Morgunblaðið - 09.09.2007, Blaðsíða 21

MORGUNBLAÐIÐ SUNNUDAGUR 9. SEPTEMBER 2007 21
Auður Jónsdóttir og Þórarinn Leifsson
audur@jonsdottir og totil@totil.com
Ásólbökuðu kaffihúsi í gotneska hverfinu í Barcelona kvaðst Þór-arinn hafa lesið grein á Time.com um bréf Móður Teresu semhöfðu nýlega orðið efni í bók. Af bréfunum að dæma hafði húnstundum upplifað tómleika í þessa heims hörmungum og efast
um hvort einhver væri á himnum.
Skiptir það máli? spurði Auður. Það voru góðverk hennar sem gerðu
hana að dýrlingi, hugsanirnar voru aukaatriði. Það er mannlegt að efast.
Við þessi orð viðurkenndi Þórarinn að Jón Gnarr hefði reyndar grynnk-
að á efasemdum sínum með símaauglýsingunni margumtöluðu. Auglýs-
ingin hefði endurspeglað að síminn væri guðdómleg uppfinning, þessi mót-
takari fyrir ósýnilegar bylgjur sem flytja orð og myndir á milli fólks. Hver
hefði trúað að slíkt væri hægt á öldum áður? Ef spænski rannsóknarrétt-
urinn hefði komist á snoðir um þriðju kynslóð farsíma hefðu hönnuðir
þeirra ábyggilega verið brenndir í hrönnum. Að auki hafði símaauglýs-
ingin minnt hann á ágreining munka í bókinni Nafn rósarinnar eftir Um-
berto Eco. Munkarnir höfðu tekist á um hvort hlátur væri syndsamlegur
eða ein af Guðs góðu gjöfum vegna myndskreytinga í forláta handriti þar
sem teiknarinn hafði leyft fáránleika að dansa við lögmál svo úr urðu
nokkurs konar skopmyndir. Sumir munkarnir höfðu hljómað eins og vand-
látir Íslendingar sem fordæmdu gamansama túlkun á Píslarsögunni eða
Jesú.
Hugsi á svip tautaði Auður að reyndar væri herslumunur á auglýsingu
og skáldsögu, enda þótt bæði hugverkin væru unnin af listfengi.
Þetta snýst ekki um form heldur innihald, sagði Þórarinn. Í marg-
tuggðri umræðunni um Múhameðsmyndirnar kom fram að Jótlandspóst-
urinn hafði neitað að birta skopmyndir af Jesú skömmu áður en þær birt-
ust. Í mínum augum skipti það atriði sköpum. Ef við ætlum að kenna
öðrum lexíu verðum við fyrst að læra hana sjálf. Getum við sett Múhameð
í skoplegan búning meðan okkur er um megn að gera hið sama við Jesú?
Að mínu mati er hláturinn ein af Guðs bestu gjöfum, svo framarlega sem
við getum hlegið að okkur sjálfum.
Hjalið um Múhameðsmyndirnar vakti Auði til umhugsunar um meinta
hryðjuverkamenn sem höfðu verið handteknir í Danmörku í vikunni. Hún
sagði honum að erlenda fjölmiðla greindi á um hvort áhugi hryðjuverka-
manna á litlu Danmörku stafaði af verkum danskra hermanna eða teikn-
ara.
Þessir bévítans hryðjuverkamenn þurfa enga ástæðu, fussaði Þórarinn
um leið og hann baðaði dúfnageri frá borðinu. Þýsk yfirvöld voru andsnúin
innrásinni í Írak – en samt hugsuðu nokkrir gaurar sér gott til glóð-
arinnar að sprengja flugvöllinn í Frankfurt og nokkur diskótek í leiðinni.
Þýska pressan er í sjokki, þú getur lesið áhugaverða samantekt úr henni á
Evrópusíðu News.bbc.co.uk. Meðal annars er vísað á grein í Frankfurter
Rundschau þar sem blaðamaður bendir á að í þetta skipti hafi lögreglan
gripið hryðjuverkamennina Fritz og Daniel ásamt Adem nokkrum – en
ekki Múhameð eða Mústafa. Því sé einföldun að skrifa ástandið einungis á
innflytjendur og íslam; núna hafi vaknað margar flóknar spurningar sem
ekki megi grafa.
Ég nenni ekki að spá í hryðjuverkamenn, geispaði Auður. Mér er sama
hvað þeir hugsa, það eru verkin sem tala – rétt eins og hjá Móður Teresu.
Í ofanálag er búið að vara sérstaklega við hryðjuverkum hérna á Spáni og
best að hugsa ekki mikið um það.
Skyndilega lifnaði yfir Þórarni. Mundu að í gegnum tíðina hafa hinir og
þessir vígamenn sprengt töluvert meira í álfunni en núna, sagði hann. Ef
ekki fyrir öll heimsins stríð værum við tvö varla til. Né heldur Jón Gnarr
eða Móðir Teresa. Trúðu mér og njóttu þess að sitja hérna í friðsældinni
með kaffisopa. Ég segi bara eins og Birtíngur hans Voltaire: Maður verð-
ur að rækta garðinn sinn.
Getum við
sett Múham-
eð í skopleg-
an búning
meðan okkur
er um megn
að gera hið
sama við
Jesú?
FÖST Í FRÉTTANETI»
Þegar hjónin
skynjuðu viðburða-
keðju alheimsins
Höfundar eru heimavinnandi hjón í Barcelona.




 

   
 
  
  
 
  















 

 
    
 
Innritun í símum 588-3630 og 588-3730, eða í skólanum að Síðumúla 17, tölvu-
póstur: ol-gaukur@islandia.is Í boði er fjölbreytt nám með vönduðu námsefni fyrir
alla aldursflokka, bæði byrjendur og þá sem kunna eitthvað fyrir sér. Nánari upplýs-
ingar um skólann og námsleiðir er að fá á heimasíðunni: www.gitarskoli-olgauks.is
eða í skólanum á innritunartíma, en innritað er alla
virka daga kl.14:00 til 17:00.
ATH! Frístundakort Reykjavíkurborgar í gildi.
Auglýsing vegna aukningar stofnfjár
Ákveðið hefur verið að auka stofnfé um kr. 2.971.234.536 með útboði þar sem
stofnfjáreigendum verður boðið að skrá sig fyrir nýju stofnfé sbr. samþykktir
sparisjóðsins þar að lútandi. Heildarnafnverð nýs stofnfjár í útboðinu er
kr. 1.565.854.263 og er verð hvers stofnfjárhlutar kr. 1,89751665. Útboðið sem
nú fer í hönd er forsenda þess að hægt sé að ná skiptihlutföllum sem gert er ráð
fyrir í fyrirhuguðum samruna við Sparisjóð Kópavogs, en samrunaáætlun var
undirrituð af stjórnum sjóðanna 27. júní síðastliðinn.
Í dag hafa allir stofnfjárhlutir í BYR - sparisjóði verið skráðir rafrænt hjá
Verðbréfaskráningu Íslands. Svo mun einnig verða um nýtt stofnfé sem gefið
verður út í tengslum við aukningu þessa.
Útboðslýsingu vegna stofnfjáraukningarinnar er að finna á heimasíðu
BYRS - sparisjóðs www.byr.is. Jafnframt má nálgast lýsinguna í útibúum
BYRS - sparisjóðs. Þjónustuver veitir upplýsingar um útboðið í síma 575 4000.
Áskriftartímabil stendur yfir frá og með 3. september, til og með
17. september næstkomandi. Eindagi áskrifta er 24. september 2007.
Reykjavík, 31. ágúst 2007