Fréttablaðið - 02.05.2009, Page 36

KARLAKÓR REYKJAVÍKUR er á tónleika-
ferðalagi á Norðurlandi þessa helgi. Í dag syngur
hann á tónleikum í Blönduóskirkju klukkan 16. Á
efnisskránni eru fyrst og fremst þekkt íslensk lög.
Í maímánuði verður vorinu fagnað
á Hornafirði með hátíðinni Vorið í
ríki Vatnajökuls. „Við viljum vekja
athygli á öllum þeim góðu hlutum
sem eru að gerast í ferðaþjónust-
unni, menningunni og matvæla-
framleiðslunni,“ segir Rósa Björk
Halldórsdóttir framkvæmdastjóri
í ríki Vatnajökuls.
„Við munum vekja athygli á
okkur með ýmsum hætti þennan
mánuð bæði með auglýsingum og
uppákomum,“ segir Rósa en núna
um helgina verður svokallað fugla-
festival á Höfn á Hornafirði og á
Djúpavogi. „Þar verður hægt að
fá leiðsögn á klukkutíma fresti um
Einarslund og Ósland,“ segir Rósa,
en Hornfirðingar fagna nú einnig
því að humarvertíðin er byrjuð.
Einhverja helgi í maí er svo
ætlunin að gera matvælum frá
Héraði góð skil að Smyrlabjörg-
um í Suðursveit. „Matvælafram-
leiðsla er nokkur hér fyrir aust-
an og margir smáframleiðendur
sem framleiða matvæli í matvæla-
smiðju Matís sem er hér á Horna-
firði,“ segir Rósa og bætir við að í
pípunum sé að markaðssetja þess-
ar matvörur undir einu vörumerki
í framtíðinni.
Ferðamenn setja sitt mark
á sveitarfélagið. „Ferðir upp á
jökul eru löngu hafnar og hingað
hrannast ferðamenn á leið sinni
á Hvannadalshnúk,“ segir Rósa.
Öflug afþreyingarfyrirtæki er að
finna í ríki Vatnajökuls sem skipu-
leggja ferðir upp á jökul í jökla-
göngu, vélsleðaferðir og göngu-
skíðaferðir.
Seinna í mánuðinum er ætlunin
að ná ísjaka úr Jökulsárlóni sem
ísskurðarsnillingur á að skera út í.
Mikið frost hefur verið hingað til í
lóninu en um leið og losnar um jak-
ana verður ráðist í það verkefni.
„Svo eru siglingarnar byrjaðar í
Jökulsárlóni og þar getur fólk séð
mikið lífríki,“ segir Rósa en fyrir
utan ríkt fuglalíf er fjöldi sela í
lóninu sem orðnir eru vanir ferða-
mönnum og því ótrúlega spakir.
„Þá eru hér hreindýr um allt og
vert að vara ökumenn við þeim,“
segir Rósa en hátíðinni líkur
fyrstu helgina í júní með opnun á
Papasýningu í Þórbergssetri og á
Djúpavogi. solveig@frettabladid.is
Vorið í ríki Vatnajökuls
Ríki Vatnajökuls fagnar vorkomunni með ýmsum hætti í maímánuði. Núna um helgina verður fugla-
festival á Höfn á Hornafirði og á Djúpavogi þar sem boðið er upp á leiðsögn á klukkutíma fresti.
Selir eru í hundraðatali á Jökulsárlóni. Hér eru tveir spakir selir á litlum jaka, en
siglingar á lóninu eru hafnar. MYND/RUNÓLFUR HAUKSSON
Dagur myndlistar er haldinn
hátíðlegur í dag og af því tilefni
ætla listamenn um víðan völl að
opna vinnustofur sínar.
„Við myndlistarmenn höfum á
tilfinningunni að myndlistin sé
svolítið falin. Ekki eru til mikl-
ar hagtölur um myndlist, fram-
lag myndlistarmanna og annað.
Þetta er nokkuð stór grein og vax-
andi en er einhvern veginn svo-
lítið ósýnileg þó svo myndir séu
að vísu út um allt og sýnilegar,“
segir Áslaug Thorlacius mynd-
listarkona og heldur áfram: „Með
Degi myndlistarinnar viljum við
vekja athygli á myndlistinni á
jákvæðan hátt og bjóða fólki að
heimsækja vinnustofur mynd-
listarmanna, en alltaf er ákveðin
forvitni fyrir því að koma inn á
vinnustofur.“
Dagur myndlistar er árviss við-
burður, haldinn fyrsta laugardag
í maí, en þá opna myndlistarmenn
vítt og breitt um landið vinnustof-
ur sínar fyrir gestum og gang-
andi. „Að þessu sinni verður opið
hús milli klukkan 13 og 16 í dag
á fjölmörgum vinnustofum vítt
og breitt um landið. Til dæmis í
Reykjavík, Kópavogi og Hafnar-
firði, á Ísafirði, Skagaströnd,
Akureyri og í Freyjulundi við
Eyjafjörð, á Egilsstöðum, Seyðis-
firði og í Hruna,“ segir Áslaug
áhugasöm. Dagur myndlistar-
innar er skipulagður af Sambandi
íslenskra myndlistarmanna (SÍM)
en á vefsíðu þeirra, www.sim.is,
gefur að líta ítarlegri dagskrá.
hrefna@frettabladid.is
Listamenn bjóða
gesti velkomna
Áslaug Thorlacius kennir smíði í Melaskóla og er það því oft hennar vinnustofa.
Myndlistarmenn vítt og breitt um landið ætla að opna vinnustofur sínar fyrir gestum
og gangandi í dag. FRÉTTABLAÐIÐ/VALLI
Klæðskerameistarinn Diuedonne frá Lomé í Tógó opnar í dag búð og saumaverk-
stæði á Skólavörðustíg 22. Búðin verður aðeins opin á föstudögum og laugardög-
um í maí eða eftir samkomulagi í síma 659-7515. Í búðinni verða til sölu vörur í
fatamerkinu TOGO TO GO. Fötin hafa verið til sölu hér á landi um nokkra hríð og
hafa hettujakkarnir verið töluvert vinsælir.
Koma klæðskerameistarans tengist samtökunum Sóley & félagar en þau
standa fyrir söfnunarátaki í maímánuði til styrktar barnaheimili nunnunnar Victo
í Tógó. Þess má geta að forsögu fatamerkisins TOGO TO GO má rekja til þess
þegar Sóley & félagar keyptu nokkrar saumavélar og tóku þannig þátt í að stofna
saumaverkstæði í samstarfi við Victo. Dieudonne frá Lomé hefur keyrt til Victo
tvisvar í viku til að sauma með tveimur mönnum sem Victo kostaði til klæðskera-
náms á sínum tíma.
Klæðskeri frá Tógó opnar búð í bænum
KLÆÐSKERINN DIUEDONNE FRÁ LOMÉ Í TÓGÓ ER KOMINN HINGAÐ TIL LANDS TIL AÐ
SAUMA LITRÍK FÖT UNDIR FATAMERKINU TOGO TO GO.
Fötin frá TOGO TO GO eru litrík og
falleg.
NÝ
SEN
DIN
G
Áður 19.900
Nú 9.900
Stærðir 10-24
2 týpur
Litur: svart