Morgunblaðið - 01.02.2008, Blaðsíða 13

MORGUNBLAÐIÐ FÖSTUDAGUR 1. FEBRÚAR 2008 13
ALÞINGI
SEIGLA ehf. á Akureyri hefur
samið um smíði á um 10 plastbátum
fyrir Norðmenn. Tveir þessara báta
voru sjósettir í vikunni og verða
þeir afhentir eigendum innan tíðar.
Bátarnir eru af gerðinni Seigur
1100 W og eru þeir rétt innan við 11
metra langir og 4,6 metrar á breidd.
,,Tveir bátar af gerðinni Seigur
voru seldir til Noregs á síðasta ári,
þar af var annar þeirra frá Siglu-
fjarðarseig. Við höfum staðið fyrir
markaðsátaki í Noregi sem er nú að
skila sér með þessum góða árangri.
Bátasmíðin hefur verið mjög lífleg
fyrir íslenzka markaðinn undanfarin
misseri. Þar er nú að hægjast um
og því er ánægjulegt að norskir
smábátasjómenn skuli vera að taka
svona hraustlega við sér,“ segir
Sverrir Bergsson, sölustjóri hjá
Seiglu ehf. á Akureyri, í samtali við
Morgunblaðið.
Bátarnir fara báðir til Karlsöy í
Noregi. Annar þeirra er hálfyfir-
byggður línubátur með beitningar-
vél en hinn er opinn netabátur. 10
aðrir bátar hafa verið pantaðir og
verða afhentir á næstu 15 mánuð-
um. Seigur 1100 W er sérhannaður
fyrir norska smábátasjómenn en
báturinn er áþekkur Seig 1250 W
sem smíðaður hefur verið fyrir ís-
lenzka krókaaflamarkskerfið, t.d.
Sæunn Sæmundsdóttir ÁR. Norska
smábátakerfið er byggt á lengdar-
takmörkum, sem þessir bátar eru
sniðnir að, en þeir eru 10,99 metrar
á lengd og 4,6 metrar á breidd og
eru þeir því breiðasti báturinn í boði
í þessum stærðarflokki.
Tonnatalan skiptir ekki máli en
bátarnir mundu líklegast mælast 18
tonn miðað við íslenzkar reglur.
Þeir eru stórir og rúmgóðir með
miklu dekkplássi. Lestin er stór og
rúmar 25 stykki af 450 lítra körum.
Í lúkar er svefnpláss fyrir 5 manns
fyrir utan borðstofu og aðstöðu til
eldunar. Í lúkar og stýrishúsi er hiti
í gólfi. Bátarnir geta gengið 26 míl-
ur. Vélin í öðrum þeirra er 14 lítra
Yanmar 700 hestafla en í hinum er
16 lítra Volvo Penta 750 hestafla
vél.
Seigur ehf. hefur hannað tvær
gerðir af bátum fyrir norska mark-
aðinn sem eru innan 11 metra
lengdarmarkanna 1100 W og 1100
T. Þeir eru svipaðir í útliti, nema að
1100 T er ekki eins breiður og1100
W. Þá er Seigla með einn 15 metra
bát í smíðum fyrir Norðmenn, sem
telst einnig vera smábátur, og verð-
ur hann afgreiddur í maí næstkom-
andi. Sverrir sagði að sá bátur væri
stærsti plastbátur sem smíðaður
hefur verið á Íslandi.
,,Mikil eftirspurn er í Noregi eftir
smábátum frá Seiglu. Það er vand-
aður frágangur og breidd bátsins
sem vekur miklar eftirvæntingar
hjá Norðmönnum ásamt þeirri sér-
stöðu Seiglubátanna að þeir eru all-
ir útbúnir fellikili. Fellikjölurinn
eykur stjórnhæfni bátsins langt um-
fram aðra sambærilega báta, sér-
staklega við erfiðar aðstæður. Þessi
búnaður hefur vakið verðskuldaða
athygli,“ segir Sverrir.
Seigla smíðar 10 smábáta fyrir Norðmenn
Morgunblaðið/Þorgeir Baldursson
Bátasmíði Annar báturinn sem fer nú til Noregs er hálfyfirbyggður línubátur.
Norska smábátakerfið er byggt á lengd-
artakmörkum, sem þessir bátar eru
sniðnir að, en þeir eru 10,99 metrar á
lengd og 4,6 metrar á breidd
ÚR VERINU
Eftir Höllu Gunnarsdóttur
halla@mbl.is
Á ÍSLAND að gerast aðili að Evr-
ópusambandinu (ESB)? Er krónan
ónýtur gjaldmiðill?
Þetta var meðal þrætuepla á Al-
þingi í gær þegar utanríkisráðherra
flutti skýrslu um Ísland á innri
markaði Evrópu. Sú nýbreytni að
sérstök skýrsla sé flutt um Evrópu-
mál mæltist almennt vel fyrir hjá
þingmönnum og fram kom skýr
krafa um að Alþingi kæmi meira að
stefnumótun og ákvarðanatöku
varðandi framkvæmd samningsins
um Evrópska efnahagssvæðið
(EES). „Í raun sætir það furðu að
þingið hafi sætt sig við að vera nán-
ast afskipt í Evrópuumræðunni,“
sagði Bjarni Benediktsson, formað-
ur utanríkismálanefndar Alþingis,
og lagði áherslu á að þingið yrði
ekki einungis þiggjandi gagnvart
framkvæmdavaldinu í þessum efn-
um heldur tæki eigið frumkvæði.
Ingibjörg Sólrún Gísladóttir utan-
ríkisráðherra lagði áherslu á að
EES-samningurinn væri fyrst og
fremst alþjóðasamstarf á stjórn-
sýslustigi en að Ísland ætti engu að
síður að reka hagsmunamál sín sem
það væri aðildarríki.
Eilíf hamingja og sæla?
Ingibjörg sagði íslensku krónuna
stefna í að vera viðskiptahindrun
auk þess sem smæð gjaldmiðilsins
kostaði almenning mikið. „Aðstæður
knýja á um að allir stjórnmálaflokk-
ar og forysta atvinnulífs og laun-
þegahreyfinga hreinsi borðið – leiti
fyrst sameiginlegs skilnings á að-
stæðum og síðan nýrra lausna sem
styrki Ísland til framtíðar,“ sagði
Ingibjörg en áréttaði að einhliða
upptaka evru væri útilokuð.
Steingrímur J. Sigfússon, formað-
ur Vinstri grænna, lagði áherslu á
að efnahagsvandræði líðandi stund-
ar hefðu ekkert með krónuna að
gera heldur hagstjórnarmistök, of
háa verðbólgu og vexti. „Ef við ætl-
um inn í Evrópusambandið og
myntbandalagið þurfum við hvort
sem er að koma þessum hlutum í
lag,“ sagði Steingrímur og minnti á
að með aðild að ESB væri Ísland
jafnframt að láta af sjálfstæðri hag-
stjórn. „Það er auðvitað ekki þannig
að öll okkar vandamál gufi upp eins
og dögg fyrir sólu og eilíf hamingja
og sæla bíði okkar með því einu að
ganga í Evrópusambandið og taka
upp evru.“
Tvíhöfða nefnd
Steingrímur varaði jafnframt við
því að líta svo á að velgengni Íslands
mætti einkum þakka EES-samn-
ingnum og Kristinn H. Gunnarsson,
þingmaður Frjálslynda flokksins,
tók í sama streng hvað það varðaði.
Benti hann á að í skýrslunni stæði
að Ísland hefði gerst virkur þátttak-
andi í Evrópusamrunanum með að-
ildinni að EFTA árið 1970. Ferlið
hefði því staðið í tæp fjörutíu ár en
ekki endilega aðeins frá því að Ís-
land gerðist aðili að EES. „Kannski
er sú ákvörðun ekki síður afdrifarík
í þessum efnum,“ sagði Kristinn.
Siv Friðleifsdóttir, Framsókn,
sagði skiptar skoðanir á mögulegri
aðild vera innan síns flokks en að
hennar skoðun væri að ekki ætti að
sækja um að sinni en hugsanlega í
framtíðinni. Hún setti jafnframt
spurningarmerki við að áætluð
nefnd um Evrópumál ætti að vera
„tvíhöfða“, þ.e. með tvo formenn.
„Hér blasir við trúnaðarbrestur
milli ríkisstjórnarflokkanna,“ sagði
Siv.
Í máli Björns Bjarnasonar dóms-
málaráðherra kom fram að það hefði
vantað upp á að Ísland nýtti þau úr-
ræði sem það hefði til að standa
vörð um hagsmuni sína á vettvangi
Evrópu. „Einkennilegt er að fjarg-
viðrast yfir því að Íslendingar hafi
ekki áhrif á löggjafar- og reglusetn-
ingu á vettvangi Evrópusambands-
ins þegar á sama tíma er látið undir
höfuð leggjast að nýta þau tækifæri
til áhrifa sem eru fyrir hendi og um
hefur verið samið,“ sagði Björn og
áréttaði að Ísland yrði ekkert betur
sett innan Evrópusambandsins ef
ekki yrði lögð áhersla á að gæta ís-
lenskra hagsmuna til hins ýtrasta.
Alþingi komi meira að
ákvörðunum um Evrópumál
Krónan stefnir í
að verða viðskipta-
hindrun, segir
utanríkisráðherra
Árvakur/Golli
Hindrun Íslenska krónan stefnir í að verða viðskiptahindrun, sagði Ingibjörg Sólrún Gísladóttir á Alþingi í gær.
Fáránleg spurning
Dómaraskipan var enn á ný rædd á
Alþingi í gær en Árni Þór Sigurðsson,
VG, gerði ályktun Dómarafélags Ís-
lands að umræðuefni og vildi m.a. fá
svör forsætisráðherra við því hvenær
settur dómsmálaráðherra fékk málið
til meðferðar og hversu langan tíma
hann notaði til að skoða það. Geir H.
Haarde sagði spurninguna fáránlega
enda væri ekki hægt að ætlast til
þess að ráðherra hefði á takteinum
einstakar dagsetningar í óund-
irbúnum fyrirspurnartíma. Geir árétt-
aði hins vegar að nefndin hefði metið
alla umsækjendur hæfa og að ráð-
herra hefði ekki getað skipað óhæf-
an einstakling.
Lýsi á línuna
Það er ekki gam-
an að eiga Norð-
urlandamet í hlut-
falli transfitusýra í
mat, sagði Siv
Friðleifsdóttir,
Framsóknarflokki,
á þingi í gær og
kallaði eftir
breyttri löggjöf til
að vernda Íslend-
inga fyrir þessum slæmu sýrum. Siv
sagði um 50 þúsund manns falla frá
árlega í Evrópu vegna sjúkdóma
tengdra transfitusýrum, en að Íslend-
ingar hefðu vörn í lýsinu. „Á meðan
við erum ekki búin að laga til hjá okk-
ur þá er mjög brýnt að allir taki lýsi.“
Ekki æfingabúðir
„Ísland á ekki að
vera í hlutverki
æfingabúða fyrir
orrustuflugmenn
erlendra ríkja og
hæstvirtir ráð-
herrar ríkisstjórn-
arinnar ættu að
sjá sóma sinn í
því að tryggja ör-
yggi flugfarþega
og afþakka bara
að öllu leyti herflugsæfingar við land-
ið,“ sagði Steinunn Þóra Árnadóttir,
VG, á þingi í gær og vildi viðbrögð frá
utanríkisráðherra við fregnum um að
orrustuþotur danska hersins hefðu
farið of nálægt farþegaþotum á flugi.
Ingibjörg Sólrún Gísladóttir sagðist
myndu skoða þessi mál en að ekki
væri ástæða til að draga fram sam-
líkingu milli þessara tilfella í Dan-
mörku og æfingaflugs hér á landi.
Gengið væri þannig frá málum að
ekki ætti að vera hætta á ferðum.
Siv Friðleifsdóttir
Steinunn Þóra
Árnadóttir
ÞETTA HELST …
ÁGÚST Ólafur Ágústsson, Sam-
fylkingu, og Illugi Gunnarsson,
Sjálfstæðisflokki, munu leiða sér-
staka nefnd um þróun Evrópu-
mála sem á m.a. að skoða hvern-
ig hagsmunum Íslands er best
borgið í framtíðinni gagnvart
Evrópusambandinu. Allir þing-
flokkar fá að tilnefna fulltrúa í
nefndina auk ASÍ, Samtaka op-
inberra starfsmanna, Samtaka at-
vinnulífsins og viðskiptaráðs Ís-
lands.
Ágúst Ólafur
Ágústsson
Illugi
Gunnarsson
Leiða nefnd
um Evrópumál