Fréttablaðið - 02.05.2009, Blaðsíða 52

8 fjölskyldan
GAGN&GAMAN
Tunglið stækkar Leikritið Alli
Nalli og tunglið er sýnt um þessar
mundir í Gerðubergi. Það byggir á
sögu Vilborgar Dagbjartsdóttur
sem kom fyrst út árið 1959 en í
henni segir frá stráknum Alla
Nalla sem harðneitaði að borða
grautinn sinn sem endaði með því
að mamma hans gaf tunglinu
grautinn. Í leikgerð Möguleikhúss-
ins eru það pössunarpíurnar Ólína
og Lína sem taka á móti leikhús-
gestum og halda utan um
sýninguna sem tekur um 45
mínútur í flutningi. Sýningin er
fínasta skemmtun fyrir yngri
börnin, litrík og lífleg.
Hressandi drykkur Tilvalinn
eftirréttur í hollari kantinum er að
búa til heilsudrykk sem krökkum
þykir góður. Ekki er verra
að einfalt er að búa þá
til og geta
krakkar tekið
þátt í því. Vel
þroskaður
banani, mjólk
og kakómalt er til
dæmis góð uppskrift
að sjeik. Venjulegt skyr
eða vanilluskyr er líka
góð uppistaða í heilsudrykk,
mjólk, banani og fínt brytjað
suðusúkkulaði eftir smekk út í og
fyrirtaks súkkulaðisjeik í hollari
kantinum er fram reiddur. Berist
fram í háu glasi með röri.
Krakkajóga Skapandi aðferðir
út frá jóga fyrir börn, unglinga og
þá fullorðnu sem vilja vekja leik
barnsins innra með sér verður
kennt í Lótus jógasetri helgina 29.
til 31. maí næstkomandi. Kenndar
eru uppbyggjandi aðferðir sem
skapa traust, auka næmi, styrkja
samskiptahæfileika og leikgleði.
Kennari og höfundur námskeiðs-
ins er hin fjölhæfa og orkumikla
Gurudass Kaur en hún hefur
kennt jóga og unnið með börnum
í meira en þrjátíu ár. Þátttökugjald
námskeiðsins er 24 þúsund
krónur en innifaldir eru tveir
geisladiskar og námshefti.