Morgunblaðið - 11.08.2008, Blaðsíða 2
Eftir Andrés Þorleifsson
andresth@mbl.is
FRANSKUR ferðamaður á fimm-
tugsaldri getur þakkað fyrir að
ekki fór verr þegar bifreið sem
hann ók lenti út í Jökulsá á Dal um
kvöldmatarleytið í gær. Svo virðist
sem ökumaðurinn hafi misst stjórn
á bílnum í krappri beygju við brú
við bæinn Brú á Jökuldal, með
þeim afleiðingum að bifreiðin féll
um átta metra niður að vatnsborð-
inu og sökk síðan sex til átta metra
ofan í hyl. Maðurinn var einn á
ferð og náði að brjóta sér leið út úr
bílnum og synda að syllu undir
brúnni.
Þar beið hann þar til hjón sem
áttu leið hjá tóku eftir fljótandi
bakpokum í ánni. Þegar þau stöns-
uðu heyrðu þau hjálparkall manns-
ins undan brúnni og komu þau
honum á bæinn Brú. Þaðan var
hann fluttur til Egilsstaða.
Að sögn vakthafandi læknis var
líðan hans bærileg eftir atvikum,
en hann var orðinn nokkuð kaldur
eftir sundsprettinn í ánni.
Lögregla kom fljótt á staðinn
auk björgunarmanna og hjálpaði
fólk sem átti leið um til við að ná
farangrinum sem flaut niður ána.
Aðstæður á slysstað voru góðar
en ekkert sást í bílinn í gærkvöldi.
Að sögn lögreglunnar á Egilsstöð-
um verður að öllum líkindum reynt
að ná honum upp í dag.
Heyrðu hjálparkall
mannsins undan brúnni
Franskur ferðamaður bjargaðist þegar bíll hans lenti í
Jökulsá á Dal Sökk ofan í sex til átta metra djúpan hyl
2 MÁNUDAGUR 11. ÁGÚST 2008 MORGUNBLAÐIÐ
FRÉTTIR
Ferðamálaskóli Íslands • www.menntun.is • Sími 567 1466
Meðal námsefnis:
• Mannleg samskipti.
• Helstu áfangastaðir
erlendis í máli og
myndum.
• Mismunandi
trúarbrögð.
• Saga landsins,
menning og listir.
• Frumbyggjar og saga
staðarins.
• Þjóðlegir siðir og hefðir.
• Leiðsögutækni og ræðumennska.
Ferðalandafræði: Evrópa, Asía, Africa, Ameríka og Eyjaálfan.
Námið fer fram í formi fyrirlestra og reynslu fararstjóra
í leiðsögn á erlendri grund.
Leiðbeinendur eru: Kjartan Trausti Sigurðsson, Pétur Björnsson, Jóhanna
Kristjónsdóttir, Höskuldur Frímannsson, Sigurður A. Magnússon, Magnús
Björnsson, Pétur Óli Pétursson, Bjarni Randver Sigurvinsson, Bjarni Karlsson.
Fararstjórn erlendis
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
TVEIR menn réðust á karlmann í
Lækjargötu í Reykjavík um klukkan
fimm aðfaranótt sunnudags. Fórnar-
lambið var stungið í hálsinn með
brotinni glerflösku.
Mikið blæddi úr hálsi mannsins og
var í fyrstu óttast að meiðslin væru
alvarleg. Var hann fluttur á slysa-
deild til aðhlynningar. Betur fór en á
horfðist og var hann útskrifaður af
sjúkrahúsi í gærmorgun. Lögregla
hefur tekið skýrslu af fórnarlamb-
inu, en að sögn hennar liggja nánari
tildrög ekki fyrir. andresth@mbl.is
Stunginn
í hálsinn
TVEIR ungir menn gerðu sér að leik
að henda glerflöskum í átt að sak-
lausu fólki sem beið eftir leigubif-
reiðum í Fógetagarðinum í Reykja-
vík. Atvikið átti sér stað um sjöleytið
á sunnudagsmorgun.
Karlmaður sneri sér að mönnun-
um og reyndi að fá þá til að hætta
flöskukastinu. Að launum var hann
sleginn í andlitið og hlaut hann
sprungna vör. Árásarmennirnir voru
handteknir í kjölfarið en sleppt að
lokinni skýrslutöku. andresth@mbl.is
Hentu flösk-
um að biðröð
FRÉTTASKÝRING
Eftir Ylfu Kristínu K. Árnadóttur
ylfa@mbl.is
VERÐ á hrávörum, líkt og korni, ol-
íu, sykri og hveiti, er farið að lækka
nokkuð hratt á heimsmarkaði. Útlit
er fyrir að þessar lækkanir skili sér
fljótlega inn í matvælaverð og munu
Íslendingar þá væntanlega njóta
góðs af því. Lækkanirnar eru þó
háðar því að íslenska krónan haldist
frekar stöðug en hún hefur fallið um
40% síðan um áramótin.
Krónan veigamikill þáttur
Að sögn Marteins Magnússonar,
markaðsstjóra heildsölunnar Egg-
erts Kristjánssonar hf., ættu lækk-
anirnar á hrávöruverði á heims-
markaði að skila sér hratt í
matvælaverð og er ekki langt að bíða
þar til lækkana verður vart hér á
landi. Hins vegar séu margir þættir
sem ákvarða matvælaverð og þó
hrávöruverð sé veigamikill þáttur
skipti máli að olía haldi áfram að
lækka þar sem hún vegur þungt í
flutnings- og framleiðslukostnaði.
Þá hafi það líka mikla þýðingu
hvernig íslenska krónan hagar sér á
næstunni. Veikist gengi hennar á
sama tíma og lækkanirnar verða er-
lendis mun verðið lítið breytast hér-
lendis þar sem veikingin beinlínis
gleypir mismuninn. Því sé heldur
erfitt að segja til um áhrifin sem
lækkunin mun hafa hér á landi.
Lækkun á olíu- og hveitiverði
Spurður hvernig standi á þessum
lækkunum á hrávöruverði segir
Marteinn ýmsar kenningar vera í
gangi. Sú algengasta er að þegar illa
gekk á hlutabréfamarkaðnum fóru
fjárfestar að snúa sér að hrávöru-
markaðnum og sprengdu upp verð-
ið. Þeir hafa þó nú í auknum mæli
snúið sér að öðru þar sem lækkandi
olíuverð skilar sér í lækkandi hrá-
vöruverði, svo sem á korni og soja-
baunum þar sem olían er stór kostn-
aðarliður í framleiðslunni. Þá hefur
hveitiuppskeran verið góð og það
þýðir aukið framboð og verðlækkun
en hveiti stýrir að stórum hluta verði
á öðrum kornvörum.
Gott í verðbólgubaráttunni
Gylfi Arnbjörnsson, fram-
kvæmdastjóri ASÍ, segir ljóst að
gangi verðbólgan, sem hefur verið
bæði á olíu- og matvælamörkuðum
undanfarin misseri, til baka megi
vænta þess þegar líður á haustið að
verð á matvöru lækki hér á landi.
Gætu lækkanirnar hjálpað til í bar-
áttunni gegn verðbólgu þar sem
hluti af aukinni verðbólgu hér á
landi hefur stýrst af verðhækkunum
á þessum vörum.
Gylfi segir ljóst að haldist krónan
stöðug myndist gott svigrúm fyrir
matvælalækkanir en sökum ójafn-
vægis á fjármálamörkuðum sé hún
veikari en ella. Mikilvægt sé nú að
ríkisstjórnin nái tökum á peninga-
málastefnu landsins.
Reuters
Verðlækkanir í augsýn
Verð á hrávörum hefur lækkað með lækkandi olíuverði Ætti að skila sér inn á
íslenskan matvælamarkað með haustinu Veltur þó verulega á stöðu krónunnar
Í HNOTSKURN
»Lækkun á hrávörum er-lendis mun líklega skila
sér í lækkuðu matvælaverði
hérlendis í haust.
»Afar miklu máli skiptir þóað krónan haldist stöðug
en veiking hennar gæti komið
í veg fyrir verðlækkanir.
»Lækkanir hjálpa til í bar-áttunni gegn verðbólgu
þar sem hækkanir á mat-
vælum hafa átt stóran þátt í
aukinni verðbólgu hérlendis.
LÆKKUN á hrávöruverði mun ekki aðeins skila sér í
lægra verði matvæla fyrir mannfólkið heldur einnig í
ódýrari kjarnfóðurblöndum fyrir nautgripi. Að sögn
Baldurs Helga Benjamínssonar, framkvæmdastjóra
Landssambands kúabænda, hefur hveiti og maís lækk-
að í verði en það er ein aðaluppistaðan í kjarnfóðri.
Verð á heimsmarkaði er byrjað að lækka og má vænta
verðlækkana á kjarnfóðri með haustinu.
Aðspurður segir hann lækkanirnar ekki munu hafa
áhrif á verð á nautakjöti en gætu hins vegar haft áhrif
á mjólkurverð. Þar sé opinber verðlagning í gangi, öf-
ugt við frjálsa verðlagningu á nautakjöti, og taki hún
m.a. mið af þróun á verði aðfanga. Lækki aðfangaverð lækkar mjólk-
urverð en afar ósennilegt þykir að verðlækkun á kjarnfóðri vegi upp á
móti öðrum aðfangahækkunum sem hafa orðið undanfarin misseri.
Verðlækkanir á kjarnfóðri
Baldur Helgi
Benjamínsson
LÖGREGLAN á höfuðborgarsvæð-
inu stóð 16 ára ungling að ofsaakstri
eftir Strandgötu í Hafnarfirði klukk-
an hálftvö í gærdag. Unglingurinn
ók fjórhjóli sínu á 101 km hraða, en
leyfilegur hámarkshraði á götunni er
50 km.
Er lögregla hugðist stöðva öku-
manninn reyndi hann að komast
undan með því að taka skarpa
beygju inn á göngustíg. Svo illa vildi
til að við beygjuna féll félagi hans af
hjólinu og slasaðist. Ökumaðurinn
lét það þó ekki á sig fá heldur hélt för
sinni áfram og stakk lögreglu af.
Farþeginn var aftur á móti sendur
með sjúkrabíl til aðhlynningar á spít-
ala. Hann er ekki talinn alvarlega
slasaður. Lögregla hafði uppi á öku-
manninum og handtók hann síðdegis
í gær. Er málið rannsakað sem um-
ferðarlagabrot og almannahættu-
brot. andresth@mbl.is
Ökuníð-
ingur á
fjórhjóli