Morgunblaðið - 06.03.2008, Blaðsíða 27

MORGUNBLAÐIÐ FIMMTUDAGUR 6. MARS 2008 27
✝ Einar BjarniSturluson fædd-
ist á Hreggsstöðum
á Barðaströnd í
Vestur-Barða-
strandarsýslu 22.
janúar 1919. Hann
lést á Hrafnistu í
Reykjavík 25. febr-
úar síðastliðinn.
Foreldrar hans voru
hjónin Sturla Ein-
arsson, bóndi á
Hreggsstöðum, f. 1.
júní 1885, d. 10. júlí
1930, og Valgerður
Bjarnadóttir, húsfreyja og bóndi,
f. 17. október 1889, d. 18. ágúst
1978. Systkini Einars voru Krist-
ján Pétur, f. 1908, d. 1908, Ragnar
Valdimar, f. 1909, d. 1974, Jónína,
f. 1911, d. 1928, Margrét Björg, f.
1915, d. 1993, Unnur Hólmfríður,
f. 1924, d. 1998 og Kristjana Há-
konía, f. 1926, d. 2000.
Einar kvæntist hinn 24. desem-
ber árið 1950 Kristínu Andr-
ésdóttur frá Hamri í Múlasveit, f.
11. maí 1924. Foreldrar hennar
voru Andrés Gíslason bóndi, f. 20.
apríl 1888, d. 5. mars 1976 og
Guðný Gestsdóttir húsfreyja, f. 12.
ágúst 1895, d. 9. apríl 1987. Börn
Einars og Kristínar eru: 1) Gísli
Már, f. 1951, d. 1970; 2) Valgerður
Björk, f. 1952, maki Einar Helgi
Björnsson, f. 1948, skilin, börn
þeirra a) Helga Björk, f. 1973,
maki Guðlaug F. Þorsteinsdóttir,
f. 1968, b) Ágúst Freyr, f. 1979,
unnusta Nína Dröfn Eggerts-
dóttir, f. 1987, dóttir hans og Sig-
nýjar Hafsteinsdóttur, f. 1983, er
Rakel Björk, f. 2000; 3) Guðný
Alda, f. 1953, maki Ingimundur
2003. Fyrir átti Kristín; Maríu
Henley, f. 1944, unnusti Kristján
Ólafsson, f. 1939, börn hennar og
eiginmanns hennar Vilhjálms Þórs
Þorbergssonar, f. 1931, d. 1992, a)
Kristín, f. 1967, maki Bárður Ol-
sen, f. 1967, börn þeirra María
Henley, f. 1999 og Vilhjálmur Þór,
f. 2005, b) Vilhjálmur Þór, f. 1975,
maki Anna Dóra Sverrisdóttir, f.
1978, börn þeirra Kristín María, f.
1999 og Sverrir Þór, f. 2005.
Einar hleypti heimdraganum 17
ára og fór að læra bátasmíðar hjá
Valdimar Ólafssyni í Hvallátrum á
Breiðafirði og fékkst við það í
nokkur ár ásamt bátasmíðum
heima í sveitinni. Eftir það fór
hann til Reykjavíkur þar sem hann
vann í Slippfélaginu meðfram
námi sínu við Iðnskólann í Reykja-
vík. Hann lauk sveinsprófi í skipa-
smíði og hlaut síðar meistararétt-
indi í iðninni. Hann var einn
stofnenda Bátasmíðastöðvar
Breiðfirðinga (síðar Bátalón hf.) í
Hafnarfirði. Árið 1957 söðluðu
þau hjón um og fluttu vestur að
Hreggsstöðum á Barðaströnd,
ættaróðali Einars, þar sem hann
stundaði búskap ásamt smíðum,
auk þess að vera virkur í sveit-
arstjórnarmálum, til ársins 1966
er þau fluttu suður aftur. Þau
bjuggu fyrst í Mosfellssveit en síð-
an á Akranesi. Einar vann um
tíma við Búrfellsvirkjun enda stóð
hugur hans ávallt mjög til virkj-
ana og framfara. Hann hóf síðan
aftur störf hjá Bátalóni hf. sem
verkstjóri og vann þar til starfs-
loka. Þau Einar og Kristín fluttu
árið 1973 í Æsufell 4 í Reykjavík
þar sem þau bjuggu til þess er þau
fluttu á Hrafnistu í Reykjavík í
árslok 2004.
Útför Einars fer fram frá Foss-
vogskirkju í dag og hefst athöfnin
klukkan 11.
Brynjólfsson, f. 1920,
d. 1988; 4) Þórdís
Heiða, f. 1955, börn
hennar a) Einar Már
Jónsson, f. 1974, d.
2001, dóttir hans og
Berglindar Garð-
arsdóttur, f. 1977 er
Hrafnhildur Eva, f.
1999. Með fyrrver-
andi maka, Ásgrími
Guðmundssyni, f.
1957, b) Ásgrímur
Fannar, f. 1982, unn-
usta Katrín Dröfn
Guðmundsdóttir, f.
1983, c) Ásdís Erla, f. 1989; 5)
Sturla, f. 1957, maki Freyja Val-
geirsdóttir, f. 1957, börn þeirra a)
Valgeir Már, f. 1978, maki Berg-
lind Hansen, f. 1976, synir þeirra
Kristófer Númi, f. 1999 og Nikulás
Ýmir, f. 2002, b) Einar Bjarni, f.
1980, maki Þórdís Steinarsdóttir,
f. 1980, barn þeirra Frosti, f. 2006,
c) Elvar Örn, f. 1984, maki Jenný
Lind Sigurjónsdóttir, f. 1985, dótt-
ir Elvars, Elva Marín, f. 2004, d)
Jón Kristófer , f. 1992, e) Sigríður
Lena, f. 1993, f) Gunnlaugur Berg,
f. 1995; 6) Andrés Einar, f. 1960,
maki Halldóra Berglind Brynj-
arsdóttir, f. 1961, börn þeirra a)
Sandra Ösp, f. 1981, sonur hennar,
Almar Blær Ragnarsson, f. 2000,
b) Kristín Lind, f. 1983, sambýlis-
maður Kormákur Friðriksson, f.
1984, c) Brynjar Már, f. 1986, d)
Einar Logi, f. 2002; 7) Guðrún
Björg, f. 1966, maki Helgi Guðjón
Bjarnason, f. 1965, börn þeirra a)
Alexander, f. 1986, maki Rakel
Ágústsdóttir, f. 1981, b) Rík-
harður, f. 1991, c) Arinbjörn
Helgi, f. 2001, d) Matthías Einar, f.
Til minningar um ástkæran eig-
inmann.
Hve lán mitt var stórt,
þegar leið okkar sveigðist saman
og líf mitt var tengt þér
með börnum og björtum vonum.
Og allt sem þú gafst
þótt laun yrðu lítil stundum,
margt ljúft er í minni
frá liðnum árum.
(Einar B. Sturluson.)
Með þökk fyrir árin okkar saman.
Kristín Andrésdóttir.
Elsku pabbi minn.
Þú ortir þetta ljóð til mín fyrir
nokkrum árum og þykir mér óskap-
lega vænt um það.
Mín hugsun til þín endurspeglast í
þessu ljóði:
Þú átt svo margt sem öðrum miðlað getur
og allar þínar gjörðir lýsa þér.
Þá ekkert sýnir innri mann þinn betur
og góðleik hugans sem þitt viðmót ber.
Því líkt og sólin ljós og yl oss gefur
en birtan dofnar ef hún ekki skín.
Slík áhrif þú á aðra stundum hefur
megi það ávallt vera gæfa þín.
(EBS.)
Þú gafst mér svo margt og ég er
svo þakklát fyrir það.
Takk fyrir að vera pabbi minn.
Þín dóttir
Valgerður Björk.
Mig langar að kveðja elsku pabba
minn, með þökk fyrir allt og allt.
Einnig með byrjun á einu af hans
uppáhaldsljóðum, sem mér þykir
mjög lýsandi fyrir hann.
Þú fólk með eymd í arf!
Snautt og þyrst við gnóttir lífsins linda,
litla þjóð, sem geldur stórra synda,
reistu í verki
viljans merki –
vilji er allt, sem þarf.
Trúðu á sjálfs þín hönd, en undur eigi.
Upp með plóginn. Hér er þúfa í vegi.
Bókadraumnum,
böguglaumnum
breyt í vöku og starf.
Þú, sonur kappakyns!
Lít ei svo með löngun yfir sæinn,
lút ei svo við gamla, fallna bæinn,
byggðu nýjan,
bjartan, hlýjan,
brjóttu tóftir hins.
Líttu út og lát þér segjast, góður,
líttu út, en gleym ei vorri móður.
Níð ei landið,
brjót ei bandið,
boðorð hjarta þíns.
(Einar Benediktsson.)
Minning hans mun lifa.
Megi Guð vera með okkur öllum.
Elskandi dóttir,
Þórdís Heiða.
Elsku pabbi, ég kveð þig með sár-
um söknuði. Við áttum eftir að gera
svo margt saman, t.d. að fara austur
að Kárahnjúkum á þessu ári í okkar
þriðju ferð, en þangað höfum við far-
ið með tveggja ára millibili til að
fylgjast með framkvæmdum þar.
Slíkar stórframkvæmdir sem og
aðrar smærri vöktu ætíð áhuga þinn
– og ef hægt hefði verið að koma því
við hefðir þú hreinlega viljað vera
með annan fótinn fyrir austan á
þessu stórframkvæmdasvæði. Þú
varst mikill hugsjónamaður og
áhugasamur um allar framkvæmdir
sem lutu að framförum og fram-
gangi góðra málefna í þjóðfélaginu,
sem t.d. sýndi sig vel á þeim níu ár-
um er við bjuggum á Hreggsstöðum.
Þar vannst þú ötullega að sveitar-
stjórnarmálum, úrræðagóður, og
barðist fyrir úrbótum á ýmsum svið-
um í sveitinni. Reyndar var elja þín,
dugnaður og nákvæmni við allt sem
þú tókst þér fyrir hendur eftirtekt-
arvert og þitt aðalsmerki. Vonast ég
til að geta eftir mætti fylgt þínum
hugsjónum eftir á sem flestum svið-
um.
Að þurfa allt í einu að minnast þín
breytir svo miklu og hugurinn reik-
ar til liðinna stunda, sem við áttum
svo margar og góðar saman, enda
hefur þú í fimmtíu ár staðið við bak-
ið á mér og seinna mínum. Á þessum
vettvangi í stuttum pistli verður erf-
itt að gera því sem í hugarfylgsninu
lifir nema takmörkuð skil, og að
reyna að lýsa þér og þínum stór-
brotna persónuleika er ekki hægt í
fáum orðum. En víst er að eftir sitja
margar góðar og ljúfar minningar
um æðrulausan og traustan fjöl-
skylduföður.
Mig langar að nefna hreint frá-
bæra ferð sem við fórum síðsumars
á síðasta ári ásamt Völlu systur til
heimahaga okkar vestur á Barða-
strönd. Við komum að Hreggsstöð-
um, okkar ættaróðali, ásamt því að
vísitera nokkra bæi á Ströndinni og
varst þú óþreytandi í að miðla sögu
sveitarinnar og fróðleik til okkar
systkinanna. Eftir á að hyggja er
eins og þú hafir í innstu fylgsnum
huga þíns gert þér grein fyrir að þú
ættir ekki afturkvæmt á þessar slóð-
ir.
Kæri faðir, bara að ég hefði brot
af þinni djúpu hugsun og atferli, þú
varst í mínum huga einstakur mað-
ur, og ég leyfi mér að trúa því og
treysta að eitthvað af eiginleikum
þínum fylgi mér og verði mér til eft-
irbreytni á lífsleiðinni.
Á haustdögum tók heilsu þinni að
hraka til muna sem endaði með að
síðustu þrír mánuðirnir urðu afskap-
lega erfiðir, fyrst og fremst fyrir þig
en einnig fyrir okkur sem elskuðum
þig svo mikið.
Um leið og ég kveð þig, kæri faðir,
langar mig að þakka þér innilega
fyrir að hafa verið sá sem þú varst –
einlægur og umhyggjusamur, faðir,
afi og langafi.
Mitt verk er, þá ég fell og fer,
eitt fræ, mitt land, í duft þitt grafið;
mín söngvabrot, sem býð ég þér,
eitt blað í ljóðasveig þinn vafið.
En innsta hræring hugar míns,
hún hverfa skal til upphafs síns,
sem báran – endurheimt í hafið.
Svo skapast allt, jafnt orð sem dáð,
við iðugeislann, fagra og hlýja.
Og lífstréð rís í röðuls náð
frá rústum vona – í hallir skýja.
Og hátt til lofts, sem lauf þess nær,
og lágt til djúps, sem rót þess grær,
skal blað hvert stofnsins vexti vígja.
(Einar Benediktsson.)
Megi guð og góðar vættir vaka yf-
ir þér, elsku pabbi, þar til við um síð-
ir hittumst hinum megin.
Elskulegri móður minni votta ég
innilega samúð mína.
Sturla Einarsson.
Nokkur orð að skilnaði.Vissulega
er skarðið stórt sem eftir stendur
við brottför þína og þetta skarð
verður aldrei hægt að fylla en þar
sem þú kemur til með að lifa í minn-
ingunni um ókomna tíð og hvetja til
dáða verður skarðið brúað með tíð
og tíma. Ekki get ég farið að viðra
allar þær góðu minningar sem
hrannast upp í hugann við þessi
kaflaskil því það yrði efni í heila bók
en ákveðnir mannkostir þínir tvinna
þó allar þessar minningar saman,
svo sem óbifandi styrkur, trygg-
lyndi, umhyggja, kímni og framtaks-
semi.
Eilíflega mun ég verða þakklátur
fyrir þá gæfu sem ég varð aðnjót-
andi að eiga þig að og allar þær sam-
verustundir sem við áttum. Þó ein-
ungis lítið brot þeirra fræja sem þú
sáðir í sál mína nái að dafna munu
þau samt gera mig að mun betri
manni.
Ef framhaldið ræðst af því hverju
þú sáðir í lifanda lífi þá er ég viss um
að þín bíður góð uppskera.
Takk fyrir allt, pabbi minn, og
megi allar góðar vættir halda þér í
hönd.
Þinn sonur
Andrés Einar Einarsson.
Nú þegar Einar tengdafaðir minn
og vinur er fallinn frá langar mig í
nokkrum orðum að minnast þess
sem hann gaf mér með vinskap sín-
um. Leiðir okkar Einars lágu fyrst
saman þegar ég kom á heimili hans
og Kristínar og var kynntur sem
verðandi tengdasonur. Strax við
fyrstu kynni fann ég fyrir hversu
gott var að vera nálægt Einari. Við-
mót hans einkenndist af hlýju og
áhuga hans á því fólki sem hann
kynntist. Einar var góður eiginmað-
ur og faðir. Þetta sást vel á sam-
bandi hans við fjölskyldu sína, hann
var nærgætinn við fólkið sitt, hafði
næmt auga fyrir hvenær einhver í
hópnum var ekki upp á sitt besta og
reyndi eftir megni að hjálpa til. Og
þegar hópurinn stækkaði nutu bæði
tengdabörn og barnabörn sömu
hlýju.
Einar var alla ævi ákaflega vinnu-
samur, hann byrjaði ungur að aldri
að hjálpa til við heimilið. Snemma
kom í ljós að Einar var mikill hag-
leiksmaður, hann hafði alla ævi
ánægju af því að vinna, sér í lagi átti
þetta við um smíðar og við þær undi
hann sér löngum stundum. Hann
lauk námi í skipasmíði frá Iðnskól-
anum í Reykjavík og gerðist meist-
ari í þeirri grein. Það voru mikil sér-
réttindi að fá að vinna með Einari og
njóta leiðsagnar hans. Hann taldi
ekkert verk svo lítið að ekki þyrfti
að gera sitt besta. Þetta sást á verk-
um hans, þau voru alltaf unnin af al-
úð. Einar hafði alla tíð mikinn áhuga
á umhverfinu, hann var vel lesinn og
lagði sig fram um að fylgjast með
nýjungum, það var ekki sjaldan sem
Einar hafði samband til að fá ein-
hvern með sér til að skoða fram-
kvæmdir sem voru í gangi.
Einar upplifði miklar breytingar á
sinni lífsleið og hann fékk sinn skerf
af áföllum í lífinu, þau áföll nálgaðist
hann af skynsemi. Það var einmitt
ró og skynsemi sem voru aðalsmerki
Einars. Það voru mikil sérréttindi
að fá að þekkja Einar og tel ég að
hann hafi átt stóran þátt í að móta
mína lífssýn og gera mig að betri
manni. Fyrir það verð ég ævinlega
þakklátur en því miður er komið að
kveðjustund.
Helgi Guðjón.
Einar Bjarni Sturluson
✝
Elskulegur faðir okkar, tengdafaðir, afi og langafi,
ÞORSTEINN ÞORSTEINSSON,
Vesturvegi 4,
900 Vestmannaeyjum,
lést á Heilbrigðisstofnun Vestmannaeyja laugar-
daginn 1. mars.
Jarðarför auglýst síðar.
Aðstandendur.
✝
Ástkær eiginmaður minn, faðir, tengdafaðir, afi og
langafi,
ÞÓR ÞORSTEINSSON,
fyrrv. kaupmaður og lögskráningafulltrúi,
sem lést þriðjudaginn 4. mars í Skógarbæ verður
jarðsunginn frá Bústaðakirkju fimmtudaginn
13. mars kl. 13.00.
Anna Hulda Sveinsdóttir,
Guðrún Þórsdóttir, Ólafur Stefánsson,
Einar Þór Þórsson, Anna Karlsdóttir,
barnabörn og barnabarnabörn.
✝
Elskuleg móðir okkar, tengdamóðir, amma, lang-
amma og langalangamma,
SÓLVEIG SIGURÐARDÓTTIR,
Suðurgötu 51,
Keflavík,
lést á Heilbrigðisstofnun Suðurnesja mánudaginn
3. mars.
Jarðarförin verður auglýst síðar.
Halldóra Jensdóttir, Ari Sigurðsson,
Magnea Eyrún Jensdóttir,
Sveinbjörg Eygló Jensdóttir,
Jóhannna Jensdóttir, Erich Sehner,
barnabörn, barnabarnabörn og barnabarnabarnabörn.
✝
Elskuleg systir okkar,
HALLDÓRA SIGURJÓNSDÓTTIR,
andaðist á hjúkrunarheimilinu Skjóli
miðvikudaginn 5. mars.
Fyrir hönd annarra aðstandenda,
Hafsteinn Sigurjónsson,
Henný Bartels.