Morgunblaðið - 17.05.2007, Blaðsíða 30

30 FIMMTUDAGUR 17. MAÍ 2007 MORGUNBLAÐIÐ
UMRÆÐAN
EITT besta framtak fé-
lagshyggjumanna var framboð R-
listans í Reykjavík undir forystu
Ingibjargar Sólrúnar Gísladóttur.
R-listinn náði frábær-
um árangri og sigraði
Sjálfstæðisflokkinn í
þrennum kosningum.
Framboð og árangur
R-listans í Reykjavík
sýndi hvað fé-
lagshyggjumenn geta
gert með góðu sam-
starfi og þegar vel er
að verki staðið. Er
ekki unnt að efna til
slíks samstarfs um
landsstjórnina? Jú
vissulega. Það er unnt
að efna til nokkurs
konar „R-lista“ sam-
starfs um ríkisstjórn
landsins. Ég tel, að
„R-lista“ ríkisstjórn sé
æskilegasta rík-
isstjórnin eins og
staðan er nú. Sam-
fylking, Vinstri græn
og Framsókn ættu nú að taka hönd-
um saman um stjórn landsins. Það
yrði nokkurs konar „ R-lista“ sam-
starf.
Ekki allir Framsóknar-
menn með íhaldinu
Í þætti Egils Helgasonar, Silfri
Egils, 13. maí var rætt um úrslit
kosninganna og hugsanlegt stjórn-
arsamstarf. Meðal þátttakenda í
þættinum var nýr þingmaður
Framsóknar, Bjarni Harðarson.
Hann sagði, að hann teldi vænlegra
fyrir Framsóknarflokkinn að taka
þátt í ríkisstjórn með vinstri flokk-
unum heldur en að halda áfram
samstarfi með Sjálfstæðisflokknum.
Bjarni sagði m.a. í þessu sambandi,
að Framsóknarflokkurinn hefði
greinilega misst fylgi til vinstri
flokkanna. Til þess að endurheimta
það fylgi yrði Framsókn að fara í
vinstri stjórn. Þetta sjónarmið virð-
ist rökrétt. Ef Framsókn heldur
áfram að vinna með Sjálfstæð-
isflokknum má reikna með því, að
fylgið haldi áfram að fara frá Fram-
sókn yfir á vinstri flokkana. Raunar
má segja, að Framsókn bjóðist nú
einstakt tækifæri. Ef „kaffi-
bandalagið“ hefði fengið meirihluta
í kosningunum hefði það myndað
stjórn án aðildar Framsóknar. En
svo fór ekki og þess vegna er Fram-
sókn nú eins og oft áður í lykilhlut-
verki og getur ráðið því hvort hér
situr hægri stjórn eða vinstri stjórn.
Morgunblaðið reynir
að blekkja Framsókn
Morgunblaðið segir í leiðara 14.
maí, að Framsókn geti alveg eins
endurskipulagt sig í ríkisstjórn
með Sjálfstæðisflokknum eins og
utan hennar. Þetta er blekking.
Og þarna er Morgunblaðið að
reyna að plata Framsókn. Það er
alger sjálfseyðing fyrir Framsókn
að vera áfram í rík-
isstjórn með íhaldinu.
Framsókn galt algert
afhroð í þingkosning-
unum. Flokkurinn
tapaði 5 þingsætum,
fór úr 12 sætum í 7.
Flokkurinn fékk
11,7% en það er
minnsta fylgi í sögu
flokksins. Flokkurinn
hefur stöðugt tapað
fylgi frá því flokk-
urinn settist í stjórn
með íhaldinu 1995. Í
kosningunum 1995
fékk flokkurinn
23,3% en eftir 4 ár í
stjórn með íhaldinu
fór fylgið í 18,4%, ár-
ið 2003 í 17,7 % og nú
í 11,7%, þ.e. algert
hrun.
Samfylkingin tapaði
2 þingmönnum
Samfylkingin fékk 26,8% nú og
missti 2 menn en tæp 31% árið
2003. Hvers vegna fékk hún ekki
meira fylgi? Sumir benda á, að
þetta fylgi sé mikið í sögulegu
samhengi og það er rétt. Fylgið er
álíka mikið hjá vinstri flokkunum
nú og var hjá A- flokkunum 1978
en þá unnu þeir stórsigur. En þó
þetta sé rétt er fylgið nú ekki nóg.
Samfylkingin vann stórsigur 2003
með Ingibjörgu Sólrúnu sem for-
sætisráðherraefni. Það var því bú-
ist við, að eftir að Ingibjörg Sól-
rún væri orðin formaður mundi
hún vinna enn stærri sigra en svo
varð ekki. Hver er skýringin? Ég
held, að hún liggi í breyttri „tak-
tík“. Samfylkingin hefur verið
mikið mildari í málflutningi nú en
áður. Flokkurinn hefur farið silki-
hönskum um Sjálfstæðisflokk-
inn.Fyrir kosningarnar 2003 gerði
Samfylkingin harða hríð að Sjálf-
stæðisflokknum og uppskar tæp
31% fylgi. Milda línan skilaði
26,8%. Það ekki nóg. Annað atriði
vil ég nefna. Það er kvótamálið.
Samfylkingin minntist ekki á
kvótakerfið og ranglæti þess í
kosningabaráttunni nú. Í kosning-
unum 2003 ræddi Samfylkingin
þetta mál mikið. Hún fékk mörg
atkvæði út á það. Ég veit, að núna
missti Samfylkingin mörg atkvæði
af þessum sökum.
Samfylkingin verður að vera
trú stefnumálum sínum.
Röðin komin að
„R-lista“ ríkisstjórn
Björgvin Guðmundsson skrifar
um úrslit kosningannna
Björgvin Guðmundsson
» Samfylk-ingin hefur
farið silkihönsk-
um um Sjálf-
stæðisflokkinn.
Höfundur er viðskiptafræðingur.
ÉG óska þér, Hjörleifur, og ykkur
hjá VG til hamingju með glæsilega
kosningu. Ykkur og öðrum sem ein-
settu sér að fella ríkisstjórnina tókst
það þó ekki þrátt fyrir allt, en það er
aumt að kenna öðrum um þá nið-
urstöðu eins og þú gerir með grein-
arskrifum þínum í Mbl.
15. maí s.l. og í eldri
skrifum þínum um
framboð Íslandshreyf-
ingarinnar. Þeir sem
aðhyllast hug-
myndafræði og
áhersluatriði VG hljóta
að hafa kosið ykkar
flokk. Hafi það ekki
gerst, þá hefur eitthvað
mistekist hjá ykkur
sjálfum.
Markmið
Við hjá Íslandshreyf-
ingunni höfðum ríka ástæðu til að
bjóða fram. Við lögðum upp með
skýra framtíðarsýn um iðandi mann-
líf í lifandi landi þar sem frelsi til at-
hafna fengi notið sín og þar var sér-
stök áhersla lögð á jöfnun
búsetuskilyrða með sjálfbæra nýt-
ingu lands og sjávar að leiðarljósi.
Ekki vantaði hæfileikaríkt hug-
sjónafólk á framboðslistana. (Bara
fínt, ekki satt?)
Við vissum að í hinu „pólitíska lit-
rófi“ er stór hluti þjóðarinnar
andsnúinn frekari stóriðjuáformum,
en margir þeirra geta af einhverjum
ástæðum ekki hugsað sér að kjósa
VG þótt þið hafið staðið ykkur vel í
náttúruverndarbaráttunni. Við
ákváðum því að nýta okkur þann lýð-
ræðislega rétt að bjóða fram krafta
okkar til starfa á Alþingi. Markmið
númer eitt var að breikka hóp
grænna á þingi.
Um leið og framboð okkar var
kynnt upphófst gegnd-
arlaus áróður úr öllum
flokkum gegn þessu
framboði. Boðskap-
urinn var: að með því að
kjósa Íslandshreyf-
inguna féllu atkvæði
dauð og þar með næð-
ust ekki hin ýmsu
markmið, m.a. að fella
ríkisstjórnina. Við
þurftum aldrei að fara í
vörn vegna stefnumála
okkar, en við þurftum
að berjast allan tímann
vegna áróðurs gegn
framboði okkar og satt að segja held
ég að margir hafi trúað ykkur. Okkur
mistókst að snúa þessu okkur í hag
og þar er ekki við aðra að sakast en
okkur sjálf. Um 6.000 manns greiddu
Íslandshreyfingunni þó atkvæði og
því fólki erum við afar þakklát fyrir
að hafa fylgt sannfæringu sinni og
komið henni á framfæri með lýðræð-
islegum hætti. Atkvæði þess féllu
ekki dauð frekar en annarra.
Því má bæta við að með um 1.000
atkvæðum til viðbótar hefðum við náð
5% markinu, þremur mönnum á þing
og ríkisstjórnin þar með verið fallin.
Því má segja að hyggilegra hefði ver-
ið fyrir stjórnarandstöðuflokkana að
eyða ekki kröftum sínum í að tala nið-
ur hið nýja framboð. Í einlægni gerð-
um við hvað við gátum á þeim stutta
tíma sem við höfðum. Það er ekki
dapurlegt hlutskipti að falla með
sæmd, Hjörleifur Guttormsson.
Af hliðarlínunni
Þetta var orrusta en stríðið er ekki
búið. Okkar takmark, eins og ykkar,
er að koma böndum á stóriðjuskepn-
una, halda henni í skefjum og slá
skjaldborg um náttúru Íslands. Við
erum ekki hætt. Við verðum á hlið-
arlínunni og munum styðja VG og
aðra á þingi sem hafa vaknað til um-
hverfisvitundar, sama hvaða flokki
hver tilheyrir. Ég hvet því til sam-
stöðu í þessu alvarlega máli. Íslands-
hreyfingin – lifandi land mun ekki
bregðast í þeirri baráttu.
Nú er mál að linni, Hjörleifur
Þetta var orrusta en stríðið er
ekki búið, segir Snorri Sig-
urjónsson um Íslandshreyf-
inguna og úrslit kosninganna
» Við verðum á hlið-arlínunni og munum
styðja VG og aðra á
þingi sem hafa vaknað
til umhverfisvitundar,
sama hvaða flokki hver
tilheyrir.
Snorri Sigurjónsson
Höfundur er lögreglufulltrúi
og félagi í Íslandshreyfingunni.
EINS og kunnugt er samþykkti
borgarráð á fundi sínum þann 12. apríl
síðastliðinn að festa kaup á Njálsgötu
74 og starfrækja þar vistun fyrir heim-
ilislausa karlmenn. Fyrir þá sem ekki
eru kunnugir staðarháttum snýr hús
þetta inn í stóran bakgarð og deilir
honum með fjölda húsa við Njálsgötu,
Snorrabraut, Bergþórugötu og Bar-
ónsstíg. Fimmtán metrum frá þessari
byggingu er svo starfræktur leikskól-
inn Barónsborg. Að Njálsgötu 74 er
ætlunin að vista 10 karlmenn í senn
sem eru heimilislausir og ýmist í virkri
áfengis- eða fíkniefnaneyslu og verður
ekki gerð krafa um að þeir láti af þess-
ari neyslu svo fremi sem þeir stundi
hana ekki innan dyra.
Ýmislegt er athugavert við af-
greiðslu þessa máls og vinnubrögð Vel-
ferðarsviðs Reykjavíkurborgar. Eðli
hinnar fyrirhuguðu starfsemi gefur
fullt tilefni til samráðs við tilvonandi
nágranna en í stað þess að fá viðhlít-
andi upplýsingar frá yfirvöldum fregn-
uðu íbúar hverfisins fyrst af þessum
fyrirætlunum við lestur dagblaðs. Virð-
ist sem ætlunin hafi verið að lauma
þessari stofnun í götuna svo lítið bæri
á. Viðbrögð borgarinnar við fréttinni
voru lítil, stutt bréf barst nokkrum
dögum síðar með litlum upplýsingum.
Jórunni Frímannsdóttur, formanni
Velferðarráðs var boðið að hitta íbúa
hverfisins á fundi 30. apríl en hún hafn-
aði því. Nokkur viðtöl hafa birst við
hana í dagblöðum þar sem hún dregur
úr áhyggjum okkar án rökstuðnings.
Þá ritaði varaborgarfulltrúi grein í
Morgunblaðið þar sem hann telur okk-
ur ekkert þurfa að óttast og vitnar í ný-
legar bernskuminningar sínar við hlið
gistiskýlis í Þingholtstræti máli sínu til
stuðnings. Eftir langa bið hefur beiðni
okkar um fund loks verið svarað,
fulltrúar borgarinnar munu hitta okk-
ur 22. maí og er sú dagsetning þægileg
fyrir borgaryfirvöld þar sem húsið fæst
afhent viku áður og verða fram-
kvæmdir á því þannig hafnar, líkur á að
hlustað verði á rök okkar eru því litlar.
Ýmsar ástæður eru fyrir hinni út-
breiddu andstöðu við áætlanir borg-
arinnar. Nægir þar að nefna nábýlið
við leikskólann Barónsborg sem hefði
átt að ýta þessari hugmynd frá strax í
upphafi. Að auki búa fjölmörg börn í
aðliggjandi götum sem nýta sér áð-
urnefndan bakgarð óspart til leikja en
hann mun að öllu óbreyttu verða segull
á drykkjumenn miðborgarinnar. Það er
leitun að þeim foreldrum sem telja að
menn undir áhrifum áfengis eða fíkni-
efna séu heppilegir við hlið sinna barna.
Það getur og ekki talist heppilegt að
hýsa einstaklinga með alvarlega fíkn í
áfengi og eiturlyf spölkorn frá knæp-
unum sem viðhalda ógæfu þeirra. Lík-
ur á framförum geta þannig ekki verið
miklar.
Af þessari starfsemi mun hljótast
verulegt ónæði hvað svo sem stafsmenn
Velferðarsviðs og varaborgarfulltrúar
segja. Innbrot verða líklegri sem og
drykkjulæti, börn okkar munu eiga á
hættu á að rekast á áfengisflöskur og
sprautunálar og svo mætti lengi telja.
Þess má geta að ónæðið er þegar hafið,
tilvonandi ölvaðir vistmenn eru byrj-
aðir að knýja dyra á Njálsgötu í leit að
næturgistingu.
Þykir mörgum íbúum hér sem ekki
sitji öll hverfi Reykjavíkur við sama
borð. Er skemmst að minnast íhlutunar
borgarstjóra er spilakassasalur sem
ætlunin var að starfrækja í Mjódd var
blásinn af í snatri. Getur verið að íbúar
miðborgarinnar gjaldi
þess að Vilhjálmur Vil-
hjálmsson borgarstjóri
býr ekki í nágrenninu?
Gagnlegt er að rifja upp
yfirlýsingu Vilhjálms
sem birtist í fjölmiðlum
hinn 7. janúar sl. í
tengslum við spilakas-
samálið. Þar segir með-
al annars:
„Í það rúma hálfa ár
sem ég hef gegnt emb-
ætti borgarstjóra
Reykvíkinga hef ég
kappkostað ásamt sam-
starfsfólki mínu í meirihlutanum að
innleiða metnaðarfulla fjölskyldu-
stefnu sem birtist meðal annars í því
að hlusta á óskir og væntingar íbúa
borgarinnar og vinna með þeim að
framkvæmd brýnna hagsmunamála.“
Ástæða er til að staldra við þar sem
Vilhjálmur lýsir stoltur yfir metn-
aðarfullri fjölskyldustefnu sem gengur
út á að hlusta á óskir og væntingar
íbúanna. Upplifun okkar af borg-
arstjóra og hans kollegum síðastliðnar
vikur er í hrópandi mótsögn við þetta,
segja má að valtað hafi verið yfir óskir
okkar og væntingar og við söknum
Vilhjálms sárlega úr umræðunni. Opn-
un þessarar stofnunar hlýtur að teljast
jafnmikið hagsmunamál og opnun
spilakassa í Mjódd. Okkar ágæti borg-
arstjóri veit mögulega ekki að á Njáls-
götu búa geysimargar barna-
fjölskyldur og við þurfum jafnmikið á
metnaðarfullri fjölskyldustefnu að
halda og Breiðhyltingar.
Vitaskuld þarf úrræði fyrir heim-
ilislausa einstaklinga. Um það deilir
enginn. Hins vegar eru nú þegar frá-
teknar tvær heilar byggingar fyrir
mismunandi félagsleg úrræði á litlum
bletti sem afmarkast af Njálsgötu,
Snorrabraut og Bergþórugötu. Hefur
sú starfsemi fallið vel að hverfinu og
teljum við að flestir séu sáttir við þessa
sambúð enda hafa íbúar hér ekki skor-
ast undan því að axla samfélagslega
ábyrgð. En að bæta þriðju bygging-
unni við þær sem fyrir eru þykir okkur
þó fullmikið af hinu góða. Við skorum
því á borgarstjóra að beita sér í þessu
máli sem fyrst og endurskoða stað-
setningu þessarar stofnunar.
Málefni Njálsgötu 74
Sigfús Sigmundsson og Þor-
steinn H. Ástráðsson lýsa
óánægju vegna kaupa Rvík-
urborgar á húsnæði fyrir heim-
ilislausa karlmenn
» Borgaryfirvöld hafaákveðið að starf-
rækja heimili fyrir úti-
gangsmenn að Njáls-
götu 74 án samráðs við
íbúa hverfisins og ríkir
þar mikil óánægja.
Sigfús
Sigmundsson .
Höfundar eru íbúar á Njálsgötu.
Þorsteinn H.
Ástráðsson
Vorum að fá í einkasölu vel
skipulagða 5 herbergja 134 fm
endaíbúð á 3. hæð á þessum
vinsæla stað í göngufæri bæði
frá Hlíðaskóla og Mentaskólan-
um við Hamrahlíð. 4 svefnher-
bergi. Góðar stofur. Parket.
Vestursvalir. Frábær staðsetn-
ing. Forkaupsréttur af að kaupa bílskúr. Verð 28,8 millj.
Íbúðin er til sýnis, hafið samband í dag
á milli kl. 12 og 19, í síma 553 0306 eða 699 1804.
STIGAHLÍÐ 4 REYKJAVÍK
5 HERBERGJA ENDAÍBÚÐ