24 stundir - 26.06.2008, Blaðsíða 18

18 FIMMTUDAGUR 26. JÚNÍ 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Bankarnir liggja undir grun um að hafa sýslað með krónuna. Með
gjaldeyrisviðskiptum hafa þeir náð að hala inn 80 milljörðum í tekjur á
þessum ársfjórðungi. Mestur hefur hagnaður Kaupþings verið, um eða
rúmur helmingur upphæðarinnar. Akkur bankanna sé að sýna fram á
betri afkomu í ársfjórðungsuppgjöri sínu út á við. Nei, segja bankarnir en
af veikum mætti.
„Alls ekki,“ sagði Lárus Welding, forstjóri Glitnis, í viðtali við Mark-
aðinn í gær. Hann bætti svo við. „En það er ljóst að af því að við þurfum
að hafa eigið fé okkar í krónum neyðumst við til að verja okkar eigið fé.“
Þessi gengishagnaður bankanna samrýmist ekki hag almennings, sem
við veikingu krónunnar, greiðir hærri afborganir af erlendum lánum,
meira fyrir matvöruna og eldsneytið, svo eitthvað sé nefnt. Dýrara verður
að lifa.
Í forsíðufrétt 24 stunda í gær segist Edda Rós Karlsdóttir, hjá greining-
ardeild Landsbankans, ekki telja að bankarnir hafi vísvitandi fellt gengi
krónunnar. „Ég hef ekki trú á að því að einhver bankanna standi að
þessu.“ Svo bendir hún á að fólk megi ekki gleyma því þegar það talar um
veikingu krónunnar að hún komi ekki aðeins illa við viðskiptavini banka
heldur einnig bankana sjálfa til lengri tíma.
Eru orðin þrjú í lok setningarinnar lykilorðin? Einmitt þau að veikingin
kemur aðeins illa við bankana til lengri tíma? Það er þegar fólkið getur
ekki lengur staðið undir skuldbindingum sínum? Og hvað þarf mörg
gjaldþrot til að dekka 80 milljarða hagnað – áttatíu þúsund milljónir
króna?
Viðskiptaráðherra sagði í hádegisfréttum RÚV að
hann biði eftir niðurstöðu athugunar Seðlabankans á
því hvers vegna gengið féll í mars. Það þurfi að vera
þekkt hvað valdi snörpum gengisbreytingum. Sér-
staklega þegar menn liggi undir ámæli um að stuðla
að því. Hreinsa þurfi borðið með afgerandi hætti.
Það hlýtur að vera bönkunum mikilvægt að hrista
óorðið af sér, nú þegar bankamenn neita að hafa vís-
vitandi haft áhrif á gengið til að fegra bókhaldið. Það
er alvarlegt að liggja undir ámæli um að rýra kjör allra
landsmanna í gróðavon. Og ef bankarnir telja ásak-
anirnar óverðskuldaðar þætti mörgum eðlilegt að sjá
þá leggja meira í sölurnar til að bjarga trúverðugleika
sínum. Þeir ættu ekki að bíða eftir niðurstöðu rannsóknar Seðlabankans.
Er eins dauði
annars brauð?
Með því að hafa eigin gjaldmiðil
búum við yfir sveigjanleika sem
ekki gefst kostur á í mynt-
samstarfi, sagði
Geir H. Haarde
forsætisráðherra
sem ávarpaði
málþing fjárfesta
í London. Með
þessum orðum er
forsætisráðherra
að segja að hann
ætli að halda
áfram á þeirri leið sem hefur leitt
yfir okkur það ástand sem við bú-
um við og staðfestir úrræðaleysi
ríkisstjórnarinnar. Það liggur fyr-
ir að það dugi vart minna en
1.000 milljarða til þess að koma í
veg fyrir sveiflur krónunnar. Rík-
issjóður botnskuldsetur sig …
Guðmundur Gunnarsson
gudmundur.eyjan.is
BLOGGARINN
Úrræðaleysi
Um leið og maður skilur það vel
að flugfélögin þurfi að draga
saman seglin, vonast maður til
þess að þetta
verði gert á þann
veg að það verði
ekki verra að
ferðast með þeim
en í dag. Nógu
slæmt finnst
manni nú oft
ástandið, þegar
maður er að
ferðast með þessum flugfélögum.
Ekki skiptir þá máli hjá hvoru
maður er að ferðast.
Mest vorkennir maður auðvitað
starfsfólkinu þessa dagana. Ótrú-
legt hvað það er farið mörg ár aft-
ur í tímann miðað við fréttir
kvöldsins. Fólki sagt upp með allt
að 9 ára starfsreynslu!
Tómas Hafliðason
eyjan.is/goto/tomash
Slæmt ástand
Getur verið að gjaldfelling krón-
unnar undanfarið sé ekki ein-
ungis bönkunum hagstæð vegna
ársfjórðungs-
uppgjörsins,
heldur eykur ekki
síður sem þrýst-
ingur á Seðla-
banka Íslands að
heimila þeim að
gera upp í evrum?
Seðlabankinn og
forsætisráðherra
hamast hins vegar á móti, því sú
heimild er jú enn eitt skrefið í átt
til óbeinnar Evruvæðingar ís-
lenska hagkerfisins.
Eins og venjulega borgar almenn-
ingur stríðskostnaðinn …
Það væri fróðlegt að sjá sam-
antekt á því hver hann er orðinn.
Gestur Guðjónsson
gesturgudjonsson.blog.is
Stríðskostnaður
Gunnhildur Arna
Gunnarsdóttir
gag@24stundir.is
Fjöldauppsagnir flugfólks hjá Icelandair
hafa verið mikið til umfjöllunar í fjöl-
miðlum síðustu daga og m.a. hér í þessu blaði. Það er
afskaplega sorglegt þegar burðarásar í atvinnulífinu
eins og Icelandair þurfa að grípa til jafnróttæks nið-
urskurðar og raunin er. Verði af þessum uppsögnum
mun það hafa gríðarlega slæm áhrif á mörg heimili.
Mig langar hins vegar til að vekja hér athygli á nokkru
sem er EKKI í fréttum og tengist stétt flugmanna. Það
eru engar fréttir af niðurskurði hjá Iceland Express,
sem kallar sig flugfélag að tilefnislausu. Ástæðan er sú
að þar starfa alls engir flugmenn. Fyrirtækið nýtir er-
lend flugfélög sem yfirleitt hafa verktaka í vinnu, en
ekki launamenn. Íslenska flugfélagið JetX er annað
fyrirtæki sem er ekki í fréttum vegna niðurskurðar.
Það flugfélag keppir við Icelandair á íslenskum mark-
aði, en hefur ekki boðið einum einasta flugmanni að
starfa samkvæmt íslenskum kjarasamningi. Icelandair
er rótgróið fyrirtæki og virðist að sumu leyti gjalda
þess. Þar starfa allir flugmenn og flugfreyjur/-þjónar
samkvæmt íslenskum kjarasamningi. Forysta stétt-
arfélags flugmanna (FÍA) hefur lengi vakið athygli á
misjafnri aðstöðu flugfélaga sem keppa á markaðnum
til og frá Íslandi. Þessi aðstöðumunur felst m.a. í mis-
jöfnu starfsmannahaldi, þ.e. hvort flugmenn sinna
vinnu sinni sem verktakar eða sem launþegar. Þennan
aðstöðumun þarf að laga. Eins og staðan er núna virð-
ast launaþegarnir vera á undanhaldi og verktakavæð-
ingin að ná fótfestu, sem er afspyrnuslæm þróun. Það
er hins vegar ljóst að fyrirtækin verða að aðlaga sig. Ef
það á að vera viðurkennt að einstaklingur geti verið
sitt eigið fyrirtæki/verktaki, til þess að fyrirtækin og
einstaklingar greiði minni skatta, þá
skulum við einhenda okkur í það. Af-
leiðingin verður þá sú að færri standa
undir okkar sameiginlega sjóði, rík-
issjóði, og því sem undir hann heyrir.
Vonandi er það ekki framtíðin að
flugmenn verði allir sitt eigið ehf.
með höfuðstöðvar í erlendum
skattaparadísum?
Með von um betri tíð
Höfundur er formaður Félags íslenzkra at-
vinnuflugmanna.
Flugið er stór iðja
ÁLIT
Jóhannes Bjarni
Guðmundsson