Fréttablaðið - 02.05.2009, Síða 10

10 2. maí 2009 LAUGARDAGUR
LONDON, AP Barnaklámsvef síðum
fækkaði um tíu prósent á síð-
asta ári, samkvæmt skýrslu
bresku eftirlitssamtakanna
Internet Watch Foundation.
Efnið á þeim vefsíðum sem eftir
eru er þó orðið grófara.
Í skýrslu samtakanna sem
nýlega var gerð opinber segir
að aukið eftirlit lögreglu og ein-
stakra aðila hafi gert erfið ara
um vik að starfrækja barna-
klámssíður. Slíkar síður séu
mjög oft fjarlægðar innan
örfárra klukkustunda.
Þær síður sem ekki tekst að
loka birta þó oftar myndir af
pyntingum og grófum kynferðis-
glæpum.
Enn fremur segir í skýrslunni
að um fjórðungur barnanna
sem birtist á þessum síðum
líti út fyrir að vera sex ára eða
yngri.
- kg
Barnaklámssíðum fækkar:
Ofbeldið orðið
grófara en áður
Mán til mið 10–18.30, fi m og fös 10–19, lau 10–18, sun 13–17 | Sími 517 9000 | www.kringlan.is
UNDIR LÚÐRABLÆSTRI Lúðrasveit verkalýðsins, lúðrasveitin Svanur og hljómsveitin
200.000 Naglbítar léku á hátíðarhöldunum í Reykjavík. FRÉTTABLAÐIÐ/DANÍEL
MÓTMÆLI Anarkistar tóku þátt og
púuðu á forseta ASÍ þegar hann flutti
ræðu sína. FRÉTTABLAÐIÐ/DANÍEL
ÓVENJUGÓÐ ÞÁTTTAKA Þúsundir manna tóku þátt í kröfugöngum víðs vegar um
land. Hér má sjá fjölda fólks á leið niður Laugaveginn. FRÉTTABLAÐIÐ/DANÍEL
MANNRÉTTINDI Hælisleitendur gáfu mat
til að vekja athygli á málstað sínum.
FRÉTTABLAÐIÐ/DANÍEL
BARÁTTUGLEÐI Verkamaður í borginni
San Salvador í El Salvador fagnaði frí-
degi verkalýðsins með félögum sínum
í gær. NORDICPHOTOS/AFP
VINNUMARKAÐUR Óvenjumargir
tóku þátt í kröfugöngum verka-
lýðsins víða um land í gær. Þúsund-
ir tóku þátt í kröfugöngu stéttar-
félaganna á höfuðborgarsvæðinu.
Hópur anarkista púaði og barði
búsáhöld meðan Gylfi Arnbjörns-
son, forseti ASÍ, flutti ræðu sína á
Austurvelli.
Lagt var af stað frá Hlemmi
fljótlega eftir hádegi og gengið
niður Laugaveginn alla leið niður
á Austurvöll þar sem haldinn var
hátíðarfundur. Gylfi Arnbjörns-
son, forseti ASÍ, var einn þeirra
sem fluttu ávörp. Hann sagði
meðal annars að „erfitt og sárs-
aukafullt verkefni“ biði á vinnu-
markaði þar sem gera þyrfti nýjan
sáttmála milli vinnumarkaðar og
stjórnvalda um forsendur varan-
legs stöðugleika. Ná þyrfti víð-
tækri sátt um hvernig þjóðin ynni
sig út úr efnahagsvandanum.
Gylfi segir að í svona stórum
samtökum verði að una því að fólk
mótmæli. „Ég hef umburðarlyndi
fyrir skoðunum annarra,“ segir
hann. „Ég er mjög rólegur yfir
þessu og hef þolinmæði gagnvart
þessu. Þetta stuðaði mig ekkert,
ég virði bara skoðanir annarra,“
segir hann.
„Enn bólar ekkert á raunhæf-
um ráðstöfunum,“ sagði Þórveig
Þormóðsdóttir, formaður Félags
starfsmanna stjórnarráðsins, í
ræðu sinni. „Þvert á móti hefur
verið boðaður niðurskurður í vel-
ferðarkerfinu og er hans þegar
farið að bæta.“
Hælisleitendur vöktu athygli á
málstað sínum, meðal annars með
því að gefa mat.
Fjöldi þátttakenda í kröfugöng-
unni á Akureyri var í sögulegu
hámarki, að sögn lögreglunnar á
Akureyri, sem minnist þess ekki
að hafa séð svo mikinn fjölda í
kröfugöngu þar. Hátíðarhöldin
gengu vel fyrir sig enda léttskýj-
að og fallegt veður á Akureyri.
Á Vestfjörðum var einnig
afburðagóð þátttaka og hátíðar-
höldin fóru vel fram.
ghs@frettabladid.is
Kallað eftir víðtækri sátt
Óvenjugóð þátttaka var í kröfugöngum verkalýðsins víðs vegar um land í gær. Púað var á forseta ASÍ. „Hef
umburðarlyndi fyrir skoðunum annarra,“ segir hann. Hælisleitendur vöktu athygli á málstað sínum.