Morgunblaðið - 17.05.2007, Blaðsíða 17

MORGUNBLAÐIÐ FIMMTUDAGUR 17. MAÍ 2007 17
Eftir Boga Þór Arason
bogi@mbl.is
FRAMKVÆMDASTJÓRN Al-
þjóðabankans kom saman í gær-
kvöldi til að ræða framtíð Pauls
Wolfowitz sem forstjóra bankans og
fregnir hermdu að hann hefði reynt
að ná samkomulagi um starfslok
eftir að hafa sætt harðri gagnrýni
fyrir að hafa hækkað laun ástkonu
sinnar sem er á launaskrá hjá bank-
anum.
Haft var eftir heimildarmönnum í
Alþjóðabankanum að framkvæmda-
stjórnin hefði rætt samkomulag um
„útgönguleið“ sem gerði Wolfowitz
kleift að segja af sér og „halda virð-
ingu sinni að nokkru leyti“ eftir að
rannsóknarnefnd komst að þeirri
niðurstöðu að hann hefði brotið
siðareglur bankans með því að
hækka laun ástkonu sinnar. Heim-
ildarmennirnir sögðu að Wolfowitz
hefði boðist til þess að segja af sér
gegn því að framkvæmdastjórnin
viðurkenndi að siðareglur bankans
væru óskýrar og ráðleggingar siða-
nefndar bankans um hvernig for-
stjórinn ætti að taka á málinu hefðu
ekki verið nógu skýrar. Fram kom
þó á fréttavef The Washington Post
í gærkvöldi að framkvæmdastjórnin
hefði hafnað tilboðinu. Hún væri á
hinn bóginn að ræða tillögu um að
Wolfowitz segði af sér en stjórnin
þakkaði honum fyrir árangursríkt
starf í baráttunni gegn fátækt í þró-
unarlöndum, meðal annars með því
að stemma stigu við spillingu.
Daginn áður hafði Wolfowitz
komið fyrir framkvæmdastjórnina
og sárbeðið um tækifæri til að halda
áfram störfum sínum fyrir bankann.
The Washington Post hafði þó eftir
heimildarmönnum, sem tengjast
Wolfowitz, að hann viðurkenndi nú
að hann mætti svo mikilli andstöðu
innan og utan bankans að hann gæti
ekki lengur stjórnað honum.
George W. Bush Bandaríkjafor-
seti hefur stutt Wolfowitz en ljær
nú máls á því að hann segi af sér.
Wolfowitz sagður
vilja segja af sér
AP
Umdeildur Paul Wolfowitz var aðstoðarvarnarmálaráðherra Bandaríkj-
anna og gegndi mikilvægu hlutverki í því að undirbúa innrásina í Írak.
Í HNOTSKURN
» Ástkona Wolfowitz starf-aði fyrir Alþjóðabankann
áður en Wolfowitz varð for-
stjóri hans í júní 2005.
» Til að koma í veg fyrirhagsmunaárekstra fékk
hún starf í bandaríska utan-
ríkisráðuneytinu en bankinn
greiddi laun hennar. Þau voru
þá hækkuð og reyndust hærri
en laun utanríkisráðherra
Bandaríkjanna.
Eftir Davíð Loga Sigurðsson
david@mbl.is
ÞAU sögulegu tíðindi urðu á Skot-
landi í gær að þjóðernissinninn Alex
Salmond var kjörinn oddviti skosku
heimastjórnarinnar í atkvæða-
greiðslu á þinginu í Edinborg. Sal-
mond mun fara fyrir minnihluta-
stjórn Skoska þjóðarflokksins (SNP)
en þetta verður í fyrsta sinn frá því
að Skotland fékk heimastjórn 1999
sem minnihlutastjórn fer þar með
völdin.
Salmond hlaut 49 atkvæði gegn 46
atkvæðum Jacks McConnells, fram-
bjóðanda Verkamannaflokksins en
hann hafði gegnt embættinu frá
2001. Frjálslyndir demókratar og
íhaldsmenn sátu hjá við atkvæða-
greiðsluna en græningjarnir tveir,
sem sitja á þingi, studdu Salmond.
Tvær vikur eru liðnar frá kosning-
um í Skotlandi en þar vann SNP góð-
an sigur, fékk 47 fulltrúa kjörna á
heimastjórnarþingið. Verkamanna-
flokkurinn fékk 46, íhaldsmenn 17 og
frjálslyndir 16.
Skotar alls ekki klofnir
Salmond hét því í gær að hafa
hagsmuni allra íbúa Skotlands í huga
í störfum sínum og hann sagðist ætla
að leita samþykkis þingsins „í hverju
máli fyrir sig“. Flokkur hans gæti
hins vegar lent í vandræðum með að
hrinda í framkvæmd einu helsta
stefnumálinu; að efna til þjóðarat-
kvæðagreiðslu um sjálfstæði Skot-
lands fyrir árið 2010.
Skoski þjóðarflokkurinn á að baki
73 ára sögu en hefur aldrei áður
komist að kjötkötlunum líkt og nú.
Salmond neitaði því alfarið í gær að
niðurstaða kosningaúrslitanna ný-
verið sýndi að Skotar væru klofin
þjóð. „Hér ríkir fjölbreytni, ekki
klofningur,“ sagði hann og kvaðst
sannfærður um að íbúar Skotlands
væru hlynntir umfangsmiklum
breytingum. „Við erum smáþjóð en
við eigum bjarta framtíð fyrir okk-
ur,“ sagði hann.
Minnihlutastjórn
í Skotlandi
Reuters
Sögulegt Fagnaðarlæti brutust út
eftir kjör Alex Salmonds í gær.
Alex Salmond, leiðtogi Skoska þjóðar-
flokksins, kjörinn oddviti heimastjórnar
London. AFP. | Harry Bretaprins
verður ekki sendur með herdeild
sinni til Íraks eins og gert hafði verið
ráð fyrir. Sir Richard Dannatt hers-
höfðingi, yfirmaður breska herráðs-
ins, skýrði frá þessu í gær og sagði
ástæðuna þá að líklegt væri að upp-
reisnarmenn myndu reyna að ráða
prinsinum bana. Með því að senda
hann til Íraks yrði honum og fé-
lögum hans í breska hernum stefnt í
mikla hættu.
Prinsinum mikil vonbrigði
Hermt er að Harry hafi orðið fyrir
„miklum vonbrigðum“ með ákvörð-
unina en talsmaður konungsfjöl-
skyldunnar sagði að prinsinn myndi
ekki hætta í hernum. Hann er þriðji í
erfðaröð bresku krúnunnar.
Dannatt hershöfðingi sagði að
fram hefðu komið vísbendingar um
að uppreisnarmenn hefðu í hyggju
að gera árásir sem beindust sérstak-
lega að prinsinum. „Þessar yfirvof-
andi árásir stofna ekki aðeins honum
heldur líka öllum í kringum hann í
hættu sem ég tel núna að ekki sé
hægt að sætta sig við,“ sagði hers-
höfðinginn og bætti við að ákvörð-
unin væri „endanleg“.
Dannatt hafði áður sagt að Harry
ætti að fara til Íraks síðar í maí og
vera þar í hálft ár. Hann átti að
stjórna ellefu hermönnum.
Breskir fjölmiðlar höfðu skýrt frá
því að prinsinn kynni að segja skilið
við herinn ef hætt yrði við að senda
hann til Íraks, en talsmaður kon-
ungsfjölskyldunnar neitaði því í gær.
Um 7.100 breskir hermenn eru í
Írak. Alls hafa 148 breskir hermenn
fallið frá innrásinni í landið í mars
2003, þar af tólf í síðasta mánuði.
Hætt við að senda Harry
Bretaprins til Íraks
Lagadeild
Umsóknarfrestur er til 5. júní. www.lagadeild.hi.is.
Skrásetningargjald allt skólaárið aðeins kr. 45.000.-
Laganám í Háskóla Íslands:
Reynsla, metnaður og gæði
Stjórnenda- og leiðtogaskóli í hartnær 100 ár
Kynntar verða eftirfarandi meistaralínur:
Viðskiptadeild
Meistaranám í International Banking and Finance
Meistaranám í International Business
Lagadeild
Meistaranám í skattarétti
Félagsvísindadeild
Meistaranám í menningarstjórnun
Meistaranám í Evrópufræðum
Við viljum hvetja þig til þess að líta við hjá okkur. Deildarforsetar og aðrir starfsmenn
meistaranámsins munu svara spurningum þínum og fræða þig um námið og þá möguleika
sem það veitir.
Umsóknafrestur í meistaranám er til 1. júní 2007
Kynningarfundur um meistaranám
Háskólinn á Bifröst kynnir meistaranám sem í boði er á næsta skólaári
Föstudaginn 18. maí kl. 12.30 – 15.00
á Hótel Reykjavík Centrum, Aðalstræti 16, Fógetastofu