Fréttablaðið - 27.04.2009, Blaðsíða 12

12 27. apríl 2009 MÁNUDAGUR
ÍS
L
E
N
S
K
A
/S
IA
.I
S
/K
A
U
4
56
80
0
3.
20
09
ÁRSFUNDUR
FRJÁLSA
LÍFEYRISSJÓÐSINS
Ársfundur Frjálsa lífeyrissjóðsins verður haldinn á morgun, 28. apríl kl. 17:15
í höfuðstöðvum Kaupþings, Borgartúni 19.
DAGSKRÁ
1. Skýrsla stjórnar
2. Kynning ársreiknings
3. Tryggingafræðileg athugun
4. Fjárfestingarstefna sjóðsins
5. Kosning stjórnar og varamanna
6. Kjör endurskoðanda
7. Tillögur um breytingar á samþykktum sjóðsins
8. Laun stjórnarmanna
9. Önnur mál
Tillögur um breytingar á samþykktum sjóðsins má nálgast í höfuðstöðvum Kaupþings
og á vefsíðu Frjálsa lífeyrissjóðsins www.frjalsilif.is
Stjórn sjóðsins hvetur sjóðfélaga til að mæta á fundinn.
SAMFÉLAGSMÁL Heildarfjöldi
slysa og slasaðra lækkaði milli
ára 2007 og 2008 um 5,4 prósent.
Slysum með meiðslum fækkaði úr
1.147 í 1.085. Alvarlega slösuðum
fjölgaði úr 195 í 200, eða um 2,6
prósent, en lítið slösuðum fækkaði
úr 1.463 í 1.373, eða 6,2 prósent.
Heildarfjöldi slasaðra og látinna
lækkaði um ríflega fimm prósent,
fór úr 1.463 í 1.373. Þetta kemur
fram í slysaskýrslu Umferðarstofu
2008.
Ef fjöldi slysa er skoðaður með
tilliti til fjölda ökutækja kemur í
ljós mikil fækkun slysa. Tólf létust
í umferðinni í fyrra, tvær konur og
tíu karlar. Einungis einu sinni hafa
færri látist í umferðinni á einu ári.
Þetta var árið 1996 þegar tíu létu
lífið. Á árunum 1999-2008 létust
að meðaltali 23 í umferðarslysum
á Íslandi. Það er um 90 prósentum
fleiri en létust í fyrra. Fjöldi bana-
slysa var því í sögulegu lágmarki.
Tölurnar sýna ekki mikla fylgni
milli þeirra sem láta lífið í umferð-
inni og þeirra sem slasast alvar-
lega. Skýringin er fyrst og fremst
sú að meiri sveiflur eru í fjölda
banaslysa en fjölda alvarlegra
slysa enda eru látnir mun færri
en alvarlega slasaðir. Eitt bana-
slys getur því sýnt aukningu sem
nemur tugum prósenta.
Banaslysum hefur fækkað milli
ára á öllum Norðurlöndunum nema
hjá Norðmönnum. Árið í fyrra var
annað árið í röð þar sem Ísland
var með hlutfallslega lægsta dán-
artíðni í umferðarslysum á Norð-
urlöndum.
Evrópusambandið, ESB, hefur
sett það markmið að fækka dauðs-
föllum um helming frá 2001 til
2010. Aðeins eitt er eftir af þessu
tímabili og ekkert sem bendir til
að markmiðið náist. Norðurlanda-
þjóðirnar hafa náð árangri í bar-
áttunni gegn dauðsföllum en ekki
nægilega miklum.
Einar Magnús Magnússon, verk-
efnastjóri hjá Umferðarstofu,
segir að áætlun ESB hafi verið
mjög metnaðargjörn. Setja verði
háleit markmið og það sé líka gert
á Íslandi en markmiðin verði samt
að vera raunhæf.
Dregið hefur úr umferðarhraða
á vegum landsins. Einar segir að
löggæsla hafi verið stórefld und-
anfarin ár og gerðar endurbæt-
ur á vegakerfinu sem hafi dreg-
ið úr slysum. Eitt besta dæmið sé
aðskilnaður akstursstefna. Þá hafi
mikið áróðurs- og fræðslustarf
verið unnið meðal almennings og
í skólum. ghs@frettabladid.is
Alvarlegum
slysum fjölgar
Tólf létust í umferðinni í fyrra. Aðeins einu sinni
áður hafa svo fáir látist á einu ári frá árinu 1970. Al-
varlega slösuðum fjölgaði um þrjú prósent milli ára.
SLYSUM HEFUR FÆKKAÐ Slysum og slösuðum hefur fækkað í heildina milli áranna
2007 og 2008 en alvarlegum slysum hefur fjölgað. Myndin er úr safni.
FJÖLDI LÁTINNA
Í bílslysum á síðustu tíu árum
1999 21
2000 32
2001 24
2002 29
2003 23
2004 23
2005 19
2006 31
2007 15
2008 12
Heimild:
TYLLIR SÉR Þessi drengur tyllti sér
stundarkorn á saltfláka á flóðasvæð-
unum í Búrma. Hann var á leiðinni að
ánni að ná í vatn. FRÉTTABLAÐIÐ/AP
ATVINNUMÁL Vaki fiskeldiskerfi
hf. hlaut útflutningsverðlaun
forseta Íslands við hátíðlega
athöfn á Bessastöðum fyrir helgi.
Vaka eru veitt verðlaunin fyrir
afbragðs árangur í vöruþróun og
markaðs- og sölustarfi á sínum
vettvangi.
Vaki var í upphafi einungis
hugmynd að námsverkefni ungra
háskólanema í rafverkfræði árið
1985 um sjálfvirkan talningar-
útbúnað fyrir laxaseiði, en er nú
fullburða hátæknifyrirtæki með
yfirburðastöðu á sínum markaði.
Um 85 prósent framleiðslu fyrir-
tækisins tengist fiskeldi. - shá
Útflutningsverðlaun forsetans:
Seiðateljari
vatt upp á sig
ÞÝSKALAND, AP Börnin þrjú, sem
þýskt par skildi eftir á veitinga-
stað á Ítalíu fyrir viku, komu
heim til Þýskalands á föstudag-
inn. Þau eru í umsjón móður-
foreldra sinna og undir eftirliti
þýskra barnaverndaryfirvalda.
Yngsta barnið er átta mánaða,
það elsta sex ára. Móðir þeirra,
Ina Caterina Renhof, sagðist hafa
yfirgefið börnin ásamt kærasta
sínum, Sascha Schmidt, vegna
þess að þau áttu engan pening
eftir til að gefa þeim að borða.
Parið fannst í úthverfi ítölsku
borgarinnar Aosta eftir að lög-
regla í nokkrum löndum hafði
gert mikla leit að þeim. - gb
Yfirgefin börn á veitingastað:
Parið var orðið
peningalaust
EFNAHAGSMÁL Bilið milli ríkra og
fátækra breikkaði nokkuð á ára-
bilinu 2003 til 2006. Þetta má lesa
úr niðurstöðum lífskjararannsókn-
ar Hagstofu Íslands.
Tekjuhæstu tuttugu prósent
Íslendinga voru með 3,9 sinnum
hærri tekjur en tekjulægstu tut-
tugu prósentin árið 2006. Árið
2003 var tekjuhæsti fimmtungur-
inn með 3,4 sinnum hærri laun en
lægsti fimmtungurinn.
Munurinn hefur aukist meira
hér á landi en hjá flestum öðrum
Evrópuþjóðum. Ástæðan virðist
frekar vera sú að tekjur þeirra
tekjuhæstu hafi aukist samanbor-
ið við meðalmanninn en að hinir
tekjulægri hafi lækkað.
Hliðstæðar rannsóknir eru gerð-
ar í löndum Evrópusambandsins,
Noregi og Sviss. Ójöfnuður var
meiri hér á landi árið 2006 en á
nokkru hinna Norðurlandanna.
Ísland er í 15. til 16. sæti af 29
ásamt Hollandi þegar löndunum er
raðað í röð með mesta jöfnuðinn í
fyrsta sæti. Mesti jöfnuðurinn var
í Svíþjóð og Slóveníu. Minnstur
var hann í Portúgal.
Notast er við svokallaðan Gini-
stuðul til að meta bilið milli ríkra
og fátækra.
- bj
Lífskjararannsókn Hagstofu Íslands:
Ójöfnuður jókst hérlendis
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Launamaður vill koma á framfæri ábend-
ingu um að hans mati óeðlilega há seð-
ilgjöld, svokallað „tilkynningar- og
greiðslugjald“, sem Landsbankinn inn-
heimtir af viðskiptamönnum sínum sem
ekki eru í greiðsluþjónustu. „Þá er fullt
gjald, heilar 595 kr. per seðil, innheimt
af hálfu bankans. Þetta er 200% hækkun
frá seðilgjaldi ef maður er í greiðsluþjón-
ustu, sem er 195 kr. Þetta gerir rúmlega
7.000 kr. á ári og hátt í 300.000 kr.
yfir 40 ára tímabil! Það er greinilega
afar kostnaðarsamt fyrir bankann að
senda fólki greiðsluseðla, svo ekki sé
meira sagt. Gaman væri að vita hver
þessi gjöld eru hjá hinum bönkun-
um,“ skrifar launamaðurinn.
Tilkynningar- og greiðslugjald hjá hinum
bönkunum er á svipuðu róli, til dæmis
er það 550 kr. hjá Íslandsbanka (195 kr.
ef afborgunin er skuldfærð) og 510 kr.
hjá Kaupþingi (100 kr. ef afborgunin er
skuldfærð seðillaus). Hjá Frjálsa fjár-
festingabankanum er munurinn hins
vegar meiri, eða 590 kr. Innheimtugjald
með seðli er 850 kr, en 160 kr. skuldfært.
Það þarf ekki nema eitt símtal við við-
skiptabankann sinn til að breyta
greiðslufyrirkomulaginu í skuld-
færslu. Verðmunurinn á þessum
tveimur greiðsluaðferðum mun
vera til að hvetja skuldara til skuld-
færslu. Það þýðir öruggari greiðsl-
ur til bankanna.
Neytendur: Bankarnir hvetja til skuldfærslu
Mikið dýrara að greiða með seðli