Morgunblaðið - 17.05.2007, Blaðsíða 35

MORGUNBLAÐIÐ FIMMTUDAGUR 17. MAÍ 2007 35
að sá sem öllu ræður taki á móti þér
með sama rausnarskap og einkenndi
þig.
Þinn vinur,
Guðmundur Lárusson.
Í dag kveð ég góðan vin og fyrr-
verandi svila, Hörð Sævaldsson.
Kynni okkar hófust fyrir rúmum
30 árum, er þau Hörður og Ragn-
heiður mágkona mín hófu búskap og
barneignir.
Við áttum sameiginlegt áhugamál,
veiðar, aðallega gæsa- og rjúpna-
veiðar, þannig að við áttum á næstu
árum margar skemmtilegar veiði-
ferðir saman. Hörður var um margt
sérstakur maður. Eldklár og lifandi í
öllu sem hann tók sér fyrir hendur,
áhugasamur um margt og drífandi.
Skemmtilegur, ræðinn og vel lesinn,
sem ekki fór fram hjá samferðafólki.
Margar ferðir fórum við saman
ásamt félögum Harðar austur í
Landeyjar í gæsaveiði, en þar átti
Hörður vísan stað við skemmtilega
sandtjörn, þar sem gæsir komu
venjulega á kvöldin, og lágum við þar
tíðum í ljósaskiptunum, þegar sólin
var að setjast á vesturhimni og
kyrrðin algjör nema einstöku
hundgá á bæjum og gæsir að nálgast
úr túnum til að hafa næturstað á
tjörninni. Trúi ég því, að Hörður hafi
notið þessara veiðiferða sérstaklega,
með þessa óviðjafnanlegu fjallasýn í
fjarska og víðáttu sem Suðurlandið
gefur. Eftir að myrkur var skollið á
voru gervigæsir tíndar saman og far-
angur allur, og veiði, ef heppnin var
með, sett í Toyota-jeppann hans
Harðar, og síðan haldið heim á leið,
þar sem sögur voru sagðar og farið
yfir veiðiaðferðir. Einnig átti Hörður
rjúpnaveiðilendur ásamt félögum
sínum í Borgarfirði, en þangað bauð
hann mér með sér og áttum við eft-
irminnilega skemmtilegar ferðir
þangað. Ekki síður var Hörður
áhugasamur um laxveiðar, en segja
má að veiðieðlið hafi verið honum
sem lífsnæring stóran hluta ársins. Á
Skógarströnd áttu Hörður og fjöl-
skylda veiðihús með veiðifélögum, og
áttum við þar fjölskyldan margar
ógleymanlegar stundir með þeim
Ragnheiði og Herði, sem alltaf voru
tilbúin að taka á móti gestum og
veita þeim það besta sem til var.
Hörður var áhugasamur um skákí-
þróttina, og var á góðum stundum
skorað á undirritaðan að taka eina
eða svo, en átti oftar en ekki við ofur-
efli að glíma, því Hörður var býsna
sterkur á taflborðinu. Hörður og
Ragnheiður byggðu sér fallegt og
rúmgott heimili vestarlega á Sel-
tjarnarnesi, og hefur þar alltaf verið
gott að koma, sérstaklega elskulegar
móttökur þeirra hjóna, sem nutu
þess bæði er gesti bar að garði.
Margar gleðistundir höfum við fjöl-
skyldan fyrr og síðar átt með Herði
og Ragnheiði, sem nú syrgir elsku
Hörð sinn, sem hún kynntist ung að
árum og átti sem besta vin.
Hörður var góður og hlýr maður,
vinur vina sinna, og sérstaklega um-
hyggjusamur við fólkið sitt. Fóru
tengdaforeldrarnir ekki varhluta af
því, en ég veit að Marteinn tengda-
pabbi leit á Hörð sem einn sinn besta
vin, og svo er einnig um Sigríði
tengdamömmu, sem þótti sérstak-
lega vænt um hann. Einnig veit ég,
að systur Ragnheiðar sakna nú góðs
vinar, sem hægt var að leita til þegar
þurfti, enda hann höfuð fjölskyld-
unnar. Svo er einnig um börnin mín,
en þau kölluðu hann jafnvel á stund-
um Hörð pabba. Ég naut þess nú
seinni árin, að Hörður leit upp í mig
við og við og gerði við það sem aflaga
fór, og smíðaði í mig brú. Auðsjáan-
legt var að þar fór mikill fagmaður,
fumlaus með öllu og skipulagður og
agaður í sinni grein. Hörður Sæ-
valdsson var maður gleðinnar hvar
sem hann kom, vinmargur og vin-
sæll.
Ég vil í lokin þakka kærum vini
samfylgdina við mig og fjölskylduna,
sem aldrei hefur borið skugga á.
Elsku Ragnheiður og börnin öll.
Guð veri með ykkur.
Jón Karl Snorrason.
Í dag er borinn til grafar vinur
okkar og veiðifélagi Hörður Sæ-
valdsson.
Hörður var vinmargur, og ekki að
undra, því þar fór þægilegur og já-
kvæður maður sem öllum vildi vel.
Vinskapur okkar félaganna nær
meira en 30 ár aftur í tímann, og því
er margs að minnast á stundu sem
þessari.
Hörður var mikill veiðimaður bæði
til sjós og lands, og jafnvígur á byssu
og stöng. Til eru margar skemmti-
legar veiðisögur af þessum góða fé-
laga okkar, sem ekki verða sagðar á
þessari stundu.
Veiðiklúbburinn Landsliðið var
stofnaður formlega árið 1984, og var
Hörður gjaldkeri félagsins frá upp-
hafi. Hann mun hafa sagt í gríni á
einum af mörgum fundum félagsins
að lágmark væri að eiga fyrir einum
kransi og flösku af víni til að skála
fyrir hinum látna.
Það þurfti ekki annað en að láta
sér detta í hug að framkvæma eitt-
hvað, þá var viðkvæðið hjá Herði „já
ég er til í það“, þannig var Hörður.
Gjafmildi og væntumþykja eru orð
sem koma upp í hugann þegar Harð-
ar er minnst, en margir hafa notið
umhyggju og liðsinnis þessa ágæta
drengs um tíðina.
Öll höfum við misst mikið, og þá
sérstaklega börn hans, sem hann var
stoltur af og talaði fallega um.
Ragnheiði og börnum Harðar
vottum við okkar dýpstu samúð.
Við söknum góðs vinar og félaga.
Veiðiklúbburinn Landsliðið.
Okkar kæri vinur og félagi til
margra ára Hörður Sævaldsson er
fallinn frá mjög óvænt. Við, sameig-
endur hans að Laxá á Skógarströnd
Snæfellsnesi, höfum í gegnum árin
átt margar góðar og glaðar stundir á
Borgum vestur, veitt saman lax úr
ánni, silung úr vötnum, sjóbleikju úr
ósnum, legið fyrir gæs á haustin,
sumir spilað bridge í bjartri sumar-
nóttinni við undirleik náttúrunnar
sinfóníu.
Hörður var einstakur heiðursmað-
ur í orðsins fyllstu merkingu – sögð
orð stóðu, handsalað málefni var sem
þinglýst. Hörður var hógvær og yf-
irvegaður en kom sínum málum fram
með ljúfu brosi og rökum.
Hörður og Ragnheiður nutu þess
að dvelja við veiðar og útiveru á
þessum frábæra stað með fjölskyld-
unni eða í vinahópi burt frá erilsömu
starfi í höfuðborginni.
Nú fer í hönd stórkostlegasti tími
ársins þegar líf kviknar um allar
jarðir, lóa og þröstur þenja brjóst og
syngja, hrossagaukurinn dembir sér
af himnum ofan og þessi einstaka
náttlausa veröld verður til þá kveður
þessi góði vinur okkar hann sem
naut þessa svo mikið.
Við félagar hans kveðjum með
söknuði og munum setjast hljóðir
niður við ána og hlusta á niðinn og
fylgjast með þegar straumurinn líð-
ur hjá og sameinast hafinu niður í
lóni eins og sál Harðar sameinast al-
mættinu.
Við sendum aðstandendum okkar
innilegustu samúðarkveðjur
F.h. Veiðifélagsins Laxaborgar,
Sigurður G. Steinþórsson.
Það er komið að kveðjustund.
Kvaddur er Hörður Sævaldsson
tannlæknir, sérstakur maður og
hollvinur, stjórnarformaður Dental-
íu hf. um árabil.
Hörður Sævaldsson var gæddur
einstakri skapgerð, vinnusamur,
ákveðinn og stoltur af sér og sínum.
Margbrotinn persónuleiki með mikla
þörf fyrir að sýna stuðning sinn í
verki. Kröfuharður í návígi þegar því
var að skipta. Dugmikill athafna-
maður, mannglöggur, vel greindur
og með eindæmum kappsfullur í öllu
sem hann tók sér fyrir hendur.
Ég vík að vináttu okkar Harðar og
söknuði að honum flognum. Þökk sé
þér fyrir styrk þinn og stuðning í
verki og fyrir öll þau ánægjulegu
samskipti sem við áttum í leik og
starfi. Ég kveð þig með djúpri eft-
irsjá. Það var ávallt líf og skerpa í
kringum þig og nauðsynlegt að
leggja sig allan fram í návist þinni.
Eftir öll okkar samskipti stendur nú
eftir fjársjóður gagnlegra og góðra
minninga.
Við Sigríður Ólafsdóttir vottum
fjölskyldu Harðar Sævaldssonar og
öllum aðstandendum okkar dýpstu
samúð.
Hvíl þú í friði kæri vinur.
Árni Rafnsson.
Látinn er fyrrverandi vinnuveit-
andi minn Hörður Sævaldsson. Í
tuttugu og fimm ár var ég hans
hægri hönd eins og hann sagði. Ekki
vorum við nú alltaf sammála en virt-
um skoðanir hvort annars. Hann var
góður og réttlátur vinnuveitandi.
Hörður var afskaplega laginn og
góður tannlæknir. Ég sagði gjarnan
að fáir færu í fötin hans þegar kæmi
að tannúrtökum. Mér fannst alltaf
svo flott þegar hann tók endajaxla,
hann saumaði líka svo vel. Hann var
tryggur sínum kúnnum og taldi það
ekki eftir sér að sinna fólki sem var í
vanda þótt það væri helgi. Eins var
algeng setning „þú borgar bara
næst, þetta var svo lítið“.
Þótt liðin séu tæp tvö ár síðan ég
hætti kom ég við á Tjarnargötunni ef
ég átti leið hjá. Mér fannst ég aðeins
þurfa að finna lyktina.
Að lokum þakka ég Herði sam-
fylgdina og bið fjölskyldu hans guðs
blessunar á erfiðum tímum.
Valgerður Níelsdóttir.
✝
Ástkær faðir okkar, bróðir og afi,
EYMUNDUR KRISTJÁNSSON,
Bleikugróf 13,
Reykjavík,
áður til heimilis á Lundagötu 17B,
Akureyri,
lést á Landspítalanum við Hringbraut laugardaginn
5. maí.
Útförin fer fram frá Dómkirkjunni í Reykjavík laugar-
daginn 19. maí nk. 11.00.
Börn, systkini og barnabörn.
✝
JÓAKIM SNÆBJÖRNSSON,
Meistaravöllum 7,
er lést að morgni föstudagsins 11. maí verður
jarðsunginn frá Dómkirkjunni í Reykjavík föstudag-
inn 18. maí kl. 11.00 árdegis.
Þeim sem vilja minnast Jóakims er bent á Minning-
arsjóð KR, sími 510 5300.
Tómasína Sólveig Magnúsdóttir,
Sigríður Jóakimsdóttir, Kjartan Viðar Sigurjónsson,
Jenný Jóakimsdóttir,
Árni Þór, Arnar Ingi og Ellert Andri.
✝
Útför ástkærs bróður okkar, mágs og frænda,
GUÐMUNDAR HELGA HELGASONAR
fyrrverandi sjómanns,
Skúlagötu 20,
Reykjavík,
fer fram frá Fossvogskapellu í Fossvogi föstudag-
inn 18. maí kl. 11.00.
Kristinn Vignir Helgason, Jófríður Björnsdóttir,
Jane Elvína Dolce,
Vigdís Arnone,
Jóhann Helgason, Guðrún Einarsdóttir
og fjölskyldur.
✝
Hjartkær eiginkona mín, móðir okkar, tengdamóðir,
amma og langamma,
ARNDÍS PÁLSDÓTTIR,
Barkarstöðum,
Miðfirði,
sem lést á Heilbrigðisstofnuninni Hvammstanga
fimmtudaginn 10. maí, verður jarðsungin frá Mel-
staðarkirkju laugardaginn 19. maí kl. 14.00.
Ragnar Benediktsson,
Karl Georg Ragnarsson, María Rós Jónsdóttir,
Ásta Pálína Ragnarsdóttir, Magnús Sverrisson,
Jenný Karólína Ragnarsdóttir, Hilmar Sverrisson,
Margrét Halla Ragnarsdóttir, Jón Gunnarsson,
Benedikt Ragnarsson, Jóhanna Helga Þorsteinsdóttir,
Álfheiður H. Árdal,
Helga Berglind Ragnarsdóttir, Sigmar Benediktsson,
barnabörn og barnabarnabörn.
✝
HREFNA FRÍMANNSDÓTTIR,
Hellissandi,
lést á Sjúkrahúsi Akraness sunnudaginn 13. maí.
Hún verður jarðsett frá Ingjaldshóli laugardaginn
19. maí kl. 14.00.
Aðstandendur.
✝
Elskuleg móðir okkar, tengdamóðir, amma, lang-
amma og langalangamma,
SIGURBJÖRG GUÐMUNDSDÓTTIR,
Bollagörðum 67,
áður Ytri-Grund, Seltjarnarnesi,
lést á elli- og hjúkrunarheimilinu Grund
þriðjudaginn 15. maí.
Steinunn Felixdóttir, Benedikt Sigurðsson,
Jóhanna Felixdóttir,
Anna Felixdóttir, Jón Geir Guðnason,
Sigmundur Felixson, Sigrún Steinbergsdóttir,
Einar Felixson, Guðbjörg Helgadóttir,
Felix Felixson, Rebekka Hannibalsdóttir,
Örn Felixson, Helga Pálmadóttir,
Kjartan Felixson, Þóra Björg Álfþórsdóttir,
barnabörn, barnabarnabörn
og barnabarnabarnabarn.
✝
Frænka okkar,
MAGNEA JÓNÍNA MAGNÚSDÓTTIR
Grænuhlíð 20,
Reykjavík,
lést á Landspítala, Fossvogi, miðvikudaginn 9. maí.
Útför hennar fór fram í kyrrþey.
Jarðsett var í Hafnarfjarðarkirkjugarði.
Jón Magnússon,
Halla Magnúsdóttir,
Anna Magnúsdóttir.
✝
Elskuleg móðir okkar, tengdamóðir og amma,
RÁÐHILDUR JÓNSDÓTTIR,
áður til heimilis í
Hlíðarhvammi 11 og
Gullsmára 7, Kópavogi,
andaðist á Hrafnistu miðvikudaginn 16. maí.
Jarðarförin auglýst síðar.
Guðrún V. Sigurðardóttir,
Kristinn Sigurðsson, Ruth Alfreðsdóttir
og barnabörn.