum árum áð-
ur en breski herinn kom
til Reykjavíkur,
skemmtileg skjöl um
umferðaröngþveiti
hesta og bíla í Reykja-
vík og jafnvel hvernig
þurfti að setja reglur
um stöður hesta fyrir
utan verslunarhús eftir
því sem umferðin jókst
og um reiðhraða þeirra
á götum bæjarins.
Þótt sýningin á net-
inu sýni einungis lítið
brot af þeim skjölum
sem söfnin hafa að
geyma, gefa þau hug-
mynd um safnkost
þeirra. Skjalasöfnin hafa
nefnilega miklu fjöl-
breyttari skjöl að geyma
en margan grunar.
Opinberu skjalasöfnin
varðveita einkum skjöl
ríkis og sveitarfélaga en
einnig skjöl einstaklinga,
félaga og fyrirtækja.
Borgarskjalasafn og héraðs-
skjalasöfnin um land allt varðveita
skjöl viðkomandi sveitarfélaga en
Þjóðskjalasafnið varðveitir skjöl rík-
Skjalasöfnin eru
mikilvægari en þig
grunar
Svanhildur Boga-
dóttir fjallar um
skjalasöfn í tilefni
af norrænum
skjaladegi
Svanhildur Bogadóttir
» Skjalasöfninhafa að
geyma ýtarleg-
ar upplýsingar
um líf hvers ein-
staklings frá
vöggu til grafar.
Prófkjör Sjálfstæðisflokksins í
Suðvesturkjördæmi er haldið í dag,
laugardag. Ég hvet
alla sjálfstæðismenn í
kjördæminu til þess að
kjósa í prófkjörinu og
taka þannig þátt í því
að stilla upp samhentu
vinningsliði fyrir kosn-
ingarnar í vor. Suð-
vesturkjördæmi er
sterkt vígi Sjálfstæð-
isflokksins og því mik-
ilvægt að við fjölmenn-
um og sýnum þann
kraft sem í okkur býr.
Ég býð mig fram í 4.
sæti listans og heiti því
að vinna vel og af heil-
indum að baráttu-
málum flokksins okkar
og kjördæmisins fái ég
til þess brautargengi.
Sjálfstæðisstefnan í
öndvegi
Í prófkjörsbaráttu
minni hef ég lagt
áherslu á mikilvægi
þess að koma sjálf-
stæðisstefnunni inn í sem flesta
málaflokka. Ég trúi því staðfastlega
að þannig tryggjum við best fram-
farir og velmegun. Með hugsjón að
leiðarljósi og sannfæringu fyrir því
hvert við viljum stefna náum við ár-
angri. Í starfi mínu sl. 8 ár sem að-
stoðarmaður ráðherra hef ég séð
margar góðar hugmyndir fæðast og
verða að veruleika. Ég hef tekið þátt
í að móta stefnu Sjálfstæðisflokks-
ins, ráðherra míns og ríkisstjórnar,
komið að framkvæmdinni, fylgt
henni eftir og séð hana bera árangur.
Það er mjög gefandi. Í starfinu hef
ég þannig fengið tækifæri til að taka
beinan þátt í að koma hugsjónum
sjálfstæðisstefnunnar í framkvæmd.
Skattar hafa verið lækkaðir svo um
munar, ríkisreksturinn einfaldaður,
samkeppni aukin sem og frelsi á öll-
um sviðum þjóðfélagsins.
Byggjum á árangri
Þarna eru enn næg verkefni.
Þess vegna langar mig að taka enn
frekari þátt í stjórnmálum og leggja
mitt af mörkum. Kjörorð próf-
kjörsbaráttu minnar er „Byggjum á
árangri“. Ég trúi því
að með því að byggja á
árangri síðustu ára
verði Ísland best í
heimi. Við eigum að
hugsa í einstaklings-
miðuðum lausnum,
hvort sem um er að
ræða menntamál eða
öldrunarmál. Við eig-
um að hugsa stórt og
byggja til framtíðar,
hvort sem um er að
ræða samgöngumál
eða atvinnumál. Fram-
farir byggjast á kjarki
og þori og af því hvoru
tveggja höfum við
sjálfstæðismenn nóg.
Stuðningur þinn er
mikilvægur
Ég vil fá að taka þátt
í því að gera gott sam-
félag enn betra, enn
opnara og enn frjáls-
ara – því aðeins þannig
fær einstaklingurinn
notið sín. Í þessu prófkjöri leita ég
eftir umboði ykkar til að nýta þá
þekkingu og reynslu sem ég hef afl-
að mér sem aðstoðarmaður ráð-
herra sl. 8 ár til að vinna að þeim
málum sem brenna á kjósendum í
þessu kjördæmi. Á síðastliðnum
vikum hef ég fundið fyrir afar góð-
um stuðningi og hvatningu frá sjálf-
stæðismönnum í kjördæminu. Ég er
mjög þakklát fyrir það og einnig
fyrir aðstoð alls þess góða fólks sem
hefur lagt mér lið í baráttunni.
Ég vil vera með í sigurliðinu í vor
og sækist eftir því að fá að vera í
treyju númer 4. Ég óska eftir stuðn-
ingi þínum.
Samhent lið
til sigurs
Ragnheiður Elín Árnadóttir
hvetur sjálfstæðismenn í Suð-
vesturkjördæmi til þess að nýta
kosningarétt sinn í prófkjörinu
Ragnheiður Elín
Árnadóttir
» ...og heiti þvíað vinna vel
og af heilindum
að baráttu-
málum flokksins
okkar og kjör-
dæmisins...
Höfundur er aðstoðarmaður forsætis-
ráðherra og býður sig fram í 4. sæti í
prófkjöri Sjálfstæðisflokksins í Suð-
vesturkjördæmi.
NÝTT stefnumál Frjálslynda
flokksins er nokkuð á skjön við
fyrri samþykktir flokksins og ber
keim af því að ætlunin sé að leysa
fylgisvanda flokks sem ekki hefur
náð að móta sér sérstöðu í stjórn-
málum. Því verður þó ekki neitað
að með yfirlýsingum varaformanns
flokksins hefur pott-
lokinu verið lyft af
umræðu sem lengi
hefur kraumað í ís-
lensku samfélagi.
Margir kannast við að
finna til pirrings
vegna þess að starfs-
fólk sjúkrahúsa og
elliheimila talar iðu-
lega ekki íslensku. Og
að starfsfólk kaffi-
húsa skilur ekki orðið
kaffi. Þetta hefur ver-
ið birtingarmynd hins
svokallaða „innflytj-
endavanda“ á Íslandi í augum
margra.
Ef vilji er til þess að viðhalda ís-
lensku tungumáli eru lausnirnar
raunar afar handhægar. Til að
mynda væri hægt að veita öllum
innflytjendum sem hingað koma
íslenskukennslu. Og það væri líka
hægt að efla umtalsvert móð-
urmálskennslu Íslendinga sjálfra
sem fá umtalsvert minni kennslu í
móðurmáli sínu í grunnskóla en
t.d. Danir og Svíar.
Af málflutningi þingmanna
Frjálslynda flokksins, sem raunar
fer illa saman við nafn hans, er
hins vegar að skilja að fyrir þeim
snúist málið um annað en að hér
þurfi að stórefla íslenskukennslu.
Þeir tala um „flæði“ innflytjenda,
„innstreymi“ eða „innrás“. Með
orðavali sínu gefa þeir í skyn að
innflytjendur flæði hér yfir allt
eins og stjórnlaust haf en sú skoð-
un hefur lítinn stuðning af tölfræði
þótt innflytjendum til Íslands hafi
vissulega fjölgað.
Innflytjendur hingað til lands
eru ekki einsleitur hópur. Sumir
koma hingað til að vinna og
staldra stutt við, aðrir setjast hér
að. Allir eru þeir hins vegar fólk
en ekki aðeins „vinnuafl“, hvað þá
vinnuafl sem tekur atvinnu af Ís-
lendingum. Slíkar staðhæfingar
standast enga skoðun þar sem at-
vinnuleysi hefur ekki aukist hér á
landi þó að innflytjendum hafi
fjölgað.
Lág laun eru vandi
Hins vegar hlýtur fólk að spyrja
sig hvað gerist þegar dregur úr
þenslu og hagkerfið kólnar, nú
þegar fólki hefur fjölgað. Eðlilega
hefur fólk áhyggjur af
slíkri kreppu, óháð
innflytjendum, Þær
áhyggjur eru ná-
tengdar launakjörum í
landinu. Launakjör
innflytjenda eru
vandamál sem bitnar
auðvitað fyrst og
fremst á innflytj-
endum eða „vinnuafl-
inu“. En hver ber
ábyrgðina á þessum
launakjörum? Eru
það útlendingar eða
eru það íslenskir at-
vinnurekendur sem bjóða útlend-
ingunum miklu lægri laun en ís-
lenskum verkamönnum? Því ef svo
væri nær að tala um atvinnurek-
endavanda og sá vandi er jú ekki
nýr af nálinni hér á landi; lengi vel
hafa atvinnurekendur borgað kon-
um lægri laun en körlum, útlend-
ingum lægri laun en Íslendingum
og svo framvegis. Sumir telja
þetta eðlilegt því að útlendingarnir
fái hvort eð er svo lág laun heima
hjá sér en það er hreint ekkert
eðlilegt við það bjóða fólki á sama
vinnumarkaði mishá laun eftir því
hvaðan það kemur.
Mér finnst eðlilegt að við ræðum
um launakjör á íslenskum vinnu-
markaði og tryggjum þar öllum
góð laun. Það hefur Vinstrihreyf-
ingin – grænt framboð svo sann-
arlega gert og verið flokka ötul-
astur að ræða hvernig
hnattvæðing fjármagnsins hefur
orðið til þess að vestræn stórfyr-
irtæki hafa níðst á verkafólki um
allan heim. Á þessu þarf að taka.
Aðstæður og kjör starfsfólks í
heilbrigðisgeiranum eru t.d. með
þeim hætti að margir sætta sig
ekki við vinnuálag og þá eru ráðn-
ir innflytjendur sem sökum neyðar
heima fyrir sætta sig við lægri
laun. Þetta er ábyrgðarhluti ís-
lenskra stjórnvalda og atvinnu-
rekenda. Hér á að búa vel að öll-
um, Íslendingum og
innflytjendum, og ekki nýta sér
aðstæður fólks annars staðar í
heiminum.
Sama má segja um íslensku-
kennslu fyrir alla þá sem hér búa,
af hvaða bergi sem þeir eru
brotnir. Hana á að efla og það
verður ekki gert með því að skera
niður fé til framhaldsskólanna svo
dæmi sé tekið, eða með því að láta
útlendinga greiða sérstaklega fyr-
ir íslenskunám.
Hugsum um alla
Það er hins vegar skrumskæl-
ing á þessum vanda að kalla hann
„innflytjendavanda“ og tengja
hann við „syni íslam“ eins og
Frjálslyndir reyna nú að gera.
Þetta eru mál sem við getum leyst
í okkar heimabæ með því að efla
launakjör, íslenskukennslu og
halda umræðunni um þessa hluti
vakandi – t.d. með því að ræða á
málefnalegan hátt um svokallaða
frjálsa för verkafólks um heim all-
an sem nýtist einkum stórfyr-
irtækjum. Hana þarf að ræða í
samhengi við frjálst flæði fjár-
magnsins sem er grundvall-
aratriði í hnattvæddum heimi og
byggist á því að fyrirtæki um all-
an heim geta komið sér fyrir þar
sem launakjör eru bág og nýtt sér
þannig neyð almennings í þeim
löndum. Þannig getum við tekið
vel á móti öllum og tryggt að allt
launafólk á Íslandi búi við góð
kjör. Ég lít nefnilega ekki svo á
þetta séum „við“ og „hinir“, held-
ur við öll. Og svo sannarlega á ég
líklega meira sameiginlegt með
ýmsum innflytjendum en Frjáls-
lynda flokknum eftir þetta síðasta
útspil þess flokks.
Hvar liggur vandinn?
Katrín Jakobsdóttir skrifar um
málefni innflytjenda á Íslandi »Hér á að búa vel aðöllum, Íslendingum
og innflytjendum, og
ekki nýta sér aðstæður
fólks annars staðar í
heiminum.
Katrín Jakobsdóttir
Höfundur er varaformaður
Vinstri-grænna.