Skinfaxi - 01.07.1969, Blaðsíða 13

fólk til starfa á þessum vettvangi. Hjá
HSK hafa færri komizt með í slíkar
ferðir en viljað hafa fara, og svo hygg
ég að sé víðar. I þessar ferðir hefur far-
ið fólk á öllum aldri, og það er ánægju-
legt að sjá, hve slíkur hópur getur ver-
ið samstilltur til átaka, þegar á hólm-
inn er komið.
Líta má á starfsemina til þessa á
þessum vettvangi, sem einskonar til-
rauna- eða byrjunarframkvæmdir, sem
þó hafa að mínum dómi og margra ann-
arra tekizt mjög vel. Gagnsemin er ekki
einasta í því fólgin að græða sár fóst-
urjarðarinnar, heldur er líka mikilvæg-
ur sá þáttur, er að fólkinu sjálfu snýr.
Pátt er ungu fólki hollara en bein snert
ing við móður náttúru á þennan hátt.
Að vera í glaðværum samstilltum hópi,
sem gengur ákveðinn til starfa og leika
eftir því sem við á í það og það skiptið.
Forráðamenn slíkra ferða verða að
sjá til þess, að starfið verði sem leik-
ur og að allir leggi sig fram óskiptir. Ef
gist er á fjöllum, sem ég tel æskilegt, er
ekkert sjálfsagðara en slá upp kvöld-
vöku með leikjum og söng. Það gerir
ferðina ánægjulegri og eftirminnilegri
og fleiri vilja fara með næst.
Nota þarf tækni og vélarafl, þar sem
því verður við komið. Víða er hægt að
nota dráttarvélar með kastdreifara, en
mannshöndin fyllir svo upp í eyðurnar
þar sem vélinni verður ekki við kom-
ið.
Eg hygg, að af hálfu ungmennafélag-
anna sé ekkert því til fyrirstöðu að
auka þessa starfsemi að miklum mun,
en það útheimtir að sjálfsögðu allmikla
skipulagningu og fyrirgreiðslu af hálfu
Landgræðslunnar. Einnig er sjálfsagt,
að landgræðslunefndirnar heima í hér-
uðunum séu með í ráðum. Þá er ég
þess fullviss, að ýmis önnur félagasam-
tök séu reiðubúin til að leggja fram
krafta sína, eins og Lionsmenn raunar
gera, og ég hef þegar getið.
Prófessor Sigurður Þórarinsson
minnti hér í gær í lok erindis síns á þá
staðreynd, að við Islendingar værum
lausir við herskyldu og útgjöld til her-
varna. Einmitt þessvegna ættum við að
standa betur að vígi í baráttu okkar við
gróðureyðinguna.
Að fimm árum liðnum minnast Is-
lendingar 1100 ára afmælis Islands-
byggðar. Væri á annan hátt betur hægt
að minnast 11 alda búsetu í landinu en
með því að gera stórt átak í gróður-
verndar- og landgræðslumálum; reyna
að greiða að nokkru skuld þjóðarinnar
við landið.
Forfeður okkar urðu að berjast harðri
baráttu, svo þeir mættu lífi halda. Við
nútímamenn höfum yfir að ráða þekk-
ingu og tækni, sem gerir margt mögu-
legt, er áður var óframkvæmanlegt.
Annað er ekki sæmandi en að beitt sé
tiltækum ráðum til að stöðva gróður-
eyðinguna og græða gömul sár á ný.
Og hér þurfa allir að leggja fram lið
sinni sitt beint eða óbeint. Þetta er
ekki einkamál neinna einstaklinga eða
stofnana. Þetta er mál allrar þjóðar-
innar. Jóhannes Sigmundsson.
SKINFAXI
13