Morgunblaðið - 09.09.2007, Side 27

Var skemmtilegt að koma að gerð
þessarar myndar?
„Já, það var afskaplega skemmti-
legt. Í fyrsta lagi að vinna með þeim
Dunu og Halldóri Þorgeirssyni sem
framleiðir myndina og öllum öðrum
aðstandendum þessa verks. Einnig
vorum við nokkuð lengi úti á landi við
gerð myndarinnar og það skapast
sérstök stemning að vinna við slíkar
aðstæður sem vonandi hefur skilað
sér í góðri útkomu. Flestallar útisen-
ur myndarinnar gerast á Malarrifi á
Snæfellsnesi. Ég vona sannarlega að
þessi mynd eigi eftir að eiga gott
gengi, tilgangur hennar á það skilið
og svo er mér mjög annt um íslenska
kvikmyndagerð – að hún nái að
blómstra.“
Selma vill gera vel
Blómastelpan Selma er sú persóna
sem hvað mestrar samúðar nýtur
þegar horft er á myndina, fyrir utan
þau fórnarlömb ofbeldis sem komið
hefur verið fyrir á Veðramótum. En
er ástæða til að hafa samúð með
Selmu?
„Selma kemur frá efnuðum for-
eldrum og hefur framan af ekki þurft
að hafa mikið fyrir lífinu en þegar
hún verður tvítug ákveður hún að
standa á eigin fótum og gegn vilja
foreldra sinna fer hún vestur að
Veðramótum til að stýra upptöku-
heimili fyrir vandræðaunglinga
ásamt kærasta sínum Blöffa og Hálf-
dáni vini hans,“ segir Tinna Hrafns-
dóttir, sem leikur Selmu. „Það sem
líklega fær fólk til að fá samúð með
persónunni Selmu er að hún ætlar
sér að gera vel, hún vill búa til fal-
legan heim fyrir þessi illa förnu börn
en gerir sér ekki grein fyrir hvað þau
hafa gengið í gegn um og er því að
vissu leyti óvarin, – reynsluna skort-
ir. Einmitt vegna þess hve óvarin hún
er lendir hún í að berast með kring-
umstæðum í stað þess að taka málin í
eigin hendur og stýra atburðarásinni
– fyrir vikið verður hún einhvers kon-
ar fórnarlamb aðstæðna sem hún
þekkir ekki.“
Er þetta Harmleikurinn – með
stórum staf – í lífi Selmu?
„Tvímælalaust. Þetta er vendi-
punktur í hennar lífi sem mun móta
hennar persónu, enda kemur það
fram í myndinni þegar hún er eldri.
Hún treystir sér þá ekki til að sak-
fella eitt fórnarlambanna því hún
finnur sjálf til ábyrgðar á því að hafa
ekki kunnað að vinna rétt úr að-
stæðum á Veðramótum.“
Hvað hafðir þú að fyrirmynd í
sköpun persónu Selmu?
„Duna byggir þessa sögu á eigin
reynslu úr Breiðavík en samt sem áð-
ur er myndin skáldskapur, Selma er
því ekki Duna í þeim skilningi að
þarna sé um hennar persónu að
ræða. Ég kynnti mér auðvitað hippa-
tímabilið. M.a. hittumst við öll sem
lékum í myndinni og Guðný leikstjóri
og hlustuðum saman á mjög
skemmtilegan fyrirlestur og sáum
myndir hjá Guðmundi Oddi Magn-
ússyni, prófessor í Listaháskóla Ís-
lands, um þetta tímabil þar sem var
farið vel í það hugarfar og strauma
sem einkenndu það.“
Hvaða tilfinningar ber Selma til
Blöffa þegar fram í sækir?
„Örlög Blöffa eru henni þungbær
og staða hans er að vissu leyti slík
vegna þess að Selma brást ekki rétt
við. Hún var blind af afbrýðisemi og
vonbrigðum yfir hvernig hlutirnir
fóru á Veðramótum. Heimur Selmu
hrynur í einu vetfangi og hún þarf að
kyngja því að það sem hún taldi vera
rétt var það ekki. Hugsjónin gekk
ekki upp.
Mér finnst að vissu leyti að saga
Selmu sé saga hippatímans og hug-
sjóna hans. Hipparnir vildu vel en
gerðu lítið annað en breiða yfir ljót-
leika heimsins.“
gudrung@mbl.is
Hópmynd Leikarar, leikstjóri og tökulið skemmti sér konunglega á Arnarstapa og Malarrifi við gerð mynd-
arinnar Veðramót.
Koman Hálfdán heldur innreið sína að Veðramótum. Með Atla Rafni er Arn-
mundur Ernst Bachmann sem leikur Otta, einn vistmanna á Veðramótum.
Góðgjörn Tinna Hrafnsdóttir sem
Selma, hin góðgjarna hippastúlka
sem fer með kærastanum sínum að
Veðramótum til þess að láta hug-
sjónir þeirra rætast.
Vinir F.v. Atli Rafn og Hilmir snær sem vinirnir Hálfdán og Blöffi á Veðra-
mótum.
Samstarfsfólkið Vinirnir Hálfdán og Blöffi ásamt Selmu, þ.e. f.v. Atli
Rafn, Hilmir Snær og Tinna í hlutverkum sínum í Veðramótum
MORGUNBLAÐIÐ SUNNUDAGUR 9. SEPTEMBER 2007 27
Atvinnuhúsnæði til leigu/sölu
Grensásvegur – Reykjavík
Heilt hús á horni Grensásvegar og Fellsmúla
Vandað og vel staðsett 1.440 fm skrifstofuhúsnæði.
Um er að ræða heila húseign á 4 hæðum með lyftu.
Eignin skiptist í fjölmörg skrifstofuherbergi, opin vinnu-
rými, kaffistofur, snyrtingar og skjalageymslur.
Tilbúið til afhendingar strax. Næg bílastæði; 8 í
bílageymslu og 26 á steyptum palli við húsið.
Samtals 33 bílastæði fylgja þessari eign.
Húsið hefur mikið auglýsingagildi.
Leigist eingöngu í einu lagi
Upplýsingar veitir Karl í síma 892 0160 eða á karl@kirkjuhvoll.com • Fasteignafélagið Kirkjuhvoll ehf.