Skinfaxi - 01.07.1969, Blaðsíða 16
Austur-Iíúnavatnssýslu er ég búinn að
starfa í fimm ár. Verð ég að viðurkenna
að þessu verkefni hef ég ekki getað
gert þau skil sem skyldi. Starfssvið
ungmennafélaga er mikið og næstum ó-
tæmandi, og tel ég það vera einna
mesta styrk þeirra samtaka, að verk-
efni eru allsstaðar fyrir þá, er vilja
starfa öðrum til góðs án þess að mæla
allt í klukkustundum eða í krónum.
Ef við lítum á helstu verkefni eða
viðfangsefni USAH síðustu árin, má
skipta starfinu í tvo flokka, fjáröflun
og félagsstarf. Fjármunir eru undir-
staða allra framkvæmda. Þótt mikið sé
lagt af mörkum í sjálfboðavinnu, verð-
ur aldrei komist hjá miklum kostnaði
við hin ýmsu félagsstörf. Helztu tekju-
stofnar Sambandsins eru Húnavakan,
fræðslu- og skemmtivika Húnvetninga.
Hún var í vetur haldin í tuttugasta
skiptið, og hefur ávallt verið skipu-
lögð og framkvæmd af sambandinu.
Ungmennasambandið hefur frá byrjun
haft alla dansleiki Vökunnar á sínum
vegum og oft haft dagskrár einnig
sjálft. Nú um nokkur ár hefur Hús-
bændavaka verið fastur liður á dag-
skrá Húnavöku. Þessi dagskrárþáttur,
sem Ungmennasambandið hefur séð um
hefur mælst mjög vel fyrir og verið vel
sóttur. Nettótekjur Ungmennasam-
bandsins hin síðustu ár af Húnvöku
hafa verið frá 70—90 þús kr. Almenna
dansleiki hefur Sambandið oft reynt
utan Húnavöku, en heldur hefur það
verið óviss tekjulind, og stundum snú-
ist á verri hliðina. Sýslusjóður Húna-
vatnssýslu hefur sýnt Sambandinu mik
inn skilning og hefur styrkt það í starfi
með föstu fjárframlagi, sem undanfar-
andi ár hefur numið 50 þús. kr. Þetta
éru aðal tekjustofnar okkar, en reynd-
ar eru nokkrar minni upphæðir árlega.
Ég hef oft haft gaman af, þegar ver-
ið er að raða dagskráratriðum á Húna-
vöku. Þá eru kannski 5—8 aðilar, sem
vilja fá sama sýningartíma sama dag-
inn. Getur það orðið mikil gestaþraut
að samræma öll þessi sjónarmið. — I
svona tilfellum reynir allmikið á Sam-
bandsformann, yfirsýn hans og úrræði.
Hefur þetta ávallt leystst vel.
Helztu starfsþættir Ungmennasam-
bandsins eru: Iþróttir, frjálsar- starfs-
og knattspyrna. Bókaútgáfa, ritið Húna
vaka, sem komið hefur út einu sinni á
ári sl. átta ár. Flytur rit þetta margs
konar fróðleik úr héraði auk fjölda
greina, frásagna og ritgerða eftir hún-
vetnska hugvitsmenn. Skák er mikið
stunduð hér, spurningakeppni o. fl-
— Á sambandið ykkar ekki aðild
að félagsheimilinu á Blönduósi?
— Þegar hafizt var handa um bygg-
ingu á Félagsheimilinu á Blönduósi,
gerðist Ungmennasambandið eignar-
aðili aðþví með 9% eignarhluta heima-
manna. Þetta hefur reynzt Samband-
inu erfiður hjalli að klífa, og enn er
eftir að greiða 6—800 þús kr. af hlut
þess. Byggingarkostnaður er nú vart
undir 14 millj. kr. og er húsið þó ekki
fullgert. Má benda á hvílík vandræði
eru því fylgjandi fyrir félagslíf og fé-
lagsskap dreifbýlisins, hve greiðslur
Félagsheimilasjóðs erp litlar til hinna
ýmsu félagsheimila. Þær gera vart
meir en standa undir vöxtum af sinni
eigin skuld, svo að styrkur ríkisins a
þessar framkvæmdir verður raunveru-
lega að greiðast heimanað.
— Mig minnir að ég hafi heyrt þín
getið í sambandi við músikk og söng.
Er það ekki rétt?
16
SKINFAXI