Morgunblaðið - 19.07.2008, Side 11

MORGUNBLAÐIÐ LAUGARDAGUR 19. JÚLÍ 2008 11
FRÉTTIR
Eftir Baldur Arnarson
baldura@mbl.is
„MENN hafa búið við mismunandi
reglur á þessu sviði. Það eitt að það
komi samræmd lágmörk og hámörk
um flug og vakttíma er risastórt
framfaraskref. Reglurnar eru hins
vegar ekki fullkomnar. Það er enn
skilið töluvert eftir í eyður til túlk-
unar til nánari útfærslu í hverju ríki
fyrir sig,“ segir Ástríður Scheving
Thorsteinsson, lögfræðingur í sam-
gönguráðuneytinu, um nýjar reglur
um hvíldartíma flugáhafna í Evrópu.
Félag íslenskra atvinnuflugmanna
gagnrýnir seinagang við að innleiða
reglurnar hér á landi og segir fram-
kvæmdastjóri félagsins að of seint
hafi verið byrjað á verkinu.
Reglurnar sem um er að ræða ná
einnig til flugfreyja og flugþjóna, en
þær eru ættaðar úr reglugerð sem
samþykkt var af framkvæmdastjórn
Evrópusambandsins.
Samgönguráðuneytið hóf vinnu
við innleiðingu reglugerðarinnar,
sem ESB gaf út 2006, eftir áramót
og var í kjölfarið skipaður vinnuhóp-
ur sem falið var að fylla í þær eyður
sem skildar voru eftir fyrir ríki inn-
an ESB og EES. Fólst sú vinna
einnig í samanburði við fyrri reglu-
gerð.
Kjartan Norðdahl, framkvæmda-
stjóri Félags íslenskra atvinnuflug-
manna, FÍA, gagnrýnir að endanleg
útgáfa reglugerðarinnar fyrir Ísland
skuli enn vera í vinnslu, þótt reglu-
gerðin hafi öðlast gildi í ESB 16. júlí.
Hefur tekið alltof
langan tíma
„FÍA lýsir yfir vonbrigðum með
að ekki skyldi hafa tekist að ná því
tímamarki að vera samferða ná-
grannalöndunum í Evrópu með að
fylgja eftir í hvívetna þessari nýju
reglugerð um flugvakt og hvíldar-
tíma flugáhafna,“ segir Kjartan, sem
bætir við að reglugerðin sé fagn-
aðarefni út af fyrir sig. Síþreyta
flugmanna sé vaxandi vandamál í
flugheiminum, líka á Íslandi. Því sé
brýn þörf á bættum flugöryggis-
reglum.
„Við hjá FÍA höfum rætt við sam-
tök stéttarfélaga flugmanna í Evr-
ópu, ECA, sem eru með yfir 30.000
flugmenn, og verið í samstarfi við
höfuðstöðvar þeirra í Brussel.
Þeir eru ánægðir með að sam-
gönguráðuneytið á Íslandi skyldi
hafa með í ráðum fulltrúa úr stétt-
arfélagi flugmanna, það var ekki
gert í sumum ESB-ríkjunum.
Að mati ECA er þessi reglugerð
orðin að lögum innan ESB. Einu rík-
in sem eru undanskilin eru EES-
ríkin, því þar á eftir að þýða reglu-
gerðina. Það hefði verið æskilegt að
átján mánuðir hefðu dugað til þess
verks hér á landi. Það var byrjað
alltof seint á verkinu.“
Reglurnar sem varða hvíldartím-
ann eru útlistaðar í svokölluðum Q-
kafla, sem bætt var við eftir að
framkvæmdastjórn ESB lagði fram
drög að reglugerðinni fyrir Evrópu-
þingið. Reglugerðin um flugrekstur
sem þessi kafli er í byggist á reglum
flugöryggissamtaka Evrópu (JAA)
um flutningaflug. Þykir óvenjulegt
að Q-kaflinn skuli hafi verið saminn í
Evrópuþinginu.
Ástríður segir vinnulagið hafa haft
áhrif á reglugerðina og að útfrá
nýrri rannsókn á áhrifum vakttíma á
flugöryggi, sem gerð sé að tilstuðlan
flugöryggisstofnunar Evrópu,
EASA, á flugumhverfi, megi ætla að
hún verði endurskoðuð þegar nið-
urstöður rannsóknarinnar birtist.
Hún segir texta reglugerðarinnar
hafa verið þýddan af þýðingarmið-
stöð utanríkisráðuneytisins, og
vinnuhópur hagsmunaðila hafi síðan
fengið þýðinguna í hendurnar.
Ástæða til endurskoðunar
„Við sendum út drög til umsagnar,
með rúmum umsagnarfresti. Það
komu inn nokkrar umsagnir og nið-
urstaðan var sú að það væri ástæða
til að endurskoða fjölmörg ákvæði
uppkastsins. Það gafst hins vegar
ekki tími til að fara aftur í saumana
á uppkastinu, þannig að það var lagt
til hliðar þangað til eftir sumarfrí.“
Ástríður segir texta reglugerðar-
innar frá Evrópusambandinu ekki
hafa náð til allra þátta flugstarfsemi,
eingöngu til flutningaflugs, það er at-
vinnuflugs með farþega eða farm í
flugvél. Þannig heyri margs konar
starfsemi ekki undir reglurnar, svo
sem sjúkraflug og neyðarflug með
þyrlum, enda taki textinn aðeins til
flugvéla í flutningaflugi. Því hafi
þurft að bæta við fleiri ákvæðum til
að hann tæki til alls atvinnuflugs.
Fyrirtækin hafi aðlögunarfrest
fram að gildistöku.
„Menn þurfa að breyta vaktafyr-
irkomulagi, einhverjir þurfa að
breyta tölvukerfunum sem keyra
vaktskrárnar, breyta fyrirmælunum
í þeim, svo þær reikni út réttan tíma.
Það eru að minnsta kosti tveir mán-
uðir ætlaðir í aðlögun.“
„Æskilegt að átján mánuðir
hefðu dugað til þessa verks“
 Ráðgert að ný og samhæfð reglugerð um flug og vakttíma flugáhafna liggi fyrir í haust
 Framkvæmdastjóri Félags íslenskra atvinnuflugmanna gagnrýnir seinagang
Morgunblaðið/Brynjar Gauti
Lending Reglurnar ná m.a. til flugfreyja og flugþjóna. Þær eru úr reglu-
gerð sem framkvæmdastjórn Evrópusambandsins hefur samþykkt.
Í HNOTSKURN
»Einstök ríki tóku ákvörð-un um að innleiða ekki
reglurnar heldur að beita
áfram sínum þjóðarreglum,
eins og stéttarfélag flug-
manna í Bretland lagði til.
»Skilyrðið sé að reglurnar íeinstökum ríkjum innan
ESB og EES uppfylli að lág-
marki hámarkskröfur um
vinnu og lágmarkskröfur um
hvíld.
Eftir Guðna Einarsson
gudni@mbl.is
RÁÐNING dr. Tryggva Þórs Herbertssonar
bankastjóra sem efnahagsráðgjafa forsætis-
ráðherra er til þess ætluð að styrkja forsæt-
isráðuneytið enn frekar í baráttunni við að-
steðjandi efnahagsvanda, að sögn Geirs H.
Haarde forsætisráðherra. Hann sagði stöðu
efnahags- og fjármála hér heima og erlendis
hafa valdið miklu álagi í for-
sætisráðuneytinu und-
anfarið og því hafi verið
ákveðið að ráða Tryggva
sem efnahagsráðgjafa til
sex mánaða.
„Á árum áður var fastur
efnahagsráðgjafi hér í ráðu-
neytinu, en svo hefur ekki
verið í nokkur ár. Ég átti
þess kost að fá Tryggva
Þór Herbertsson til starfa.
Hann er maður sem hentar afskaplega vel í
þetta starf og er vandfundinn betri ein-
staklingur til að taka þetta að sér,“ sagði Geir.
Hann sagði Tryggva hafa þann bakgrunn að
hafa verið prófessor í hagfræði og for-
stöðumaður Hagfræðistofnunar Háskóla Ís-
lands, auk þess að hafa unnið í bankaheim-
inum. Tryggvi er nú forstjóri
fjárfestingabankans Askar Capital en tekur
tímabundið leyfi frá því starfi til að gegna
stöðu efnahagsráðgjafa forsætisráðherra.
„Ég er mjög ánægður með að Tryggvi
skyldi fást til að koma hingað tímabundið til að
veita sitt liðsinni í þeim verkefnum sem fram-
undan eru. Þau eru mörg á sviði efnahags- og
peningamála,“ sagði Geir. „Tryggvi hefur ver-
ið okkur innan handar í gegnum árin og við
höfum mjög góða reynslu af hans störfum.“
Vel tengdur ráðgjafi
Verkefni Tryggva munu tengjast beint
þeirri stöðu sem upp er komin í efnahagsmál-
unum, að sögn Geirs. Hann vildi ekki nefna
nein verkefni efnahagsráðgjafans sérstaklega
á þessu stigi málsins.
„Við erum að tala um almenna ráðgjöf í
efnahagsmálum og sérstaklega málum sem
varða stöðuna í hinu alþjóðlega efnahags-
umhverfi og hvernig hún hefur áhrif hér á
landi. Tryggvi hefur mjög góð sambönd, bæði
innanlands og utan. Hann hefur góð tengsl í
fræðaheiminum á grundvelli sinna fyrri starfa.
Það á áreiðanlega eftir að koma sér vel, ekki
síst í ljósi þess að vandinn sem við fáumst nú
við er að stórum hluta svipaður því sem önnur
lönd eru að ganga í gegnum,“ sagði Geir. Hann
lagði áherslu á að áhrif þess ástands sem skap-
ast hefur á alþjóðlegum mörkuðum séu ekki
bundin við Ísland, þótt þau séu mikil hér, held-
ur glími mörg önnur lönd við vanda af sama
toga.
– En er ekki annar bankastjóri, Finnur
Sveinbjörnsson, við störf í forsætisráðuneyt-
inu?
„Hann hefur ekki verið hér í föstu starfi en
hefur lagt okkur lið á grundvelli verkefna frá
því í vetur. Hann er einnig mjög öflugur ráð-
gjafi,“ sagði Geir. Hann sagði vel mögulegt að
Finnur sinni áfram verkefnum fyrir ráðu-
neytið á svipuðum grundvelli og hingað til en
það sé alveg óháð tímabundinni ráðningu
Tryggva í fullt starf.
Skammur aðdragandi
– En á ráðning Tryggva sér langan aðdrag-
anda?
„Nei, þetta gerðist hratt. Aðalatriðið fyrir
mig er að hann skyldi vera fáanlegur til að
taka sér leyfi til þess að sinna þessu verkefni.
Ég er mjög ánægður með það,“ sagði Geir.
Forsætisráðherra vildi ekki tjá sig mikið um
væntanlegar ráðstafanir ríkisstjórnarinnar í
efnahagsmálum í sama mund og ráðningu
Tryggva. Sagði þær vera aðskilið mál. Að-
spurður sagði hann ekkert nýtt að frétta af
væntanlegri lántöku í útlöndum til að styrkja
gjaldeyrisforða Seðlabankans.
– Tryggvi er ráðinn til sex mánaða. Er ráðn-
ingartíminn til marks um að menn telji að þá
verði efnahagshremmingarnar gengnar yfir?
„Nei, það er ekki hægt að setja ráðning-
artímann í það samhengi,“ sagði Geir. „Við
þurftum að hafa einhverja viðmiðun. Tryggvi
er í vinnu annars staðar og fær leyfi til sex
mánaða frá því starfi. Ég legg áherslu á að ég
tel að hann verði mjög öflugur liðsauki og er
ánægður með að fá hann til starfa.“
Betri maður vandfundinn
 Prófessor og bankastjóri  Góð tengsl í fræðaheiminum  Hefur verið
ráðuneytinu innan handar í gegnum árin  Skammur aðdragandi
Geir H. Haarde
Morgunblaðið/Jim Smart
Ráð Mikið hefur mætt á stjórnarráðinu í ólgu-
sjó efnahagsþrenginga.
TRYGGVI Þór Herbertsson mun taka til
starfa í forsætisráðuneytinu eftir rúma viku
og byrja á að hitta fólk úr atvinnulífinu og
stjórnmálamenn til að kanna hvaða hug-
myndir menn hafa um hvernig hægt er að
vinna á þeim vanda sem steðjar að efnahags-
lífinu.
„Mitt hlutverk verður að aðstoða forsætis-
ráðherra við að leiða saman fólk til að koma
með lausnir,“ segir Tryggvi Þór. „Ég er ekki
töframaður, frekar en aðrir, en ég ætla að
leggja mitt ýtrasta af mörkum til þess að að-
stoða við að hrinda í framkvæmd því sem er í
undirbúningi, koma með nýjar hugmyndir og
almennt að aðstoða forsætisráðherra í því
hlutverki hans að vera ráðherra efnahags-
málanna.“
Tryggvi Þór segir að ekki megi skilja ráðn-
ingu hans til sex mánaða á þann veg að gert
sé ráð fyrir að verkefninu verði lokið innan
þess tíma. „En við skulum vona að við verðum
komin áleiðis.“
Ekki séríslenskt vandamál
Tryggvi segir að hagstjórn hafi verið erfið
á uppgangstímum undanfarinna ára. Kaup-
máttur hafi aukist mikið, aðgangur að ódýru
lánsfé hafi verið auðveldur og fram-
kvæmdagleði hafi verið mikil. Ójafnvægi í
efnahagslífinu sé þó ekki bundið við Ísland. „Í
umræðunni lítur stundum út eins og þetta sé
séríslenskt vandamál. Í heiminum ríkir ein
dýpsta kreppa frá því árið 1929 og við förum
ekki varhluta af henni.“ gretar@mbl.is
Morgunblaðið/Valdís Thor
Kreppa Ójafnvægið er ekki bundið við Ísland.
„Ég er ekki
töframaður“