Fréttablaðið - 15.04.2009, Page 28

15. apríl 2009 MIÐVIKUDAGUR4
Ríkisstjórnin og AGS
Vinnubrögð á Alþingi
Sök bítur sekan
Í því málþófi sem Sjálfstæðis-flokkurinn hefur haldið uppi
síðustu dagana, vegna laga um
breytingar á stjórnarskrá, flutti
undirritaður hugleiðingar um það
hvers vegna nauðsyn væri á að
auðvelda almenningi aðkomu að
ákvarðanatöku á æðstu stöðum,
eins og frumvarpið gerir ráð fyrir.
Rök mín voru meðal annars þessi:
Yfirlæti, kæruleysi og valda-
hroki flokks og fólks, sem hefur
tögl og hagldir í ríkisstjórn, forystu
atvinnulífs, stjórnsýslu, bönkum,
fjölmiðlum, dómstólum og þingi,
til margra ára, í krafti atkvæða
og annarra hagsmuna, áttu þátt í
því að aðhald dvínaði. Í skjóli mik-
ils valds ríkir hollusta, þjónkun og
meðvirkni. Andóf er kæft í fæð-
ingu, bitlingum er úthlutað, sér-
hagsmunir varðir, kunningjakap-
ítalismi stundaður fyrir opnum
tjöldum. Valdhafarnir geta stjórn-
að af geðþótta og vanrækt að setja
sér skýrar reglur
Ég minnti á að þegar fyrrver-
andi formaður Sjálfstæðisflokks-
ins kastaði smjörklípum í allt og
alla á landsfundi flokksins, klapp-
aði þingheimur og hló. Sá hlátur
var bergmál hugsunarháttar, sem
því miður hefur ríkt, að allir hinir
sem ekki standa í þessari sömu
halarófu séu annaðhvort með
Alzheimer eða álfar út úr hól.
Raunar tók ég fram að í Sjálf-
stæðisflokknum væri ekki verra
fólk en hjá okkur hinum. Valdið
eitt og sér og langvarandi völd eru
orsök þessarar ógæfu. Ég tók líka
fram að aðrir flokkar, Alþýðuflokk-
urinn gamli, Framsókn og nú síð-
ast Samfylkingin, hefðu tekið þátt
í þessari hraðlest og mátt sín lít-
ils gagnvart valdastéttinni. Menn
yrðu hins vegar að horfast í augu
við þann veruleika að valdið leið-
ir til þess hugsunarháttar að „ég
komist upp með þetta, af því að ég
ræð“. Þessu vildi ég koma í Þing-
tíðindi áður en ég læt af störfum.
Fyrir þessa ræðu mína fékk ég
fjögur andsvör frá reiðum þing-
mönnum Sjálfstæðisflokksins.
Skilaboðin voru þau að ég ætti að
skammast mín fyrir slíkan mál-
flutning.
Nú, þegar upplýsingar leka út
um siðlausar og himinháar styrk-
veitingar til Sjálfstæðisflokksins,
leyfi ég mér að benda á, að það
þarf enginn að láta eins og þetta
komi á óvart. Þetta er afsprengi
þess valds, sem þjóðin hefur fært
einum stórum stjórnmálaflokki og
þess hugsunarháttar „að ég kemst
upp með þetta af því ég ræð“.
Og þetta er barasta pínulítið
dæmi um allt það sem afleiðing-
ar valds og hroka hafa í för með
sér. Ekki vegna þess að menn séu
óheiðarlegir, heldur af hinu að þeir
sofna á verðinum, af því þeir þurfa
ekki að verjast neinu nema sjálf-
um sér.
ELLERT B. SCHRAM
alþingismaður
Á „trúnó“
Það hefur verið fróðlegt að fylgjast með því hvernig ástir
Steingríms J. Sigfússonar fjár-
málaráðherra og AGS hafa þró-
ast. Allt byrjað þetta með miklum
látum; jafnvel offorsi. Steingrím-
ur hreytti ónotum í AGS þegar
ákveðið var að leita eftir lána-
fyrirgreiðslu frá sjóðnum. Hann
sagði í nefndaráliti þegar lánið
var afgreitt: „Skilmálarnir sem
hengdir eru í lánið eru jafnvel
enn verri og meira eyðileggj-
andi fyrir íslenskt velferðar-
samfélag til framtíðar. Það hefur
margsannað sig víða erlendis að
skilmálar sem þeir sem Alþjóða-
gjaldeyrissjóðurinn boðar nú á
Íslandi hafa dýpkað fjármála-
kreppur og gert þær verri í stað
þess að leysa úr þeim.“ Og síðar
segir hann: „Með samkomulagi
þessu er skrifað undir þá stað-
reynd að það sé í raun Alþjóða-
gjaldeyrissjóðurinn sem stjórni
efnahagsáherslum Íslendinga á
komandi árum.“ Það er því ekki
að furða að hann hafi kallað þetta
ógnarskilmála.
Smám saman upphófst nýr
kapítuli í ástarsögunni. Í árdaga
fjármálaráðherratíðar Stein-
gríms greindi hann frá því að
starfsmenn sjóðsins væru við-
ræðuhæfir og jafnvel bæði gott,
gagnlegt og ánægjulegt við þá
að tala. Og þetta samband hefur
þróast. Steingrímur lætur nú
senda margvíslegar upplýsing-
ar um stöðu íslenska þjóðarbús-
ins og áform stjórnvalda vestur
um haf og beint til stofnunar sem
hann forðum sagði að gerði aðal-
lega illt verra.
Þar vestra í sitja embættis-
menn og lesa sér til um hugrenn-
ingar Steingríms J. og Jóhönnu
um hvernig málum skuli skip-
að í efnahagsmálum hér á landi.
Hversu háa skatta almenning-
ur skuli borga, hve mikið skuli
skorið niður í velferðarmálum og
vegamálum og öllum þeim mála-
flokkum sem fyrir niðurskurðar-
hnífnum verða. Alþingi, sem að
lokum samþykkir fjárlög næsta
árs, fær fátt að vita. Meðvitað er
þess gætt að íslenskur almenn-
ingur frétti ekkert. Allt er unnið
í reykfylltum bakherbergjum
þar sem viðstaddir eru útvaldir
ráðherrar og fulltrúar þeirrar
stofnunar sem forðum var sagt
að setti okkur ógnarskilmála.
Steingrímur J. Sigfússon og
Jóhanna Sigurðardóttir kunna
þessu verklagi vel. Þau eru í svo
miklu trúnaðarsambandi við
AGS. Þau eru sem sé komin á
trúnó !
EINAR K.
GUÐFINNSSON
alþingismaður