Morgunblaðið - 28.10.2008, Blaðsíða 1

Þ R I Ð J U D A G U R 2 8. O K T Ó B E R 2 0 0 8
STOFNAÐ 1913
295. tölublað
96. árgangur
Landsprent ehf.
MBL.IS
Morgunblaðið
hvar sem er
hvenær sem er
Má bjóða þér
léttan kaffisopa?
Leikhúsin
í landinu >> 37
BLOGG 12 ÁRA PILTS
TALAR UMBÚÐALAUST
TIL STJÓRNVALDA
DAGLEGTLÍF
Heimsálfasvítur
í Hótel Rangá
Eftir Þórð Snæ Júlíusson
thordur@mbl.is
REYKJAVÍKURBORG átti 4,1 milljarð króna í pen-
ingamarkaðssjóðum Landsbankans í vikunni áður en
neyðarlög voru sett á Íslandi. Fjármálasvið borgarinnar
óskaði eftir því nokkrum dögum áður en viðskiptum í
sjóðunum var hætt að þessir fjármunir yrðu færðir yfir í
ríkistryggð verðbréf. Ekki liggur enn fyrir hvort það hef-
ur verið gert þar sem Landsbankinn bæði staðfesti og
neitaði því að slík færsla hefði verið framkvæmd.
Birgir Björn Sigurjónsson, fjármálastjóri Reykjavík-
urborgar, segir að fjárstýringarhópur borgarinnar hafi
tekið ákvörðun um að færa þessa fjármuni úr sjóðunum
og yfir í ríkistryggð bréf í vikunni áður en neyðarlögin
voru sett. „Við óskuðum eftir því við Landsbankann að
hann framkvæmdi þá aðgerð. Á mánudeginum eftir, þeg-
ar búið var að loka fyrir öll viðskipti í sjóðunum, fengum
við tilkynningu um að aðgerðin hefði verið framkvæmd, í
skilabréfi frá bankanum. Á þriðjudeginum er okkur síðan
tilkynnt að aðgerðin hafi verið ógild, fyrst með símtali og
svo með skilagrein. Við höfum látið skilanefnd bankans
vita um það að við séum í góðri trú um að staðið verði við
upphaflega skilabréfið.“
Borgarlögmaður hefur sent skilanefnd gamla Lands-
bankans bréf vegna málsins þar sem skilningur borg-
arinnar á þessum tilfærslum er tíundaður. Birgir segir að
ekki hafi enn borist svar frá skilanefndinni.
Borgin átti í sjóðunum
 Reykjavík átti 4,1 milljarð í peningamarkaðssjóðum  Óljóst hvort tekist hefur
að losa fjármunina úr sjóðunum  Landsbankinn bæði staðfestir og hafnar því
Í HNOTSKURN
» Lokað hefur verið fyrirviðskipti í fjárfestinga- og
verðbréfasjóðum fjár-
málastofnana síðan 6. októ-
ber.
» Ekki hefur enn verið til-kynnt hversu mikið tap
þeir sem áttu í sjóðunum
þurfa að taka á sig.
FÆRRI komust að en vildu á opinn borgarafund sem
haldinn var í Iðnó í Reykjavík í gærkvöldi. Mjög heitar
umræður spunnust að framsögum loknum. Um tíu
þingmenn mættu á fundinn og gerðu fundarmenn hróp
og köll að þeim þegar þeir reyndu að svara sumum
þeirra spurninga sem beint hafði verið til þeirra. | 12
Morgunblaðið/Golli
Hróp og köll gerð að þingmönnum
Viðbótarlífeyrissparnaður er ekki tryggður nema hann hafi
verið lagður inn á verðtryggða innlánsreikninga banka-
stofnana. Flestir lífeyrissjóðir og fjármálafyrirtæki hafa
hins vegar valið aðrar leiðir til að ávaxta séreignasparnað
fólks, meðal annars með því að kaupa í verðbréfasjóðum.
Þegar Geir H. Haarde, forsætisráðherra, ávarpaði þjóð-
ina fyrir setningu neyðarlaganna sagðist hann vilja „taka af
öll tvímæli um að innistæður Íslendinga og séreignarsparn-
aður í íslensku bönkunum öllum er tryggur og ríkissjóður
mun sjá til þess að slíkar inneignir skili sér til sparifjáreig-
enda að fullu“.
Yfirlýsing forsætisráðherra um að verja uppsafnaðan
viðbótarlífeyrissparnað var hins vegar aldrei lögfest. Þess í
stað voru innlán sett framar skuldabréfum í kröfuröð og
þau tryggð.
Davíð Harðarson, sjóðsstjóri Íslenska lífeyrissjóðsins,
segir yfirvöld hafa með þessari aðgerð breytt leikregl-
unum eftir á. „Á einni nóttu var kröfuröð í þrotabú al-
gjörlega breytt. Fyrir setningu neyðarlaganna voru
skuldabréfin samhliða innlánum í kröfuröðinni og við unn-
um út frá því. En allt í einu voru innlán orðin rétthærri í
þrotabúi heldur en skuldabréfin. Með þessu er búið að
snúa kröfuröðinni á hvolf og kippa fótunum undan fjár-
festingarstefnu lífeyrissjóðanna.“ thordur@mbl.is
Viðbótarlífeyrir skerðist
 Viðbótarlífeyrir fólks er ekki tryggður eins og sagt var
 Lífeyrissjóðir fara í biðröð eins og aðrir með kröfur sínar
 Viðbótarsparnaður | 17
 Austurrík-
ismaður, 65
ára gamall
karlmaður,
var tekinn
fullur á bíln-
um á sunnu-
dag í Linz.
Hann missti
bæði bíllykla
og öku-
skírteini. En fyrsta verk manns-
ins þegar hann kom heim var að
sækja varalykla, ná í bílinn sem
hann hafði orðið að skilja eftir
og aka beint á lögreglustöðina
til að kvarta.
„Þegar ökumaðurinn reyndi
að útskýra fyrir lögreglumönn-
unum hvað hefði gerst þegar
hann var tekinn sáu þeir að
hann var enn drukkinn,“ sagði í
skýrslunni. kjon@mbl.is
Keyrir kannski
miklu betur fullur
 Þorgerður
Katrín Gunn-
arsdóttir
menntamála-
ráðherra segir
aðalatriðið nú að
ná tökum á verð-
bólgunni og stöð-
ugleika í
gjaldmiðils-
málum en í kjöl-
farið þurfi að
huga að því hvernig hagsmunum
þjóðarinnar sé best borgið. „Hluti
af því er að endurskoða peninga-
málastefnuna, taka afstöðu í gjald-
miðilsmálum til framtíðar og þar
með til hugsanlegrar aðild-
arumsóknar að ESB. Við eigum að
gera það með hagsmuni Íslands til
lengri tíma litið og þora að gera
það.“ » 4
Skoða ESB og evru
Þorgerður Katrín
Gunnarsdóttir
 Einn þeirra sem urðu fyrir árás-
inni í Keilufelli í mars síðastliðnum
brotnaði algjörlega niður andlega í
kjölfar hennar. Hann fór að tala
mikið við sjálfan sig og síðan drauga
og anda, að því er annað fórnarlamb
árásarinnar sagði fyrir dómi í gær.
Maðurinn leitaði fyrst til geðlækna
hér á landi en síðan í Póllandi. Hann
þarf nú að hafa tilsjónarmann allan
sólarhringinn vegna veikinda sinna.
Aðalmeðferð málsins var haldið
áfram í gær og henni lýkur vænt-
anlega á fimmtudag. » 12
Andlegir áverkar
 Verðbólgan | 8
VERÐHÆKKANIR
SEPTEMBER TIL
OKTÓBER 2008
19,6%
Varahlutir og hjólbarðar
18,7%
Flugfargjöld til útlanda
10,5%
Ávextir
4,3%
Matur og drykkir