Morgunblaðið - 11.08.2008, Blaðsíða 25
MORGUNBLAÐIÐ MÁNUDAGUR 11. ÁGÚST 2008 25
Atvinnuauglýsingar
Smiðir
og handlagnir einstaklingar
óskast nú þegar í tímabundið verkefni í
Bolungarvík. Uppl. Í síma 862 222.
Raðauglýsingar
Tilkynningar
Mat á umhverfisáhrifum
Ákvörðun Skipulagsstofnunar um mats-
skyldu framkvæmda
Skipulagsstofnun hefur tekið ákvörðun um að
eftirtalin framkvæmd skuli ekki háð mati á
umhverfisáhrifum samkvæmt lögum um mat
á umhverfisáhrifum nr. 106/2000 m.s.b.
Hörgárdalsvegur (815), Skriða - Björg.
Arnarneshreppi og Hörgárbyggð.
Ákvörðunin liggur frammi hjá Skipulags-
stofnun, Laugavegi 166, 150 Reykjavík. Hana
er einnig að finna á heimasíðu Skipulagsstofn-
unar: www.skipulag.is.
Ákvörðun Skipulagsstofnunar má kæra til
umhverfisráðherra og er kærufrestur til
11. september 2008.
Smáauglýsingar 569 1100
Húsnæði í boði
Til leigu í Reykjavík
Glæsileg 3ja herbergja íbúð til af-
hendingar strax. Sérinngangur,
bílageymsla og lyfta í húsinu.
Langtímaleigusamningur, sjá
www.leigulidar.is eða 517-3440.
Glæsiíbúð í miðbænum til leigu
Glæsileg 140 fm íbúð í lyftuhúsi með
útsýni yfir sjóinn og gamla bæinn til
leigu. Íbúðin er 140 fm að stærð með
suðursvölum og bílskýli í kjallara.
Laus strax. Uppl. í síma 892 8308.
Sumarhús
Rotþrær, heildarlausn (“kit”)
á hagstæðu verði. Sérboruð siturrör,
fráveiturör og tengistykki.
Einangrunarplast og takkamottur.
Borgarplast, Seltjarnarnesi, sími
561 2211. Heimasíða:
www.borgarplast.is
Falleg og vönduð sumarhús frá
Stoðverk ehf. í Ölfusi.
Gott verð. Teiknum eftir óskum kaup-
enda, sýningarhús á staðnum. Einnig
til sölu lóðir á Flúðum.
Símar: 660 8732, 660 8730,
892 8661, 483 5009.
stodverk@simnet.is
Námskeið
Microsoft kerfisstjóranám
MCSA kerfisstjóranámið hefst 1. sep-
tember. Nýr Windows Vista-áfangi.
Einstakir áfangar í boði. Bættu
Microsoft í ferilskrána. Rafiðnaðar-
skólinn, www.raf.is, 863 2186.
Til sölu
Mjúkir og þægilegir herrasanda-
lar úr leðri. Mikið úrval.
Verð 6.970.-, 8.985.- og 9.950.
Misty skór,
Laugavegi 178, sími: 551 2070
opið mán-fös 10-18
Ath. lokað á laugardögum í sumar
Góð þjónusta, fagleg ráðgjöf
Skattframtöl
Framtöl - bókhald - uppgjör -
stofnun ehf. o.fl. Fékkstu áætlun?
Gleymdist að telja fram? Framtals-
þjónusta - skjót og örugg þjónusta.
Uppl. í síma 517 3977.
Viðskipti
Skelltu þér á námskeið í
netviðskiptum!
Notaðu áhugasvið þitt og sérþekk-
ingu til að búa þér til góðar tekjur á
netinu. Við kennum þér nákvæmlega
hvernig! Skoðaðu www.kennsla.com
og kynntu þér málið.
Þjónusta
Hitaveitur/vatnsveitur
Þýskir rennslismælar fyrir heitt og
kalt vatn.
Boltís sf.,
símar 567 1130 og 893 6270.
Byggingavörur
www.vidur.is
Harðviður til húsbygginga. Vatns-
klæðning, panill, pallaefni, parket
o.fl. o.fl. Gæði á góðu verði.
Sjá nánar á vidur.is.
Upplýsingar hjá Magnúsi í símum
6600230 og 5611122.
Ýmislegt
teg. 81103 - léttfylltur og sléttur í BC
skálum á kr. 2.950, buxur í stíl á kr.
1.450.
teg. 711002 - mjög fínlegur og
fallegur í BC skálum á kr. 2.950,
buxur í stíl á kr. 1.450.
Misty, Laugavegi 178,
sími 551 3366.
Opið mán-fös 10-18.
Lokað á laugardögum.
Góð þjónusta - fagleg ráðgjöf.
www.misty.is
Nýjar skolplagnir!
Endurnýjum lagnir með nýrri tækni!
Enginn uppgröftur, lágmarks truflanir,
auknir rennslis eiginleikar. Fullkomin
röramyndavél.
Ástandskoðum lagnakerfi.
Allar pípulagnir ehf.
Uppl. í síma 564-2100.
Bílar
Ford, árg. ‘07, ek. 25 þús. km.
Frábær bíll. Ásett verð 4.350. Ath.
skipti í ódýrari. Uppl. í s. 893 9110.
Ökukennsla
Glæsileg kennslubifreið
Subaru Impreza AERO 2008, FWD.
Akstursmat og endurtökupróf.
Gylfi Guðjónsson,
sími 6960042,
bilaskoli.is
Bilaskoli.is
Bókleg námskeið - ökukennsla
- akstursmat - kennsla fatlaðra
Ævar Friðriksson
Toyota Avensis '06.
8637493/5572493.
Gylfi Guðjónsson
Subaru Impreza '08.
6960042/5666442.
Snorri Bjarnason
Nýr BMW 116i ´07.
Bifhjólakennsla.
8921451/5574975.
Sverrir Björnsson
Volkswagen Passat '08.
8924449/5572940.
visku og þekkingu Bjössi hafði. Hann
var umburðarlyndur og víðsýnn,
mikill listunnandi, sögumaður og
hafði frábært minni. Við Bjössi
ræddum oft um listir, menningu og
þjóðfélagsmál, svo ekki sé minnst á
sögur frá Miklabæ í Skagafirði.
Bjössi hafði einstaklega góðan húm-
or. Það var oft sem við hlógum saman
og rifjuðum upp ýmsar uppákomur
hjá okkur systkinunum frá því við
vorum börn á Bárugötunni.
Að leiðarlokum vil ég þakka
Bjössa samfylgdina og blessuð sé
minning hans.
Guðrún Lára Halldórsdóttir.
Björn Stefán Lárusson, bróðir
tengdapabba míns og vinur, er lát-
inn. Það var sár en ógleymanleg
stund að vera hjá honum á Landspít-
alanum við Hringbraut ásamt hans
nánustu ættingjum og tengslafólki
þegar hann kvaddi eftir erfið veik-
indi.
Bjössi frændi, eins og hann var
ávallt kallaður á mínu heimili, var
heill og traustur vinur. Það var
ánægja og heiður að kynnast honum
og eiga með honum eftirminnilegar
og uppbyggilegar samverustundir
um árabil. Um margt var Bjössi í
mínum huga einstakur maður og
trygglyndur. Hann var víðlesinn og
vafalítið með fróðari mönnum um
mörg málefni, sér í lagi hvað varðar
sögu lands og þjóðar, ættfræði,
stjórnmál, listasöguna, menningu og
íþróttir svo fátt eitt sé nefnt.
Vor ævi stuttrar stundar
er stefnd til Drottins fundar,
að heyra lífs og liðins dóm.
En mannsins sonar mildi
skal máttug standa’ í gildi.
Hún boðast oss í engils róm.
Svo helgist hjartans varðar.
Ei hrynur tár til jarðar
í trú, að ekki talið sé.
Í aldastormsins straumi
og stundarbarnsins draumi
oss veita himnar vernd og hlé.
(Einar Benediktsson)
Nú kveð ég þig, kæri vinur, í
hinsta sinn með virðingu, þökk og
eftirsjá. Hvíl í friði.
Stefáni, eftirlifandi bróður Björns,
votta ég samúð við fráfall hans, svo
og öðrum sem nærri standa.
Óðinn Helgi Jónsson.
Elsku Bjössi frændi er farinn.
Þegar ég hugsa um liðna tíð er margt
sem kemur í hugann. Hann var mikið
inni á heimili mínu í bernsku, hann og
amma Guðrún komu alltaf í mat á
sunnudögum og öll jól. Einnig fór ég
alltaf með Bjössa í sveitina á sumrin í
Odda í Rangárvallasýslu, þar áttum
við góðar stundir með heimilisfólk-
inu. Í seinni tíð hafa samverustund-
irnar ekki verið síðri, öll samtölin um
heima og geima í matarboðum og í
Suðurhólunum.
Bjössi fylgdist með öllu og virtist
hafa áhuga og skoðun á ótrúlegustu
hlutum, hann vissi svo margt og hafði
mikinn áhuga á klassískri tónlist og
var mikill listunnandi, hann var ótrú-
lega vel lesinn maður enda með gíf-
urlega stórt bókasafn. En það sem
stóð alltaf upp úr var húmorinn, hann
var mikill húmoristi og það var alltaf
hægt að gantast með honum. Ef eitt-
hvað bar út af var samt stutt í brosið
og við gátum fíflast með hlutina eftir
á. Hann var ótrúlega þakklátur fyrir
það sem var gert fyrir hann og hann
var óspar á hlý orð um alla í kringum
sig. Enda held ég að öllum hafi líkað
vel við Bjössa, það var svo sérstak-
lega gaman að spjalla við hann.
Ég hef alltaf verið afar stolt af
frænda mínum og er stolt af því þeg-
ar hann gekk með mig upp að alt-
arinu þegar við Hafsteinn giftum
okkur fyrir rúmum tveimur árum.
Bjössi á sérstakan stað í hjarta mínu
þar sem einungis góðar minningar
verða geymdar um góðan mann.
Elsku Stefán og Ólöf, ég votta ykk-
ur samúð mína og megi Guð styrkja
okkur í sorginni, en við vitum að
núna er hann kominn til ömmu Guð-
rúnar og hinna englanna.
Kolbrún Birna Halldórsdóttir.
Við andlát föðurbróður okkar,
Björns S. Lárussonar, er margs að
minnast. Björn var maður fríður sýn-
um og hlýr í viðmóti. Hann var fróður
um margt enda víðlesinn, sögumaður
góður og sagði skemmtilega frá
mönnum og málefnum. Björn fylgd-
ist vel með þjóðmálum og hafði
ákveðnar skoðanir á stjórnmálaum-
ræðu líðandi stundar. Oft urðu um-
ræðurnar fjörugar og lifandi og ekki
voru menn alltaf sammála. Björn var
áhugamaður um sagnfræði og kynnti
sér sérstaklega heimastjórnarárin
og var manna fróðastur um það tíma-
skeið. Hann tók þátt í frægum spurn-
ingaþætti Ríkisútvarpsins, Vogun
vinnur, vogun tapar, sem öll þjóðin
fylgdist með á sínum tíma, og stóð sig
með prýði. Margs er að minnast frá
æskuárunum þegar Björn og Lárus
afi komu til Siglufjarðar eða þegar
við fórum í heimsókn að Miklabæ í
Skagafirði. Þá var glatt á hjalla og líf
í tuskunum. Björn gaf sér alltaf tóm
til að spjalla við okkur krakkana og
hafði gaman af því að segja okkur
sögur, ekki síst með dulrænu yfir-
bragði. Minnisstæð er sagan af séra
Oddi og Miklabæjar-Solveigu sem
Björn sagði með miklum tilþrifum og
kryddaði með dramatískum flutningi
á ljóði Einars Ben um hvarf séra
Odds. Björn átti við heilsubrest að
stríða frá unga aldri sem setti mark
sitt á allt hans líf. Þrátt fyrir veik-
indin var Björn sáttur við sitt hlut-
skipti og hafði uppörvandi áhrif á
aðra með jákvæðu viðhorfi sínu og
þakklæti fyrir hvaðeina. Hin seinni
ár hrakaði heilsu Björns enn, en allt-
af bar hann sig vel og var hinn hress-
asti þegar stungið var upp á bæjar-
ferð, annaðhvort í heimahús eða á
veitingastað. Slíkar samverustundir
urðu fastur punktur í tilverunni síð-
ustu æviár Björns. Þá ríkti sami and-
blær og forðum, við nutum frásagn-
argleði þessa viðmótshlýja manns
enn um sinn og öðluðumst glögga og
skemmtilega sýn inn í horfinn menn-
ingarheim. Björn var á ný hrókur alls
fagnaðar, glettinn og gamansamur,
knúsaði okkur systurnar og kallaði
okkur elskurnar sínar. Þannig minn-
umst við Björns frænda í hjörtum
okkar. Blessuð sé minning hans.
Systkinin Auðarstræti 19,
Guðrún, Þórsteinn, Helga, Lár-
us, Ragnheiður og Halldóra.
Nú er Bjössi farinn. Ég kynntist
Bjössa fyrir u.þ.b. 18 árum eða fljót-
lega eftir að ég kynntist konunni
minni, Kolbrúnu Birnu. Bjössi hafði
gaman af því að mæta í matarboð og
aðrar veislur sem stórfjölskyldan
hélt. Hann var mikið fyrir það að
borða góðan mat og spjalla um allt
milli himins og jarðar. Það var hægt
að ræða við hann um pólitík, íþróttir,
tónlist og nánast hvað sem er. Ég hef
ekki kynnst eins vellesnum manni á
minni ævi. Bjössi átti ógrynni af
blöðum og bókum sem hann var fús
til að lána þegar maður leitaði til
hans til að afla sér fróðleiks.
Bjössi var yndislega góður maður
sem börnin okkar Kollu hændust að.
Þetta blíða viðmót og húmor hans
hafði svo jákvæð áhrif á alla sem voru
í kringum hann. Ég kveð þig Bjössi
með söknuði. Stefáni og öðrum að-
standendum votta ég samúð mína.
Hafsteinn Ágúst Friðfinnsson.
Trúðu á tvennt í heimi
tign sem æðsta ber,
Guð í alheims geimi
Guð í sjálfum þér.
(Steingrímur Thorsteinsson)
Við hjónin viljum minnast vinar
okkar og samstarfsmanns til margra
ára með virðingu og þökk. Kynni
okkar Björns urðu fyrst árið 1963-64
þegar hann byrjaði sem starfsmaður
í málningarverksmiðju Slippfélags-
ins í Reykjavík og vann þar allan sinn
starfsaldur eftir það. Þá þegar hafði
hann unnið við málningarverksmiðj-
una Hörpu í nokkur ár áður, var því
vanur og liðtækur strax. Ekki er að
orðlengja það að þessi starfsmaður
var góður og fylginn sér, kannski
ekki sá fljótasti, en allt var öruggt og
vel framkvæmt og honum treyst í
hvívetna. Ekki bara það, maðurinn
var svo vel lesinn og fróður að unun
var að. Aldrei varð honum svara
vant. Við flettum oft bara upp í
Bjössa ef eitthvað var sem við vissum
ekki. Alls staðar var Bjössi heima í
hlutunum, sama hvort var pólitík,
skák eða íþróttir. Allt vissi Björn, en
minni hans var ótrúlegt. Þetta segi
ég fyrir hönd allra sem með honum
störfuðu. Söknuðurinn er mikill, ekki
síður fyrir það að millum fjölskyldna
okkar mynduðust mikil samskipti og
kærleikur. Traustari vin áttum við
ekki að, söknuður okkar er mikill.
Haraldur og Elísabet.
Fleiri minningargreinar um Björn
Stefán Lárusson bíða birtingar og
munu birtast í blaðinu næstu daga.