Morgunblaðið - 04.01.2007, Blaðsíða 28

28 FIMMTUDAGUR 4. JANÚAR 2007 MORGUNBLAÐIÐ
UMRÆÐAN
SÁ SEM fer í Perluna og spókar
sig á útsýnispöllunum á fögrum
degi getur auðveldlega orðið fyrir
hughrifum af tign og kyrrð Vatns-
mýrarsvæðisins. Þarna blasir við
fegurð himinsins, vídd sjóndeild-
arhringsins og að miklu leyti
ósnortin náttúra, sem flugvöllurinn
gamli og góði hefur verndað í
meira en hálfa öld með nærveru
sinni.
Margir hafa horn í
síðu flugvallarins og
sjá fyrir sér miklar
byggingar á öllu
þessu svæði. Það er í
raun auðvelt að sjá
þessar breytingar fyr-
ir sér af þessum sjón-
arhóli. Bæta síðan
umferðargnýnum við
þögnina í eyrunum og
blanda svo brælunni
frá bílunum við litina
frá Snæfellsjökli fyrir
sínum innri augum.
Fyrir mitt leyti kem ég ekki auga
á þær dásemdir sem þessi skipti
eiga að færa mannfólkinu. Varla
hefur Jóhannes Kjarval haft þær
myndir í huga þegar honum vitr-
aðist það að norðurljósin gætu
nálgast fætur mannanna, einmitt
þarna í Öskjuhlíð.
Eftir alla þá miklu talnaturna,
sem reistir voru um söluhagnað
lóða á flugvallarsvæðinu, gáfu
menn umhugsunarlaust lungann
úr svæðinu endurgjaldslaust til
Háskólans í Reykjavík. Þetta
gerðist eftir að Garðabær vildi
bjóða skólanum til sín. Yfirtromp
R-listans sáluga sem Háskólinn
þáði.
Sagt var eitt sinn, að bókvitið
verði ekki í askana látið. Víst er að
ekki mun þetta háskólasvæði gefa
af sér neinar tekjur í borgarsjóð.
Það mun hins vegar færa umhverf-
ið úr lagi og valda óafturkræfum
spjöllum á Vatnsmýr-
inni og flugvellinum.
Allt er þetta óþarfi.
Það eru margir staðir
sem eru heppilegri
fyrir Háskólann í
Reykjavík en þarna
suður af „Benevent-
um“ í kallfæri við Há-
skóla Íslands. Um-
ferðarmálin frá
Háskóla Íslands eru
ennþá óleyst . Vanda-
málin munu aukast til
muna með umferð frá
nýju hátæknisjúkra-
húsi, nýrri samgöngumiðstöð og
svo síðast frá Háskólanum í
Reykjavík. Þvílíka martröð getur
ekki sett að venjulegum vegfar-
anda á Hringbrautinni seinnipart
dags?
Ríkið á mikið land við Keldur.
Það eru falleg svæði norður af
Rauðavatni, við Rauðhóla, Reyn-
isvatn og svo má telja. Víðast hvar
í heiminum eru háskólar að flytja
út fyrir bæina. Til dæmis er minn
gamli skóli í miðri Stuttgart löngu
farinn út í sveit.
Höfuðborgin þarfnast flugvall-
arins. Hvaða borg á sambærilegan
„City Airport“ með sjávarbakka á
tvær hliðar? Reykjavíkurflugvöll á
að efla og auka flug frá honum.
Samgöngur eru undirstaða efna-
hagslífs allra þjóða, það gerði Dar-
íos Persakóngur sér ljóst fyrir
margt löngu. Flugumferð er mun
fyrirferðarminni en bifreiðafjöld-
inn og mengar minna. Eldgos á
Hellisheiði eða á Reykjanesi gætu
líka skyndilega kallað á flug-
samgöngur frá höfuðborgarsvæð-
inu. Hraunin þar runnu aðeins á
gærdegi jarðsögunnar.
Njótum samvista við víddina,
fegurðina og flugvöllinn. Eit-
urspúandi blikkbeljur og magn-
þrungnir steypuklumpar eru ekki
því fegurri sem fleiri koma saman
fremur en heimskir menn. Dreifð
byggð er betri byggð og barn-
vænni en barafjöld. Mannfólkið
þarf staði þar sem norðurljósin
geta fundið fætur þess.
Verndum Vatnsmýrina, flugvöll-
inn, fegurðina og fuglana meðan
þess er enn kostur.
Verndum Vatnsmýrina
Halldór Jónsson fjallar um
Vatnsmýrina og flugvöllinn »Njótum samvista viðvíddina, fegurðina
og flugvöllinn.
Halldór Jónsson
Höfundur er verkfræðingur.
SAMKVÆMT vef Blaða-
mannafélags Íslands þurfa til-
nefningar til Blaðamannaverð-
launa vegna ársins 2006 að hafa
borist fyrir 19. janúar nk.
Í mínum huga stendur einn
maður upp úr þegar horft er
um öxl og hugað að afrekum
blaðamanna á liðnu ári. Sá heit-
ir Sigurjón Magnús Egilsson,
,,SME“.
Afrek SME á árinu 2006
verða ekki öll tíunduð hér, held-
ur látið við það sitja að nefna,
að SME réð sig í þrígang sem
ritstjóra dagblaða á síðasta ári,
nú síðast til nýrrar DV-útgáfu.
Hvernig SME umgekkst
sannleikann og gerða samninga
á árinu 2006 lýsir betur en
mörg orð andlegu atgervi, heið-
arleika og endalausri leit þessa
eftirsótta og dáða blaðamanns
að sannleikanum.
SME er stéttarsómi og verð-
skuldar sæmdarheitið ,,Blaða-
maður ársins“.
Sigurður G. Guðjónsson
Blaðamaður ársins
Höfundur er
hæstaréttarlögmaður.
EINS og flestum Kópavogsbúum
er kunnugt var eitt helsta útspil
Framsóknar- og Sjálfstæðismanna
fyrir kosningarnar í vor bygging
hjúkrunarheimilis við Boðaþing.
Fyrsta skóflustungan var tekin
nokkrum dögum fyrir kosningar að
viðstöddum fjölmiðlum og fyr-
irmennum. Hugmyndin að Boða-
þingi er komin frá Hrafnistu í Hafn-
arfirði en um er að ræða breytt
fyrirkomulag þar sem
íbúar halda fjárhags-
legu sjálfstæði og
greiða fyrir alla þjón-
ustu sjálfir. Eins og
kom fram í fjölmiðlum
leit heilbrigðisráðherra
jákvætt á málið en að
öðru leyti lágu engin
vilyrði fyrir, hvað þá
loforð frá ráðuneytinu.
Líklega hefur meiri-
hlutinn í bæjarstjórn
Kópavogs treyst því að
verandi réttu megin
við línuna í pólitík
myndi ráðuneytið afgreiða málið
fljótt og vel.
En nú blasir sú alvarlega stað-
reynd við að heilbrigðisráðuneytið
hefur tilkynnt bæjarstjórn Kópa-
vogs að þar sem ekki sé að finna
skýra lagaheimild fyrir slíku til-
raunaverkefni sem Boðaþing er
verði ekki unnt að samþykkja annað
fyrirkomulag en það sem tíðkast
hefur, fyrr en lögum um málefni
aldraðra og lögum um almanna-
tryggingar hefur verið breytt. Á
fjárlögum ársins 2007 er ekki gert
ráð fyrir krónu til uppbyggingar eða
reksturs Boðaþings. Í vor lofaði
Bæjarstjórinn að fyrsta áfanga yrði
lokið síðla árs 2008 en nú stefnir í að
það loforð muni ekki verða efnt.
Meirihluti Sjálfstæðis- og Fram-
sóknarflokks í bæjarstjórn Kópa-
vogs glímir nú við vindmyllur rík-
isstjórnar sinna eigin flokka.
Ríkisstjórnar sem hefur látið mál-
efni aldraðra reka á reiðanum alla
sína stjórnartíð. Það liggur fyrir að
þrátt fyrir flokkstengsl og góðan
vilja hefur meirihlutanum ekki tek-
ist að sannfæra heilbrigðisráðherra
um nauðsyn þess að í Kópavogi rísi
hjúkrunarheimili. Hjúkrunarheimili
í bæ þar sem biðlistar
aldraðra í brýnni þörf
eru lengstir á landinu.
Enn er ekki séð fyrir
endann á bið aldraðra
Kópavogsbúa eftir við-
eigandi þjónustu og
tími er ekki eitthvað
sem aldraðir hafa nóg
af!
Sunnuhlíð-
arsamtökin í Kópavogi
hafa um árabil rekið
þjónustuíbúðir og
hjúkrunarheimili með
miklum sóma. Hjúkr-
unarheimili rekið skv. laganna bók-
staf. Um nokkurt skeið hefur legið
fyrir að Sunnuhlíð vill stækka hjúkr-
unarheimilið og þannig fjölga hjúkr-
unarrýmum um 30 ásamt því að
breyta þeim rýmum sem fyrir eru í
einstaklingsrými. Með fjárveitingu
ríkis og bæjarsjóðs mætti gera
þessa stækkun að veruleika á ein-
ungis fáeinum mánuðum og þannig
draga úr löngum biðlistum eftir
hjúkrunarrýmum. Í því sambandi
getur ráðuneytið ekki hengt sig í
reglugerðir og lagakróka og aldraðir
Kópavogsbúar fá þá þjónustu sem
þeim ber.
Núverandi meirihluti í bæjar-
stjórn Kópavogs, Sjálfstæðismenn
og Framsóknarmaðurinn eru múl-
bundnir. Þó að það svíði nú sárt á
þeirra eigin skinni, áhugaleysi
stjórnvalda gagnvart málefnum
aldraðra, geta þeir ekki beitt sér af
fullum þunga og fyrir opnum tjöld-
um gegn félögum sínum í rík-
isstjórninni. Það getum við í Sam-
fylkingunni hins vegar gert og það
munum gera.
Hjúkrunarrými í Kópavogi
Guðríður Arnardóttir fjallar
um hjúkrunarrými og málefni
aldraðra í Kópavogi
»Enn er ekki séð fyrir endann á bið
aldraðra Kópavogsbúa
eftir viðeigandi þjón-
ustu og tími er ekki
eitthvað sem aldraðir
hafa nóg af.
Guðríður Arnardóttir
Höfundur er oddviti Samfylking-
arinnar í bæjarstjórn Kópavogs.
ENN einu sinni ætlar stór-
iðjuarmur Samfylkingarinnar að
leika þann leik að villa um fyrir fólki.
Nú er það þegar kemur að kosn-
ingum um stækkun álversins í Hafn-
arfirði.
Nú skömmu fyrir áramót er haft
eftir bæjarstjóra Sam-
fylkingarinnar að ósk-
að hafi verið eftir því
að unnar yrðu reglur
sem varði almennan
ramma varðandi regl-
ur um íbúalýðræði í
Hafnarfjarðarbæ. Um
reglurnar þurfi að
vera breið samstaða
og sátt. Vinnan við
þær reglur var þó ekki
lýðræðislegri en svo að
lýðræðis- og jafnrétt-
isnefnd fékk ekki
nema einn fund til
þess að fara yfir það efni sem var til
umfjöllunar, sem síðan var afgreitt
út úr nefndinni með tveimur at-
kvæðum gegn einu. Lýðræðisleg
ákvarðanataka? Varla.
Allt í réttri röð
Einnig heldur Samfylkingarbæj-
arstjórinn Lúðvík því fram að allt
þurfi að fara fram í réttri röð. Fyrst
þurfi að koma fram ósk um stækkun,
svo þarf að afgreiða deiliskipulag,
svo þarf að ákvarða kosningu, og
loks að kjósa; um hvað? Jú, deili-
skipulagið.
Þarna er því í fyrsta lagi lýst yfir
að meirihlutinn hafi einhliða tekið
ákvörðun um það hvað eigi að kjósa
um. Þrátt fyrir þetta er það greini-
legt af allri umræðu að bæjarbúar
vilja kjósa um stækkunina sjálfa,
ekki um deiliskipulagið. Hvers
vegna mega bæjarbúar ekki fá að
segja álit sitt á því sem þeir vilja tjá
sig um? Lýðræðisleg ákvarð-
anataka? Varla.
Ekki flokkspólitík
Í öðru lagi segir Lúðvík, og ítrek-
ar, að fyrst þurfi að liggja fyrir alls
kyns gögn, áður en hægt sé að taka
afstöðu í þessu máli. Það sagði Sam-
fylkingin í Hafnarfirði reyndar líka
fyrir seinustu bæjarstjórnarkosn-
ingar. Þegar gengið var eftir því
hvort þetta samrýmdist
stefnu Samfylking-
arinnar um fagra Ís-
land sagði Samfylking-
arbæjarstjórinn það
vera svo, hins vegar
hefði málið verið sett í
ferli af Hafnfirðingum á
sínum tíma strax árið
2002 og því ferli yrði
fylgt, enda málið ekki
rekið á flokks-
pólitískum nótum. Sum
sé, málið er mál Hafn-
firðinga fyrst og
fremst, kemur öðrum
lítið við og ekki er ætlunin að spyrja
fleiri.
Hin breiða kirkja
Hvað gengur Samfylkingunni til?
Í Hafnarfirði er hennar höfuðvígi.
Þarna situr bæjarstjóri sem segist
hafa unnið stærsta sigur jafn-
aðarmanna, ef frá er talinn stórsigur
Alþýðuflokksins á Ísafirði á öldinni
sem leið? Þarna er forseti bæj-
arstjórnar sem jafnframt er leiðtogi
kjördæmisins í landsmálum? Jú, lík-
lega á það við sem fyrrverandi for-
maður Samfylkingarinnar sagði
forðum daga, að Samfylkingin sé
„hin breiða kirkja þar sem grunn-
stefin um ábyrgð manns á manni
sameina alla jafnaðarmenn hvort
sem þeir eru með eða móti ESB,
vilja aðild að Nató eða herinn burt,
Kárahnjúka eða óspilltan þjóðgarð“.
Ætli þetta eigi ekki bara við um
Straumsvíkurstækkunina og þægð
við stóriðjustefnuna líka? Rúmar
Samfylkingin ekki þær skoðanir
sömuleiðis?
Hin breiða kirkja
Samfylkingarinnar
Gestur Svavarsson fjallar um
stækkun álversins í Straumsvík
og stefnu Samfylkingarinnar
Gestur Svavarsson
»Hvers vegna megabæjarbúar ekki fá að
segja álit sitt á því sem
þeir vilja tjá sig um?
Höfundur skipar 3. sæti á lista VG í
SV-kjördæmi fyrir alþingiskosningar
í vor.
Í SÍÐUSTU borgarstjórnarkosn-
ingum héldu Vinstri grænir því
nokkuð stíft fram að
þeir væru eina alvöru
feminíska framboðið.
Þetta þótti mörgum
undarlegt í ljósi þess
að undir forystu Ingi-
bjargar Sólrúnar
Gísladóttur, formanns
Samfylkingarinnar,
var gerð sannkölluð
jafnréttisbylting í
stjórnsýslu Reykja-
víkurborgar. Ekki er
það síður undarleg
staðhæfing þegar haft
er í huga að Samfylk-
ingin hefur kosið sér konu sem for-
mann en í VG situr Steingrímur J.
Sigfússon sem formaður.
Sú hugmynd hjá VG að flokk-
urinn væri „eina alvöru feminíska
framboðið“ á líklega rætur að rekja
til þess að Svandís Svavarsdóttir
var efst á lista þeirra í borg-
arstjórnarkosningunum. Enda er
Svandís afar frambærileg stjórn-
málakona, skelegg og sjarmerandi
og átti án nokkurs vafa mikinn þátt
í gengi VG í borgarstjórnarkosning-
unum. Það er hins vegar undarlegt
að Svandís virðist ekki
hafa haft jafnan rétt og
Árni Þór Sigurðsson
þegar kom að því að
skipa í nefndir og ráð.
Svandís, leiðtogi VG í
borginni, er ekki í
borgarráði sem má
furðu sæta hjá „eina al-
vöru feminíska fram-
boðinu“. Hún fékk
heldur ekki vel launuðu
karladjobbin s.s. setu í
Orkuveitu Reykjavíkur
og Faxaflóahöfnum,
þau fékk karlinn í öðru
sæti listans hjá „eina alvöru fem-
iníska framboðinu“ í síðustu borg-
arstjórnarkosningum.
Þess vegna kemur það konu ekk-
ert á óvart þegar Steingrímur J.
Sigfússon, formaður VG, þvertekur
fyrir að Ingibjörg Sólrún Gísladóttir
sé eðlilegasta forsætisráðherraefni
Kaffibandalagsins svokallaða.
Ætla má að flestir vilji að for-
sætisráðherrann komi úr þeim
flokki sem flestir kjósendur treysta.
Þess vegna held ég að mörgum hafi
brugðið við að sjá framsóknareðli
Steingríms birtast jafn grímulaust
og það gerði í Kryddsíldinni. Hitt
sem ekki síður vakti ónot var hvað
formaður VG, „eina alvöru fem-
iníska framboðsins“, kom rækilega
upp um eiginhagsmunasemi sína og
karlhyggju og var tilbúinn að snuða
íslensku þjóðina um konu sem for-
sætisráðherra.
En nú vita landsmenn hvar þeir
hafa formann VG og flokk hans þeg-
ar næst verður farið að tala um
„eina feminíska framboðið“.
Feministaflokkur Íslands?
Arndís Steinþórsdóttir fjallar
um feminísk framboð
Arndís Steinþórsdóttir
»Ætla má að flestir vilji að
forsætisráðherrann
komi úr þeim flokki
sem flestir kjósendur
treysta.
Höfundur er kennari og feministi.