Fréttablaðið - 07.04.2009, Blaðsíða 36

32 7. apríl 2009 ÞRIÐJUDAGUR
folk@frettabladid.is
Auglýsingaleikstjórinn
Þórhallur Helgi Sævarsson
þeysist heimshornanna
á milli og leikstýrir aug-
lýsingum fyrir alþjóðleg
stórfyrirtæki. Hann var
nýverið heiðraður fyrir
djúsauglýsingu sem sýnd
var í Austur-Evrópu.
„Þetta er hátíð sem haldin er
í Portoroz í Slóveníu, þetta er
ein stærsta auglýsingahátíðin í
Austur-Evrópu en líka opin fyrir
auglýsingum frá öðrum heims-
hlutum,“ segir Þórhallur, sem var
valinn besti leikstjórinn á hátíð-
inni. Leikstjórinn var að vonum
ánægður með viðurkenninguna en
umrædd auglýsing var fyrir safa
sem ungmennum í austurhluta
Evrópu þykir víst ansi góður.
Þórhallur var staddur í Chile
þegar Fréttablaðið náði tali af
honum, nánar tiltekið í Santiago og
var að undirbúa tökur fyrir aðra
djúsauglýsingu, að þessu sinni
fyrir drykkjarvöruframleiðand-
ann Pepsi. „Þetta er auglýsing sem
á að fara í sýningar í Mið-Evrópu
og þar sem það er ekki komin sól
og sumar þar var bara ákveðið að
fara hingað,“ útskýrir Þórhallur
en auglýsingin gerist á sjóbretta-
keppni og kemur risavaxinn tappi
drykkjarins nokkuð við sögu.
„Þetta er svolítið súrrealísk aug-
lýsing og erfitt að útskýra hana í
orðum.“
Þórhallur hefur, þrátt fyrir
ungan aldur, leikstýrt auglýsing-
um í sjö ár. Hann þvælist á milli
heimshluta og ekki er langt síðan
hann var staddur í Ölpunum að
gera auglýsingu fyrir snyrti-
vörurisann Henkel. „Þetta var
tannkrems auglýsing og svolítið
öðruvísi en ég hef átt að venjast,
þarna var þetta bara svona fallegt
fólk með hvítar tennur en ég hef
gert meira af því að leikstýra aug-
lýsingum með söguþræði og smá
persónusköpun.“
Þórhallur hefur unnið með
nokkrum af þekktustu fyrirtækj-
um í heimi og nægir þar að nefna
T-Mobile og Peugeot en fyrir hana
var hann tilnefndur til dönsku aug-
lýsingaverðlaunanna. Leikstjórinn
viðurkennir að hann ætli að taka
því rólega þegar Chile-ferðin er
yfirstaðinn. „Ég eignaðist strák
síðasta haust og ætla að njóta þess
að vera með honum og konunni
þegar ég kem heim.“
freyrgigja@frettabladid.is
Leikstýrir auglýsingu í Chile
ÚT UM ALLAN HEIM Þórhallur Sævarsson flakkar um allan heiminn og leikstýrir auglýsingum fyrir stórfyrirtæki. Hann var nýlega
heiðraður á stórri auglýsingahátíð í Slóveníu fyrir djúsauglýsingu.
„Maður er að skríða saman. Þegar svona hópur
kemur saman þá uppsker maður eins og maður sáir,“
segir Jón Gunnar Geirdal, frasaráðgjafi og starfs-
maður Senu, sem hélt fjörutíu manna, stjörnum prýtt
strákapartí á heimili sínu um helgina.
Félagsskapurinn kallar sig Djöflana og saman-
stendur af ekki ómerkari mönnum en Auðuni Blöndal,
Störe, Arnari Grant, Arnari Gauta, Svavari Erni,
Ásgeiri Kolbeinssyni, Sverri Bergmann og Heiðari
Austmann meðal annarra. Hálfgert hnakkalandslið ef
svo má segja. Útvarpsmaðurinn Svali og Logi Berg-
mann eru einnig meðlimir en komust ekki í þetta
sinn.
Djöflarnir hittast tvisvar til þrisvar á ári og
gera sér glaðan dag og í þetta sinn var yfirskrift-
in Áfengi í hár. „Það eina sem þeir eiga eftir að gera
er að hella því í hárið á sér,“ útskýrir Jón Gunnar og
glottir. „Þessi hópur samanstendur af mönnum sem
hafa gaman af að lyfta sér upp. Þetta byrjaði fyrir
einhverjum árum og náði hámarki á laugardaginn,“
segir hann og eins og í öllum alvöru strákapartíum
var kvenfólki meinaður aðgangur. „Trúðu mér, þær
hefðu hrökklast út af hræðslu við að sjá þessa fjöru-
tíu geðsjúklinga koma saman og fá sér í glas. Þetta er
eins og þegar menn fara til Vegas. Það sem gerist á
Djöflakvöldum er bara á Djöflakvöldum.“
Grillið var að sjálfsögðu dregið fram og sá Rúnar
Gíslason hjá Kokkunum.is um að allt rynni ljúft ofan
í mannskapinn. „Það var boðið upp á nautasteik og
bernaise með því. Þetta var bara dýrindis karlasteik
og málið dautt.“
Eftir það hélt pakksatt strákastóðið út í nóttina á
vit ævintýranna þar sem gleðskapurinn hélt áfram
sem aldrei fyrr. - fb
Stjörnum prýtt strákapartí
ÞRISVAR SINNUM ARNAR Arnar Grant, Arnar Gauti og fótbolta-
kappinn Arnar Gunnlaugsson í strákapartíinu hjá Jóni Gunnari.
ÞRÍR FLOTTIR Ásgeir Kolbeinsson, Hannes Steindórsson fast-
eigna sali og Gillzenegger, eða Störe eins og hann kallar sig núna.
„Hann hefði
getað orðið
hvað sem hann
vildi.“
BOB DYLAN
Undrandi á því að
Barack Obama
Bandaríkjaforseti
hafi ákveðið að
verða stjórnmála-
maður.
„Ég er á réttri
leið. Ég er orðin
þrítug. Það
hjálpar þegar
maður er kom-
inn á þennan
aldur.“
JENNIFER LOVE
HEWITT
Jafnar sig á skiln-
aðinum við Ross
McCall í janúar.„Ég var mjög spenntur og
líka mjög taugaóstyrkur
vegna þess að ég er mikill
aðdáandi þáttanna.“
MEAT LOAF
Talar um leik sinn í þáttunum House
þar sem hann fer með hlutverk
dauðvona manns.
NÝTT Á ÍSLANDI
Opið alla páskana
Leikjaland fyrir fjölskylduna
1000m2
LEIKSKÓLAR
HÓPAR
KORPUTORGI
AFMÆLI Þ
ITT HÉR
www.krakkahollin.is
sími: 860 0091