Morgunblaðið - 05.04.2007, Page 23

Alcan á Íslandi þakkar Hafnfirðingum fyrir öfluga þátttöku í íbúakosningu um
deiliskipulag og stækkun álversins í Straumsvík. Við þökkum starfsfólki okkar
og stuðningsmönnum úr röðum samstarfsaðila og birgja fyrir mikið og fórnfúst
starf í aðdraganda kosninganna. Þeim ríflega sex þúsund kjósendum sem studdu
stækkunaráform álversins þökkum við kærlega fyrir stuðninginn og traustið.
Álverið verður ekki rekið með óbreyttu sniði í langan tíma. Það mun heldur ekki
stækka í takt við þau áform sem uppi hafa verið um margra ára skeið. Það verkefni
bíður nú eigenda og stjórnenda álversins að rýna í tækifæri morgundagsins
miðað við þann raunveruleika sem nú blasir við. Í þeirri vinnu verður einskis látið
ófreistað til þess að finna nýjar leiðir þar sem saman fara hagsmunir álversins,
starfsfólks þess, íbúa í Hafnarfirði og íslensks samfélags.
Kærar þakkir