Morgunblaðið - 07.05.2008, Blaðsíða 4

4 MIÐVIKUDAGUR 7. MAÍ 2008 MORGUNBLAÐIÐ
FRÉTTIR
ÞAÐ er ekki hægt að segja að veðr-
ið hafi leikið við krónprinshjónin
Friðrik og Mary er þau lögðu land
undir fót í gær. Þau virtust þó ekki
láta rigninguna á sig fá og nutu
þess að skoða sig um á Þingvöllum,
virða fyrir sér Gullfoss og fylgjast
með virkni á hverasvæðinu við
Geysi. Þau komu reyndar við í
versluninni á staðnum og keyptu
sér íslenskan útivistarfatnað en
fljótlega eftir kaupin stytti upp.
Á Þingvöllum snæddu þau há-
degisverð í boði Geirs H. Haarde
forsætisráðherra og fóru að því
loknu í gönguferð um Almannagjá
ásamt Ólafi Ragnari Grímssyni, for-
seta Íslands.
Við Geysi skoðuðu Friðrik og
Mary m.a. konungssteinana svo-
kölluðu en þeir bera skrautverk
sem höggvið er í þá, ásamt ártöl-
unum 1874, 1907 og 1921, til minn-
ingar um heimsóknir þriggja Dana-
konunga til landsins.
Dansk-íslenska viðskiptaráðið hef-
ur nýverið gengist fyrir endurgerð
áletrunar á steinunum með stuðn-
ingi Samskipa, Marels, Rexams og
FIH bankans, dótturfélags Kaup-
þings í Danmörku.
Síðdegis hélt svo krónprinsparið
til Eyrarbakka þar sem fyrst var
litið inn í kirkjuna á staðnum en alt-
aristaflan var máluð af Louise
drottningu Kristjáns níunda Dana-
konungs árið 1891.
Í dag hefst heimsókn hjónanna til
Stykkishólms og fara þau m.a. í
siglingu um Breiðafjörð.
Áhugasöm Krónprinsparið skoðaði sig um á hverasvæðinu við Geysi og
kannaði Friðrik prins hitastigið á staðnum við það tækifæri.
Morgunblaðið/Friðrik
Brosmild Friðrik krónprins og kona hans, Mary, nutu þess að ganga um Almannagjá á Þingvöllum í gær þrátt fyrir rigningu.
Friðrik krónprins Danmerkur og Mary, kona hans, á ferð um Ísland
Nutu íslenskrar náttúru
Eftir Andra Karl
andri@mbl.is
FJÁRMAGN til mannréttindamála í Reykjavík-
urborg verður ekki skorið niður en því fremur
varið í vel skilgreind einstök verkefni í stað þess
að ráða fleira starfsfólk á mannréttinda-
skrifstofu borgarinnar. Auglýst hefur verið eftir
mannréttindastjóra og mun með honum starfa
verkefnastjóri. Tekist var á um málið á borg-
arstjórnarfundi í gærdag.
Hundrað daga meirihlutinn svokallaði eyrna-
merkti um 80 milljónir króna til mannréttinda-
mála, þar á meðal átti að fjölga starfsmönnum á
mannréttindaskrifstofu borgarinnar. Sóley
Tómasdóttir, varaborgarfulltrúi Vinstri grænna,
átaldi meirihlutann fyrir að skera niður fjár-
magn til mannréttindamála og vísaði þar til um-
mæla Ólafs F. Magnússonar borgarstjóra í fjöl-
miðlum. Hún kallaði eftir skýringum Ólafs á
ummælum hans, en þar sagði hann m.a. að þá-
verandi meirihluti væri að víkka út stjórnkerfið
og verkefni skrifstofunnar hefðu verið óljós.
Hann Birna Kristjánsdóttir, borgarfulltrúi
Sjálfstæðisflokks, svaraði því til að ekki stæði til
að skera niður fjármagn. Hins vegar væri að-
eins um að ræða mismunandi sýn á hvernig bet-
ur mætti nýta fjármunina. Sagðist hún virða
skoðanir minnihlutans um að þeim fjármunum
væri betur varið með fjölgun á skrifstofu mann-
réttindamála, en þeirri skoðun væri meirihlut-
inn ekki sammála. Betur færi á að styrkja ein-
stök verkefni á vettvangi mannréttindamála.
Eftir yfirlýsingu Hönnu Birnu um að ekki
stæði til að skera niður, fögnuðu fulltrúar
minnihlutans en vísuðu m.a. til þess að orð
hennar stönguðust á við orð borgarstjóra. Svan-
dís Svavarsdóttir, oddviti Vinstri grænna, ósk-
aði þá eftir svörum um í hvaða vel skilgreindu
verkefni ætti að nýta fjármunina.
Sigrún Elsa Smáradóttir, borgarfulltrúi Sam-
fylkingar, sagði þá ákveðið listform hvernig
borgarfulltrúar Sjálfstæðisflokks skýrðu um-
mæli borgarstjóra.
Ólafur F. kom einnig upp í pontu og sagði
m.a. að um sjónarspil minnihlutans væri að
ræða. Þá vísaði hann því á bug að mannréttinda-
mál væru ekki hátt skrifuð hjá meirihlutanum.
Fjármunum varið í einstök verkefni
RÍKISSTJÓRN Íslands hefur sam-
þykkt tillögu flóttamannanefndar að
bjóða allt að 30 manna hópi palest-
ínskra flóttamanna hæli hér á landi.
Um er að ræða einstæðar mæður og
börn þeirra sem dvelja við bágar að-
stæður í flóttamannabúðum í Írak.
Í flóttamannanefnd sitja fulltrúar
félags- og tryggingarmálaráðherra,
utanríkisráðherra og dóms-
málaráðherra og fulltrúi frá Rauða
krossi Íslands.
Aðstæður flóttamannanna verða
nákvæmlega kannaðar og að því
loknu mun sendinefnd með fulltrú-
um flóttamannanefndar og fulltrúa
Útlendingastofnunar halda til flótta-
mannabúðanna í Írak og taka við
þau viðtöl. Akraneskaupstaður hef-
ur til umfjöllunar erindi frá flótta-
mannanefnd um að taka á móti
hópnum.
Ákvörðun ríkisstjórnarinnar um
móttöku palestínsku flóttamann-
anna grundvallast á nýlegu sam-
komulagi um móttöku flóttamanna
til tveggja ára.
Boðið hæli
hér á landi
LÖGREGLAN á Selfossi fékk í gær
nýja kæru til meðferðar á hendur sr.
Gunnari Björnssyni sóknarpresti
vegna meintra kynferðisbrota. Kær-
andi er stúlka undir 18 ára aldri og
er hún þriðja stúlkan sem leggur
fram kæru á hendur prestinum.
Ólafur Helgi Kjartansson sýslumað-
ur á Selfossi staðfesti við Morg-
unblaðið í gær að þriðja kæran hefði
borist. Ólafur Helgi segir að búið sé
að leggja drög að því að taka
skýrslur af þeim stúlkum tveimur
sem fyrstar lögðu fram kæru.
Þjóðkirkjan hefur veitt sr. Gunn-
ari leyfi frá störfum vegna málsins.
Sr. Gunnar
kærður á ný
RAUÐI kross Íslands hefur veitt 5
milljónir króna úr hjálparsjóði sín-
um til neyðaraðstoðar í Búrma til
handa fórnarlömbum fellibylsins
Nargis sem reið yfir landið síðasta
föstudag. Rauði krossinn hefur
þegar hafið dreifingu á brýnustu
nauðsynjum svo sem drykkjarvatni,
fatnaði, matvælum, segldúk og
hreinlætisvörum, segir m.a. í til-
kynningu. Yfirvöld hafa staðfest að
yfir 20.000 manns hafi farist í ham-
förunum og fleiri en 40.000 er sakn-
að. Stjórnvöld í Búrma hafa beðið
um alþjóðlega aðstoð.
Þeir sem vilja styðja við neyðar-
aðstoð Rauða krossins í Búrma er
bent á söfnunarsíma RKÍ, 907 2020.
Við hvert símtal dragast 1.200 kr.
frá næsta símreikningi.
Fimm millj-
ónir til Búrma
Reuters
Neyð Ástandið í Burma er víða
slæmt og margir án matar.
UNNIÐ er að undirbúningi sér-
stakrar akreinar fyrir almennings-
vagna og leigubifreiðar á Miklu-
braut, þegar ekið er í vesturátt frá
Skeiðarvogi að Kringlunni. Þar
tengist nýja akreinin strætórein-
inni við Kringluna sem nær niður
að gatnamótum Miklubrautar og
Lönguhlíðar. Samhliða þessum
framkvæmdum verða gerðar end-
urbætur á gatnamótum Miklu-
brautar við Háaleitisbraut og
Grensásveg til að auka öryggi
gangandi vegfarenda.
Sérakrein
fyrir strætó
LÖGREGLAN á höfuðborgarsvæð-
inu stefnir að því að ljúka rannsókn
sinni á meintum kynferðisbrotum
háskólakennara við Háskólann í
Reykjavík fyrir 14. maí næstkom-
andi en þá rennur gæsluvarðhald
hans út. Hann hefur sætt gæslu-
varðhaldi frá fyrri hluta síðasta
mánaðar.
Að sögn Björgvins Björgvinsson-
ar lögreglufulltrúa hjá lögreglunni
á höfuðborgarsvæðinu eru kærend-
ur 5–7 talsins og gengur rannsókn
málsins vel.
Framhaldið í höndum
ríkissaksóknara
Skýrslutökur hafa staðið yfir að
undanförnu og reiknar lögreglan
með að geta sent ríkissaksóknara
rannsóknarniðurstöður sínar fyrir
14. maí, en embættið mun í fram-
haldinu ákveða hvort ákæra verði
gefin út eður ei.
Hin meintu brot eru talin ná aft-
ur til ársins 1980 og eru allir kær-
endur tengdir sakborningnum fjöl-
skylduböndum. Lögreglan vinnur
að vitnaskýrslum og frekari gagna-
öflun til að geta lagt fyrir ríkissak-
sóknara sem fyrr var getið.
Yfirlýsing frá HR barst Morgun-
blaðinu í gær vegna málsins og eru
hún svohljóðandi: „Háskólinn í
Reykjavík hefur fengið staðfestingu
á því að starfsmaður skólans sitji í
gæsluvarðhaldi. Viðkomandi starfs-
maður hefur verið leystur undan
starfsskyldum sínum við skólann
frá og með 11. apríl.“
Kennarinn sætir gæslu
Háskólakennari leystur frá störfum við Háskólann í Reykjavík vegna kynferðis-
brotarannsóknar lögreglunnar og gæsluvarðhalds sem varir til 14. maí nk.