Morgunblaðið - 16.09.2008, Síða 2

2 ÞRIÐJUDAGUR 16. SEPTEMBER 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
FJÖLDI íbúa kvaddi sér hljóðs á
íbúafundinum með lögreglunni í
Ölduselsskóla í gærkvöldi.
Maður einn greindi frá því að hjá
honum hefði verið brotist inn milli
jóla og nýárs í fyrra. Þjófarnir náð-
ust á gamlársdag en var sleppt sama
dag. Næstu daga héldu þeir áfram
að svíkja út fé með hjálp skilríkja
sem þeir höfðu stolið í innbrotinu.
Hann kvartaði yfir því að lög-
reglan skyldi ekki hafa varað við
mögulegum fjársvikum með skilríkj-
unum. Þá fannst honum samstarf
deilda lögreglunnar vera lítið og
hafði hann þurft að endurtaka sögu
sína hvað eftir annað við starfsmenn
deildanna. Ekki hafði hann heldur
fengið upplýsingar um gang málsins.
Inn á heimili annars manns var
brotist fyrir tíu dögum. Hann sagði
að samstarf íbúa og lögreglu hefði
ekki gengið vel í því tilviki. Til þjóf-
anna sást og var þeim lýst fyrir lög-
reglu, en tilkynningin virtist hafa
misfarist. Þessi maður sagði það
valda miklu tilfinningalegu áfall fyr-
ir fjölskyldu að verða fyrir innbroti.
Lögreglan þurfi að gera sér grein
fyrir því áfalli sem fólk verður fyrir.
Hann kvaðst ekki gera sér neinar
vonir um að málið yrði upplýst.
Stefán Eiríksson lögreglustjóri
sagði lögreglumenn almennt vel
meðvitaða um að það að verða fyrir
innbroti geti haft sálrænar afleið-
ingar. Lögreglan bjóði aðstoð hjá
hverfisstöðinni í fræðslu- og for-
varnaskyni. Eins geti hún leiðbeint
fólki til sérfræðinga. Þá sagði hann
að fólk ætti að fá upplýsingar um
lyktir sinna mála.
Stefán taldi öryggiskerfi og þjón-
ustu öryggisfyrirtækja tvímælalaust
vera til bóta. Það heyrði til und-
antekninga að brotist væri inn í hús
með öryggiskerfi. Stefán sagði lög-
regluna reyna að eiga góða sam-
vinnu við öryggisfyrirtækin og þeg-
ar bærust tilkynningar frá þeim
væri ávallt metið hvort senda ætti
lögreglubíl á vettvang.
Íbúar í Seljahverfi fjölmenntu á fund með lögreglunni í Ölduselsskóla í gærkvöldi
Morgunblaðið/Frikki
Seljahverfi Íbúar fengu upplýsingar frá lögreglunni um gang mála í hverfinu og spurðu spurninga.
Tilfinninga-
legt áfall
Fórnarlömb innbrota tóku til máls
Eftir Guðna Einarsson
gudni@mbl.is
ÁRVEKNI borgaranna og nágrannagæsla í góðri sam-
vinnu við lögreglu eru leiðir til að draga úr innbrotum í
íbúðarhús og upplýsa innbrot. Þetta kom fram í máli
Stefáns Eiríkssonar, lögreglustjóra höfuðborgarsvæð-
isins, á fjölmennum fundi með íbúum Seljahverfis í gær-
kvöldi. Lögreglan á höfuðborgarsvæðinu bauð til fund-
arins sem haldinn var í Ölduselsskóla. Þar fór Stefán
yfir stöðu mála í hverfinu, skipulag löggæslunnar og
þjónustu lögreglu. Þá svaraði hann spurningum íbúa.
Stefán sagði að staða mála í Seljahverfi í Breiðholti
væri almennt góð og engin sérstök teikn væru um fjölg-
un afbrota í hverfinu. Í ágúst síðastliðnum voru framin
sjö innbrot í Seljahverfi sem var óvænt stökk í inn-
brotatíðni þar. Stefán sagði að viðbrögð íbúa við þessum
innbrotum sýndu að þolmörkin gegn afbrotum í hverf-
inu væru lítil, líkt og í minni sveitarfélögum á höfuð-
borgarsvæðinu á borð við Álftanes og Seltjarnarnes.
Verkefnum lögreglunnar í Seljahverfi hefur fjölgað
lítillega á þessu ári miðað við fyrri ár. Bæði eru tilkynn-
ingar frá íbúum til lögreglu fleiri og eins hefur frum-
kvöðlaverkefnum og forvarnarverkefnum fjölgað.
Dregið hefur úr hegningarlagabrotum í Seljahverfi
það sem af er þessu ári miðað við tvö síðustu ár. Fjöldi
innbrota er svipaður eða ívið minni í ár en meðaltal síð-
ustu tveggja ára var. Innbrot í einbýlishús og raðhús
eru hins vegar fleiri á þessu ári, en tilvikin eru svo fá að
ekki er hægt að draga af þeim víðtækar ályktanir, að
mati Stefáns.
Þannig var brotist inn í eitt raðhús frá janúar til
ágúst 2006, eitt á sama tímabili 2007 en á þessu ári hef-
ur verið brotist inn í þrjú raðhús. Búið er að brjótast
inn í sex einbýlishús í hverfinu á þessu ári en þau voru
tvö á sama tímabili í fyrra. Innbrot á heimili eru alls
orðin 18 og þar af voru sjö innbrot í ágúst sl. Í fyrra
voru framin 15 innbrot á heimili í Seljahverfi á sama
tímabili og 16 árið áður. Engin ein gata skar sig úr hvað
innbrot varðaði og innbrotin voru framin við 14 götur.
Þar af var farið inn í eitt hús við tíu götur en við fjórar
götur í tvö hús.
Engin teikn um fjölgun
afbrota í Seljahverfi
Hvernig var brotist inn?
Í öllum tilvikum innbrota í Selja-
hverfi á þessu ári, nema einu, var
gluggi spenntur upp og farið inn um
hann. Í einu tilviki var svalahurð op-
in.
Hverju er helst stolið?
Þjófarnir eru snöggir að athafna sig
og stela auðseljanlegum hlutum á
borð við myndavélar, farsíma, tölvur,
i-Pod-spilara og skartgripi.
Hvað verður um þýfið?
„Það er venjulegt fólk sem kaupir
ódýra síma, ódýra i-Poda, tölvur eða
annað og skapar þannig eftirspurn.
Ef þið fáið tilboð sem er of gott til
að vera satt, þá er það yfirleitt
þannig,“ sagði Stefán lögreglustjóri.
Innbrot í bíla
Innbrot í bíla eru nær undantekning-
arlaust til að taka augljós verðmæti
á borð við tölvu, myndavél, tösku
eða annað sem blasir við.
Hvað á að gera ef grunur vaknar?
Hringja í 112 og gefa lýsingu á þeim
grunsamlegu. Skrifa hjá sér upplýs-
ingar um grunsamlegar mannaferð-
ir, bílnúmer o.fl. Menn sem banka
upp á og gefa ótrúverðuga ástæðu
eru stundum að kanna hvort einhver
sé heima. Nánari upplýsingar eru á
www.logreglan.is.
S&S
ÞRÍR menn voru í gærkvöldi úr-
skurðaðir í gæsluvarðhald til 19.
september vegna alvarlegrar lík-
amsárásar í Þorlákshöfn aðfara-
nótt sunnudags. Lögreglan á Sel-
fossi hefur auk þess krafist
gæsluvarðhalds yfir tveimur mönn-
um til viðbótar vegna sömu árásar
og fellur úrskurður í dag.
Fimm menn voru handteknir í
íbúð í Þorlákshöfn þar sem ráðist
hafði verið á mann með eggvopni
og hann særður mikið. Tæknirann-
sókn í íbúðinni og frekari yfir-
heyrslur voru gerðar í gær að sögn
Ólafs Helga Kjartanssonar lög-
reglustjóra.
Líflátshótanir
Lögreglumenn mættu miklum
mótþróa af hálfu eins hinna hand-
teknu og þurfti fimm lögreglumenn
til að yfirbuga hann á lögreglustöð
til að fyrirbyggja slys á fólki. Eng-
inn meiddist í þessum átökum.
„Hann hreinlega réðst að lög-
reglumönnum og var ógnandi,“
segir Ólafur Helgi. Kvað hann lög-
reglumenn hafa fengið líflátshót-
anir af hálfu hins handtekna.
Það er síður en svo ný reynsla
fyrir lögreglumenn á Selfossi að
verða fyrir hótunum og að þeim
sé sýnd illska af ýmsu tagi. Að
mati Ólafs Helga Kjartanssonar
lögreglustjóra er ástandið að
þessu leyti að versna. Hámarks-
refsing fyrir ofbeldi gegn lög-
reglumönnum er nú 8 ára fang-
elsi.
Mótþrói og
líflátshótanir
Þrír menn úrskurðaðir í gæsluvarðhald
Í HNOTSKURN
» Erlendur Baldursson hjáFangelsismálastofnun seg-
ir að þröngt hafi verið á þingi
á Litla-Hrauni í marga mán-
uði.
» Ef fullt er á Litla-Hraunier heimild til að vista
menn á lögreglustöðvum og er
það gert þegar á þarf að
halda.
» Í gær voru þrjú eða fjögurpláss á Litla Hrauni en
staðan breytist nær daglega.
NÚ þegar haustið bankar brátt upp á með tilkomu
kunnuglegra haustlægða er tilvalið að njóta hverrar
stundar sem gefst til útivistar. Þrjár dökkklæddar kon-
ur gengu hraustlega með barnavagna í ágætu veðri í
höfuðborginni í gær en næstu daga eru líkur á að regn-
gallinn komi sér vel á slíkum göngum. Í dag er útlit fyr-
ir rigningu víða um land og hvassar sunnanáttir næstu
daga, allt fram að helgi.
Morgunblaðið/Golli
Samræmt göngulag í borginni