Morgunblaðið - 04.01.2007, Blaðsíða 14

14 FIMMTUDAGUR 4. JANÚAR 2007 MORGUNBLAÐIÐ
ERLENT
Gaza-borg. AFP. | Palestínskir emb-
ættismenn í öryggislögreglunni
hvöttu í gær útlendinga á Gaza-
svæðinu til að koma sér burt þar sem
hætta væri á, að þeim yrði rænt eins
og einum ljósmyndara AFP-frétta-
stofunnar.
Ljósmyndaranum Jaime Razuri
var rænt fyrir þremur dögum fyrir
framan aðsetur fréttastofunnar í
Gaza-borg en í gær hafði enginn hóp-
ur eða samtök gengist við mannrán-
inu.
Palestínsku embættismennirnir
sögðu, að þeir hefðu fengið fréttir af
því, að fleiri mannrán væru á döfinni
og því hefðu þeir hvatt alla útlend-
inga, einkum frá Bandaríkjunum og
Evrópu, til að forða sér. Talsmaður
UNRWA, Flóttamannastofnunar
Palestínu, sagði hins vegar, að ekki
stæði til, að starfsmenn hennar færu
burt.
Ríkisstjórn Hamas-samtakanna í
Palestínu sagði í yfirlýsingu í gær, að
brottnám útlendinga væri til þess
eins fallið að sverta Palestínumenn í
augum umheimsins og skoraði
stjórnin á mannræningjana að
sleppa Razuri án tafar.
Sagt að flýja Gaza
GESTIR og gangandi njóta snjólistaverkanna á al-
þjóðlegu íslistahátíðinni í borginni Harbin í Heil-
ongjiang-héraði í norðausturhluta Kína í gær. Verkin á
hátíðinni í ár þykja óvenjuvönduð og fjölbreytileg.
Reuters
Virða fyrir sér snjólistaverkin
Gæði, fagmennska og gott úrval
25%
afsláttur
af jakkafötum,

stökum jökkum
,
stökum buxum

og yfirhöfnum.
Vorum að taka til
notkunar fyrstu
tölvuna, IBM 632.
Mogadishu. AFP, AP. | Yfirvöld í Kenýa
hafa lokað landamærum landsins að
Sómalíu til að hindra að fleiri flótta-
menn geti komist til Kenýa, að sögn
utanríkisráðherra landsins í gær.
Fyrr um daginn létu yfirvöld í
Kenýa flytja 420 sómalska flótta-
menn aftur yfir landamærin, að sögn
Flóttamannahjálpar Sameinuðu
þjóðanna. Flóttafólkið, aðallega kon-
ur og börn, var flutt úr bráðabirgða-
búðum í Kenýa.
Margir Sómalar hafa flúið yfir
landamærin síðustu daga vegna
átaka milli íslamista og hersveita
bráðabirgðastjórnar Sómalíu, en
þær njóta stuðnings eþíópískra her-
manna. Talið er að leiðtogar íslam-
istanna séu í felum nálægt landa-
mærunum að Kenýa og sómalski
stjórnarherinn sagði í gær að enginn
þeirra hefði verið tekinn til fanga.
Fulltrúar nokkurra Evrópuríkja –
Bretlands, Ítalíu, Noregs, Svíþjóðar
og Þýskalands – komu saman í
Brussel í gær til að ræða hvernig þau
gætu stuðlað að friði í Sómalíu. Í ráði
er að embættismenn frá Evrópu-
löndunum ræði síðan við fulltrúa
Bandaríkjanna, Tansaníu, Samein-
uðu þjóðanna, Afríkusambandsins
og Arababandalagsins í Nairobí á
morgun.
Embættismennirnir ætla að ræða
áform um að senda afrískt friðar-
gæslulið til Sómalíu. Úganda er eina
landið sem hefur lofað að senda her-
lið til Sómalíu – allt að þúsund her-
menn.
Þúsundir eþíópískra hermanna
eru enn í Sómalíu eftir að hafa að-
stoðað stjórnarher landsins við að
hrekja vopnaða liðsmenn íslamist-
anna frá Mogadishu og fleiri stöðum
sem þeir höfðu náð á sitt vald. For-
sætisráðherra Eþíópíu, Meles Zen-
awi, sagði á þingi landsins að hann
vonaðist til þess að hægt yrði að
kalla eþíópísku hermennina heim
innan hálfs mánaðar. Forsætisráð-
herra sómölsku bráðabirgðastjórn-
arinnar sagði hins vegar að þörf yrði
á eþíópíska herliðinu í nokkra mán-
uði í viðbót.
Kenýamenn loka landa-
mærunum að Sómalíu
Flóttafólki meinað að fara af átakasvæðunum til Kenýa
Í HNOTSKURN
» Forsætisráðherra bráða-birgðastjórnar Sómalíu
sagði á þriðjudag að átökunum
í landinu væri að mestu lokið.
» Íslamistarnir sögðust þóætla að halda áfram bar-
áttu sinni gegn bráðabirgða-
stjórninni og eþíópíska herlið-
inu sem var sent til að aðstoða
hana.
» Ýmislegt benti til þess ígær að stjórnarherinn
hefði ekki unnið fullnaðar-
sigur.
Eftir Baldur Arnarson
baldura@mbl.is
ÖRYGGISGÆSLAN var gífurleg
þegar Börkur Gunnarsson, fyrrver-
andi upplýsingafulltrúi NATO í Írak,
sem starfaði á vegum íslensku frið-
argæslunnar, gekk inn í áhorfenda-
stúkuna að salnum þar sem réttað var
yfir Saddam Hussein, fyrrverandi
forseta landsins, sem var hengdur á
laugardag fyrir glæpi gegn írösku
þjóðinni. Þetta var í maí á liðnu ári og
aðeins tíu manns, auk fjölmiðla-
manna, viðstaddir yfirheyrslurnar
sem Börkur varð vitni að. Hann segir
öryggisgæsluna hafa verið mikla.
„Ég fór með almannatengslamanni
frá bandaríska sendiráðinu en svo
voru þarna nokkrir Írakar sem höfðu
sínar sögur að segja af hryllingnum
sem þeir höfðu upplifað í stjórnartíð
Saddams. Þetta var innan græna
svæðisins í Bagdad, þar sem örygg-
isgæsla er ströng, en samt vorum við
látnir fara inn í geislunartæki sem
var eins og sívalningur í laginu.“
Hann segir reynsluna af réttar-
höldunum ógleymanlega. „Það var
magnað að sjá Saddam sjálfan. Það
var skrýtið að sjá einræðisherrann
sem gamlan og kurteisan mann sem
hlýddi fyrirmælum óvopnaðra
stráklinga í einu og öllu. Hann bað
tvisvar um orðið en var hafnað í bæði
skiptin. Hálfbróðir hans var með hon-
um og fjórir aðrir sakborningar.“
Að sögn Barkar var allur gangur á
því hvernig Írakar ræddu um rétt-
arhöldin, sjítar hafi viljað að Saddam
yrði líflátinn en súnnítar viljað að
máli fyrrum leiðtoga síns lyki sem
fyrst.
Saddam „reffilegur karl“
Steinar Þór Sveinsson leysti Börk
af hólmi í maí og notaði tækifærið í
lok september til að verða viðstaddur
einn dag þessara frægu réttarhalda.
Steinar, sem var heima á Íslandi í
jólafríi þegar dauðadóminum yfir
Saddam var fullnægt, segir glervegg
hafa skilið stúkuna frá salnum þar
sem Saddam hafi setið fyrir neðan.
„Við vorum á annarri hæð og fyrir
neðan okkur búr þar sem frétta-
mennirnir höfðu aðsetur. Það fór heill
dagur í þetta. Réttarhöldin hófust
klukkan tíu og þeim lauk um fjög-
urleytið með hádegishléi. Saddam var
reffilegur karl sem bar sig vel. Með
honum voru hálfbróðir hans og sak-
borningar. Það sem fór fram í salnum
var þýtt yfir á ensku og eftirminnilegt
þegar hann benti á útskorna vog rétt-
lætisins á vegg fyrir aftan dómarann
og sagðist ekki njóta fulls réttlætis.
Saddam var ekki með nein ólæti
eða framíköll líkt og hann hafði gert
og átti eftir að gera í þessu langa ferli
sem réttarhöldin voru. Það var sögu-
legt að sjá manninn en þetta var
skammt frá þar sem ég bý á græna
svæðinu.“
Steinar segir flesta súnníta, trú-
brotið sem fór með stjórn Íraks í tíð
Saddams, ekki hafa viðurkennt rétt-
arhöldin. Þegar liðið hafi á þau hafi
honum fundist sem fólk teldi að þeim
myndi ljúka senn með dauðadómi yfir
Saddam sem og varð raunin.
„Magnað að sjá Saddam“
Börkur
Gunnarsson
Steinar Þór
Sveinsson
Íslenskir upplýsingafulltrúar NATO viðstaddir réttarhöldin