Morgunblaðið - 21.02.2007, Blaðsíða 14

14 MIÐVIKUDAGUR 21. FEBRÚAR 2007 MORGUNBLAÐIÐ
VIÐSKIPTI/ATHAFNALÍF
Tryggðu
þér áskrift!
Dagskrá:
1. Skýrsla stjórnar félagsins um starfsemi á liðnu ári.
2. Ársreikningur félagsins fyrir starfsárið 2006.
3. Ákvörðun um hvernig fara skuli með hagnað félagsins.
4. Ákvörðun um þóknun til stjórnarmanna.
5. Breyting á samþykktum: Tillaga um að hækka hlutafé félagsins með
útgáfu nýrra hluta, að fjárhæð 292.000.000 kr. að nafnvirði á genginu
13,7 sem þegar hefur fengist áskrift fyrir. Það leiðir af tillögunni að
hluthafar falla frá áskriftarrétti.
6. Breyting á samþykktum: Tillaga um að hækka hlutafé félagsins með
útgáfu nýrra hluta, að fjárhæð 230.000.000 kr. að nafnvirði á genginu
16,5 sem þegar hefur fengist áskrift fyrir. Það leiðir af tillögunni að
hluthafar falla frá áskriftarrétti.
7. Kosning stjórnar og endurskoðanda.
8. Umræður og atkvæðagreiðslur um önnur málefni
sem löglega eru upp borin.
verður haldinn miðvikudaginn 28. febrúar nk. á Hótel Nodica,
Suðurlandsbraut 2, Reykjavík, sal G. Fundurinn hefst kl. 16.00.
Aðalfundur
Fasteignafélagsins Stoða hf.
● LAUN og launaaukar bankastjóra,
sex framkvæmdastjóra og stjórn-
armanna Glitnis námu samtals 460
milljónum króna í fyrra en samsvar-
andi upphæð var 224 milljónir árið
2005 en þá voru framkvæmdastjór-
arnir fimm. Þetta kemur fram í árs-
skýrslu Glitnis.
Laun og launaaukar Bjarna Ár-
mannssonar, forstjóra Glitnis, hækk-
uðu um 75% á milli ára, fóru úr 80
milljónum árið 2005 í 140 milljónir
króna í fyrra.
Miklar hækkanir




 





 

 







   !!"#
  





 $"%&'
(!!)(









*  + , ')
 









ÞETTA HELST ...
VIÐSKIPTI
● LÍTIL breyting varð á úrvalsvísitölu
OMX á Íslandi en hún lækkaði um
eitt stig í 7.349 stig. Gengi bréfa FL
Group og Alfesca hækkaði um 1,5%.
Gengi bréfa Teymis lækkaði mest
eða um nær 4% og gengi bréfa Atl-
antic Petroleum lækkaði um 3,2%.
Krónan veiktist um 0,25% í gær
og evran kostar nú 87,5 krónur,
pundið 130,1 og dalurinn 66,55
krónur.
Tíðindalítið á hluta-
bréfavígstöðvum
● HAGNAÐUR af rekstri fyrirtæk-
isins Alfesca nam 19,5 milljónum
evra eða 1,7 milljörðum íslenskra
króna á öðrum ársfjórðungi rekstr-
arárs fyrirtækisins og 17,7 millj-
ónum evra á fyrstu sex mánuðum
fjárhagsársins en það er um 47%
aukning milli ára.
Sala á öðrum ársfjórðungi nam
235 milljónum evra sem er 6,1%
aukning frá síðasta ári.
Hagnaður fyrir afskriftir og fjár-
magnsliði (EBIDTA) nam 34,7 millj-
ónum evra á ársfjórðungnum og
38,3 milljónum evra fyrstu sex
mánuði ársins. Er það aukning um
20% milli ára.
Fram kemur í tilkynningu Alfesca,
að hráefnisverð á laxi virðist vera
að ná meiri stöðugleika. Framboð
af laxi, sem verði tilbúinn til slátr-
unar seinni part ársins 2007, sé
um 32% meira en á síðsta ári.
Alfesca hagnast um
1,7 milljarða króna
● GREININGARDEILD Landsbank-
ans hefur sent frá sér nýtt verðmat
á Straumi-Burðarási Fjárfestinga-
banka. Þar er mælt með að fjár-
festar kaupi bréf í bankanum og yf-
irvogi þau í vel dreifðu eignasafni.
Landsbankamenn segja Straum
ætla sér stóra hluti á næstu árum
og hafi arðsemismarkmið verið
hækkuð samhliða nýjum mark-
miðum. Stjórnendur hefðu komið á
óvart á síðasta ári með því að ná
öllum settum markmiðum. Hefur
greiningardeildin trú á að flest ný
markmið bankans náist einnig á
næstu árum. Kennitölur Straums
eru sagðar nokkuð hagstæðar.
Ekki sé hægt að bera kennitölurnar
saman við innlendu viðskiptabank-
ana. Mikill munur sé á starfsemi
bankanna og eðli eiginfjárbinding-
ar.
Mæla með Straumi
SPRON-Verðbréf, SPRON og Net-
bankinn munu á næstu dögum
bjóða viðskiptavinum sínum nýja
ávöxtunarleið; innlánsreikning sem
tengdur er kjörum hlutabréfa-
vísitalna í Evrópu og Asíu. Reikn-
ingurinn verður vaxtalaus en fjár-
festirinn fær hins vegar þá ávöxtun
sem tengd er viðkomandi hluta-
bréfavísitölum. Höfuðstóll fjárfestis
er tryggður og þýðir það að
SPRON ábyrgist höfuðstólinn og
féð sem fjárfestir leggur fram í
upphafi er greiddur til baka
óskertur á uppgjörsdegi, óháð þró-
un hlutabréfamarkaða. Fjárfest-
irinn mun því vera tryggður gagn-
vart niðursveiflum, en fær hækkun
á umræddum vísitölum með tilliti
til þróunar þeirra á tímabilinu.
Reikningurinn verður bundinn í tvö
ár og þóknun SPRON-Verðbréfa
nemur 1%.
Fleiri svipaðar vörur
Hlutabréfavísitölurnar vega allar
jafnmikið í reikningnum, eða þriðj-
ung hver, og þær eru evrópsku vísi-
tölurnar CECE EUR og SX5E og
kínverska HSI vísitalan.
ECE EUR sem er skráð í kaup-
höllinni í Vín, er samansett af 29
austur-evrópskum fyrirtækjum og
hefur hækkað um 70% á síðast-
liðnum tveimur árum. SX5E sem er
skráð í Sviss, er samansett af 50
stórum fyrirtækjum á evrusvæðinu
og hefur hækkað um 38% á síðustu
tveimur árum. HSI (Hang Seng In-
dex) og skráð er í Hong Kong, er
samansett úr 36 fyrirtækjum, sem
flest eru í Kína og hefur hækkað
um 41% á síðustu tveimur árum.
Ólafur Haraldsson, fram-
kvæmdastjóri hjá SPRON, segir
fyrirtækið hafa tryggt sig að mestu
fyrir hugsanlegum niðursveiflum í
hlutabréfavísitölunum þremur og
geti þess vegna boðið áðurnefnda
höfuðstólstryggingu. „Trygginga-
samningarnir miðast við ákveðið
hámark innlánsfjár og er því ekki
víst að allir geti fjárfest í reikn-
ingnum sem vilja að þessu sinni. Sé
áhuginn hins vegar nægilegur er
mjög líklegt að við bjóðum fljótlega
aftur upp á svipaða vöru.“
Fjárfestar geta skráð sig fyrir
innlánum frá 20. til 26. febrúar.
SPRON ábyrgist höfuð-
stól á hlutabréfareikningi
ICELANDIC Water Holdings ehf. í
Þorlákshöfn, sem framleiðir Ice-
landic Clacial, hefur samið við Lead-
ing Brands Inc.-dreifingarfyrirtæk-
ið um að dreifa íslensku vatni í
neytendaumbúðum í Kanada undir
vörumerkinu Icelandic Glacial.
Leading Brands, sem skráð er á
Nasdaq, dreifir fjölda þekktra
drykkjarvörumerkja í verslanir um
alla Norður-Ameríku og er með eitt
sterkasta og öflugasta dreifinetið í
Kanada.
Fyrir ári hófst markaðssetning á
Icelandic Glacial í völdum verslun-
arkeðjum í Kanada og hefur vatnið
fengist í Shoppers, Drug Mart, Sob-
ey’s, Whole Foods Markets, Wal-
Mart, Ultramar og Boni-Soir.
Í tilkynningu Icelandic Water
Holdings og Leading Brands segir
að með þessum samningi muni Ice-
landic Glacial fá enn víðtækari dreif-
ingu í Kanada en vatninu hafi verið
mjög vel tekið þar og eftirspurnin
farið vaxandi.
„Þessi samvinna við Leading
Brands er mikilvægt skref í sókn
okkar með Icelandic Glacial í Norð-
ur-Evrópu,“ segir Kristján Ólafs-
son, sölustjóri.
Icelandic Water Holding er í
meirihlutaeigu Jóns Ólafssonar og
Kristjáns sonar hans og er með
verksmiðju í Þorlákshöfn þar sem
vatni úr gamalli lind í Ölfusi er tapp-
að á flöskur.
Samið um dreif-
ingu Glacial
Ljósmynd/Halldór Kolbeins
Icelandic Glacial fá-
anlegt í verslunum
um allt Kanada
HAGNAÐUR Icelandair Group eftir
skatta í fyrra nam 2,6 milljörðum
króna og ávöxtun eigin fjár félagsins
nam um 10%. Samaburður niður-
stöðutalna eftir fjármagnsliði er ekki
mögulegur þar sem félagið var áður
hluti af samstæðu FL Group en var
skráð sem almenningshlutafélag í
Kauphöllinni í desember.
Rekstur Icelandair Group er að
venju sveiflukenndur eftir árstíðum
og þannig nam tap af rekstri fjórða
ársfjórðungs um 555 milljónum
króna.
EBIDTA eykst um 22%
Jákvæð þróun var í rekstri Ice-
landair Group þegar horft er til hefð-
bundinna rekstrarhagnaðarliða;
þannig var rekstrarhagnaður Ice-
landair Group fyrir afskriftir og fjár-
magnsliði (EBIDTA) 6.058 milljónir
króna á móti 4.953 milljónum króna
árið 2005 og jókst því um liðlega
fimmtung. Rekstrarhagnaður fyrir
fjármagnsliði og skatta (EBIT) nam
3,3 milljörðum króna á móti tæpum
2,6 milljörðum árið áður og jókst því
um 28%.
Rekstrartekjur Icelandair Group
losuðu 56 milljarða króna og jukust
um 23% frá árinu 2005 en Icelandair
skilaði 52% af tekjum samstæðu Ice-
landair Group.
Eignir félagsins í árslok námu 76,6
milljörðum króna, eigið fé var um 26
milljarðar og eiginfjárhlutfall félags-
ins var því 34%.
Icelandair Group með 2,6
milljarða króna hagnað
Morgunblaðið/ÞÖK
Góðar horfur Jón Karl Ólafsson forstjóri segir horfur almennt góðar og
hjá Icelandair Group stefni menn að því að gera enn betur í ár en í fyrra.