Fréttablaðið - 02.05.2009, Síða 19

LAUGARDAGUR 2. maí 2009 19
af því að veita umhverfi sínu og
fólki sem hún hittir áhuga. „Jú, það
getur vel verið að ég sé jákvæð.
Maður þarf heilmikið af henni í því
sem maður er að gera, að hafa trú
á að hlutirnir geti gerst.“
Hlutirnir gerast
Árið 2007 ákveður Davíð að fara
aftur út til London í meira nám í
sjálfbærum arkitektur og þá ákveð-
ur Guðrún Edda að hætta að vinna
hjá Kvikmyndamiðstöð og einbeita
sér að eigin verkefnum og fer þá
meðal annars að vinna að Sveita-
brúðkaupi með Valdísi Óskarsdótt-
ur. Sveitabrúðkaup var sérstakt
fyrir þá parta að Guðrúnu Eddu
tókst að fá einkafjármagn hjá fólki
sem var tilbúið að trúa á verkefn-
ið. „Þetta voru mágkona mín Anna
María Pitt og eiginmaður hennar
Elfar Aðalsteinsson, Steingrímur
Wernersson og Ragnar Þórisson
og er það ein fyrsta kvikmyndin í
fullri lengd sem framleidd er nán-
ast að fullu með einkafjármagni
án styrkja frá Kvikmyndasjóði –
en styrkur þaðan kom einungis í
formi eftirástyrks.“
Matráðurinn Áslaug Snorra heldur
hópnum saman
Davíð og Guðrún Edda komu heim
frá Bretlandi síðasta sumar. Sveita-
brúðkaup var frumsýnd við heim-
komuna og Guðrún Edda fór að
vinna með Friðriki sem framleið-
andi að kvikmynd hans Mömmu
Gógó. „Friðrik var þá kominn
mjög langt með fjármögnunina,
var búinn að fá með sér góða með-
framleiðendur. En jú, jú auðvitað
snýst framleiðsla um meira en að
finna pening. Það er til að mynda
mikil vinna að raða saman rétta
fólkinu við vinnslu myndarinnar.
Ég tel að það hafi tekist mjög vel
með Mömmu Gógó. Andinn á sett-
inu hefur verið frábær og tel ég að
Áslaug Snorradóttir matráður, ljós-
myndari og lífskúnstner eigi stór-
an þátt í því með geggjuðum mat
og jákvæðri nærveru.“
Ari og Friðrik vinna saman á ný
Ari Kristinsson kvikmyndatöku-
maður og Friðrik vinna í fyrsta
skipti saman að mynd frá því að
Djöflaeyjan var mynduð og Guðrún
Edda segir þeirra samvinnu ein-
staka. Helga I. Stefánsdóttir er yfir
búningum og Árni Páll Jóhannsson
yfir leikmyndinni. „Það er mikil
kúnst að hafa auga fyrir því hvern-
ig fólk passar saman í vinnu á setti
og Friðrik hefur gott auga fyrir
því. Hann er í raun bara frábær
manneskja og hefur einstakt lag á
að sjá það fallega í fólki og virkja
það. Þannig nær hann til leikar-
anna og á samstarf við þá sem ég
sé fáa geta. Hann hefur líka minna
egó en margur kvikmyndagerðar-
maðurinn. Hann er allur í félags-
málum og að vinna fyrir fagið.“
Margir halda að vinna framleið-
andans sé þannig að þeir dvelji á
tökustað þær vikur sem myndin
er tekin og svo búið. „Þannig er
það hinsvegar alls ekki. Þetta er
bæði mikil forvinna, oft margra
ára, við að finna fjármagn og svo
eftirvinna. Finna þarf söluaðila til
að selja myndina áfram og þetta
er í raun sjaldnast búið. Myndin
fylgir manni alla tíð.“
Ástarsenur úr ´79 af stöðinni
Einungis nokkrir dagar eru eftir af
tökum á Mömmu Gógó, í júní, til að
ná fegurð landsins. „Við stefnum
að því að frumsýna í septem ber,
allra helst á afmælisdegi móður
Friðriks, 8. september. Við sjáum
hvernig það mun ganga. Myndin
er jú byggð á hans eigin reynslu
þegar móðir hans greindist með
alzheimer-sjúkdóminn.“ Helstu
leikarar eru Kristbjörg Kjeld,
Hilmir Snær Guðnason og Gunnar
Eyjólfsson en Kristbjörg og Gunn-
ar rifja upp gamla takta í ástar-
mótleik og notaðar verða gamlar
ástarsenur úr ´79 af stöðinni. „Við
notum þær til að sýna þau þar sem
þau rifja upp þegar þau voru ung.
Myndirnar tvær kallast þannig
skemmtilega á sem kemur ótrú-
lega fallega út.“
Friðrik Þór stjórnar sjónvarps-
þáttaröð
Guðrún Edda rekur eigið fram-
leiðslufyrirtæki, Duo, sem var eitt
af framleiðslufyrirtækjum Sveita-
brúðkaups. Á borðinu eru einnig
verkefni sem tengjast fjölskyldu
hennar en hún er að framleiða
dansstuttmynd með móður sinni
og á döfinni er að gera teiknimynd
með bróðurnum, Sigurði Orra, sem
útskrifaðist úr Listaháskólanum
fyrir þremur árum síðan. Í janúar
stofnuðu hún og Friðrik Þór svo
fyrirtækið Hughrif (Spellbound
Productions). Undir þeirra væng
eru þrjár kvikmyndir í bígerð og
sjónvarpsþáttasería. Ein af þeim
myndum er Stormur sem Óskar
Jónasson leikstýrir og byggð er á
bók Einars Kárasonar. „Myndin
hefur þessa undirliggjandi kímni
og kaldhæðni sem hentar Óskari
mjög vel. Hún fjallar svolítið um
baráttu menningarinnar við mark-
aðsöflin. Sjónvarpsþáttunum mun
Friðrik Þór svo sjálfur leikstýra en
þeir eru byggðir á bók Árna Þór-
arinssonar; Tíma nornarinnar.“
Guðrún Edda segir að sjónvarps-
stöðvar erlendis séu strax farnar
að sýna þáttunum áhuga en þau
vonast til að geta tekið upp þætt-
ina í lok árs. „Það er svona svolít-
ið film noir-stemning í þáttunum
og auðvitað mjög gaman að vinna
með svona góðan krimma, sem
var einmitt tilnefndur til íslensku
bókmenntaverðlaunanna og hefur
verið seldur til tólf landa og fengið
frábæra dóma erlendis.“
Heimildarmyndahátíð í haust
Og verkefnin eru ekki alveg upp-
talin því Guðrún er framkvæmda-
stjóri Nordisk Panorama heimilda-
myndahátíðarinnar sem haldin
verður í fjórða skipti hér á landi
í september en hátíðin á tuttugu
ára sögu. „Eftir hrunið er auðvit-
að mjög erfitt að finna fjármagn
en við ætlum að taka íslenska
háttinn á þetta og reyna að halda
flotta hátíð sem þarf ekki að kosta
mikið. Ég hef fulla trú á að það tak-
ist. Ég er með frábæran meðstjórn-
anda, Þóru Gunnarsdóttir, og við
ætlum að gera þetta á skapandi og
skemmtilegan hátt.“ Að lokum er
ekki úr vegi að spyrja hvernig það
sé að vera kona í kvikmyndaheim-
inum? “Við lendum oft í því að vera
í einhvers konar stuðningshlut-
verki þar. Kannski er það móður-
eðlið í okkur. Ég er hinsvegar ekki
í þannig stöðu sem framleiðandi.
En ég veit ekki afhverju hlutunum
hættir til að þróast í þá átt – getur
verið að við séum ekki með jafn
stór egó og karlmennirnir oft? Jú,
ætli það ekki bara.“
➜ GUÐRÚN EDDA Í HNOTSKURN
Draumabók til að kvikmynda?
Erfitt að segja en Grettis saga kemur
fyrst upp í hugann. Grettir er svo
mikil andhetja og heillandi.
Eftirlætis kvikmyndin fyrr og
síðar? Ein kvikmynd hefur alltaf
setið í mér og heitir In the Mood
for Love eftir Kar Wai Wong.
Hvað veitir þér innblástur? Það
veitir mér innblástur að fara út
á land og upplifa náttúruna og
víddirnar í fegurðinni. Abstrakt
danssýning er mér líka mikill inn-
blástur Og góð bók, að sjálfsögðu
og áhugavert fólk. Myndlist og
tónlist heillar mig líka alltaf.
Eftirlætis íslenska kvikmyndin
sem hingað til hefur verið fram-
leidd? Börn náttúrunnar. Hún er
svo frábært lítið listaverk.
Draumaleikarinn? Steve Buscemi
er alltaf brilljant.
Kynntu þér úrræðin
Starfsfólk Kaupþings aðstoðar þig við allt sem tengist fjármálum heimilisins og breyttum
aðstæðum og leitar hentugra úrræða fyrir þig.
Kynntu þér málin á www.kaupthing.is, hafðu samband í síma 444-7000
eða komdu við í næsta útibúi Kaupþings.
ÍS
L
E
N
S
K
A
S
IA
.I
S
K
A
U
4
45
39
0
1/
09
Fjármálaráðgjöf fyrir þig
• Heimilisbókhald • Stöðumat • Netdreifing/útgjaldadreifing
• Úrræði í greiðsluerfiðleikum • Sparnaðarleiðir • Lífeyris- og tryggingamál