Morgunblaðið - 21.02.2007, Blaðsíða 10
10 MIÐVIKUDAGUR 21. FEBRÚAR 2007 MORGUNBLAÐIÐ
ALÞINGI
UMHVERFISSTOFNUN telur
ekki þörf á sérstökum lögum til að
stofna Vatnajökulsþjóðgarð og að
með nýju frumvarpi umhverfisráð-
herra verði stjórnskipan náttúru-
verndarmála alltof flókin. Þetta kem-
ur fram í umsögn stofnunarinnar um
frumvarpið en það verður tekið fyrir
á fundi umhverfisnefndar Alþingis í
dag.
Í umsögninni er því fagnað að tek-
in hafi verið ákvörðun um að stefna
að friðlýsingu Vatnajökuls og helstu
áhrifasvæða jökulsins. Hins vegar sé
ekki nauðsynlegt að gera það með
sérstakri löggjöf heldur myndi nægja
að nýta lög um náttúruvernd með
smávægilegum breytingum. Þá
bendir Umhverfisstofnun á að nefnd-
in sem vann frumvarpið hafi haft lítið
samráð við stofnunina. „Tillögurnar
byggjast því ekki á þeirri þekkingu
og reynslu sem Umhverfisstofnun og
forverar hennar hafa aflað sér á
rekstri friðlýstra svæða í tímans rás,“
segir í umsögninni. Umhverfisstofn-
un gagnrýnir jafnframt harðlega að
til standi að aftengja hlutverk stofn-
unarinnar í verndun náttúrunnar frá
Vatnajökulsþjóðgarði. Afleiðingin
verði m.a. sú að þrenns konar stjórn-
sýsla verði á rekstri jafnmargra þjóð-
garða landsins og það geti vart talist
skilvirkt hjá 300 þúsund manna þjóð.
Þarf ekki lög
Umhverfisstofnun er ósátt við
frumvarp um Vatnajökulsþjóðgarð
Í HNOTSKURN
» Umhverfisnefnd Alþingistekur frumvarp um Vatna-
jökulsþjóðgarð fyrir í dag.
» Umhverfisstofnun segirþekkingu stofnunarinnar
ekki hafa verið nýtta við
vinnslu frumvarpsins.
» Stofnunin segir frum-varpið flækja stjórnskipan
varðandi náttúruverndarmál.
SEGJA má að nú standi yfir af-
greiðsludagar á Alþingi enda að-
eins um þrjár vikur eftir af starfs-
tíma þingsins og mörg mál bíða
afgreiðslu. Dagskráin tekur mið af
því og bæði í gær og fyrradag stóðu
fundir fram eftir kvöldi. Mikið ann-
ríki er hjá nefndum þingsins en 42
stjórnarfrumvörp og 19 þing-
mannafrumvörp bíða umfjöllunar.
Sem dæmi má nefna frumvarp
dómsmálaráðherra um breytingar
á kynferðisbrotakaflanum, frum-
varp utanríkisráðherra um íslensku
friðargæsluna, frumvarp Guðjóns
Arnar Kristjánssonar um stjórn
fiskveiða, frumvarp Kolbrúnar
Halldórsdóttur um jafna stöðu og
rétt kvenna og karla og frumvarp
Guðlaugs Þórs Þórðarsonar um að
áfengi verði selt í búðum.
Afgreiðsludagar á Alþingi
Morgunblaðið/Sverrir
Hvíslast á Þingmenn hafa í nógu að snúast þessa dagana og stundum er þörf á fundum á milli funda. Þá getur
reynst ágætt að nota hvíslaðferðina gamalkunnu eins og Framsóknarþingmennirnir á þessari mynd.
UNDIRBÚNINGUR að notkun bandaríska lyfsins
Lucentis er þegar hafinn hjá Landspítala – háskóla-
sjúkrahúsi en lyfið er notað til að hamla gegn blindu
vegna hrörnunar í augnbotnum. Þetta kemur fram í
svari heilbrigðisráðherra við skriflegri fyrirspurn Jó-
hönnu Sigurðardóttur, þingmanns Samfylkingarinnar.
Eins og Morgunblaðið greindi frá 21. janúar sl. kom
Lucentis á markað í Bandaríkjunum á liðnu ári en
ekki hefur fengist markaðsleyfi fyrir lyfinu hér á
landi.
Í svari heilbrigðisráðherra kemur fram að 800–900
Íslendingar séu verulega sjónskertir vegna hrörnunar
í augnbotnum og yfir tíu þúsund eru með sjúkdóminn
á byrjunarstigi. Um er að ræða algengustu orsök
blindu á Íslandi og í nágrannalöndunum. Talið er að
lyfjakostnaður á hvern sjúkling myndi nema um 1,1
milljón króna á ári og ætlað er að a.m.k. 150 sjúkling-
ar þyrftu meðferð sem tæki tvö ár. Hrörnun í augn-
botnum leiðir af sér versnandi sjón en svokölluð
beyglusjón, þar sem það sem fyrir augu ber virðist
beyglað eða bogið eins og í spéspegli, er oft fyrirboði.
Lyfið hefur reynst vel í Bandaríkjunum og búist er
við að gengið verði frá miðlægri skráningu lyfsins hjá
evrópsku lyfjamálastofnuninni á næstu vikum, en hún
tekur þá jafnóðum gildi hér á landi. Lyfið er ekki
komið með markaðsleyfi neins staðar á Norðurlönd-
um en vitað er að undanþáguleyfi hafi verið gefin út í
Danmörku.
Undirbúningur að
notkun Lucentis hafinn
Lyfið er notað gegn blindu vegna hrörnunar í augnbotnum
Katrín Júlíusdóttir 20. febrúar
„Hvað er klám?“
7 ára sonur minn
spurði mig þessarar
spurningar þegar ég
var að elda matinn nú í
kvöld. Mér brá nú
dáldið og fór strax að
velta vöngum yfir því
hvernig þessi spurning gæti hafa
komið upp hjá honum. Spurði hann
því að því hvar hann hefði heyrt
þetta. „Í Kastljósinu núna“ var svar-
ið. […]
Ég nefnilega hræðist það mjög að
umfjöllun fjölmiðla um þetta mál
verði til þess að sonur minn – sem er
orðinn læs og skrifandi og fylgist
talsvert með fjölmiðlum þar sem
þeir eru mikið í gangi á heimilinu –
að hann læri það að menn haldi
klámhátíðir og klámþing eins og
hverja aðra hátíð eða hvert annað
þing.
Meira: www.katrinjul.is
Björn Bjarnason | 19. febrúar
12 ára afmæli
Í dag eru tólf ár síðan
ég færði fyrstu færsl-
una á síðuna mína.
Þetta er langur tími og
margt hefur verið látið
flakka. Þetta er örugg-
lega elsta vefsíðan,
sem aldrei hefur rykfallið allan
þennan tíma. Þrátt fyrir að sumum
vinum mínum þyki ég stundum taka
dálítið stórt upp í mig, hefur síðan
verið mér mjög gagnleg. Úlfaþytur,
sem stundum hefur orðið vegna
þess, sem hér hefur staðið, er eins og
uppgjafarandvarp, þegar til baka er
litið.
Meira: bjorn.blog.is
Ágúst Ólafur Ágústsson | 20. febrúar
Ruslakista þingsins
Auðvitað er mismikið
að gera í nefndunum.
Sumar nefndir funda
nánast aldrei en aðrar
nýta fundartíma sína
til hins ýtrasta. Þær
nefndir sem ég er í,
efnahags- og viðskiptanefnd og alls-
herjarnefnd, eru frekar duglegar að
funda enda spanna þær mjög vítt
svið. Reyndar er allsherjarnefndin
nokkurs konar ruslakista sem fær
öll þau mál sem passa ekki í neinar
af hinum nefndunum. Má hér nefna
eftirlaunafrumvarpið og fjölmiðla-
frumvarpið. Í þessum tveimur mál-
um var mikið um kvöldfundi eins og
gefur að skilja.
Meira: agustolafur.blog.is
● FJÖLDI þingmála liggur fyrir Alþingi
þessa dagana. Frjálslyndi flokkurinn
hefur í þriðja sinn lagt fram frumvarp
til laga um að íslenska táknmálið
verði viðurkennt sem fyrsta mál
heyrnarlausra, heyrnarskertra og
daufblindra. Verði frumvarpið að lög-
um hafa allir heyrnarlausir rétt á að
njóta aðstoðar táknmálstúlks til að
sinna atvinnu, námi og menningar-
lífi, hérlendis sem erlendis.
Verði fyrsta mál
● Þórunn Svein-
bjarnardóttir,
þingmaður Sam-
fylkingarinnar,
hefur lagt fram
fyrirspurn til utan-
ríkisráðherra um
hvers vegna Ís-
land hafi ekki við-
urkennt sjálf-
stæði
Vestur-Sahara.
Vestur-Sahara hefur verið hernumin
af Marokkómönnum í meira en 30 ár
en yfir 80 ríki hafa viðurkennt útlaga-
stjórn Polisario, frelsishreyfingar
Sahrawimanna.
Viðurkenni V-Sahara
Þórunn Svein-
bjarnardóttir
● Drífa Hjart-
ardóttir, þing-
maður Sjálfstæð-
isflokks, mælti í
gær fyrir þings-
ályktunartillögu
þess efnis að
heilbrigð-
isráðherra standi
fyrir farald-
ursfræðilegri
rannsókn á mögu-
legum áhrifum rafsegulsviðs farsíma
og rafsegulbylgna á mannslíkamann.
Flutningsmenn eru úr þremur þing-
flokkum og þetta er í annað sinn sem
tillagan er flutt. Í greinargerð er vitn-
að í erlendar rannsóknir og bent á að
tæki á borð við tölvur og farsíma
skipi æ meiri sess í lífi fólks og því
þurfi að fara fram upplýst umræða
um áhrif þess á mannslíkamann.
Alltaf í símanum
Drífa
Hjartardóttir
ÞINGFUNDUR hefst á hádegi í
dag. Auk fyrirspurna eru áætlaðar
tvær utandagskrárumræður. Ann-
ars vegar um þróun kaupmáttar
hjá almenningi og hins vegar um
meðferðarúrræði fyrir áfengis- og
vímuefnasjúklinga.
Dagskrá þingsins
ÞETTA HELST ... ÞINGMENN BLOGGA
UMRÆÐA um Orkubú Vestfjarða
var fyrirferðamikil á Alþingi í gær
þegar fjármálaráðherra mælti fyrir
frumvarpi um að eignarhlutur rík-
isins í orkubúinu sem og hlutur í Raf-
mangsveitu ríkisins (RARIK) verði
lagðir til Landsvirkjunar. Verði
frumvarpið að lögum verða Orkubú
Vestfjarða og RARIK að fullu dótt-
urfélög Landsvirkjunar.
Stjórnarandstöðuþingmenn gagn-
rýndu frumvarpið harðlega. Kristinn
H. Gunnarsson, þingmaður Frjáls-
lynda flokksins, sagði Landsvirkjun
hafa selt orku vegna Kárahnjúka of
lágu verði til að standa undir fram-
kvæmdunum og nú væri öðrum ætl-
að að borga það. Fyrir vikið gætu
Vestfirðingar ekki nýtt Orkubú
Vestfjarða til að styrkja sitt eigið at-
vinnulíf. Sagði Kristinn frumvarpið
eitt það alversta sem hann hafi séð
og fráleitt m.t.t. byggðasjónarmiða.
Steingrímur J. Sigfússon, þing-
maður VG, sagði frumvarpið vera
einokunarfrumvarp og var mjög
ósáttur við að ráðherra kæmi með
það fram að nýju
en það er nú lagt
fram með breyt-
ingum. „Þetta
frumvarp gengur
auðvitað þvert á
anda og tilgang
innleiðingar
orkutilskipunar
Evrópusam-
bandsins sem átti
að leiða hér til samkeppnismarkaðar
á sviði raforku,“ sagði Steingrímur
og bætti við að þetta yrði „einn sam-
ansúrraður einokunarrisi“.
Árni M. Mathiesen, fjármálaráð-
herra, sagði fráleitt að halda því
fram að um einkavæðingu væri að
ræða. Engin ákvörðun hefði verið
tekin um slíkt. Hins vegar mætti ná
fram ýmiss konar hagræðingu í
rekstri fyrirtækjanna tveggja en í
greinargerð með frumvarpinu kem-
ur jafnframt fram að æskilegt sé að
ríkið reyni að halda utan um hags-
muni sína í rekstri raforkufyrirtækja
í einu öflugu félagi.
Deilt um samein-
ingu orkufyrirtækja
Árni M. Mathiesen
Í frétt um svonefnda klámráðstefnu
á þessari síðu í gær var í undirfyr-
irsögn ritað að forsætisráðherra
hefði sagt nóg að lögregla gripi í
taumana ef þyrfti. Þetta er hins veg-
ar ekki rétt heldur sagði forsætis-
ráðherra lögregluna hafa þessi mál
til rannsóknar og að hann vænti þess
að kæmist upp um ólöglegt athæfi
gripi hún í taumana. Þarna var því
rangt haft eftir og beðist er velvirð-
ingar á mistökunum.
LEIÐRÉTT
● Ísland hefur undirritað en ekki
fullgilt samning Evrópuráðsins um
aðgerðir gegn mansali en Margrét
Frímannsdóttir, þingmaður Samfylk-
ingarinnar, mælti fyrir þingsályktun-
artillögu í gær þess efnis að stjórn-
völd fullgildi samninginn. Í
greinargerð kemur fram að 31 ríki
hafi undirritað samninginn en tvö
hafi fullgilt hann, Rúmenía og Mol-
dóva. Samningurinn taki hins vegar
ekki gildi fyrr en 10 ríki hafi fullgilt
hann. „Baráttan gegn mansali er
nú háð af auknum þunga á al-
þjóðavettvangi. Hér er um að ræða
einhverja verstu skuggahlið hnatt-
væðingar og opinna landamæra
sem ógnar mannréttindum og öðr-
um grunngildum lýðræðislegra sam-
félaga,“ segir jafnframt í greinar-
gerðinni.
Barist gegn mansali