Fréttablaðið - 02.05.2009, Síða 28

28 2. maí 2009 LAUGARDAGUR
I
nnan veiðigeirans er talað
um Vestfirði sem par-
adís skotveiðimannsins.
Blaðamaður Fréttablaðs-
ins ákvað að láta á þetta
reyna og lagði land undir
fót ásamt veiðifélögum sínum.
Stefnt var á Suðureyri við Súg-
andafjörð. Með sjálfvirka hagla-
byssu í farangrinum. Hugmyndin
var að skjóta svartfugl og reyna
sig við sjóstöng. Það gaf góða von
að leiðsögumaður er goðsögn í
veiðimennskunni. Sjálfur Róbert
Schmidt – fæddur Súgfirðingur.
Og það verður að segjast að hann
stóð undir væntingum og vel það.
Leiðangursmenn hittu á fyrir-
taks veður og á flugvellinum á
Ísafirði tók Róbert á móti hópn-
um, keyrði með hann um Vest-
fjarðagöngin. Um leið og hann
sagði sposkur að göngin væru
ein „dýrasta flóttaleið landsins,“
fræddi hann farþega sína um að
þar hefðu fundist öflugar vatns-
lindir sem sköffuðu Ísfirðingum
neysluvatn. Þeir máttu áður búa
við vatn sem máfarnir gerðu sér
að leik að skíta í. Svo var beygt
til hægri og í Súgandafjörð. Ekki
er nema tuttugu mínútna akstur
á Suðureyri. Fjörðurinn skartaði
sínu fegursta. Þarna ólst Róbert
upp og varð snemma heltekinn af
veiðum af kajak. Hann komst að
því að komast mátti í dauðafæri
við sjófugl þannig. Sautján ára
var hann farinn að róa um fjörð-
inn öllum stundum og veiða fugl.
Róbert gantaðist með að heima-
menn fullyrtu að fuglalíf þar hefði
braggast mjög eftir að hann flutti
af staðnum. En fólk ætti ekki að
hafa áhyggjur af hóflegum veið-
um. Nóg er af sjófugli, hann er í
milljónavís – og herramanns matur.
Róbert starfar hjá fyrirtækinu
Hvíldarkletti, eða fisherman.is,
og ber þann mikla titil sjóstanga-
veiðileiðsögumaður. Hvíldarklett-
ur rekur hótelið og veitingastaðinn
Talisman sem dregur nafn sitt af
þilskipi frá Akureyri sem strand-
aði utan fjarðar árið 1922.
Svartfugl bætist við
sjóstangveiðina
Meðal annars vegna krónu-
ómyndar innar búast margir við
sprengju í ferðalögum innan-
lands. En þó fagurgali um ferða-
þjónustu sé mikill þá eru sorg-
lega fáir tilbúnir að taka á móti
ferðamönnum eða hafa hugsað til
þess að eitthvað þurfi við að vera.
Þetta á ekki við um Súgfirðinga.
Af miklum myndarskap hefur
Hvíldar klettur komið upp glæsi-
legri aðstöðu til sjóstangveiða.
Sérsmíðaðir bátar, 22 talsins,
sem hver um sig kostar hátt í níu
milljónir hafa verið keyptir. Um
þá þarf að smíða hús og þá ekki
síður ferðamennina sem væntan-
legir eru. Á undanförnum árum
hafa komið um tvö þúsund þýsk-
ir sjóstangveiðimenn til Suður-
eyrar. Þeir fyrstu eru væntanlegir
um miðjan maí og er þegar búið að
bóka um 1.800 þýska gesti. „Júní
og júlí eru nokkuð þétt bókaðir,“
segir Róbert. „Síðustu viðskipta-
vinir okkar fara síðan í september
en þá fer þeim verulega fækkandi
enda langt liðið á haustið og dag-
inn tekið að stytta og allra veðra
von með haustlægðum.“
En þýsku ferðamennirnir voru
ekki hinum vonglöðu veiðimönn-
um efst í huga þegar þeir vöknuðu
fyrir allar aldir næsta dag. Með
í för voru Dúi Landmark kvik-
myndagerðarmaður og Magða-
lena Einarsdóttir. Dúi er þaulvan-
ur veiðimaður og hefur starfað um
heim allan við gerð veiðimynda –
einkum í Frakklandi. Hann var
mættur til að gera kynningar-
myndband fyrir Hvíldarklett.
Menn skálmuðu niður á kæja með
tæki og vistir. Dúi og Lena fóru
með Guðmundi Svavarssyni á bát
en Guðmundur er faðir Elíasar
sem er framkvæmdastjóri Hvíldar-
kletts sem gerir út 11 báta frá
Suðureyri og 11 frá Flateyri. Þeir
Hvíldarklettsmenn hafa áhuga á
að lengja ferðamannatímabilið og
bjóða upp á ferðir á svartfugl en
tímabilinu lýkur 10. maí. Aðeins
kostar tuttugu þúsund að leigja
bát yfir daginn en við bætist olía,
gisting og leiðsögumaður ef vill.
Stórsnjallir og nískir þýskir
veiðimenn
Siglt var út spegilsléttan Súganda-
fjörð. Og voru menn ekki komnir
nema rétt út í fjarðarmynnið þegar
fyrstu fuglarnir tóku að birtast.
Við stýrið var sjálfur veiðimaður
Íslands, Róbert Schmidt, og það
verður að segjast eins og er að
á stundum heyrðust hlátrasköll
inni í káetunni þegar veiðimenn-
irnir voru að hitta illa. „Til ham-
ingju,“ heyrðist þegar búið var að
plaffa fimm skotum á einn fugl þá
loks hann féll. En við tók tíu tíma
veiðitúr og af báðum bátum voru
heimtur um tvö hundruð fugl-
ar sem telst ágætt. „Við veiddum
svartfuglinn grunnt út af Skálvík,
Deildinni og Galtarvita sem og við
Aðalvíkina. Aflinn var blandaður
álku og langvíu,” segir Róbert. Svo
ákafir voru skotveiðimennirnir að
lítið var reynt við sjóstangveiðina.
Og það er einmitt það sem dreg-
ur þýsku veiðimennina alla leið
til Suðureyrar. Róbert ber þýsku
veiðimönnunum vel söguna – þó
aðsjálni þeirra sé við brugðið.
Þeir koma með allan kost til lands-
ins, jafnvel bjór og stundum lykta
föggur þeirra af bjórsvækju eftir
að einhver dósin hefur sprungið.
En Róbert segir þá algera snill-
inga þegar sjóstöngin er ann-
ars vegar. Og mættu íslenskir
veiðimenn margt af þeim læra.
„Eins og flestir vita sem fylgj-
ast með sjóstangaveiði hérlend-
is, þá er aðalmarkmið erlendra
Svartur sjór af fugli við Suðureyri
Metnaðarfull uppbygging í ferðamannaþjónustu er á Suðureyri við Súgandafjörð. Fyrirtækið Hvíldarklettur hefur fjárfest fyrir
hundruð milljóna í 22 sérsmíðuðum bátum og gistiaðstöðu, en von er á hátt í tvö þúsund þýskum ferðamönnum sem mæta
gagngert til að fara á sjóstöng. Jakob Bjarnar Grétarsson fór vestur og hitti þar fyrir veiðimann Íslands – sjálfan Róbert Schmidt.
RÓBERT MUNDAR BYSSUNA Á tíma komust bátverjar í fluglínu við svartfuglinn og þá sýndi meistaraskyttan Róbert úr hverju hann er gerður og tók eina fjóra eða fimm fugla á
flugi. Þetta er við Aðalvík. FRÉTTABLAÐIÐ/ATLI
DÚI FILMAR Dúi Landmark er þaulvanur veiðimaður auk þess að hafa gert fjölda
veiðimynda. Hann var á staðnum og filmaði við kjöraðstæður.
KAPTEINN GUÐMUNDUR SVAVARSSON
Hefur lagt gjörva hönd á uppbyggingar-
starfið á Suðureyri og í mörg horn að
líta. Sonur hans, Elías, er framkvæmda-
stjóri fyrirtækisins en Guðmundur er
maðurinn á vettvangi.
STÍMT YFIR DJÚPIÐ Nokkuð gaf á bátinn þegar stímt var yfir Djúpið en þegar í Aðalvík
var komið reyndist gott skjól frá fjöllunum.
MEISTARASKYTTAN REYNDIST MEISTARAKOKKUR Stór hluti veiðimennskunnar er að kunna
að njóta bráðarinnar og að kvöldi dags var efnt til meiriháttar villibráðarveislu á Talisman a la
Róbert Schmidt.
LYSTAUKI:
Beykireyktur lundi með hind-
berjasósu, hunangsmelónu
og ferskum rifsberjum.
FORRÉTTUR:
Heitreyktur dílaskarfur á
salatblaði með sætri sojasósu,
ferskum bláberjum og ristuð-
um furuhnetum.
MILLIRÉTTUR:
Beikonvafin stórlúða = Á spjóti
í Mango Chutney marineringu
með papriku og rauðlauk.
AÐALRÉTTUR:
Léttsteiktar langvíubringur
með villisveppasósu,
sykurgljáðum kartöflum
og steiktu grænmeti.
EFTIRRÉTTUR:
Kaffi og koníak.
MATSEÐILL A LA RÓBERT Á TALISMAN